ليبيا غالية ،،، وما تعرفني إلا بالغااااااااااالي~~~~ تفضلوا

[*أم أنس*]

السلام عليكن ورحمة الله
كيف حالكم وشن أخباركم نحس في التجمع امكسد ؟لما كنت انتابع فيكم قبل ما انسجل ف المنتدى وتبدو ما تهدرزوش عندي حاجة ناقصة , شكلي آدمنت بهدرزتكم ,بالرغم اني مش هدرازة هلبة هههههههههه ,الله يعينكم ويكون في عونكم عرفتكم كل واحد ومشاغله وصغاره

[dr.loly]

ماشاء الله عليك ,سلم ايدياتك شكلك طباخة متميزة يافرحة راجلك بيك

تسلمي أم أنس كلك ذووووق...
ومعليش ع كساد التجمع

فعلا كان هداريز وجو

لدرجة بعد يطق 100 يسكر

وكم تجمع ف تجمع سكرنا

لكن يمكن ظروف البنات هالايام

اثري عادة تخش ف الليل والخط تعبان عندها

وهديه الخالق ربي يكون ف عونها وحمها صعب جدا

وشموسه كيف جايبه وربي يفرج ع عرب بنغازي
الوضع بروحه ملخبط عندهم يابال النت ونفسيه فتره لي فاتت

جيجي يمكن تكون سافرت والله اعلم شن صار معها

اوشي غياب والعيال كملوووو امتحانااااات

سوسو كانت مسافره تونس
ام معاد معش تخش واجد هي وام ورد بالك منشغله ب ورداتها

فيفي ولاده مازلت سنه اولس امومه عقبالك يارب




حسيت روحي نبرر في غياب جو ولي الامر هههه


اموووله اختفااااااااااااااء من مده

[dr.loly]

بالنسبه ليا نا تالفه جدا هالايام زوجي كمل طبعا من اول سته

وكثرن مشاويرنا وداعايات ههه


كل مره مسافرين مدن قريبه ..ونورح تعبانه وتالفه
وماعندي هذك الجهدهههه

حتي موضوع رمضان موسوعه الحصري
لان عطيت كلمه ف الاداره ع فعاليات رمضاااان

جهزتهن ع نقال ونزلتهن ف موضوع

[*أم أنس*]

تسلمي أم أنس كلك ذووووق...
ومعليش ع كساد التجمع

فعلا كان هداريز وجو

لدرجة بعد يطق 100 يسكر

وكم تجمع ف تجمع سكرنا

لكن يمكن ظروف البنات هالايام

اثري عادة تخش ف الليل والخط تعبان عندها

وهديه الخالق ربي يكون ف عونها وحمها صعب جدا

وشموسه كيف جايبه وربي يفرج ع عرب بنغازي
الوضع بروحه ملخبط عندهم يابال النت ونفسيه فتره لي فاتت

جيجي يمكن تكون سافرت والله اعلم شن صار معها

اوشي غياب والعيال كملوووو امتحانااااات

سوسو كانت مسافره تونس
ام معاد معش تخش واجد هي وام ورد بالك منشغله ب ورداتها

فيفي ولاده مازلت سنه اولس امومه عقبالك يارب




حسيت روحي نبرر في غياب جو ولي الامر هههه


اموووله اختفااااااااااااااء من مده
********************
السلام عليك ورحمة الله
تسلمي ياأم فراس كيف حال صغيورتك وأؤبيّهم
ربي يعاونكم ,لا لا عادي ياأم فراس المهم ايكونوا بخير

[*أم أنس*]

إن شاء الله ربي يوفقكم , وتهدأ البلاد وتروحو بالسلامه
فعلا حلوة تغيير الجو , مادامك برأ تمتعي بالفسحات لأن لما تروحي لليبيا تبدأ عندك زي الحلم كأنك مسافرتيش طبعا هذا في اعتقادي هههههه مرات صح مرات خطأ

[*أم أنس*]

أني قداش خاطرني نغير جو , والله في بلادنا مناطق حلوة غير الوضع توا مايطمنش , تعرفي بدؤ المجرمين يسرقوا ف السيارات وف النهاروأمام الناس وما في حد يتحرك من الناس
إن شاء الله ربي يحفظنا

[شموسه 88]

السلام عليكم ورحمة الله وبركاته

[شموسه 88]

عدنا مره اخرى اول شي كيف حالك كلكم ياارب اتكونوا بالف خيير ياررب هني لبلاد طبعا ماكنتش في حوشي زوجي كان امسافر ونا كنت في بيت هلي بس انتابع في اخباركم من تلفون

[شموسه 88]

ام انس
شرفتي اوانورتي بين اوخياااتك وباذن لله حيكون تجمعنا وجهه خييير عليك ونفرحوا بخبر حملك
انعرفك ابنفسي ام شمس من بنغازي متزوجه من خمس سنوات عند بنوتين واوليد شمس او عبدالسلام او نورر الحلوه عمرها 23 يوم موليد 88 خريجه كليه العلوم قسم رياضيات اواي حاجه تبي تعرفيها ادلللي مادريش غيبه هههههههههه

[شموسه 88]

ام فرروسه

شن اخبارك واكيد توه حال تحضيرات لرجووع لوطن ربي يوصلك طيييبين ربي ايهدي وضع لبلاد امتا موعد العووده بلظبط

[شموسه 88]

فيفي

الف اف مبرروك البنوته ربي يفرحك بيها وهيا احكيلنا اكششن ولادتك الفضول يقتلني هههههههههه بلرغم اصعب عذاب لبكريه هييا لخياطه ربي يعاونك عليهم

