ابي مساعدتكم بخصوص مشكلتي مع زوجي

[حمووشه المطيري]

السلام عليكم ،،


شلوووونكم بنات ،، ابي حل لمشكلتي المهم انا بنات الصراحه زوجي عنده ظروف ماديه ومايصرف علي يعني حقي ما يعطيني كامل ،، طبعا عايشين مع اهله وامه وابوه ما يقصرون فلوسه لهم يعني من النوع يصرف لاهله وانا طاف وهذا الشي ضايقني طبعا هو فوق كل هذا مانعني من الدراسه والوظيفه انا طفشت صراحه ابي البس اغير ف امي قالت لي شرايج اسوي لج دعم عماله يعني تجيني فلوس بس نااشتغل انا صواحه وافقت عشان امي هي مطلقه وعليها مسؤوليه ف حبيت استعدها لان تعرفون الام غير ومنها تعطيني من المعاش وقلت لامي اعلم زوجي ولا لا قالت لا هو مودرا عنج ولا هو معطيج خليه سر طبعا سكت انا كان تقويبا صارلي 8 شهور مت علمته وقبل ثلاث شهور حملت وقلت بقعد عند اهلي لاني اكل مثبتات وفجاه هو يتصل علي قال شتايج اسوي لج دعم عماله هو يبي يكمل دراسته وطلع من وظيفته وطبعا يبي ياخد الفلوس مني واعترفت له اني مسويه من قبل طبعا انصدم وهااوش وقال كلام وانا بارده اعصابي وصكر الخط بوجهي طبعا بعد اسبوعين امه ما قصرت اتصلت علي وتهاوش مادري هي شدخلها بينه وتقولي ملام طبعا انا رديت مافيها شي لا عطيت امي وتقول كلام يقهر صراحه المهم الحين شنو اسوي معاه اتصا عليه ولا لا لانه هو لا اتصل ولا سال ولادق باب بيتنا

[غفران شكران]

السُحت هو المال الحرام. وهو المال المتحصل مــن الدولة أو من الناس من دون بذل جهد، أو لقاء عمل مؤدى، فقانوناً يقال الأجر مقابل العمل وان عمل الموظف وتعاقده مع الدولة أو مع الاخرين يقاس بمدى ساعات العمل التي يؤديها يومياً للدولــة أو رب العمل. وبقدر ما ينتجه من انجاز يعود بالفائدة على الدولــة أو رب العمل وتحقيق أهداف المؤسسة او الإدارة الحكومية. ولكن ما نسمعه ونشاهده من جيوش الموظفين الذين يتقاضون رواتبهم دون ان يكون لهم عمل أو دون ان يؤدوا اي عمل.
حتى وصــل الحــد الــى أن اكثـرهم لا يعرف مقر عمله. وإن عرفه لا يذهب اليه وان أجبر على الالتحاق به، تحت مظلة تطبيق القانون عليه، او فصله من العمل استخدم كل الطرق من واسطات ومحسوبيات وأصوات انتخابية للتهرب. سواء بالضغط على مسؤوله للسكوت عن وضعه غير القانوني، أو بالنقل الى مكان اكثر انفلاتاً وأقل قيوداً او انضباطاً بحجة عدم التقدير او عدم وجود فرصة للترقي أو الابداع. طبعا ليرضي نفسه وليغطي على خطيئته. هذا حال الكثير من الموظفين والموظفات الذين يـأكلون مالاً حراماً لم يبذلوا به جهداً او يؤدوا أمانة العمل. فالعمل عبادة.
والنار اولى بالجسد الذي بني على السُحت والحرام وشؤم هذا المال الحرام سوف يطول هؤلاء وأبناؤهم. والادهى والأمر أن غالبية من تناقشهم في أن هذا المال حرام يرد عليك بأن مسؤولي في العمل سامح لي بالتغيب وعدم الدوام، ونرد عليه بأنه اذا كان مسؤولك في العمل متواطئاً معك ومسامحكم فإن الله لن يسامحك.
ملاحظة
الكثير من الناس الذين لا يداومون في أعمالهم تحت هذه الحجج الواهية تجدهم يستغلون هذا الانفلات في الذهاب لأداء العمرة والحج، وفي التجارة ونقول إن الله طيب لا يقبــل الا الطيب وان تجارتهم سوف تبور؟!

