تجمع المتابعات في مستشفى قوى الأمن

[ام الجازي]

السلام عليكم ورحمة اللة وبركاته

اتمنى من المشرفة على القسم التثبيت

اتمنى من المتابعات لمستشفى قوى الأمن الدخول والمشاركة

لكل الحوامل واللي لهم تجارب وولدو في المستشفى

انا سمعت إنهم يحولون لمستشفى اهلي على حسابهم

ابغى كل وحدة قد حملت وراجعت عندهم وولدت بعد
تفيدنا بالعناية والنظافة وطريقة تعاملهم
وكيف الولادة عندهم والخياطة للبكرية
ويعطون الوحدة اذا طلبت ابرة ظهر
المهم كل وحدة ولدت عندهم تكتب بالتفصيل
واتمنى من الله ان يسهل حملنا وولادتنا
اللهم آميييييييين

[مسك الرياض]

شوفي حبيبتي امي جابتني انا واخواني فيه صراحة مدح غير طبيعي نظافة اهتمام بس مشكلتهم اذا كان زحمة يحولونك انتي وحظك انا في بكري راجعت عنده الى التاسع المتابعه حلوة بس لما ولدت مافيه سرير حولوني لليمامة اما الان يحولون لمستشفى اهلي كل شي حلو عندهم اما ابرة الضهر صراحة امي ماجربتها العملية القيصرية امي جربتها شوفي عنايتهم قمة في الاهتمام بس مايقهرك الاالزحمة شوفي مرت حماي فاتح الرحم 4سم وقالو مافيه سرير حولوها على المواساة اول ماوصلت طلع الطفل عندهم يعني اذا رحتيلهم اول ماتحسين بالم روحي على طول علشان لو مافي سرير يمديك تروحين للمستشفىاللي محولينك عليه وان شاء الله تلدين بالسلامة وتبشرينا انك ولدتي فيه

[توفيه الفوشيه]

طيب مافي تحويل لمستشفى الحرس
اتمنى تردون على سؤالي

[الريمية991]

هلا والله فيكم انا اتابع بمستشفى قوى الامن
والحمد لله جبت اربعه ولا قد حولوني الى اي مستشفى
يمكن لان حالتي غير وهي ان اطفال اوزانهم صغيره
بس الحمد لله عنايه حلوه البكر فيه خياطه
اما الباقي لا لان الوزن صغير
والنظافه حلوه والقابلات حبوبات الى الان
وبالنسبه لتحويل يحولون لعدة مستشفيات منها
المواساة وابانمي و الوطني واليمامه والشميسي
اما مستشفى الحرس فلا لانه مستشفى حكومي وممكن تدخلين على حسابك
اقصد بفلوس
والله يهون علينا انشاء الله جميعا 0

[مسك الرياض]

الحرس مايحولون يقولون روحي له انتي طيب ليش انتي متشائمة يمكن تلدين فيه
تصدقين حتى عملية التجميل المهبلي الداخلية فيه بس لازم موافقة الزوج الا اذا زوجك كان غايب ومعطيك توكيل بالتوقيع تقدرين اتسوينها

[بوح المشاعر]

السلاااااااام عليكم
الله يسهل لكم

أنا هذا ثاني حمل لي ربي يهون علي
حملي الاول ولدت بقوى الامن الحمدلله بجد نظافه وعنايه
وكان فيه خياطه
واللحين اتابع عندهم وافكر ألد فيه
طبعا فيه ابرة ظهر وأنا وقعت عليه بس الاستشاري تأخر وسهل الله علي (وكانت اللي ولدتني اسمها نوف الأسمري )
وهي من نصحتني بالابره
ولله الحمد الامور كانت ميسره
وعندي بكره موعد عندهم الله يسر على خير

[ام الجازي]

الله يسعدكم ياربي
من جد كلامكم طمني لإني كنت متخوفة
والحمد الله على كل شي التسهيل من رب العالمين
أنا عندي موعد بكرة الصباح الله يعين
بس اللي يشينهم كنت اراجع عند باكستانية مدري هندية
ماتعطي وجه اذا بغيت اسألها عن شي بس الحمد الله
غيروها راجعت عندها بس 4 مرات
بكرة عندي إشاعة صوتية حبيت اسأل هم يعلمون
جنس الجنين وإلا لا وكيف الأشاعة عندهم زحمة

[مسك الرياض]

لا ياحبيبتي مايعلمون بكرة اذا رحتي شوفي اش مكتؤب على الجدار ليس من حق الاشعة الاخبار بجنس الجنين ويارب تلدين بالسلامة

[بوح المشاعر]

السلام عليكم
كيف حالكم
طبعا رحت لمو عدي اليوم ونصدمت لانهم رجعوني للبكستانيه بغرفه 3 اسمها نبيله
أخلاقه زفت
لانها كانت مسافره برمضان وحطوني عند مصري حبوبه
بس اليوم رجعت بس يالله هانت
المهم كان عندي تحليل سكر وفقر دم
وكنت احس بشوي دوخه عشان كذا طلبت تحليل فقر دم
المهم 00000
سوينا التحليل وعطوني موعد بعد اربع اسابيع يعني باخر الثامن
بكيت من القهر انا عندي دوخه ابغى اعرف من شنو ولما قلت قدمي مو عدي قالت احجزي من التلفووووون
بس الحمدلله زوجي يعرف واحد وقدمه بعد اسبووعين

يالله هانت الله يكفينا شرهم
بس بغيت اسال ليش بعظهم لما يوصلوا الثامن يحولونهم للمستشفى الكبير\
انا ماحولووووني رغم اني بادخل الثامن بعد كم يومممممم

طولت عليكم بس حبيت افيدكم على اللغوصه اللي صارت لي اليوم

[غنوجة زوجها]

بوح المشاعر مايحولون المستشفى الكبير الا الحالات الطارئه يعني توئم او مايل الطفل الحتمال قيصري
يعني اذا وضعك ووضع الجنين كويس ما يحولونك

انا بولدي الاول راجعت لتاسع
وجتني الولاده ورحت لهم وكان الرحم اربع صانتي
وحولوني للمواساة ومن الربكه والخوف وتحويل وخفت اولد بسياره ههههه لا حد يضحك وش دراني خبركم بكر
ما جاني طلق وانخفض ضغطي واغمى علي وبعدين نقص نبض البيبي وسولي قيصري

معاناة

[ماء زير]

انا اراجع في المستشفى قوى الامن ولدت اربع مرات وسقطت مرتين مره في الشهر الخامس

ومره بالرابع ومره سويت عمليه اجهاض

النظافه ممتازه والقابلات مره حنونات انا تخيطت بس بالبكر حلوه خياطتهم

المراجعه عند الدكتورات على حسب انتي وحضك كنت اراجع عند الباكستانيه الي في العيادات

الاوليه اخلاقها زفت واذا قلتي لها اي اعراض تجيك تقول عادي تحسين ان مالها خلق تعالج احد

نوف الاسمري ياحلوها وسماحه وجهها لا وكان فيه فايزه ماطري عسل من حنيتها عليك

بس خساره نقلت والتحويل وقت الولاده على حسب الزحمه انا ماحولوني ولا مره الحمد لله

والتحويل الى المستشفى الكبير على حسب حالتك

والحين عندي موعد في 2/11عند الدكتوره جهان علشان اشوف وش سبب الاسقاط الي يجيني

وان شاء الله القاها مايدخلوني على احد غيرها

واطلع منهم بنتيجه احس انهم عنايتهم تغيرت موزي اول

الله يغنينا عنهم بالعافيه

[ام الجازي]

اليوم راجعت في المستشفى رجعت الدكتورة الباكستانية
الله يعين شكل مالنا اللي هي الحمد الله اهم شي كل شي سليم
والأشعة سويتها ومثل ماقلتو مايعلمون
بنات عندي سؤال :البيبي يرفس اسفل البطن ويألمني
هذا عادي يعني انا خايفة وش السالفة
واليوم جاني الم اسفل الصدر
امي تقول عشان البطن بدأيكبر
اللي عندها خبرة تعلمني
ويعطيكم ألف عافية

[بوح المشاعر]

ماء زير الله يكون بعونك ويكتب لك مكان فيه الخيره
وتطلعي بنتيجه سليمه يااارب

[بوح المشاعر]

ام الجازي
الله يقومك بسلامه
هههههههههه نفس اليوم اللي رحت فيه
وانا ارجع عند البكستانيه نبيله في غرفة 3


طبعا اكيد مايخبرونك بجنس الجنين

عادي الرفس توك باقي لك كثير
وكل ماكبر الجنين تحسي بالم عند صدرك لانه يطلع فوق

الله يحفظ لك جنينك

ويهون على الجميع

[بوح المشاعر]

السلام عليكم\\

[ام الجازي]

يعطيك العافية بوح المشاعر
تعرفين أنا بكرية ماعندي خبرة
ومنكم نستفيد الله يهون علينا ويقومنا بالسلامة

[بوح المشاعر]

السلاام عليكم

مين اللي ولادتها باخر شهر ذي الحجه

[خوخو$]

حلو المستشفى بس المراجعات طول

[بوح المشاعر]

هلا بك خوخو
صحيح أطول بس الحمدلله لأصار وضعك تماام
مو محتاجه تراجعيهم كل اسبوع صحيح منشهر لشهر

لكن اللي حالتها تستدعي المراجعه كل اسبوووع يكون لها موعد

لكن مانقول غير الحمد لله عبلى كل حااااااال

[ديـــم]

السلام عليكم ورحمة الله وبركاته..
كيفكم ياااحلى كروشاات قوى الامنhwaml12..
كيف الحمل معكم..
حبيت اسأل من تعرف اسم الدكتورة اللي غرفتها رقم 6.hwaml10.
وسؤال اخير / يسوون خياطة للولادة الثانيه او لا..