[شموسه 88]

السﻻم عليكم مباااارك عزيزيت شموسة والف الحمد لله علي السﻻمة
الف الحمد لله علي السﻻمة فيفي والحمد لله جاتك الوﻻدة ساهلة ربي يحفظهالك بنيتك وتونسك في غربتك
الله يبارك فيك ام ابووني تسلمي وربي يخليك زوجك واصغاارك

السلام عليكم ورحمة الله وبركاته

صباح الخير كيف حالكم جمييييييييعا ليكم وحححححححححححححححححححححححشة


امووووااااااااااااه إستاحشتكم هلبة هلبة ياغاليات ,.
وعليكم السلام ورحمة الله وبركاته انستي ونورتي سوسو الحلوه شنو جو الرحله وان شالله انسجمتي حتى انتي وحشتيني اكثر
الســــــــــــــــــــلام عليكن ورحمة الله وبركاتـــــــــــــــــــــــــه

حيا الله ليبياتنا الغاليات

شمووووووووووووسة ،،،،
ملايين حمدا لله ع سلامتك
والبيت نوّر بمقدم نور الأنوار ~~~~
الله يحفظك ويباركلك في ذريتك ،،،،،
يا فرحة شموسة بخيتها !!!
بس ردي بالك من البطل عبسي !!!
الله ايسلمك اثوووره صحيتي عل الكلمات الحلوه
شموسه عايشه دوور الاخت الكبيره وتبي اتعيش دووور الام تبي اتغير لبنوته وترضعها وتبي اتديرلها كل حاجه اندير لها
بلنسه لعبسي ربي ايعاوني عليه دايره مية عين عليه لان يصيد في ابسط فرصه مش يبد الهجووم عل البنوته ربي يسسسترنا ان شالله

[شموسه 88]

دوودوه كيف حالك او حال الحلوه سمو وشن وضعك مع الحمل ربي ايساعدك ان شالله وحم فتره واتعدي حوالي تطلعي من الحوش بما توه الجو عندكم صييف علاشان اتغيري حتى نفسيتك
ربي يكمل ويتمم حملك عل خيير

[شموسه 88]

اوشي
باهي غيرتي جووو وشفتي حوش هلك وادهورتي هههه والاسمرار مش مشكله ديري زباادي تو ايحول
كيف حال المجرمه رررورو او باقي الكاتكييت

[شموسه 88]

جيجي او جنووده اموله اوايه او خوله اوام نووزه
اختفاااء ان شالله المانع خييير

[شموسه 88]

طايرات فووق راسي ايحومن ربي يسستر ويفرج عل بلادي

[شموسه 88]

نمشي انديير غداي نبي ا ندايره شرربه او بيتزا ههههههه خفيف او سرريع

[*أم أنس*]

[quote=شموسه 88;3787915]ام انس
شرفتي اوانورتي بين اوخياااتك وباذن لله حيكون تجمعنا وجهه خييير عليك ونفرحوا بخبر حملك
انعرفك ابنفسي ام شمس من بنغازي متزوجه من خمس سنوات عند بنوتين واوليد شمس او عبدالسلام او نورر الحلوه عمرها 23 يوم موليد 88 خريجه كليه العلوم قسم رياضيات اواي حاجه تبي تعرفيها ادلللي مادريش غيبه هههههههههه[/quote
**********************
وعليكي السلام
أولا الحمد الله علي سلامتكم وثانيا مبارك عليك البنوتة ان شاء الله تكون من الصالحات الحافظات لكتاب الله
وربي يحفظلك السنافر حتى أني متخرجة من قسم الرياضيات
الله يسمع منك وانتن زي وخياتي ربي يحفظكن

[*أم أنس*]

ماشاء الله عليها شموسة اللي عايشة الدور وعبسي اللي يبي يبين عضلاته من توا علي وخيته ههههه الله اسلمه ويحفظه

[fefe93]

قصة ولادتي
انا موعدي كان مفروض يوم الخميس بس ماكنش في اي علامه ادل علي الولاده و يوم الجمعة نفس شي
يوم السبت ساعه 6 الصبح جاني وجع بس كان محتمل و يعدين وله ايزيد قلت شكلها ولاده وراجلي جنبي ايقلي هيا نوضي نمشو انا قتله لا مزال و ساعه 8 معاش اتحملت و لقيت دم فقلت لراجلي هيا نوض شكلي بنجيب بدلن وخديت صاكويا انا و بنتي ومشيت و اول ماوصلت دارولي جهاز لنبض بيبي و يعدها بنص ساعه كشفت عليا القته 3 سم و قتلي مزال الولاده و رفعتني للغرفه متعي (اخدينا غرفه عائليه انا و راجلي وبنتي باش بعد الولاده يبات معاي راجلي و ناهد راحتي ) وله الم كل شويه يزيد و انا معاش نتحمل اعطوني مسكن بس مادار شي و مع ساعه 10 و نص رفعوني لقسم الولاده رفعوني لغرفه متع جهاز النبض و كشفت عليا القاته 9 سم قالتلي خلاص قريب و هدا كله طبعا مع الدموع و عياط ههههههههههه وراجلي مسكين جنبي مش عارف شن اديرلي ايقلي هانت خلاص و في الولاده كنت نضغط و ماشيه الامور مع كل وجع بس الجهاز اعطي انه نبض البيبي وله ينخفض و جت دكتوره تانيه و ولت تضغط علي بطني من فوق و انا نضغط وكنت خايفه بنتي يصرلها حاجه و طبعا راجلي بجنبي و يهدي فيا و بعدها الحمد الله جت بنوتي روان ساعه 12 و 51
وهادي قصه و لادتي