[غفران شكران]

أختي الفاضلة أرجو منكي قراءة موضوع السحت للدكتور نايف العدواني والاستفادة منه والتوبة من الفعل وأدعو الله ان تنصلح الأمور بينكي وبين زوجكي في القريب العاجل ونصيحتي لا ضرر من ان تبادري بالصلح لأنكي أخطاتي في حقه واخفيتي عنه أسال الله لكي السلامة

[ام نرجوسه]

بارك الله فيك أختي غفران شكران وياريت انك تنزلي موضوع اكل السحت بموضوع منفصل لان الناس صارت تأكل السحت ها لأيام بشكل غير عادي ويحللوا فيه لي انفسهم ربي يهدي
وعن الأخت صاحبة الموضوع
بما ان الأخت غفران شكران وضحت لك ان هالمال الي انتي بتاخذ يه من الدولة مال حرام فا أتمنى من الله العلي القدير انك توقيفه فورا على شان ما تتحملي وزر أخذ هالمال
وبالنسبة لزوجك تقدري انك تتصلي عليه أو تحاولي انك توصيل له بي أي طريقة وتقعدي معاه قعدة ودية لوحدكم وأفتحي معاه موضوع هالمعاش واسأليه ؟؟؟يعني قولي له ايش سبب زعلك من موضوع أخذي المعاش ؟؟وخليه يحكي لك ايش الي مزعجه والي مزعله بالضبط فلو قالك انه زعلان لأنك ما خبرتيه بها الموضوع فا قولي له سبب عدم إعلامك له الحقيقي وقولي له انه المفروض يكون أكبر همه انه كيف انك قبلتي على نفسك انك تأخذي مال مو من حقك ورح تأثمي بسبب أخذك له
مو ان يكون أكبر وآخر همه عدم إعلامك له بها الموضوع
وأفتحي معاه موضوع الصرف عليك وخبريه ان من ضمن حقوقك عليه انه يصرف عليك على أكلك وشرابك ولبسك وجميع احتياجاتك أو انه يسمح لك انك تشتغلي على شان ما تضطري والعياذ بالله إلى السرقة مثل ما صار مع الكثيرات من الزوجات المهملات من قبل أزواجهم
يعني انا مش عارفة كيف لا يصرف عليك ولا مخليك تشتغلي ؟؟؟وبعد هذا كله يبي يأكل معاش حرام على حسابك
يعني لا منه ولا كفاية شره
ربي يهديه

[حمووشه المطيري]

خواتي للعلم انا مااستلم الفلوس امي تاخذهم لديون بس ومدير الشركه يدري اننا ناخذ ف يقولون عادي مو محرم انا سويت لامي ولنفسي والله جد تعبت يعني معاناه حتى الثلاجه فاضيه واستحي اطلب من اهله شي وامااقدر اقول لامي انه جذي حالتي يعني بنات فوق ما انا صابره ومتحمله يبي ياخذ معاش مني ويتزعل ومايدق يتطمن علي ع الاقل يقول شلون البيبي اللي ببطنج مافي بلا ضمير حتى لو ارسل له او اتصل ماراح يرد علي ف ليش اذل نفسي والله لو انه يستاهل ما سويت كل هذت دعواتكم :(

[jojo 123456]

الله يسر امور ياااارب ويصلح بينك وبين زوجك
الاخوات ما قصرو مشكورات

[حمووشه المطيري]

بنات انا لحد الان ما كلمت زوجي هو ما اتصل علي ولا ارسل الحين صارله شهرين
شنو اسوي رايكم اراسله او ادق عليه ماني عارفه اخاف لا ارسلت له قام يتغلا علي ريجرحني عشان جذي انا تركته مده شهرين ابيه يراسلني :(