وتسلم يديين اللي حطت الموضوع.hwaml13.

[بوح المشاعر]

هلا بك ديم
وين الغيبه يااااابطه

طيب شو جنسيتها اللي بغرفة 6
اذا هي مصؤيه وحليوه وطيوبه اسمها هالـــــــــــه’’’’

لكن مدري عن سؤالك الثاني

حتى انا محتاره مدري عنهم

[مشــــــــاعر]

السلام عليكم
أنا في حملي الاول كنت اراجع في قوى الامن عند باكستانيه لكن بصراحه مااعرف اذا كان اسمها نبيله..
ولكن ماولدت عندهم كانت ولادتي بالشرقيه عند الماما وولدت قيصري لله الحمد..
والان احاول احدد موعد عشان المتابعه غيروا الرقم الاول وحطوا رقم ثاني يكون بالرد الالي
بادخال رقم الملف ورقم السجل وبعد مايتم حفظ هذه المعلومات,,تقومين بعمل حجز للموعد
لكنهم نصابين انا بعد ماادخلت البيانات فعلا تثبتت المعلومات ولكن كل مااحاول الحجز مايعطيني موعد
ياليت اللي عندها خلفيه تعطيني خبر..
عندي سؤال لو تكرمتوا انا فيني خوف من الولاده الطبيعيه بسبب التنسيم والخياطه
هل صحيح ان هذه المسأله تتم بدون بنج,,حتى لو كانت الولاده في مستوصفات خاصه؟؟<<<وحده خوافه..خخخخ

[بوح المشاعر]

مشااااااعر

هلا بك خيتو
الله يتمم لك
مدري عن الرقم انا عندي 2 برسلهم لك على الخاص وانتي جربي
اخاف اكتب هوون ويكون ممنوع وضع الارقااام

انا اخر مره حجزت موعد لزوجي عندهم وردو

بس مدري يمكن انتي لازم تجددين ملفك اذا لك فتره ماجيتيهم

المهم برسله خاااااص

اما عن الخياطه اذا ولدتي طبيعي
ماتخوف
لانك خلاص لما يطلع الجنين تسلمين لهم نفسك تبغين تخلصين وترتاااااااااحي مره وحده
وكلها كم دقيقه وتخلص الخياطه
ماراح تحسي بالم كثير لانها انتهت طاقتك وقت الدفع
بس ان شاء الله تتيسر اموووورك

[ديـــم]

هلا بك ديم
وين الغيبه يااااابطه

هلابك اكثر..
الحمل ومايسوي رحت لمستوصف اهلي بالقصيم عشان الم بظهري ومنعتني من المشي والدرج والجلوس الكثير قالت لي يمكن الم ظهرك يسبب لك ولادة مبكرة..hwaml03
طيب شو جنسيتها اللي بغرفة 6
اذا هي مصؤيه وحليوه وطيوبه اسمها هالـــــــــــه’’’’


مدري اتوقع اردنيه او سوريه مومتأكدة..
بس اليوم رحت لموعدي وغيرو غرفتي الاولى وحطوني بغرفة رقم 2 ليش ما ادري..
وغير كذا اطلبت مني اسوي تحليل سكر الحمل والله اني خفت مدري ليش تطليه ..hwaml15
طيب تعرفين اسم د/ غرفة رقم 2..

لكن مدري عن سؤالك الثاني

حتى انا محتاره مدري عنهم


والله يااا اني اشتقت للمنتدى..hwaml84

[بوح المشاعر]

ديم
حياك الله وماتشوفي شر
تحليل السكر سويته انا الاسبوع اللي فاااااااااتhwaml03
اطلبته مني
طبعا تروحي المستشفى الكبير
بس احسن لك روحي بدري عشان ماتطوليhwaml4
بقولك الطريقه

لازم من عشره في الليل تصومين عن الاكل الماء عادي اشربي
وماتكوني قبل 12 في الليل اكله شي بذات الحبوب كالسيوم او حديدhwaml02

انا رحت 7 وطلعت 12 طلعت روحي من الزحمه
كانوا الموجودين 121 وحددهhwaml4

المهم تاخذ منك دم وتعطيك المحلول البرتقااالي مثل الميرندا وتشربينهhwaml10
وتجلسي 2ساعتين وبعدها تسوي التحليل الثااااني
طبعا بين التحليلين ماتاكلي شي
بس تشربي مااااااااااءhwaml13

الله يعينك على الجلوس والزحمه والاخلاق النعمه hwaml15

000000000000000
بس ان شاء الله يكون حظك حلوووووووو وتخلصي بدريhwaml17

طبعا مالازم موعد
تروحي للمختبر ويعطيك ورقه ويقولك روحي المستشفى الكبير


وبس الله يهون عليكhwaml7

[بوح المشاعر]

السلاااام عليكم

[ام الجازي]

السلام عليكم ورحمة الله وبركاته..
كيفكم ياااحلى كروشاات قوى الامنhwaml12..
كيف الحمل معكم..
حبيت اسأل من تعرف اسم الدكتورة اللي غرفتها رقم 6.hwaml10.
وسؤال اخير / يسوون خياطة للولادة الثانيه او لا..

وتسلم يديين اللي حطت الموضوع.hwaml13.



أهلين فيك ياديم
انا مااعرف الدكتورات لإني بكرية أعرف بس الباكستانية
اللي أراجع عندها والخياطة إنتي تطلبين منهم
وتسلمين على مرورك ودخولك للموضوع الله يسلم قلبكhwaml7

[مشــــــــاعر]

حبيبتي بوح المشاعر ماقصرتي ورديت عليك في الخاص..
وبالنسبه للخياطه فعلا كلامك منطقي ولكني ليه اسمع عنها كلام يوقف القلب منه..
ويشتكون انهم يحسون بوجع وقت الجراحه وحتى وقت الخياطه..
ماجاوبتيني يعني صحيح المسأله تتم من غير بنج؟؟

[بوح المشاعر]

حبيبتي بوح المشاعر ماقصرتي ورديت عليك في الخاص..
وبالنسبه للخياطه فعلا كلامك منطقي ولكني ليه اسمع عنها كلام يوقف القلب منه..
ويشتكون انهم يحسون بوجع وقت الجراحه وحتى وقت الخياطه..
ماجاوبتيني يعني صحيح المسأله تتم من غير بنج؟؟


هلا بك أختي مشاعر
شوفي ممكن بنج موضعي اذا الحاله تستدعي
يعني التوسيعه تكون كبيره
لكن اذا هي صغيره مايلزم
بس صدقيني ماراح تحسي فيها لانك تعبااانه وجسمك مسترخي على الاخير من الطلق ودفع الجنين

ن شاء الله تتيسر امورنا وتتسهل علينا وان شاء الله مأجورين من الله

[ام الجازي]

بنات كيفكم وين التجمع
لهدرجة كسولات
حبيت استفسر
أنا عندي مراجعة في 19/11
بداية الشهر السابع هم يأخذون تحاليل في هالشهر

[مشــــــــاعر]

غاليتــي//أم الجـــازي
بصراحه ماأتذكر لان حملي كان أول العام..
وحتى لو ماكان فيه ممكن تغير نظامهم..وصار فيه..
بس اتذكر أنهم أخذوا تحاليل في الشهر الثالث..
أتمنى البنات يفيدونك أكثر..

[مشــــــــاعر]

تم اختفاء الكروشااات..
أين أنتن؟؟

[سندرلا]

مرحبا بنات كيفكم حتى انا اراجع عند قوى الامن بس من يوم حملت وان كل مراجعه عند دكتوره وانا بالثامن واخر مره عياده رقم 6 الدكتوره هاله حلوه وطيبه وقالو موعد الولاده 12-12وانا خايفه مره لاني بكريه

[ماء زير]

مرحبا كروشات

بوح المشاعر...ربي يعطيك العافيه على الرد

كان عندي مراجعه امس وطلعت نتائج التحاليل سليمه ولله الحمد وقالت لي دكتوره غرفه 1

في المستشفى الكبير اعتقد انها مصريه اذا ماحملت مأخذ اسبرين لان ماعندي تجلد في الدم

وقلت لها بس انا اسقط والي تسقط تستعمل اسبرين قالت بس انتي ماتحتاجين

من دخلت عليها وانا متشائمه منها حتى ان فيني الم في اسفل البطن والم في الظهر

وكنت ناويه اقول لها تكشف علي بس نسيت لانها اصلا مالها خلق نفسها شينه

هذا ثاني مره ادخل عليها المره الي فاتت تقولي انتي مادري ليه محولينك على استشاري

انتي حالتك مافيها شي قاهرتني

قلت لها اذا انا ماحولوني وانا حالتي كذا اجل من يحولون مات لي جنين في الخامس بسبب

انفصال المشيمه وصار لي حمل من دون جنين ومن قبل نزلت المشيمه في عنق الرحم

تنويم ثلاثه شهور وحمل توأم مات وبقى الثاني والحين مات الثاني

الله يعوضني وكل مسلمه

الحين مستشفى قوى الامن كرهتهم احس انهم مايهتمون زين في المريض

يمكن اغير الى مستشفى اليمامه يمدحونه

[بوح المشاعر]

مرحبا كروشات

بوح المشاعر...ربي يعطيك العافيه على الرد

كان عندي مراجعه امس وطلعت نتائج التحاليل سليمه ولله الحمد وقالت لي دكتوره غرفه 1

في المستشفى الكبير اعتقد انها مصريه اذا ماحملت مأخذ اسبرين لان ماعندي تجلد في الدم