[fefe93]

السﻻم عليكم مباااارك عزيزيت شموسة والف الحمد لله علي السﻻمة
الف الحمد لله علي السﻻمة فيفي والحمد لله جاتك الوﻻدة ساهلة ربي يحفظهالك بنيتك وتونسك في غربتك

الله يبارك فيك ام معاد

[fefe93]

الله يبارك فيكم جميعا لكل من باركلي

[fefe93]

ام انس
نورتي المنتدي و ان شاء الله التجمع يكون خير عليك و نسمعوا خبر حملك قريبا

[أثري في مدادي]

السلام عليكم ورحمة الله وبركاته

[أثري في مدادي]

حمدا لله على سلامتكــــــــــــــــــــــــــــــ سوسو
وينك مختفية !!!
هذا على أساس بينشط التجمع !!!


أم فروسيـــــــــــ
مش عادي موقفك وانت تبرري
وتعتذري
بجديات ولي أمر
لكمشة بنات تنبلات !!!!

شمووووووووووووووووسة
مراحب
طمنينا على بنغازي الغااااااااااااااااااااااااااااااالية ~~~


في في
أخيرا وصلت قصة الولادة
صار زوجك حضر تفاصيل الولادة !!!
بعد التجربة
تنصحي بيها حكاية حضور الزوج لولادتك !!!

أم أنوس
متحشمين معاك
جيتينا
واحني اختفيناااااااااااااااااا
حنعاود ننسخ
رد أم فروسي
ما عندي ما نقول غير هالكلام !!!

[أثري في مدادي]

باقي البنات الحبيبات
والله شغلتوناااااااااااااااااااااا عليكم ؟؟؟

[أثري في مدادي]

شن برامجكم بخصوص رمضان الخيــــــــــــــــــــــــــر ؟؟؟
سواء
التجهيزات
المطبخية والبيتية
أو
التعبدية وهي الأهم
كبرامج للتطبيق ~~~

[dr.loly]

ام فرروسه

شن اخبارك واكيد توه حال تحضيرات لرجووع لوطن ربي يوصلك طيييبين ربي ايهدي وضع لبلاد امتا موعد العووده بلظبط

مرحبا شموووسه شخبارك واخبار الحلوووين
الموعد بالضبط بالك اليوم تبااااان
والله قيدونا وتعبولنا نفسيتناااا\



جيرانا يوم 17 جاهم

ونحن يارب اليوم

كان هضا را سافرنا لندن لي قعدت حسوووفه
وخلاص من كثر ما نأجلو لين معش صار منها


عدت كلها ف مدن القريبه منا سفرات واسكتلندا والشمال بصفه عامع

ويستر الله


لان جواز زوجي يطيح يوم 19

[dr.loly]

ام انس فعلا صدقتي
كله حيقعد ذكري وزي الحلم

نا توا تافه م دهوره

اختي قالتلي اجعنها تلفتي ههههه\\
وفعلا ياما فيها بلادنا

نا من عشاق سياحه ف ليبيا

وجبلنا الاخضر بطوله ومناطقه تشهد ع ذلك


نحن توا مانبوش الا الامان

وفعلا شفت مقطعين سرقه سياره ف ليبيا بسلاح

وقدام نااااس ف شارع معبي

ولا حد يحرك ساكن وربي يصلح الحاااال

[dr.loly]

شن برامجكم بخصوص رمضان الخيــــــــــــــــــــــــــر ؟؟؟
سواء
التجهيزات
المطبخية والبيتية
أو
التعبدية وهي الأهم
كبرامج للتطبيق ~~~

اهلا اثوره
شخبارك واخبار الحلوين

نا لتوا ملخبطه اثوره

ترويحه وناس بتجي تسلم وشقه خايطه
وتبي لمسات واجد

وصناديق عرم يراجن يبن ترتيب وووو


ويستر الله

[*أم أنس*]

ام انس
نورتي المنتدي و ان شاء الله التجمع يكون خير عليك و نسمعوا خبر حملك قريبا
*************
تسلمي يافيفي . شوفتي هدية رورو زعمنيتا نبيش نبارك وإيديا فاضيات hwaml53شن جوك مع رورو أكيد شعورأمومة لأول مرة حلو زعما هادية ولا لا

[*أم أنس*]

ولا يهمك ياأثري حتى أني عاذرتكم, بسسسسسسسسسسسسسسس
مطولوش الغيبة يا حبوبات ولــا انوريــــــــــــــــــــــــــــــــــكم العين الحمرة+_+





راهو انبصر هذا اللي ناقص وحدة لها يومين وبتوري فلاحتها هههههههههههههه

[*أم أنس*]

إن شاء الله ربي يسهل وييسر أمركم ورجوعكم وتروحو بالسلامة
والمفروض الناس تقدركم لما تروحو لازم من فترة راحة باش الواحد يبدا يلها في روحه

ان شاء ربي ايعاونكم

[*أم أنس*]

