اعراض حمل !!

[beppoo_b]

السلام عليكم
كيفكم يابنات

انا متأخره الدوره علي يوم امس كان موعدها والفجر نزل نقطه بس لونها بني فاتح وعلى بالي بتنزل جلست الين الليل كل شوي امسح ماعد نزل شىء الين اليوم
بس اعراض الدوره كلها عندي الشىء الزايد اللي صار معاي اني احس بألم قوي برجولي استمر يومين الين مكان الجلوس مستمر .. سويت تحليل البيت طلع سالب مدري ..وشوي عندي موعد عن طبيبة النساء ..
تتوقعون هاذي اعراض حمل
يارب اكون حامل ..

يارب يرزقنا جميعا لي وكل من قالت اممممين ❤️❤️

[Madam ali]

ربي يفرح قلبج انشالله حامل

[حياتي توأمي]

الله اعلم حبيبتي

ان شاء الله حامل وتبشرينا

وظمنينا شو قالت لك الدكتورة

موفقه

[beppoo_b]

رحت لطبيبة النساء الحمدلله
قالت كلشىء بالتحاليل تمام
هرمون الحليب وخروج البويضه كان تمام وباقي التحاليل تمام
قالت الحين مايبين شىء عطتني موعد لتحليل الدم بعد اسبوع تقول يمكن حمل بس مايبين الا بعد اسبوع
يااااااااارب يكتب لنا الخير ويرزقني انا وكل وحده منتظره الحمل

[nadasi]

حبيبتي حللي دم أكيد بيبان الحين دام انها متأخرة عليك يومين
وربي يفرح قلبك

[Um Malak]

الله يرزقك بالذريه الصالحه

[سمآيل]

❤️��
حبيبتي مره متفائله لك و الله
ان شاء الله تكوني حامل
و كل اللي يتمنون

[شعاع الأمل]

ممكن مقدمات الدورة وممكن حمل
الله يكتب لك اللي فية خيرة لك
ويرزقك ويرزق كل اخواتي اللي مشتهين الحمل..

[beppoo_b]

نزلت الدوره والحمدلله على كل حال
يارب لاتحرمنا الشهر الجاي

بنات انا الطبيبه صرفت لي حبوب اسمها كولميد Clomid 50 mg
قالت لي استخدمها من ثاني يوم الدوره الى سادس يوم مين جربتها ؟؟

[noujy]

الله يفرحك يا رب