وقلت لها بس انا اسقط والي تسقط تستعمل اسبرين قالت بس انتي ماتحتاجين

من دخلت عليها وانا متشائمه منها حتى ان فيني الم في اسفل البطن والم في الظهر

وكنت ناويه اقول لها تكشف علي بس نسيت لانها اصلا مالها خلق نفسها شينه

هذا ثاني مره ادخل عليها المره الي فاتت تقولي انتي مادري ليه محولينك على استشاري

انتي حالتك مافيها شي قاهرتني

قلت لها اذا انا ماحولوني وانا حالتي كذا اجل من يحولون مات لي جنين في الخامس بسبب

انفصال المشيمه وصار لي حمل من دون جنين ومن قبل نزلت المشيمه في عنق الرحم

تنويم ثلاثه شهور وحمل توأم مات وبقى الثاني والحين مات الثاني

الله يعوضني وكل مسلمه

الحين مستشفى قوى الامن كرهتهم احس انهم مايهتمون زين في المريض

يمكن اغير الى مستشفى اليمامه يمدحونه


ماء زير
الله يعوظك خير
ويمكن في أمرك خيره
لاتنسى حديث الرسول صلى الله عليه وسلم فيما معنى الحديث (كل امر المؤمن خير ان أصابه ضر او أصابه خير00000)
وان شاء الله تتيسر أمورك وترتاحي بالمستشفى اللي فيه خيرا
يالله مالنا غير الرجاء من الله

[بوح المشاعر]

مرحبا بنات كيفكم حتى انا اراجع عند قوى الامن بس من يوم حملت وان كل مراجعه عند دكتوره وانا بالثامن واخر مره عياده رقم 6 الدكتوره هاله حلوه وطيبه وقالو موعد الولاده 12-12وانا خايفه مره لاني بكريه
سندرلا
الله يهون عليك ويتمم على خير
صحيح مره حطوني عندها ارتحت لها بس بالموعد الثاني رجعوني للبكستانيه
نفسها على خشمها كأن المستشفى لأبوها هههههههههههههه
بس الشكوى لله

[بوح المشاعر]

تم اختفاء الكروشااات..
أين أنتن؟؟
هلا بك مشاعر
والله كل وحده مشغوووله بكرشتهااااا
بصراحه انا مره متعبتني الكحه بس زين موعدي بكره ان شاء الله
اخاف احصل حل hwaml10

[بوح المشاعر]

بنات كيفكم وين التجمع
لهدرجة كسولات
حبيت استفسر
أنا عندي مراجعة في 19/11
بداية الشهر السابع هم يأخذون تحاليل في هالشهر


هلا بك ام الجاااازي
كيفك وكيف النونو

انا بصراحه اخذوا تحليل سكر وتحليل فقر دم
بس مدري يمكن مو كل الكروشات بالسابع

[ام الجازي]

يالبى قلبك &بوح المشاعر&
ماشاء الله عليك تبردين القلب
ويعطيك العافيه على ردودك للكروشات
أنا ذا الأيام نفسيتي تعبانة من الحمل ومن زوجي
صدق إني ادخل للمنتدى كل يوم بس موكل مرة
أرد على المواضيع ولكن الحمد الله على كل حال
لا حول ولاقوة إلا بالله

[مشــــــــاعر]

سندريلــلا:الله يسهل عليك ياارب..
موعد ولادتك هو نفس يوم زواج أخي..^_^
مــاء زيــــر:الله يعوضك خير..
والله الامن ماعندهم سالفه..ولكن وش نسوي الخاص يكسر الظهر مع الالتزامات..
بــوح المشاعــر:يعطيك العافيه على كل كلمه تخطها أناملك..
أم الجـــازي:الله يعينك على حملك وعلى زوجك..
ربي يسهل أمورك ويقضي حاجاتك..

[بوح المشاعر]

السلام عليكم
اليوم كان موعدي عند البكستانيه
قاعده اقول ابغى شي للكحه وتقول اشرب سؤائل دافي مافيه مشكل (عساها للمغص نرفزتنيhwaml4
بس قالت عندك فقر الدم نازل الى9 المفروض يكون 11
قالت لازم تاخذي الكالسيوم مرتين باليوم عشان ماتتعبي وقت الولاده
وعطتني موعد بعد3 اسابيع يعني موعد اول مادخل التاسعhwaml10وقالت المشي اول ماتدخلي التاسعhwaml15
طبعا كلش على السريع لان موعدي جاء على بداية البريك
بس الحمدلله انا متوكله على الله
واليوم بشرب زبيب يمني وكل اليوم اكل جرجير وخس وتفاااااح
بجد خفت على النونو لان فقر الدم يسبب نقص بالاكسجين

طبعا هذا الموجز وعذروني على الاطااااااله

[بوح المشاعر]

أم الجازي
تسلمين وانا اي شي بعرفه برد على الكروشات مابغاهم يوسوسوووووون
وبدري على تعب النفسيه ياقلبووووو اصبري وترى الرجال ماعندهم ثقافه بالحمل وان المراه تختلف نفسيته بالحمل يعني اصبري عليه
وربي يهوون على الكل

مشااااعر
تسلمين ياقلبي وعذريني ممداني اسال عن طريقة الحجز لاني جيت على موعد البريك يدوب لحقت يعني ماستفدت حتى انا ولا افدت احد
لان كان بخاطري اعرف طريقتهم الجديده

[عالم الخيال]

انا من جده واللي عندنا بس مركز صحي لقوي الامن
مافي مستشفي

بس هما يحولكى علي مستشفي ولاده

[مشــــــــاعر]

بــوح المشاعــر:ماجاء منك قصور,,معذوره..
زوجي حجز لي موعد راح لهم يوم الاربعاء وتهاوش معهم وقالوا بالهاتف وقالهم كذابين هذا نصاب واحتيال تبيني اتصل اللحين وتشوف..
المهم دخل على المدير وغصبن عليهم حددوا لي موعد باذن الله بكره..
وبشوف اي غرفه بيدخلوني,,وش بيعطوني خاصة معي نزيف ولازم مثبت..
وفي حملي الاول نفس حالتي الان وقالت مانصرف مثبت تبينه خذيه من برا..
ماأستفيد منهم الا الكالسيوم والحديد فقط لاغير..
لقائي معكم غدا بمشيئة الله..

[بوح المشاعر]

الله يكووووووون بعونك مشاعر

وربي يثبت حملك

وان شاء الله ماتشووفي شر

[مشــــــــاعر]

السلام عليكم
عدت اليكم من جديد
ابشركم ذهبت امس للموعد وكنت متخوفه من رقم الغرفه,,ولله الحمد والمنه ادخلوني رقم4
وكانت سوريه وحليوه وطرحت اسئله من الكمبيوتر كتعبئه اساسيه للبيانات..
المهم صرفت لي الفوليك واعطتني ورقه لعمل تحاليل الدم واكرمكم الله بول..
وقلت لها عن النزيف وقالت نظام المستشفى مايصرف مثبت مالك الا الراحه..
وسألتها عن اسمها لان اريد ان اخبركم به قالت:سهاد..
وكانت مفكره اني عشان اطلب الدخول عليها في الموعد القادم قالت:لاتخافين خلاص مراجعاتك سوف تكون عندي على طول..
والله افكر اخذ المثبت والكالسيوم والحديد من الصيدليه برا..وأريح دماغي من الزحمه وقلة الحياء..
وزوجي يقول:المتابعه أحسن من لاشي عشان الاطمئنان حتى لو صرفنا العلاج من برا..
انتم وش رايكم؟؟

[بوح المشاعر]

السلام عليكم
عدت اليكم من جديد
ابشركم ذهبت امس للموعد وكنت متخوفه من رقم الغرفه,,ولله الحمد والمنه ادخلوني رقم4
وكانت سوريه وحليوه وطرحت اسئله من الكمبيوتر كتعبئه اساسيه للبيانات..
المهم صرفت لي الفوليك واعطتني ورقه لعمل تحاليل الدم واكرمكم الله بول..
وقلت لها عن النزيف وقالت نظام المستشفى مايصرف مثبت مالك الا الراحه..
وسألتها عن اسمها لان اريد ان اخبركم به قالت:سهاد..
وكانت مفكره اني عشان اطلب الدخول عليها في الموعد القادم قالت:لاتخافين خلاص مراجعاتك سوف تكون عندي على طول..
والله افكر اخذ المثبت والكالسيوم والحديد من الصيدليه برا..وأريح دماغي من الزحمه وقلة الحياء..
وزوجي يقول:المتابعه أحسن من لاشي عشان الاطمئنان حتى لو صرفنا العلاج من برا..
انتم وش رايكم؟؟

هلا بك مشاعر
ماتشوفي شر
بس باي شهرأنتي000000000
وبعدين وش بيضرك اذا اخذتي كل شي من المستشفى اصلا انتي جايه جايه للمتابعه
كلها كم دقيقه تنتظري بالصيدليه
وتطلعي
انا بالعاده لما اروح الصيدليه اعطيهم الورقه واخذ الرقم
واخلص اشغالي اذا فيه مختبر او تحاليل
او اطلع لدورة المياه او اي شي اشغل نفسي
لما ارجع احصلهم تجاوزو رقمي
على طول اعطيه الرقم وتعطين العلاج
يعني مو ضروري تقابل الصيدليه

المهم الحمدلله انك فتحتي ملف وضبطتي امورك

[مشــــــــاعر]

بــوح المشاعـــر:أنا بالشهر الثالث..
والله يالغاليه لو شفتي زحمة الطريق امس لانه يوم سبت دوامات ومدارس كنا طالعين من البيت 6:15ماوصلنا الا 8 على الموعد تمام..
وحتى انا أسويها أعطي الصيدليه واروح للمختبر وارجع آخذ العلاج..
ولو شفتي الزحمه عند التحاليل ماتصدقين كراسي الانتظار مليانه,,لدرجة أن اللي ماكفاهم المكان جالسات في الانتظار اللي عند الاستقبال..يعلم الله اني جالسه من 8:10 ماجاء دوري الا9:30
يعني أفكر وش أستفيد من المراجعه زحمة طريق وتأخير بالمستشفى وبالاخير اطلع بحبوب حديد وكالسيوم..وفي حملي الاول ياما قالوا ماهو موجود تعالي بعد اسبوع فأضطر آخذه من برا..
اللي عندها أخبار جديده تبشرنا عن أمورها..