شن برامجكم بخصوص رمضان الخيــــــــــــــــــــــــــر ؟؟؟
سواء
التجهيزات
المطبخية والبيتية
أو
التعبدية وهي الأهم
كبرامج للتطبيق ~~~
****************
إن شاء الله يوووووصل علي خير ويعينا ربي على صيامه وقيامه يارب
والله لما نقعد نستنى فيه عندي خير و أحسن لأن لما يتم الشهر عندي الجو ابصر كيف خديت علي جو رمضان لأن لما كنت في حوش أهلي الجو مش عادي بالرغم فيه تعب
أما عن التجهيزات المطبخية والبيتية شبه مش ناقصني شي
لأن بصراحة لما انطيب مانكثرش هلبة لأن hwaml9راجلي ايقولي ديري حاجة وحدة سادةهما علي نفرييييييييييييييييين
أما لقراءة القرآن فمقسما وقتي نبدأ نقرا بعد الظهر وقبل صلاة الفجر
إن شاء الله ربي يتقبل منا

[*أم أنس*]

توا بنوض بنطيب غداي جي في خاطري عيش(بازين) باللحم الدجاج انودكم بيه
ولا أنتـــــــــــــــــــــــــــــــــــــــــــــــ ــــــــــــم من جماعة اللي ماياكلوش في البازينhwaml03


توا سلامات

[شموسه 88]

السلام عليكم ورحمة الله وبركاته

[شموسه 88]

ام انوس صحه غداكي لا لا مش من عشاق البازين وماعمريش درته ولا نعرف انديره لان حتى زوجي ماعنداش عليه انا درت غداي رز بلتقليه او براك حسيت روحي طولت ونا انطيب فيه برنامجي متلخبط مع البنوته والهبل عبسي ربي يستر في رمضان شكلي حنحط البنوته امعايا في المطبخ

[شموسه 88]

شن برامجكم بخصوص رمضان الخيــــــــــــــــــــــــــر ؟؟؟
سواء
التجهيزات
المطبخية والبيتية
أو
التعبدية وهي الأهم
كبرامج للتطبيق ~~~

كيف حالك اثري الموضوع هظا امس انا اوزوجي كان حديثنا انا كل سنه نفطر مع حووش عمي "اهل داري " بس السنه هذي قررنا نفطوا في حوشنا لان السنه لي فاتت صااارن مواقف مع سلفاتي او بعض الاحراجات بلنسبه لتجهزات المطبخ ان شالله تمام نبي بس عجانه كهربائيه او حفاظات بلاستيك والبيت ناقصتني كم حاجه بس ان شالله بعد رمضان لان نبي اندير لماات لحلوه نور جهزنا قائمه بلمواد الغّذائيه كل مره نذكره حاجه نمشي نكتبها ان الايام الجايه نمشوا انجيبوهن
بلنسبه تجهيزات التعبديه
السنوات لي فاتن كنت الحمد لله نختم في القران مرتين كنت نقراه في القران بعد الظهر لعند العصر او بعد الفجر لعند شروق الشمس وحمد لله محافظه عل قيام الليل وصلاه التجهد بس زوجي امس اقترح عليا انا نحفظوه عل اقل صفححتين او ثلاثه يعني انا انسمع عليه او هو ايسمع عليه بس مازال ما رتبش برنامج كيف ايككون
اللهم بلغنا رمضان لا فاقدين ولا مفقودين

[شموسه 88]

ام فرروسه
ان شالله فيها خيير ويسخرلك الحال
فعلا حتحسي ان برنامجك تلخبط اول ايام من الناس لي ايجووكي وتنظيف وتفريغ الشناطي اكبر ماساه بلنسبه ليا ربي ايساعدك ان شالله

[شموسه 88]

بلنسبه لتلفزون مستحيل انفووت برنامج خوااطر "لاحمد الشيقيري"

[شموسه 88]

زوجي واخذ شموسه او عبسي شايلهم لشاليه عيت عمي حمد لله راحه اشويا منهم

[sosolibya]

مساااااااااااء البسبوسة


https://fbcdn-sphotos-a-a.akamaihd.net/hphotos-ak-xpa1/t1.0-9/10352612_259684334239880_1011236891523194354_n.jpg


كيف حالكم

[sosolibya]

أم أنس صحة غدااك ..

واليوم نحنا كان غدانا بازين لأن نتغدو عند إمتعيني أنا وسلفتي كل جمعة وباقي ألأيام كل واحد بروحه واليوم جت حتى حماتي يللي كانت في العمرة,,


أثووورة خلااااااص معاش نعاود الغياب ههههههههه كيف حالكم..

شموووسة لاتعقدي روحك لاشىء مادام بنتك صغيرة وجديدة يللي اديريه باهي ,,

وأكيد خليها جنبك وين ماتمشي لكن ردي بالك في الكوجينة من الحاجات الموجودة,, الخطرة نقصد ,

وربي يعاونك..

[اوشي]

السلام عليكم ورحمة الله وبركاته

[اوشي]

كيف حال الجميع بدون استثناء .. نفرة نفرة

اعذروني حبايبي عالغياب الله غالب من جيت من طبرق وانا في زيارات واجب وعائلية

مع اني قبل مانمشي قطعت فيهن مشوار وقلت بيش نتريح بعد ما انجي


القيت كم مناسبة دايرينها وعازميني وانا مش قاعدة فاضطريت اني نمشي ومازال مشوارين او ثلاثة

[اوشي]

فيفي ..

الحمد لله عالسلامة ياحبيبة ومبروك عليك روان الحلوة ربي يحفظها ويفرحك

بيها في اخلاقها ودينها وعلمها

[اوشي]

ام انس ..

انستينا ونورتي التجمع وربي يفرحك ويرزقك علي قد نيتك

معك اوشي ..