والله مو عارفه انا توني جديده متزوجه ابي من خبراتكم

[nour karim]

اصعب شئ على الرجل الكذب عليه حبيبتي انقذي بيتك فانت المخطئة وتداركي الامر اخبريه انك مثلا خفت الا يقبل او انك كنت تنوين مفاجاته وحاولي اصلاح الامر واسالي
اهل الفتوى عن هذه العمالة انا لا افهم في هذه الامور فالحرام هو الذي يخرب الامور ولا بركة فيه انا اعيش مع اهل زوجي منذ5سنوات زوجي يخدم اهله براتبه ووقته ولا ابالي على امل ان يرزقنا الله ببيت مستقل المهم ان احافظ على حياتي هداك الله حبيبتي الى ما فيه الخير واعاد لك زوجك اميييين
https://encrypted-tbn1.gstatic.com/images?q=tbn:ANd9GcTwupsj9lfbWe5ekYc3r8PJi1op2igsw fo0gi670EtQgeVmEseBتفاءلي خيرا تجديه

[أسيرة زوجي]

حبيبتي غنتم بينكم بيبي لسه جاي في الطريق

بادري بالصلح و هو زوجك مو غريب

مات فيها شيء لو تطلبي السماح منه

الله يفرج همك و يفتح عليك يا رب

[حمووشه المطيري]

اللهم امين
حبيباتي مشكورات ع الدعوات والكلام الطيب
المشكله امي كانت تقولي اذا علمتيه راح ازعل عليج ولا اكلمج ف احترت امي غاليه علي وماارضى لزعلها
وحتى كنت متردده اني اعلمه خفت من المشاكل والله يا بنات انا صابره عليه كثير وودي الحين اكلمه بس هو ماراح يرد علي هذا المشكله

الله يهديه

[حمووشه المطيري]

بنات كلمت زوجي قبل شوي واتساب

سلمت عليه بس قالي كلام يجرح حتى قال مابي اللي ببطنج ويدعي عليه :(
ويقول انتي ماارسلتيني ولا سالتي عني ٣ شهور ليش داشه الحين
صار يعاتب ويجرح اخ بسس

[حمووشه المطيري]

ويقول لي ابي اتزوج واذا تبين تجين تجين على جاره

بنات اكلمكم وابجي تعبت والله مادري شنو الحل ماعرف هو من صجه ولا لا

مو لهالدرجه يتزوج علي على سبب بسيط

[حمووشه المطيري]

وينكم ؟؟ قولو لي شسوي :(

اطلب الطلاق


ولا اكمل حياتي مادري هو للحين ما تزوج بس هو يقول ابي اتزوج عن قريب مدري هو صاج ولا يجذب اه تعبت وخايفه ع اللي بطني لا يصير فيه شي من نفسيتي

[Rwabi_2]

حبيبتي اكبر غلط انك جلستي هالمده الطويله

كان على الاكثر خليتيها اسبوعين بس تهدا النفوس شويه
بس ماينفع الكلام الحين الله يهديكم

مشكلة الرجل الشرقي مستحيل يتنازل حتى لو هو غلطان

هو يمكن انقهر انك ماحسبتي له حساب وسويتي شي من وراه وهذي اهانه لهم
الحين انتي سوي اللي عليك وابدي بالصلح حتى لو قال كلام يمكن يهددك لا تهدمين بيتك بيني له الاسباب بهدؤء وحاولي انك ترجعين لبيتك
خلي يقول اللي بخاطره هو مقهور ويدرون الرجال انو لو تكلمو عن الزواج هالشي يقهر الحرمه فانتي اصلحي مابينكم وارجعي وانسو اللي صار وهو لو شاف بطنك ولمس حركت البيبي بيحن قلبه ومع الوقت بينسى وبيلهى مع النونو اذا طلع

وحبيبتي لا عاد تعودين تخبين عنه شي وبيني له كل شي حتى لو امك قالت لك اذا انتي مو مقتنعه باي شي تحسينه يخرب عليكم لا تسوينه