[بوح المشاعر]

بــوح المشاعـــر:أنا بالشهر الثالث..
والله يالغاليه لو شفتي زحمة الطريق امس لانه يوم سبت دوامات ومدارس كنا طالعين من البيت 6:15ماوصلنا الا 8 على الموعد تمام..
وحتى انا أسويها أعطي الصيدليه واروح للمختبر وارجع آخذ العلاج..
ولو شفتي الزحمه عند التحاليل ماتصدقين كراسي الانتظار مليانه,,لدرجة أن اللي ماكفاهم المكان جالسات في الانتظار اللي عند الاستقبال..يعلم الله اني جالسه من 8:10 ماجاء دوري الا9:30
يعني أفكر وش أستفيد من المراجعه زحمة طريق وتأخير بالمستشفى وبالاخير اطلع بحبوب حديد وكالسيوم..وفي حملي الاول ياما قالوا ماهو موجود تعالي بعد اسبوع فأضطر آخذه من برا..
اللي عندها أخبار جديده تبشرنا عن أمورها..

الله يعين مشاعر صدقتي انا اليوم اللي عندي فيه موعد
ابكي ونسوي برنامج ونخطط هههههههههه
لكن الواحد منا شو بيسوي نخاف نهمل انفسنا
وبعدين نندم
وبعدين الموعد من شهر لشهر وش بيضرك
يعني انا من طلبت اسوي تحليل فقر دم لو مارجعت وسويت كان ماعرفت من ايش الدوخه
ولو رحتي مستشفى خاص كثروا عليك
وطلبوا تحليل واشياء يخلونك توسوسي

المهم لاتتركي المتابعه وبذات عنك نزيف
ربي يهون علينا وعليك ويثبت حملك

[مشــــــــاعر]

بـــوح المشاعـــر:معك حق موعدي الجاي بعد شهر ونص..
يعني يموت الميت..
مشكلة الحكومه مافيه اهتمام واهمال..والخاص مايبقى شي مايطلبونه ويصرفونه..
تخيلي تسألني في الخاص طلع عندهم النبض قلت:ايوه..
قالت:تمام..
طيب لو ماكنت رحت خاص انتم كمستشفى وين مهمتكم في هذي الحاله..
متى تعملون كشف للجنين والنبض..
يعلم الله انه في حملي السابق مره وحده فقط عملوا سونار وكنت في نصف الشهر السابع
بالله هذا منطق..وانا كنت اتابع عندهم من بداية الحمل..
وحتى أبرة التطعيم للكزاز ماأعطوني الا لما قلت للدكتوره ماهو المفروض تطعموني قالت:بلى انتي ماأخذتيها..
يعني لو جاتهم وحده وماهي على خلفيه بان الحامل لها تطعيم كان ياغافل لك الله..
لكن يقول المثل:وش حدك يامسمار قال:المطرقه..

[أبتسم رغم الجروح]

اهلين بنات
انا من اللي اراجع في مستشفى قوى الامن
عندي استفساااااار

[بوح المشاعر]

هللا بك أختي

حياااااااااااااك شو استفسااااااااااااااارك

[أبتسم رغم الجروح]

انا اراجع عند الدكتوره باكستانيه
ويوم دخلت شهر السابع حولتني الى مستشفى الكبير عند ساره بخيت واول مراجعه قالت اشاعه وانا قبل سويت اشاعه في شهر السادس
وسويت الاشاعه كل شي الحمدلله زين بس مراجعتي الاخيره الموعد موعند الدكتوره سارة تغيرت
وصرفت لي علاج كالسيوم وفوليك وانا تاركته من شهر الرابع وفروز
سؤالي هو عادي ارجع للفوليك وانا تاركته والاشاعه مرتين خفت يكون الجنين فيه شي

[بوح المشاعر]

هلا بك اختي
انا كمان اراجع عند الدكتوره البكستانيه غرفه رقم 3 اسمها نبيله
وغريبه انا الى التاسع وانا اراجع عندها ماحولتني والاشاعه بس اخذتها بالسادس
حتى بحملي الاول الى التاسع وانا عند دكتوره وحده
000000000000000
انا مابي اخوفك بس اللي اعرفه انهم مايحولوا الا الحالة اللي عندها مشكله او الحامل بتوام
المهم في الموضــــــــــوع لازم تعرفي ليش حولتك عشان تنتبهي
وخوذي العلاج اللي صرفته لك اصلا حمض الفوليك مايضر

[بوح المشاعر]

ان شاء الله يكون الجنين مافيه شي
بس انتي استفسري ليش حولوك
عشااااااان ماتشغلي نفسك

وعليك العاافيه يااااااااااارب

[اناقمرموتوقهر]

انا توني والده فيه بصرحه مرررررره حلو من نظافه واهتمام بس قبل مولد تنومت فيه عشان سكر الحمل مرتفع وعاملين لي حميه بس دايم يعطوني اكل شوي يعني مااشبع واعصب عليهم بس عنايتهم حلوه كنت ارجع عند دكتوره فاتن مره كويسه

[بوح المشاعر]

ههههههههههههههه شكلي بعبي بطني من اللحين

انا بعد ولدت بطفلي الاول والحمدلله كانت عنايه حلوه بس ماطولت ليله بس

والمره هذي ان شاء الله بولد عندهم

[أبتسم رغم الجروح]

مشكوره
الله يستر بس انا عند العياده رقم واحد مو 3 وهي معروفه انه تحول في الشهر السادس اوالسابع

[بوح المشاعر]

خلاص أختــــــــــــي أجل ارتاااااحي
مافيك غير العافيه بأذن الله
وأتبعي العلاج اللي قالت لك عنه الدكتوره اللي اتابع حالتك

[أبتسم رغم الجروح]

هي تجربتي الاول في حملي الله لا يعيد هالايام
ادعيلي

[شذى الايمان]

وعليكم السلام ,,,

مستشفى قوى الامن ممتاز نظافه وعنايه عيبه الزحمة والمواعيد وانا تابعت ولدت عندهم مرتين ومره حولوني وعملت عندهم عمليه حمل خارج الرحم الحمدلله ممتازه اهتمامهم والله يغنينا بالعافيه عنهم ويعملو خياطه للولاده الثانيه والثالثه بعد ..الله يسهل على الجميع ويرزقنا وإياكن الذريه الصالحه آآآمين

دعواتكم لي بالحمل بالولد الصالح ..

[مشــــــــاعر]

السلام عليكم
عدت لكم من جديد..
امس كان عندي موعد ولما دخلت على الدكتوره قالت الفحوصات كويسه لكن محتاجه حديد وكالسيوم..
وكشفت على بطني وسألتني متأكده من موعد آخر دوره..
وبصراحه ماأعرف ليه هذي ثاني دكتوره تشككني..
لانه قبلها كنت تعبانه ورحت للمركز الصحي اللي بالحي ولما كشفت قالت كأن حملك أكبر أو ممكن حمل توأم وأعطتني تحويل لمستشفى اليمامه عشان التصوير ولما رحت لليمامه وعملت لي تصوير قالت مافيه شي حجم الرحم طبيعي ماهو كبير ولاشي ولافيه الا جنين واحد..
لكن هذي خوفتني لكني ماحبيت اسألها ليه تقول كذا..
لان الاشياء اللي مامنها فايده يتشطرون فيها ,,ولما نطلب علاجات يستكثرونها..
مثلا قلت لها معي التهاب بالحلق واكرمكم الله بلغم وزكام قالت عليك بالسواخن..
طيب معي امساك قالت حاولي تكثرين سوائل لكنهم يصرفون علاجات استحاله..
موعدي القادم في4-2-1432
وموعد التصوير في2-3-1432لما ادخل السابع شفتوا قلة الحياء..
على العموم طولت عليكم لناء لقاء باذن الله بعد الموعد وسوف اوافيك بالجديد^_^..
اشوفكم على خير..

[عطر وقمر]

حبيباتي
من تعرف احسن دكتوره في الامن

وكيف طريقة حجز المواعيد

الله يهون عليكم ويرزقكم ماتتمنون

[ماء زير]

مرحبا كروشات ..رجعت لكم مره اخرى

اخباركم مع الحمل

ابشركم حامل وبالاسبوع 7

ربي يتمم علي على خير

ودي اراجع في قوى الامن بس مادري وش احسن استشاريه

خايفه يحطوني عند نبيله والله اكرها

بنات يجيكم زيي فيني اغماء وخاصه اذا قمت من النوم وقالت لي دكتوره الخاص اروح

وافتح ملف علشان التحاليل

كيف يابنات تاخذون موعد غير التلفون

[عطر وقمر]

ساعدونا الله يفرج لكم
من احسن دكتورة
وكيف احجز

[مضيعة]

.
.