من مدينة شحات معلمة خريجة كلية العلوم تخصص احياء عامة

متزوجة من 14 سنة عندي حشى عويناتك 5 عيال بنتين و3 اولاد

[اوشي]

فروسة ربي يفرجها عليكم قريب وتوصلو لبيانا الحبيبة وانتو طيبين

[اوشي]

اما عن تجهيزاتي لشهر رمضان ..

امجهزة نفسي معنويا وننتظر فيه بفارغ الصبر اللهم بلغنا اياه لا فاقدين ولا مفقودين

انا ولله الحمد قيام الليل حتى من غير رمضان بس اللي نبي نزيده ان شاء الله كان وعينا بدري

صلاااااااااااة الضحى ..والصدقة

وطبعا ربي يقدرني علي ختم القران 3 مرات

اما البيت ولله الحمد والمنة الله يبارك كل شي قاعد وبالزايد مش هنشري شي

حتى البهارات واخذتهم من مدة من درنة كان خذيت ناخذ الكسترد بسسسسسسسسسسس



وفيـــــــــــــــــــــــــــــــــــــــــــــــ ــــــــــــه شــــــــــــــــــــــــــــــــــــــي

بنديره





































































































































































قعدة بيت عرب في الحاجر امتاع الكوجينة كان صار منه من مدة واحنا ندورو في روقات بيش نبنبو بيهن البيت

كان صار منه توة انصور الكن القعدة ونزلها

[اوشي]

تة تصبحن علي خير

[sosolibya]

صباااح الخير ياحلوين ,,

حلوووووووة اللقطة أوشي ,, خااااطري فيها ,, بس أنت ليش إخترتي االمطبخ ليش مش في الجنان مثلا ,,

أنا مطبخي صغيييييييير

والحق نبي نلصقله مخزن ,, ليا فترة نفكر في الموضوع ,.

[dr.loly]

بارك الله فيكن خواتي الغاليات ام ناس وأوشي شموسه حبيت نقولكن ان تذاكر جنا ع بكره جنا امس العشيه بعد اتصالات زوجي وجابوله رقم لي يخدم ف تيكيت وقاله واتيات من اسبوع كان. لكن يلا نحن من منطقه شرقية نحن وعائله اخري من شرق جنا بعد حرق وانتظار عكس لي معانا من طرابلس جنا من عشر ايام واستفاد ونظمو أمورهم ان شاء الله ربي يهدي ليبين قعدنا ماساه ًعنصريه وجهويه عموما كل عام وأنتم بخير وادعولي ربي يسرلنا الرحله الليلة ثلاته ساعه نعدو مطار عشان إجراءات تفتيش ووزن شنط تطلع ساعه سته وان شاء الله سبعه نكونو ف مطار هيثرو لندن ترانزيت بعدها ع خطوط بريطانيه ساعه تسعه الا ربع واحد ونص ننزلو ارض الوطن وعاصمتنا الغاليه استودعكن الله الذي لا تضيع ودائعه

[ام معاد]

ام فراس ان شاء الله ربي يهدي وخﻻص والله صعبة هكي فجاءة.ان شاء الله تكون رحلتكم ممتعة ومش متعبة وتشرفوا ليبيا وانتم بخير

[sosolibya]

صباااح الخير والسعادة عالجميع يااارب..

هيا فروسة نستنو فيك تقوليلنا صباح الخير من أرض الوطن ,,

الحمد لله على سلامتكم عزيزتي الغالية .

تتذكري لما قلتينا صباح الخير من بريطانيا أول مرة,

سبحان الله الدنيا تجري..

[sosolibya]

حركة خفيفة وبسيطة تغنيك عن صالونات التجميل.. (http://forum.hwaml.com/t296839.html)

[dr.loly]

مساء الخير من عروس بحرررنا
الحمدلله وصلنا امس لأرض الرطن ساعه ١٢ وجدا متعبين كنا وربي يسرلنا رحلة العودة الثانيه مازلت ماتحددت عن طريق مطار الأبرق او شركة زوجي ع حقل نفطي راس لان وف او خليج سرت يقربونا يعني بنات طرابلس كنه جو حموووو واو فررسي امس داب ف تاكسي وربي يكون ف عونكم ع بنزينه امس شفت الطابور يفجع وصاحب تاكسي خد٧٥ استغلال ع اساس يتعب ع بنزينه اه وينك يا بريطانيا ههه تاكسي ب عداد مش ب استغلال ناس. وفندق باب البحر ليله ب٤٠٠ سيبنا هَ ب١٨٠ههه شكله بلد اوفرت واجد ولا مستغلين الوضع

[أثري في مدادي]

السلام عليــــــــــــــــــــــــكم
ورحمة الله
وبركاتــــــــــــــــــــــــــــــــــــــــــه

هلا بالحلوات ،،،

سوسو
مساء البسبوسة والقشطـــــــــــــــــــة يا عسل ~~~

أوشي ،،،
نورت الحتة ،،،،،،،،،،،،،،،،

إممممممممممم حلوة الفكرة ،،، إبداااااااااااع!!!!!
لو نقترحها على زوجي
حيعشقهاااااااااااااااااااا
قداش يموووووووووووت على التراث
رحى
قنديل والفنار
المذياع متاع الاسطوانات
وحاجات ،،،، خربش واجد ــــ ^^ـــــ

ربي يوفقك ،،، وبانتظار الصور ،،،
وأما
المشاريع التعبدية
حلو هلبة ،،، وياريت تحطي بجنبك كتاب تفسير
لما تتلي القرآن
وترجعي للتفسير
كل ما جت قدامك آية وتمنيت تعرفي معناها ،،،،

والضحى ،،،،،،، مشروع رائع تغني عن صدقة 360 مفصل ،،،،
وممكن
تربحي
لو تقدري تقاومي تقعدي من الفجر غلى طلوع الشمس
وقت الغنيمة
وتوزيع الرزاق
وحلول البركة
وتصلي ركعتين
وتخشي تغمي رااااااااااااااااااااااسكــــــــ


أم فروووووووووووووسي
مرااااااااااااااااحب
آه
عليك حشومة
تلقيناك بالزحمة
والشوااااااااااااااء المالي !!!!!

