الحمل في الشهر السادس

[ام الجازي]

السلام عليكم ورحمة اللة وبركاته
كيفكم ياكروشات :
انا عندي مشكلة وإن شاء اللة الأقي الحل
من الأسبوع 20وانا احس بثقل وتعب
والحرقان والحموضة ماتفارقني
اما النوم ههههههههههه اي نوم
تعب ماانام إلا على جنبي الأيسر أو الأيمن
والحمام اكرمكم اللة دايم اتردد عليه
ومن دخلت السادس وعندي الم اسفل البطن
هو مو الم قوي بس نغزات انا اقول يمكن
هذا رفس البيبي على الاسفل بعدين
نفسي اعرف وضعية البيبي في الشهر السادس
يعني راسه فوق تحت انا عارفة كثرت عليكم اسئلة
بس انتو خواتي ومالي غناة عنكم

[النار الباردة]

الله يساعدك ويقومك بالسلامه
أنا نفسكـ يالشهر السادس وبكرية وعندي نفس الأعراض الي تعانين منهااا
الحمام دايم أترد عليه و ألام أسفل البطن
وعلى قولتكـ راسه ورجوله حتى أنا ماأعرف شلووون
لاني بكريه
ان شاء الي عندهم خبره يفيدونا

[ام الخلفاء]

وانا كمان معاكم بنات

نفس الشي النار لباردة حنا مع بعض في الحمل

انشاء الله البنات يفيدونا

في امان الله

[زهرة البنفسج]

وانا بعد نفس الحاله ونفس الشهر ونفسي اعرف اكثر لان اول حمل
ياريت احد يفيدنا ربي ييسر اموركم

[™ روحــي فــــدٱٱٱهـ« ||]

ههههههههههههه صار تجمع مو رد!!

تبون الصراحه وانا بعد بالسادس وبكمل هالتجمع خخخخخ

معليش أم الجازي..

[ام الجازي]

ايه واللة صار تجمع مو حل
يالله تجمعنا على الخير
الله يسهل علينا وعلى كل مسلمة
ونلاقي احد يرد علينا

[هتون]

الله يكون في العون

[توفيه الفوشيه]

في الشهر السادس يكون الراس فوق لسه

[بنت الشام]

وانا مثلكم بالشهر السادس واول حمل لي
الم اسفل البطن شي عادي بسبب تمدد الرحم
والجنين يبقى راسه فوق
الله يثبت حملنا ويقومنا بالسلامة
حبي وتقديري

[مغتربة عن بلدي]

الله يسهل علينا وانا بالضبط حالي كذا كانك تحكين عن معاناتي اهئ اهئ

الله يعييينا

[محجبه]

انا مجربه ولله الحمد ولادات سابقه وانا الحين مثلكم بالساااادس واعراضكم كلها
طبيعيه وفوق الطبيعي بس ياحليلكم عليمين ولسى تحسبون اي تغير يصير مرض
بعدين انا ببعض عيالي احس بخمش اضافر وليدى فوق ذاك ذاك انتم تعرفون
ولمن اولده بسم الله عليه يصير له اضافر
والحموضه عادي هذا من كبر الجنين يبدا يضغط المعده بعد بدري الحموضه تزيد بالشهور الاخيره
تردد الحماااااااام جدا طبيعي
والنوم لازم على الجوانب لانك لانمتي على ضهرك يضغط على الحجاب الحاجز ثم يالله دوري على النفس بتصيرين مكتومه لين تنامين على جوانبك
المهم كل اللي تشكونه جدا طبيعي وبعلمكم معلومه
استمتعو بالخامس والسادس لانه بيجيكم الثقل والضيق والسادس حلو لانه بعد الوحم
يعني قمه الوناسه بالحمل لكن اللي قبل واللي بعد كلهم تعب

[™ روحــي فــــدٱٱٱهـ« ||]

محجبه طمنتيني الله يطمن بالك وييسر ولادتك يارب..

بس خوفتيني من الاشهر الجايه وأنا وراي دراسه الله يكون فعوني ..

[ام الجازي]

الله يطمن قلبك
الحمد الله على كل حال الله يأجرنا
ويفرحنا بشوفتهم بصحه وعافية

[ام القماري]

الراس فوق لسه مانزل ينزل بالشهور الاخيره
الله يسهلنا يارب

[لحن الشفاه]

والله نفس حالتي ااخوات وقلت شكلها ترفس

الله يسهل الولاده للكل

[رسمتك بسمة شفاتي]

منظمة الحوامل بالشهر السادس
بما اننا بالشهر السادس وعليميه هع هع

نطلب من كل حامل ان تزودنا من تجاربها السابقه

بحكم انها اصبحت مربيه نتعلم منها

وانا الان لم يبقى لي الا يومين وادخل بشهري السابع

ربي يتتم علينا ويسهل علينا الولاده يارب

فانا متخوفه شوي من الشهور الجايه لانه من شهري

هذا وانا احس بتعب فاحس الشهور الجايه بتكون اثقل

واتعب ما اقول الا ربي يعين ويسهل علينا الايام الجايه

يارب

[ام الجازي]

الله يكون بالعون
مافي شي يجي بالساهل لازم نتعب عشان نرتاح بعدين
وياليت كل وحدة عندها خبرة تفيدنا

[سعودية الهوى]

ماقصرت الاخت جاوبت على كل تسالتكم
بس للمعلوميه النوم على الظهر مو زين
لانه احتمال الحبل السري يلتف على رقبة البيبي
وكثرة دخول الحمام لانه البيبي كل ماكبر يضغط
عالمثانه

[ذكريات الماضي]

اني بعد في نفس شهركم

واكثر شي اعاني منه النووووووووووووم ماعرف انام عدددل

الله يعينا ويساعدنا ويقومنا بالسلامه

[دلوعة حبيبها]

الله يسهل امركل حامل وتولد وتقوم باالسلامه وربي يرزقنابااطفال سليمين امييييييييين يارب
اناكمان بكريه وعندي نفس الاعراض بس ماقصرو البنات ردو عاى الموضوع الله يعطيكم العافيه بناااااات,,,,,,,,,,,,,,,,,,,,,

[بذخ~]

ربي يجزى خير كل اللي أفادونا ..~
لانو حتى انا نفس الشئ (:
بس في شئ مخوفني من يومين سايرة ما احس بحركة للجنين !
مدري شئ طبيعي انو تخف الحركة وحترجع ولا لا !

:

[دلوعة بالحيل]

ربي يتمم لنا على خير
ويسهل امورنا يارب

[فراشة الشارجه]

إنا ماعرف الموضوع قديم ولا جديد بس الأخت لي ما تحس بحركة النونو شيري العياده حبيبتي


والله يسهل علينا كلنا إن شاء الله