انا برضو معكم في قوى الامن وهذا ثاني حمل لي

بالنسبه لافضل دكتوره فيه بالمستشفى الكبير هي رئيسة القسم حصة الدهامي وبعدها فاتن العلي
بس طبعا حصه وفاتن ما تقدرين تراجعين عندهم الا اذا كانت رتبة زوجك مرتفعه , او انها تجي بالحظ ^.^ انا دكتورتي فاتن العلي وبالحظ مش عشان رتبة زوجي ..وبرضو مو كل مره يدخلوني عليها مره عندها ومره لا .. وبالنسبة للعيادات مو عارفه والله لانهم حولوني للمستشفى الكبير وانا بالشهر الخامس .. ولا اعرف دكتوراته ..

وحجز المواعيد يكون عن طريق التلفون تدقين عليهم وتحجزين , او ان زوجك يروح للمستشفى ويحدد لك موعد ..

و يا اختي ماء الزير الاغماء ابدا مو طبيعي لازم تراجعين ممكن يكون عندك فقر دم حاد .. اتمنى لك الشفاء ..


وبالنسبة لاسئلتي ,, انا هذا حملي الثاني وسمعت انهم مايسوون خياطة للحمل الثاني , فـ اللي عندها علم بهالشيء تفيدني ؟

[شمعة فؤادهـ]

مرحبا بنااات
المستشفى او المركز اللي تراجعوا فيه ووين انا بالدمام؟؟
وان شاء الله بشووف اذا فيه تحويل على جدة ولا لأ .. لأني بولد عند اهلي بجدة..
الله يعييين ..

[ماء زير]

مرحبا كروشات..اختي مضيعه انا ولدت 4مرات وسويت عمليه اجهاض

بس خيطوني في بكري وبعدها ماخيطوني

اختي تراجع عندهم وخمس ولادات ماشاء الله يخيطونها يمكن حسب الي تولدك

وبنسبه للاغماء اكثر شي اذا قمت من النوم

المشكله حجز المواعيد صعب الا اذا عندك واسطه اما التليفون ماراح تحصلي موعد

[بوح المشاعر]

السلااام عليكم
الحمدلله لي 10 اياااااااااام والاده بمستشى الرياااااض قوى الامن
وهذا ثاااني مولود طبعا خيطو لي والجنين كان سحب رغم الاول كمان سحب
كانت الدكتوره رحاب الرفاااااااعي
----------------------------
طبعا عنايه واهتماام ونظافه والطاقم مره كان حلوووووووووو
ربي سخرهم لي
------------------
وكنت اراجع عند نبيله والدكتوره بالحظ
------------------والحجز عن طريق التلفوووون او زوجك يحجز لك اذا يعرف احد

--------------------------------------
بس حبيت اخبركم بتجربتي فيه
000000000000000000000000000000
وان شاء الله تو لدون بالسلاااااااااااااااااامه

[ام الجازي]

ألف مبروووووك بوح المشاعر
والحمد الله على سلامتك
كيف ولادتك في قوى الأمن
ممكن بالتفصيل
والله يسهل ع كل حامل اللهم آمييين

[عطر وقمر]

يعطيك العافية اختي مضيعة
وكل اللي تجاوبوا معي
الله يحقق امانيكن



الف الف مبروك اختي بوح المشاعر
والف الحمد لله على السلامة
الله يخليهم لك يارب

[كل شي ولا دمعه امي]

عندي اليوم موعد عند د فاتن والله يسمعنا خير

[دلوعه بس قمر]

اهلين كروشات وحموولات وكل شياااااااات خخخخخخ
طبعا انا من العبث واللقافه دقيت على الرقم حق الامن 8023699
وقال عشان التسجيل الالي سجلو ارقام ملفاتكم والسجل المدني والرقم السري سجلت ولدي صح وزوجي صح لكن انا انا نسيت وش حطيت الرقم السري حقي حق ملفي وش اسوي ؟؟
اللقافه وربي الله يستر ولانا ابي اتابع بعد فترة مو عارفةوش السواة تكفووون

[دلوعه بس قمر]

طيب سؤال ثاني خارج عن الموضوع كيف اروح اتابع في المستشفى احجز على دكتورة نساء واقول لها اني حامل ولا كيف عشان احلل وكذا
تكفوون لاتطنشوني

[بوح المشاعر]

هلا بك دلووووووووووعه

قهر بعد ماكتبت لك كلشي بالتفصيل فصل

[بوح المشاعر]

اذا على الرقم السررررري

لازم زوجك يروح للمستشفى قسم شؤن الموظفين
وان شاااءالله تنحل المشكله
0000000000000000000000000
واذا على المتابعه طبعا في مبنى الاسره والمجتمع
الدور الثااااني
قسم نساء وولاده من تروحي للسنترال راح تسالك حامل
وتعطيك علبه تسوي تحليل بول وتروح توديها غرفة القياس والوزن
وياخذوا الضغط
وبعدها بيقولوا روحي للاستراحه لمين ينااااادوك
لما ينادوك بتروح لغرفه الدكتوره اللي راح اتابع حالتك
طول فترة الحمل
وهكذاااااااااااااااااااااااا
---------------------------------
والف سلااااااااااااااامه لك

[دلوعه بس قمر]

الف شكر بوووح ماقصرتي ياقلبو

[لمياء]

للرفع

وراجعه لكم برايي في قوى الامن وتجربتي معاهم

[لمياء]

center]
انا بالنسبه لي

ولدت بقوى الامن وكانت الدكتوره على مااعتقد ماليزيه

كانت اخلاقها سيئه ومعاها دكتوره باكستانيه او هنديه

والممرضات اخلاقهم سيئه لأبعد حد

وبعد الولاده جلست من 6 او 7 شهور تعبانه

وتعبت نفسيتي لانهم اثناء الولاده ضغطت الدكتوره واللي معاها على فتحة الشرج وانتم بكرامه

لدرجة اني مااقدر اقعد زين

كأني مسويه عملية بواسير مااقدر امسك نفسي اذا فيني هواء

عذرا عالتفصيل لكن ابي ابين لكم معاناتي

كان اسلوب الدكتوره سيئ في التعامل من البدايه

بالنسبه لمراجعاتهم قبل الولاده متعبه جدا عشان اشاعه او تحليل او صرف دواء

لازم تلفين المستشفى كله





الخياطه ...خيطوني وكانت الخياطه كويسه
[/COLOR]

[دلوعه بس قمر]

لمووو
هي قسمة ونصيب
وهل انتي ناويه تولدين مرة ثانيه فيه

[لمياء]

للاسف ايوه حبيبتي دلوعه

لان مافيه مستشفى حكومي بيقبلني الا الشميسي

والشميسي مستحييييل

الجامعي ومدينة الملك فهد الطبيه لازم واسطه

فمالي بعد الله الا قوى الامن

ويارب ييسر لي دكتوره ممتازه وكل الطاقم ويسخرهم لي

اما المستشفيات الاهليه متخوفه منها شوي

[لمياء]

انا مابعد رحت للحين المستشفى اراجع فيه

ابي اسأل عادي لو ماافتح ملف الا في نهاية الثامن بقوى الامن؟؟؟

[بوح المشاعر]

السلاااام عليكم

بصراااااااحه انا لي 20 يوم والاده بمستشفى قوى الامن
بصراحه ربي سخر لي الطاقم وحتى الدكتوره كان اسمخا رحااااااااااب الرفاعي
---------------------
وحتى وقت ماكون بغرفة التنويم اي خدمه تبغينها يخدمونك
00000000000000000000000000000
ونظافه واهتمااااااااااام
---------------------------
بس العيب فيهم الغرفه المشتركه صحيح به ستااااااااره
بس لو كنتي بروحك احسن
حتى غرفة الولاده اثناء ولادتك غرفه مشتركه
000000000000000000000000000
وكمااااااااااااان مافيه مرافق يعني لأ أنيس ولأجليس
-----------------------------------------
بس الحمدلله طبعا الننفسيه وحده مهما كان نو ع المستشفى
ان شاء مانحتااااج لهم
--------------------------------
لمياااااااااء اذا انتي تراجعي خااص مايحتاج اتابعي عندهم الا الاشهر الاخيره عشان الولاده
واذا ماتبعي بخاااااااص لازم تراجعي عشان سلامتك وسلامة النونو
-----------------------------------

[دلوعه بس قمر]

نصييييحه يابنات من المستشفياااات والمستوصفات الخاااصة تراها اي كلام <<انا ما اقطع رزققهم لكن شوفو هذا حوار دار بيني وبين وحدة حامل عايلتهم ماشاءالله ابوها وزعمة فاتحين مستوصفات اهليه
وسألتها وين بتولدين قالت العسكري <<انا صرت كذا قلت ليش اولدي في مستوصفات ابوك وعمك عشان العنايه وانتي بنت المدير وحلو الخاااصه
تدرون شقاااالت قاااالت : ههههه ابوي ..ابوي يجيب اي دكتور ما يدري عنه ...
انا هنا صرت كذا ...معناته ماافيه زي الحكومي ..