بالنسبة للزحمة هذوا متلقطين يرحبوا بفراس وألولي الحلوين ~~~~""" ناس راقية """

وأما الغلالالالالالالالاء الفاحش
75 أجرة تاكسي !!!!!!!!!!!!!!!!!!!!!!!!!!!!!
400 يوم وليلة !!!!!!!!!!!!!!!!!!!!!!!!!!

أكيد إنتو غلطتوا وما جيتوش ليبيا ^^

ربي يسهل وخلاص ~~~

[أثري في مدادي]

الله يعيــــــــــــــــــــــــن ،،،،،،،،،،،،،

ففروا إلى الله

لا حل جذري لما نحن فيه
إلا
بالعودة لشرعنا
وتعاليم ديننا
بالشكل الصحيح
مش ،،،،،،،،
بتشويه أنصار الشر !!!!!!!!!!!!!!!!!!!!

[أثري في مدادي]

شموســــــــــــــــــــــــة

عجبني ،،، هلبة هلبة
مشروع التعاون إنت وأبو شموسة ،،،
لحفظ سور من كتاب الله
مش عادي

ياريت نقدر ندير حاجة زي هكي ~~~^^~~~

ألفة ومودة وتنافس وأجر وثواب وقدوة للأبناء وارتباط بكتاب الله ونفع الحفظ والانتفاع به

موفقة ياااااااااااااااااااااارب

[أثري في مدادي]

مقترحاتي
بالإضافة
إلى تعهد النوافل من ضحى ورواتب للصلاة المفروضة
وتلاوة قرآن مرفقة بالتفسير ما امكن
التراويح بالبيت ،،، ولما نلقى ن يشد بنتي
نصليها في الجامع ~~~

عزمت على مراجعة النصف الثاني من القرآن وتثبيته ما أمكن ~~~

وربي يهل للجميع

[sosolibya]

السلام عليكم ورحمة الله وبركاته,,

مساااااااء الخير والمحبة

كيف حالكم ..

ألف ألف ألف الحمد لله على السلامة عزيزتي الغالية فروووووووسة

وعودا مباركا لأرض الوطن يارب,, وترجعوا سالمين لحوشكم ياااارب,,

خلينا من النو والأسعار حطيها على جنب ,, شن شعورك بدخول ليبيا ..

أنا فارقتها إسبوع لتونس ورجعت بحنننن شديد وشوق لايوصف. ومهما كانت سخونة أو مزعجة من ناحية البنزينة ,, المهم كان عندي إننا في ليبيا

لأن حتى إحنا خشينا ونلقو الشيلات مسكراااااات مهناش بنزين أصلا حاالة

وتخيلو من لما خشينا البوابة أو زلطن هكي بدت تأشر وقالي راجلي مستحيييل توصلنا للحوش وقعدنا نمشوووو وخايفينها توقف في أي لحظة

في ألأخير وقفت في فم الحوازة بالزبط هههههههههه الحمد لله إنسترنا ,,

وأهلي سيارتهم من الزاوية بدت إدخنننن رجعنا خدينا ماما وخوتي وخلينا بابا بيجيه خوي بالسيارة حالة جووو خخخخخخ

لكن مهما كان في يلادك مستورة وتقدري إديري أي حل..

[sosolibya]

أعشقك ياليبيا بالرغم من أي عيب فيك ,,

[*أم أنس*]

السلام عليكن ورحمة الله
كيف حالـــــــــــــــــــكن

[*أم أنس*]

ام انس ..

انستينا ونورتي التجمع وربي يفرحك ويرزقك علي قد نيتك

معك اوشي ..

من مدينة شحات معلمة خريجة كلية العلوم تخصص احياء عامة

متزوجة من 14 سنة عندي حشى عويناتك 5 عيال بنتين و3 اولاد
*****************
الله ايسلمك يا اوشي
حاشاك من السؤ, ربي يحفظهم ويعينك علي تربيتهم ويكونوا في اعلى المراتب

[*أم أنس*]

الحمد لله على السلامة يا أم فراس
إن شاء الله تكونوا بخير

[*أم أنس*]

كيف حاللك ياسوسو
والله كلامك صح

[sosolibya]

صبااااح الخير ..

كيف حالك يا أم أنوسة

وطبعا نحنا هنا الجمييييييع مدايريلنهم إختصاااار ..

ولهذا إسمك الجديد من اليوم نووسة

[sosolibya]

زورو هالموضوع عزيزاتي

زيارة الحامل للطبيب.. (http://forum.hwaml.com/t294217.html)

[أثري في مدادي]

الســــــــــــــــــــــلام عليكم

سوسو ،،،،،،،،،
صار مشية تونس زادت من مستوى الوطنية عندك !!!!