كلنا نحب امهاتنا ونبي رضاهم بس مو دايما تصيب معها لذلك ابي اقولك شي ادري الام تجتهد ودها تشوف الزين لبنتها واحياننا عن غير قصد تخرب بيت بنتها
لذلك ياقلبي الشي اللي تحسينه مو صح وبيخرب بيتك ابتعدي عنه الام مستحيل تزعل للابد على اولادها بس الرجال ممكن يبيع ولا يحس

حبيبتي لا تفكرين ابد بالطلاق وتضعين طفلك رللي مابعد شاف النور

الله يهديكم يارب ويحنن قلب زوجك ولا يبدلك ولا تبدلينه

[حمووشه المطيري]

حبيبتي اولا انا قعدت اول الشهور عند اهلي لاني عندي حاله اجهاض واكل مثبتات وارتحت عند اهلي وببيت زوجي شقتي دور ثالث وشغل وتعب لاني مرتين اجهض ومافيني شي يسبب الاجهاض قال الدكتور الدرج اول ثلاث شهور ممنوع والجماع بعد وكلمته بدايه انا ابي احافظ ع اللي ببطني مابي اضيعه والحمدلله لما قعدت وارتحت كمل حملي يارب لك الحمد ..

الحين احترت والله اهله يتكلمون عني عند الناس ويقرلون حجي انا ماسويته
وكلام واجد قسم بالله تعبت

[طفلة خذت قلبي]

حبيبتي اذا زوجج ماعنده عيب غير انه ماسك شوي هذا مايعتبر عيب لان في بعض الرجال عيوبهم ماتنترقع
هو صحيح زعل الام حرام بس امج بهاذي الطريقة راح تخرب بيتج يعني امج لو تبي مصلحتج وهي تدري انج انتي حامل وماراح تقدرين تتحملين مسؤلية طفل لحالج ويمكن بعد مايكبر شوي يقولج ابيه باخذه وماحد يقدر يمنعه من طفله
انتي فكري في نفسج امج عندها فلوس مو محتاجه والزوجه مو عيب تساعد زوجها بس اهم شي ماتخرب بيته
وانتي وزوجج محتاجين هاذي الفلوس اكثر وانتي مو تعبانة فيهم علشان تقولين لاياخذهم هاذي امج جالسة تاخذهم يعني مو لج لغيرج امج صح راح تزعل بس انتي تقدرين تراضينها بس لو زوجج تزوج عليج او طلقج راح تقدرين ترجعينه لج بعدين
انتي قبل ماتفكرين في نفسج فكري في اللي ببطنج وش ذنبه يطلع على الدنيا وامه في جهة وابوه في جهة
راح يلومج بعدين انتي كلميه وقولي له خلاص انا موافقه اعطيك الفلوس وانج تبين ترجعين وترا في النهاية انتي الغلطانة الزوج اكثر شي يقهرره اذا زوجته عندها شي يخصها ولا قالتله فكري في كلامي عدل ترا انا مار علي موقف نفسج يمكن يختلف سبب الزعل بس كان بيتزوج علي وقال لاهله يدورون له بس انا دقيت عليه وقلت له تجي تاخذني ؟؟ وجا اخذني على طول وسكر على الموضوع قال الكلام هذا نبي ننساه ونفتح صفحة جديدة وبشرينا وش صار معاج والله يصلح الأمور بينكم يارب

[υм вtℓαα]

الله يفرج همك و ييسر امورك يارب

[حمووشه المطيري]

بنات الحمدلله انا رجعت لزوجي

ادعو لي بالحياه الميسره

[غفران شكران]

الله يفرج همك أختي وان شاء الله خير اما نصيحتي ارجعي لبيتكي احتمال كبير زوجك في لحظة عند يتزوج عليكي تنازلي أختي وأكيد اشتياقه لكي راح ينسيه سبب المشكل ارجعي حبيبتي
hwaml13hwaml7hwaml13hwaml7

اختكم غفران

[حمووشه المطيري]

امين مشكوره اختي غفران ع الاهتمام