[لمياء]

بوح المشاعر

الف الف مبروك الولاده والحمد لله على سلامتك

انا اراجع عند دكتوره شاطره وحبوبه في مستوصف اهلي

وماراح افتح ملف بقوى الامن الا على نهاية الثامن

بأذن الله


دلوعه

مو كل المستوصفات الاهليه سيئه في بعضها مجرب وسمعتهم زينه

عاد هذا اللي يجيب اطباء اي كلام هذا بيحاسب يوم الحساب

وحسبنا الله عليهم اللي كذا ماعندهم ذمه ولا اخلاص وضميرهم نايم

[كل شي ولا دمعه امي]

انا ولدت عندهم ثلاث ولادات والحمد لله مره عنايه ونظافهى ولكن بولدي الرابع قالوا تحويل لليمامه او الشميسي طبعا مارحت 0على طول رحت عند دكتوره في مستشفي خاص كنت اروح لها وتعرفني وولدتني وكانت ولادتها اسهل من قوي الامن لانها تحط طلق صناعي وفي نفس الوقت بنج ما تحسي في الالم الا اذا طلع الراس الحمد لله 0 والحين انا حامل واراجع عندهم بس مالي نيه اولد عندهم ان شاء الله في مستشفي التامينات لاني مجربه البنج الي عن طريق المغذيه وفي الفخذ والله ينفتح الرحم بدون الم قوي 0طبعا مجربته في الولاده الاخيره والحين مااتخايل اني اولد بدون بنج

[ام فجوره]

انا ارجع في مستشفى قواى الامن وعند الدكتوراه الباكستانيه بس والله كويسه معي وبصراحه خوفتوني حيل من كلمكم ان اذا جتني الولاده قالوا لي مافي سرير ويحولون لمستشفى خاص طيب على احسابنا الرجو الرد امانه لا تطنشوني انتظر على احر من الجمر

[لمياء]

ام فجوره

لا حبيبتي مو على حسابك على حسابهم

[ام فجوره]

ياقلبي انتي طمنتيني الله يطمنك ويرزقك بذريه الصالحه المعافى الي تفرح قلبك

[لمياء]

مشكوره حبيبتي فجوره

[ام مرزوق]

الحمد
لله اني جبت جميع عيالي في نفس المستشفي وما قد حولوني
والحين انا حمل في السابع والله يستر
وبنسبه للمستشفي الكبير مايحولون له الا عند الضرورة
يعني لو جاك ولادة روحي طواري

[ام اجمل طفل]

اللة يعااافيكم يا بنات انا لى اسبوعين بالتاسع واراجع بقوى الامن بس مين تقول لنا ولدت عندهم وحولوها انا سالت دكتورتى بعيااادة 5 اتوقع هالة تقول اذا فية زحمة نحولك لمستشفلى ابانمى ابى ايى وحدةة ولدت وكيف الولادة

[لمياء]

ابانمي ممتاز

وحبوبين

وحده من قريباتي حولوها له

تقووول مره روعه ونظافه واهتمام

عسى اذا جاتني الولاده يحولوني عليه

[يارب احفظ جنيني]

انا بكررررررريه ومسؤيه عندهم متاااااااااااااابعه بس لسه مارحت لهم وبصرااااااااااااااحه خوفتوووووني ياكروشات

وزوجي يشتغل هنااااااااااااااااااااااااااااك وهو الي خلني افتح ملف تكفووووووون طلبتكم طمنووووووني

[حلولو]

والله يابنات انا مدري ليه مو متطمنه لمستشفي ابانمي
ياليت اذا اي وحده ولدت عندهم تحكيلنا عنهم كيف معاملتهم وهل يعطون مسكنات وكمام وابر الظهر وتطمني

[ام مرزوق]

والله ان المستتتتتتتتتتشفي مرة حلو الله يغنينا عنهم بالعافية
بس الزحمة اذا جيتي للموعد هي المشكلة تجلسين بالساعات لين يجي دورك

[يارب احفظ جنيني]

راجعت بلمستشفى ممتاز وخدمته ممتازة مررررة ويحولون لمستشفى ابا نمي مخرج 9وبصراحة نظافة وخدمة خاصة وتعاملهم ممتاز طبعا على حساب مستشفى قوى الامن .
وافظل طبيبات المستشفى الاستشارية روضة البهيان وحصة الدهامي والطبيب عماد والطبيبة فاتن العلي مررررررة ممتازة وانصح بها مررررة قمت الاخلاق والشي الي لاحظت بلمستشفى هي الواسطة اذا تعرفي احد مشت امورك تمااااااااااام والحمدلله

[ام اجمل طفل]

راجعت بلمستشفى ممتاز وخدمته ممتازة مررررة ويحولون لمستشفى ابا نمي مخرج 9وبصراحة نظافة وخدمة خاصة وتعاملهم ممتاز طبعا على حساب مستشفى قوى الامن .
وافظل طبيبات المستشفى الاستشارية روضة البهيان وحصة الدهامي والطبيب عماد والطبيبة فاتن العلي مررررررة ممتازة وانصح بها مررررة قمت الاخلاق والشي الي لاحظت بلمستشفى هي الواسطة اذا تعرفي احد مشت امورك تمااااااااااام والحمدلله
طيب جربتى اولادة في ابانمى وكيف الخيااااط عندهم وانا سمعت انى قوى الامن الحمل اثانى ما يسوون خياااط وانا خااايفة اطلع وسيعة او ما اعجب ابو الشباااب تكفون الى عندها معومة تسردها هناااا

[لمياء]

لا انا ولدت عندهم ولادتي الثانيه وخيطوني

اذا تحتاجين خياطه يخيطونك

[لمياء]

انا بكررررررريه ومسؤيه عندهم متاااااااااااااابعه بس لسه مارحت لهم وبصرااااااااااااااحه خوفتوووووني ياكروشات

وزوجي يشتغل هنااااااااااااااااااااااااااااك وهو الي خلني افتح ملف تكفووووووون طلبتكم طمنووووووني



طيب وش رايك ؟!؟

تخلين زوجك يتوسط لي هههههههه

شوفي حبيبتي بما ان زوجك هناك ومكانه قوي

يقدر يحجز لك غرفه خاصه بعد الولاده

ويهيئ لك كل شي مريح

[ام الجازي]

بنات كيفكم وكيف الحمل معكم
أنا موصلة حدي أبغى اولد
الله يهون علينا ويقومنا بالسلامة

[لمياء]

كيفك ام الجازي

ماشاء الله مابقى شي

كلها ايام بسيطه والبيبي في احضانك بأذن الله

وش نقول احنا ياللي المشوار باقي طويل

انتهيتي من تجهيزاتك؟؟؟؟

[منايل]

هلا

انا اراجع عند قوى الامن في الاحساء

وسالت الدكتوره اذا يولدون عندهم

قالت لي لا

ومادري وش بسووي او وين اروح اولد

ياليت تساعدوني

[لمياء]

والله ماادري حبيبتي

ان شاء الله البنات يفيدونك

[يارب احفظ جنيني]

اختي ام اجمل طفل بصرااااااااااااااااااحه انا بكررريه وماادري عنهم بس سمعت انتي روحي وشوفي

اختي لميااااااااااااء ابشري من عنوووووووني
واكييييييييد اخلي زوجي يحجز لي شخصيه مهمه

[لمياء]

تسلم عيونك حبيبتي

[مشــــــــاعر]

السلام عليكم
حبيت أخبركم بالجديد يامراجعات الامن..
اليوم كان عندي موعد وبعد الكشف..
اعطتني الدكتوره موعد في المستشفى الكبير..
بصراحه تفاجأت,,وسألتها:ليه حولتيني؟؟
قالت:ولادتك الأولى قيصريه,وحوضك صغير,والىحظ البيبي نازل شوي..
والشهر الداخل مع الموعد تكونين دخلتي السابع فممكن لاسمح الله تكون عندك ولاده مبكره..
فأكيد بتكون قيصريه..
سكت,,وحمدت الله بداخلي..
ولما حددت الموعد,,لقيت الدكتوره اللي بتكون مراجعتي عندها هي:فاتن العلي..
ولاحظت أن البنات يمدحونها كثير..
دعواتكم يابنات أن الله يسهل أموري ويتمم حملي على خير..

[لمياء]

الله يسهل امورك مشاعر

ويكتب لك اللي فيه الخير

عسى ان تكرهوا شيئا وهو خيرا لكم

[ماء زير]

مرحبا بنات ..اخباركم مع الحمل

لمياء..اخبارك زين لقيتك بتجمع قوى الامن انتي تتابعين فيه الى الان مافتحت ملف والله مالي

خلق على مواعيدهم

انتي كيف تحجزين موعد عندهم التلفون دائم مشغول او مافيه موعد

ليه انقطعتي عن طلتك لتجمع حوامل التوأم

[سحرالشرق!]

بنات انا لسى جديده معكم واول مره راح اجرب مستشفى قوى الامن بالرياض من فيه طبيبيه كويسه وكيف تعاملهم ومواعيدهم والولاده عندهم والخياطه وبرضو وش وضع الحضانه عندهم ؟
ياليت تجاوبوني الله يجزاكم خير ..

[حلولو]

انا عندي استفسار من الاخت مشاعر
كيف عرفت الدكتوره ان حوضك صغير
انا شايله هم هانقطه لان ولادتي بولدي كانت قيصري والسبب انه مادخل للحوض
وكيف اعرف ان حوضي ضيق
ياليت اي وحده عندها خبره تعلمني لاهنتم

[إنسانه]

أنا أراجع المستشفى الكبير لأن معي سكر وآخذ آنسولين العيادة إللي أنا عندها هي الدكتورة جيهان ولكن كل مرة ألاقي دكتورة غير سؤالي لأني في حملي السابق نفس الشي كان معي سكر وولدوني طلق صناعي في بداية التاسع لكن طولت في غرفة الولادة سؤالي هل إذا طلبت إبرة الظهر يعطوني إياها ومتى أطلبها وقت الولادة ولا قبل يكتبوها في ملفي ومن جربتها عندهم .