الله يهني البلاد
وييسر أمرها

[أثري في مدادي]

سئل الشيخ بن باز رحمه الله ، في شرحه على كشف الشبهات:
ما حكم من قال في دعائه: يا حبيبي يريد الله.., وقول: يا مسهِّل, وقول: يا هادي, يا دليل؟
ج- ما فيها شيء, هو أحب حبيب سبحانه وتعالى.
لكن ادعوه باسمائه: ياالله يا رحمن, لأن الله يقول: ((وَلِلّهِ الأَسْمَاء الْحُسْنَى فَادْعُوهُ بِهَا)) ما قال: ادعوني بحبيبي, ادعوني بأسمائي وصفاتي, يالله يا رحمن يا ربي, يا ذا الجلال والإكرام, وإن كان هو أحب حبيب, لكن يدعى بصفاته التي بينها سبحانه وتعالى.))ا.هــ كلامه رحمه الله.

[أثري في مدادي]

قيل: دخل لص (على مالك بن دينار) فما وجد مايأخذ، فناداه مالك:
لم تجد شيئا من الدنيا، اترغب في شيء من الاخرة؟
قال: نعم، قال: توضأ، وصل ركعتين، ففعل تم جلس و خرج الى المسجد، فسئل من ذا؟ قال: جاء ليسرق فسرقناه.
_______________
سير اعلام (5\٣٦٣).

[أثري في مدادي]

بُــــــــــــــــــــــــشرى لأهالي الزاويــــــــــــــــــــــــــــــــــــة

السلام عليكم ورحمة الله وبركاته :
حياكم الله تعالى أيها المسلمون الموحدون وعلى انتشار الخير في بلاد الله حريصون و به تسعدون ،
فمن منطلق ذلك نبشركم بارك الله فيكم أنه قد تم بإذن الله تعالى افتتاح فرع جديد لمدرسة نور الاستقامة السلفية الليبية في مدينة الزاوية الليبية ، ومازال الخير سيتوالى إن شاء الله تعالى ،
والمكان سلمكم الله :
بمحلة عمر بن عبد العزيز بجوار مسجد عمر بن عبد العزيز
ثم شكرا موصولا للقائمين على هذا الخير فجزاهم الله خيرا ومتعهم بنعمة الصحة والعافية في طاعته جل وعلا ،
فاللهم بارك اللهم بارك ، والحمد لله الذي بنعمته تتم الصالحات ، ونسأله جل وعلا أن يعم هذا الخير في بقاع ليبيا والعالم أجمع ، و أن يزيدنا من فضله .
فوالله إنها لنعمة عظيمة أيها العباد ، فالحمد لله الحمد لله ، فاشكروا الله تعالى يزدكم ،
ولأية استفسارات أيها الأفاضل فعلى صفحة مدرسة نور الاستقامة الليبية السلفية سلمكم الله تعالى وهذا رابطها :
www.facebook.com/pages/مدرسة-الاستقامة/285458624831240

[أثري في مدادي]

إحدى صديقاتي ،،،،،،،،،،،،،
كتبت هذه الخاطــــــــــــــــــــرة ،،،،

لـيــت الـكـواكـب تــدنــوا لــي فـأنـظـمـهـا `*`
عــقـود مـــدح فـلا أرضـى لـكـم كـلـم
إلى الذي أحبه، وأدعو الله أن يديم وجوده في حياتي ويحفظه، ويطيل في عمره على طاعته.
إلى الغالي ‫#‏أبي‬.

~~~~~~~~~~~~~~~~~~~~~~~~~~~~

هطلت الدموع من عيناي ،،،،،،،،،، لا لشيء إلا لأنني تذكرت """"" باتــــــــــــــــِي الغالــــــــــــــــي"""""
فكتبت لها ،،،،،،،،

تنعمـــــــــــــي

بُـــــــــــــنيتهُ ،،،،،،،،،،،

واستنشقي عبير صحبته ....
واملأي عينــــــــــــاكـِ من إشراقته ...
اغتنمي ،،،،
الفرص ؛ لمحادثته
وعبـــــــــــري ؛ وبقوة عن مكانتــــــــــــــــه

فوالـــــــــــــــــــــدي
بالرغم من وجود ........ زوجي وأبنائي
إلا أنني في شوق دائـــــــــــــــــــم له !!!!!
والدي
واراه التــــــــــــــــــــــــــــراب
منذ سنين مضت !!!!
ولكن
توجيهه
وتعبيره
وتوبيخه
وعطفه
وحنانه
محفور في قلبـــــــــــــــــــــ أملكه
اللهم اغفر له وارحمه وأسكنه الفردوس الأعلى
برحمتك وجودك وكرمك
يارب
~~~~~~~~~~~~~~~

[أثري في مدادي]

سؤال:
كيف تقضي المرأة المسلمة شهر رمضان؟
الجواب:
تقضي المرأة المسلمة شهر رمضان كأي مسلمة تؤمن بالله وتغتنم مواسم الخيرات في طاعة الله والتقرب إليه، وتعتبر شهر رمضان فرصة العمر، فتشغله بما يليق به من تعظيم واحترام وصلاة وصيام وذكر لله مقتدية بنساء الصحابة وما يفعلنه في هذا الشهر من خلال قراءتها لسيرتهن رضي الله عنهن.
المنتقى من فتاوى الشيخ الفوزان - حفظه الله - (5/137).