[مشــــــــاعر]

انا عندي استفسار من الاخت مشاعر
كيف عرفت الدكتوره ان حوضك صغير
انا شايله هم هانقطه لان ولادتي بولدي كانت قيصري والسبب انه مادخل للحوض
وكيف اعرف ان حوضي ضيق
ياليت اي وحده عندها خبره تعلمني لاهنتم
لأن في ولادتي الأولى وصلت التاسع ولانزل بالحوض..
وبعد ماتعديت التاسع..انفتح الرحم2سم فقط..ونزل مني مخاط دم,وبعدها نزلت مني موية الجنين..
وبدأوا يعطوني تحاميل فتح الرحم لكن بدون فايده..
وبعد 5أيام من المعاناه من الدم والمويه والتحاميل أضطروا يعملون لي قيصريه..

[مشــــــــاعر]

أنا أراجع المستشفى الكبير لأن معي سكر وآخذ آنسولين العيادة إللي أنا عندها هي الدكتورة جيهان ولكن كل مرة ألاقي دكتورة غير سؤالي لأني في حملي السابق نفس الشي كان معي سكر وولدوني طلق صناعي في بداية التاسع لكن طولت في غرفة الولادة سؤالي هل إذا طلبت إبرة الظهر يعطوني إياها ومتى أطلبها وقت الولادة ولا قبل يكتبوها في ملفي ومن جربتها عندهم .
بصراحه ماأعرف عن مستشفيات الحكومه..
لكن البنات اللي يولدون في خاص يطلبونها قبل والبعض يطلبونها في وقت الولاده..
ويعطونهم على حسب طلبهم..
أنتي اذا جاء موعدك القادم اسأليهم..
وان شاء الله البنات يفيدونك..

[لمياء]

مرحبا بنات ..اخباركم مع الحمل

لمياء..اخبارك زين لقيتك بتجمع قوى الامن انتي تتابعين فيه الى الان مافتحت ملف والله مالي

خلق على مواعيدهم

انتي كيف تحجزين موعد عندهم التلفون دائم مشغول او مافيه موعد

ليه انقطعتي عن طلتك لتجمع حوامل التوأم



هلا هلا هلا وغلا فيك حبيبيتي

وشلونك وكيف الكروشه؟

خلاص ثبت ان اللي ببطنك توأم؟؟؟

والله ياقلبي مابعد راجعت بقوى الامن

انا اراجع عند دكتوره بمستوصف خاص

وعالثامن راح ابدأ اراجع هناك بأذن الله

الحجز مااعتقد انو بالتلفون لازم تروحين تفتحين ملف

مااذكر ياقلبي كيف الاجراءات لاني كنت اراجع بحملي الاول فيه

[ام مرزوق]

والله انا اخر موعد لي عند الدكتورة ما اعطتني موعد وقالت احجزي عن طريق التلفون ونا في السادس وراح ادخل السابع مع العلم ان جميع موعيدي السابقة كانت بعد المراجعة مباشرة الا هالمرة مادري ويش صار لها والله يعيني على التلفون واذا مامسك معي راح اجلس لين تجيني
الولادة وروح طواري مع اني كل شي سليم والحمد لله

[حلولو]

طيب يابنات ماقلتولي كيف اعرف اذا الحوض عندي ضيق او لا

[مشــــــــاعر]

طيب يابنات ماقلتولي كيف اعرف اذا الحوض عندي ضيق او لا
اللي أعرفه مايبين ألا في وقت الولاده..
لانه في لحظة الولاده تتفكك عظام الحوض عشان خروج الجنين من الرحم..
وعلى حسب أنفتاحه هذيك اللحظه يعرفون أنه صغير أو لا..
أتمنى أكون أفدتك لو بشي قليل..
وبعدين لاتصيرين وسواسه وخوافه مثلي..
فوضي أمرك الى الله..

[حلولو]

تسلمين مشاعر ماقصرتي
اما الخوف والله مابليد حيله انا اكبر خوافه بس خليها علي الله
معليش حبيبتي ممكن اعرف انتي تراجعين عند مين في قوي الامن

[ناناالزعلانه]

السلام عليكم ورحمة الله وبركاته
عندي كم إستفسارات
1hwaml23هل الولاده في غرفه مشتركه؟وكم وكرسي في الغرفه؟
2hwaml23ويدخلون شنطة الولاده وشنطة البيبي معك ولالا؟؟
3hwaml23بعدالولاده يدخلون الزوج يشوفك ولاينتظر وقت الزياره؟؟؟
4hwaml23غرفةالتنويم كم كرسي فيها؟؟؟؟
5hwaml23البيبي متى يكون عندك؟؟؟؟؟
6hwaml23كم يوم تنويم في المشفى للولاده الطبيعيه؟؟؟؟؟؟
وأتمنى ماترودوني خايبهhwaml25
وأناحامل في التاسع أراجع في المشفى الكبيرفي الرياض
عند الدكتور محمد خليل
وكل أحد عندي موعد

[Om KHaled]

السلام عليكم ورحمة الله وبركاته



* اقرأوا هذا الدعاء*
*أن شاء الله الله بيسر أموركم كلها *
*لا إله إلا الله الحليم الكريم*
*لا اله إلا الله العلى العظيم*
*لا اله إلا الله رب السماوات السبع و رب العرش العظيم*
*اللهم إنا نسألك زيادة في الدين*
*وبركة في العمر*
*وصحة في الجسد*
*وسعة في الرزق*
*وتوبة قبل الموت*
*وشهادة عند الموت*
*ومغفرة بعد الموت*
*وعفوا عند الحساب*
*وأمانا من العذاب*
*ونصيبا من الجنة*
*وارزقنا النظر إلى وجهك الكريم*
*اللهم ارحم موتانا وموتى المسلمين واشفي مرضانا ومرضى المسلمين*
*اللهم اغفر للمسلمين والمسلمات والمؤمنين والمؤمنات الأحياء منهم والأموات*
*اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك*
سبحان الله وبحمده سبحان الله العظيم عدد خلقه ورضى نفسه وزنة عرشه ومداد كلماته
*وبارك اللهم على سيدنا محمد صلى الله عليه وسلم*

[دلوعه بس قمر]

بنات بسال انا توني حامل ماشاءالله توني ماكملت شهر وبعد كم اسبوع براجع ان شاءالله
بس بعرف متى اعرف اني حامل بتؤام هل بالصوت النبض تعرف الطبيبه
ولا كيييييييييف ودي اتطمن ردوو لي ووش اقول لها عشان اتاكد من كم جنين

[دلوعه بس قمر]

جاري الانتظار

[البارونهـ]

انا حامل بالشهر 4 ودي اراجع فيه بس عجزت اتصل ابي اخذ موعد يا انتظار يا مشغول
ولو رحت لهم الحين بالطواري يقبلون حالتي ويحولوني للعيادات ؟؟؟؟

وقت الولاده يقبلوني؟؟؟؟

[يارب احفظ جنيني]

هل الولاده في غرفه مشتركه؟وكم وكرسي في الغرفه؟
2hwaml23ويدخلون شنطة الولاده وشنطة البيبي معك ولالا؟؟
3hwaml23بعدالولاده يدخلون الزوج يشوفك ولاينتظر وقت الزياره؟؟؟
4hwaml23غرفةالتنويم كم كرسي فيها؟؟؟؟
5hwaml23البيبي متى يكون عندك؟؟؟؟؟
6hwaml23كم يوم تنويم في المشفى للولاده الطبيعيه او القيصيريه ؟؟؟؟
انا ارجع لقووووووووووووووئ الامن تكفووووووون رد علي

[دلوعه بس قمر]

هاي كروشات
اليوم اول مراجعه لي عند غرفة 1 ترفع ضغطي اليوم احسها مرررررررة طفشااانه وتمشيني بسرعه وعطوني موعد بعد 6 اسابيع المشكلة عند نفس الغغرفه عند نيليي الله ينللها بعافيه ماحبيتها وش اصلها بنات شكلها هنديه

[يارا العارف]

كيفكم يااحلى كروشات
كيف اخذ موعد عن طريق التليفون بالتفصيل
لاني اذ دخل رقم السجل المدني يقول غير صحيح تعبت صراحه كيف اخذ موعد
اذا فيه طريقه ثانيه ياليت اتفيدوني

[يارا العارف]

كيفكم يااحلى كروشات
كيف اخذ موعد عن طريق التليفون بالتفصيل
لاني اذ دخل رقم السجل المدني يقول غير صحيح تعبت صراحه كيف اخذ موعد
اذا فيه طريقه ثانيه ياليت اتفيدوني

تصحيح املائيhwaml13
كيف اخذ الموعد عن طريق التليفون ابي الطريقه بالتفصيل
لاني اذا دخلت رقم السجل المدني يقول غير صحيحhwaml4
كيف اخذ موعد ياليت اتفيدوني اذا فيه طريقه ثانيه hwaml7

[يارا العارف]

وينكم ياكروشات

[دلوعه بس قمر]

يارا غريبه مابدو بالنظام الالي انا توني حاجزة موعد الاربعاءاللي راح 29/2
تدقين على 8023333
ويرد رجال عليك

[يارا العارف]

دلوعه مشكوره عيوني
بصراحه فرجتي علي الله يجزاك خير

[دلوعه بس قمر]

يارا ماسويت شي ياقلبو

[مشــــــــاعر]

السلام عليكم
سبق وعدتكم بعد الموعد أخبركم وش حصل معي..
موعدي كان يوم الاحد بالمستشفى الكبير حولوني لان كانت ولادتي الاولى قيصري..
وكان عندي موعد تصوير..
في البدايه عملت التصوير والحمدلله وضع الجنين كويس..
وخلتني أشوفه..
وبعدها دخلت الموعد رغم ان موعدي 10 ومادخلت الا11 وثلث..
وحاليا باقي اسبوع وادخل السابع..
قالت بعد شهرين يعني أول التاسع بتسوي لي قياس الحوض وبتحدد على اساس حجمه بتحدد اذا بتكون ولادتي قصيريه..
واعطتني ورقة تحليل للمختبر عشان السكري..
وممكن أروح أسويه بعد أسبوعين ودي ماأسويه لاني أعرف مافيني وبعدين فيه تاخير لابد من ساعتين..
وبالرغم من أني اعاني من وجع بعظم العانه والفاصل بين الحوض والفخذ تقول شي طبيعي..
وطلبت منها تحويل لعيادة القلب لاني أحس بألم قالت روحي على الطوارئ..
بصراحه احس بالموت البطيء معهم..
ماعندهم الا الحديد والكالسيوم فقط لاغير..
الله المستعان..