[أثري في مدادي]

خلالالالالالالالالالالالالاص
نبي اناااااااااااااااااااااااام

السلام عليكم

[اوشي]

السلام عليكم ورحمة الله وبركاته

[اوشي]

فروسة الحمد لله عالسلامة وانستينا



ونورت ليبيا كلها بقدومك يالغالية



تنفسي شوية وبرمي علينا وديري طلة

[اوشي]

كيف حالكن خواتي الطيبات الغاليات عليا واااااااااااجد


جيجي يابنات راحت بكل هي وجنودة

[اوشي]

سوسو

انا ياحبيبة الجنان اللي عندي بسيط وفي مقدم الحوش يعني قريب عالمربوعة

وعندي الكوجينة فيها حاجر كبير قريب 10 * 10 وجاهز بميته وحوضه ويحل فيه باب

وشبك الكوجينة وبعدها نهايته ممر ممكن 15 متر واكثر في الطول وعرضه 3 يوصل

لباب يفتح عالشارع الرئيسي يعني نسكر الحوش ونخليه لاستقبل الضيو بسسس

وه1ي قعدة خاصة لنا نحنا واحبابنا ...



بس ان شاء الله يسير منها لحد الان ماصارش منها لان سلفي ربي يشفيه

طلع مسحور اللهم احفظنا جميعا وراجلي بما انه هو الكبير هو اللي شاقي بيه

بحكم ان عمي كبير ومريض حتى هو ربي يشفيه

[اوشي]

اثورة ..

بارك الله فيك ياحبيبة نصائحك مفيدة خطرتي عليا التفسير

طبعا الحمد لله انا قبل مانرقد قرى في قران وانا في السرير

كنت من قبل نقعد نعمش عي ضي جايني من الصالة بس بعدها حملت

عالتلفون امتاعي قران ايهبل بتفسيره بمعاني الكلمات حتى لما تبي تطلعي

يحفظلك لعند اي اية واي صفحة طبيتي


بس اكيد لا غنى عن المصحف الشريف ... لو تشوفي امتاعي تضحكي علي منظره

متبهدل عالاخر بس انا متمسكة برغم انه عندي مصاحف جديدة الا ان هذا المصحف

يشدني له وبقوة ويبعث في نفسي الفخر والاعتزاز لاني اوصلته لهذا الشكل من كثر

استعمالي له ومسكي له ... طبعا العيال الصعار زمان عصومي ومرة دارتا فيا روى

[اوشي]

وتواسمحن الجهاز قعد يشير خليني نشحنه قبل

ماينقطع الضي

[أثري في مدادي]

الســـــــــــــــــــــلام عليكن ورحمة الله وبركاتــــــــــــــــــــــه

الله أكـــــــــــــــــــــــــــــــــبر
التجمع ناااااااااااااااااااااااااااااايم
بجديات !!!!!!!!!!!!!!!!!!!!!!!!!!

[أثري في مدادي]

شغلتوني
ياااااااااااااااابنات !!!!!!!!!!!!!!

أني مغطســـــــــــــــــــــــة
طلعات في جرة بعضها
ع الأساس بنكملوا قبل رمضان ،،،،،،،،،،،لكن !!!!!!!!!
ما اعتقدش ؟؟؟؟؟؟؟

[ام معاد]

السﻻم عليكم

[ام معاد]

كيف حالكم كللللكم

[ام معاد]

بنات عيون زوجي والدها توفي .نسال الله له الرحمة والمغفرة.

[ام معاد]

خيركم امكسدين.اني زوجي كان امساافر هداليش ليا هلبة ماخشيتش

[ام معاد]

وينكم ياااااهو

[هدية الخالق]

السلام عليكم ورحمة الله وبركاته
كيف حالكم اخواتي الغاليات جميعا ( اثري .اوشي.فروسة.شموسة.جنودة.جيجي.سوسو.فيفي.امولة .ام معاد .ام ورد.خولة ) ليكم وحشة كلكم فووووق ماتتصوروا
وكل عام وانتم بألف خيير ورمضان مبارك عليكم كلكم ان شاء الله
وألف مبروك لشموسة وفيفي المولودات الجدد يتربوا في عزكم ان شاء الله والحمد لله علي قومتكم انتم وياهم بالسلامة
وعقبال كل حامل
وعظم الله أجر الأخت عيون ان شاء الله ربي يرحم والدها ويرحمنا إذا صرنا إلي ماصار إليه
سلامي للجميع

[ام معاد]

مبارك عليكم رمضان.ربي يقدرنا علي صيامه وقيامه

[*أم أنس*]

السلام عليكن ورحمة الله وبركاته
مبارك عليكن رمضان إن شاء الله ربي يعينا على صيامه وقيامه
كيف حالكن؟
أكيد توا تجهزوا ف الفطور إن شاء الله بصحة عليكم

[هدية الخالق]

السلام عليكم كيف حالكم اليوم صحة فطوركم وكل عام وانتم بألف خير
احني مازال اربعة ساعات عالفطور الحمد لله مش متعبني الصيام لكن تعبانة من الوقوف والحركة عندي عزومة اليوم وواقفة في المطبخ من العشرة ونص الصبح نطلع فواصل للصلاة ونولي وتوا شبه كملت الحمد لله مازال التشطيبات الاخيرة بس

[خوله 2014]

http://forum.hwaml.com/t298216.html وكل العام وانتم باالللف خير ي بنات وصحة فطوركم ردو علي موضوعي يا بنات باش نتبادلو الاستفادة

[sosolibya]

السلام عليكم ورحمة الله وبركاته ..

كيف حالكم عزيزاتي ..

وشن أخباركم وكيف رمضانكم ..

ليكم وححححححححححححشة ..

[sosolibya]

مرحبااااااااااااااااااا

[sosolibya]

كيف حالكم وييييييييييييييييييييييييينكم