[غنآتي]

هل الولاده في غرفه مشتركه؟وكم وكرسي في الغرفه؟
2http://forum.hwaml.com/images/smilies/TR%20(17).gifويدخلون شنطة الولاده وشنطة البيبي معك ولالا؟؟
3http://forum.hwaml.com/images/smilies/TR%20(17).gifبعدالولاده يدخلون الزوج يشوفك ولاينتظر وقت الزياره؟؟؟
4http://forum.hwaml.com/images/smilies/TR%20(17).gifغرفةالتنويم كم كرسي فيها؟؟؟؟
5http://forum.hwaml.com/images/smilies/TR%20(17).gifالبيبي متى يكون عندك؟؟؟؟؟
6http://forum.hwaml.com/images/smilies/TR%20(17).gifكم يوم تنويم في المشفى للولاده الطبيعيه او القيصيريه ؟؟؟؟
انا ارجع لقووووووووووووووئ الامن تكفووووووون رد علي



















up


up

[يارب احفظ جنيني]

هل الولاده في غرفه مشتركه؟وكم وكرسي في الغرفه؟
2hwaml23ويدخلون شنطة الولاده وشنطة البيبي معك ولالا؟؟
3hwaml23بعدالولاده يدخلون الزوج يشوفك ولاينتظر وقت الزياره؟؟؟
4hwaml23غرفةالتنويم كم كرسي فيها؟؟؟؟
5hwaml23البيبي متى يكون عندك؟؟؟؟؟
6hwaml23كم يوم تنويم في المشفى للولاده الطبيعيه او القيصيريه ؟؟؟؟
انا ارجع لقووووووووووووووئ الامن تكفووووووون رد علي

ووووووووووووووووووووووووينكم ياكروشااااات انا مقيمه بالرياااض ومااعرف شي عن المستشفئ وينكم

[لمياء]

هل الولاده في غرفه مشتركه؟وكم وكرسي في الغرفه؟

لا الولاده بغرفه لوحدك

2http://forum.hwaml.com/images/smilies/tr%20(17).gifويدخلون شنطة الولاده وشنطة البيبي معك ولالا؟؟

انا مادخلت فيها بس عرفت بعدين انو عادي تدخلين بالشنطه

3http://forum.hwaml.com/images/smilies/tr%20(17).gifبعدالولاده يدخلون الزوج يشوفك ولاينتظر وقت الزياره؟؟؟

اعتقد لا مايدخل الا وقت الزياره الا اذا فيه واسطه ههه كل شي بالوسايط


4http://forum.hwaml.com/images/smilies/tr%20(17).gifغرفةالتنويم كم كرسي فيها؟؟؟؟

على حسب حجم الغرفه وغالبا تكون 3 الى 4

5http://forum.hwaml.com/images/smilies/tr%20(17).gifالبيبي متى يكون عندك؟؟؟؟؟

بعد الولاده بساعه او ساعتين وياخذونه وقت الزياره


6http://forum.hwaml.com/images/smilies/tr%20(17).gifكم يوم تنويم في المشفى للولاده الطبيعيه او القيصيريه ؟؟؟؟

الطبيعي 24 ساعه

والقيصري اعتقد اسبوع

انا ارجع لقووووووووووووووئ الامن تكفووووووون رد علي



















up


up



الله يسهل لك ولي وكل الحوامل الولده ويهون علينا الطلق

[لمياء]

مشاعر

الحمد لله

وبأذن الله تتيسر ولادتك وتكون طبيعي اذا تبين

اخاف اكون ادعي لك بالطبيعي وانتي ماتبين

هههههههه

[حلولو]

للرفع للاهميه

[يارب احفظ جنيني]

بغيت اسااااااااااااااااااااالكم عن مستشفئ قوئ الامن في الريااااااااااااااااااض فيه غرف خااااااااصه

[دلوعه بس قمر]

بنات وش اسم دكتورة غرفه 1

[الاميرة جلنار]

اهلين سحر الشووق كيفك؟؟ مستشفى قوى الامن فاشل فاشل فاشل لابعد درجه توني ولدت فيه يوم 18/3 تخيلي ماعندي الا قابله وحده ولدت واخذت الولد وسحبو علي اكثر من نص ساعه والمشيمه فيني وطبعا مايوسعون يخلون الراس يشق المكان انا وصل الشق تقريبا لفتحة الشرج الله يكرمك وربي غذبوني والخياط طبعا بدوون بنج وربي عذاااب وربي والنونو اغلب الوقت عندك

[حلولو]

والله كرهتونا في قوى الامن وخوفتونا منه الله يستر والله صرت اخاف اولد عندهم من كلامكم يابنات

[الاميرة جلنار]

نصيحة ياحلو لو لووجه الله لا تروحين عندهم وربي انهم اخيس مستشفى على وجه الارض

[شذى الايمان]

والله خبري غير انا ولدت فيه مرتين والله اهتمامهم زين ونظافه يخلون مولودك معك الاوقت الزياره او اذا صاح ياخذونه عنك وبعد وقت النوم عندهم ..
بالنسبه للتوسيع على حسب وضعك ويعملون خياطه حتى انا كنت رافظه تخيطني لاني كنت ناويه اعمل تجميل عند طبيبه اتابع معها بعد الحمل والولاده و ماسمعت خيطتني .
الله يسرلنا ولكن الخير اينما كان آمين

[يارب احفظ جنيني]

بغيت اسااااااااااااااااااااالكم عن مستشفئ قوئ الامن في الريااااااااااااااااااض فيه غرف خااااااااصه وابي اعرف كيف يسؤؤا قياس الحوض وكيف يعرفوا ان الحوووض صغير؟؟؟

ليش مااحديرد علــــــــــــــــــــــــــــــــــي؟؟؟

[حوراء قمر]

مستشفي قوئ بالدمام حق زوجه الي يعمل بهيئة التحقيق والادعاء العام هل توجد فيه ولولاده فيه

[حلولو]

بنااااااااات كيف قياس الحوض تكفون طمنوني
وياليت اي وحده تعرف الدكتوره المصريه اللي في عياده رقم 4 في المستشفي الكبير تطمني هل هي زينه او لا

[يارب احفظ جنيني]

طيب الي يسؤؤا فيها عمليه قيصريه بنج كااااااااااااااااااااااااااامل ولا نصفي ...

[عانيت بسكات]

انا اراجع بمستوصف قوى الامن اللي بجدة
احد يعرف عنه اي شي؟

[يارب احفظ جنيني]

ياااااااااااااااااااااااااااااااااااااااااارب سهل علينا

[بطله]

اب.....................

[جويل جو]

كيفكم يا قمرات
بالنسبه لي انا ولدت في الامن بصراحه قمه في كل شئ وهذي ولادتي الاولى سولي خياطه وكمان الدكتور اللي ولدتني سوريه وحبوبه وعرضت عليه ابرة الظهر وبصراحه المستشفى جدا راقي في التعامل والاهتمام والنظافه

[اخت حمودي]

اكره لمستشفى وقت لولاده لمراجعه صح لولاده شفت لويل منهم حسبي لله عليهم
عذبوني تعذيب

[يارب احفظ جنيني]

انا ولدت عندهم قيصري والحين انا حاااااامل وحملت ع طول بعد الاربعين بس سؤااالين هل يولدوا قيصري مرره ثانيه

بصراااااحه الطبيعي اخااااااااااااااااااف منه ودي تريحووووووووووني نفسيتي زفت

[ام خموش]

بنات حبيلكم
انا اراجع بقوى الامن الرياض وهذا حملي الثاني واول مره اروح لهم انا بالثامن وتوي باديه اراجع عندهم طمنوني كيف الولاده عندهم وكيف الخياطه بالثاني وعنايتهم بالبيبي وكم تقعدين عندهم اذا ولدتي طبيعي
بسال بعد هل صيحيح انهم يطردون الواحده اذا جت ومافيه سرير او يحولون لمستشفى ثاني وشو المستشفى الي يحولون له
تكفون طمنون والله ره قلقانه ابي وحده جربت قريب

[ام خموش]

تكفون جاوبوني

[لولي عمري]

بنات انا ابوي عسكري وعندنا ملف في قوى الامن بس اللحين بعد ماتزوجت اقدر اولد فيه ولا لا

عندي كرت عندهم بس قديييييم مررره فوق العشر سنوات

[@@الجوووري@@]

ارحمني يالله مدري وين اولد فيه

[@@الجوووري@@]

لا اله الا الله