نفااااس ومشكلتي صدري

[المياسه بوظبي]

السلام عليكم ورحمه الله وبركاته


بنات اللي عندها خبره او تعرف أي احد نفس مشكلتي ياريت تساعدني لاني جد نفسيتي تعباااااااااااانه


انا حاليا في فتره نفاس ربي لك الحمد والشكر حملت بعد محاوله اطفال انابيب وربي رزقني بأحلى بنووته بصحه وبسلامه الحمدالله


مشكلتي الاساسيه وانا حامل في الشهر السادس كبر صدري وبدا يكبر ويكبر المشكله صدري اليساار هو اللي كبر بزياده لدرجه شكلي صار غلط صدري اليسار اكبر من اليمين

ومتنفخ قالولي عادي بتولدين وبيروح كل شي

بس للاسف ولدت وصدري بعده كبير انا لما اقولكم كبير يعني كنت البس 36 سي صار 44 اف يعني حتى الكب مال الستيان مايكفي صدري

ماعرف شو اسوي لدرجه اني خفت يكون فيه شي رحت فحصت قالو طبيعي مافي شي

وبعدها قررت مارضع اعرف انه حرام بس تخيلو لين وين بيوصل صدري اذا رضعت

اللي ابي اعرفه الحين اللي ماترضع يرجع صدرها نفس قبل الحمل واللي صار لها نفسي حتى لو كبر الصدرين فيها متى رجع لحجمه الطبيعي بعد الفطام يعني كم المده

وانا حاليا افكر اسوي شد لصدري في تايلند اذا ماخف بعد شهر لانه والله حتى لبسي انقرف مابي البس شي جديد كله ضيق وارف

حاليا اسوي رجيم ونزل وزني بس شو الفايده والصدر عملاق بليز اللي عندها فكره او تجربه او شافت حد مثلي تخبرني وترد علي

[قمه العطاء]

انا سمعت انو االرضاعه ترجع حجم الصدر بس لازم تكون الرضعات 10دقايق من الصدر اليمين و10 دقايق من اليسار عشان لايطلع واحد اكبر من واحد

[ام مريم ورحمة]

حبيبتي اولا الحمد لله على السلامة والله انك فكرتيني بحالي بس انا اليمين هو اللي يكبر وشوي صدري يوصل لسري بس بعد الفطام بيرجعوا طبعا مو للحجم مال قبل الرضاعة بس بيصيروا طبيعيين ما في فرق كبير بين الثديين بس انا اعمل تمارين للصدر والذراعين فبسرعة يشدو ويرجعوا ما انصحك بالعملية يمكن تحتاجي تحملي ثاني ويتكرر الوضع خلك ع الطبيعي وهي فترة وبتمر انا ممكن يستمر كدة ستة اشهر وبعدين تخف المشكلة مع الرياضة المنتظمة

[SaraKh]

خببيتي المفروض ترضعي من الصدر الكبير قليييل و تركزي عالتاني الصغير عشان يتملى يسير زي التاني

[حظنك يدفيني]

حبيبتي حرام عليك وش ذنب النونو الله يحميها يارب تحرميها
صدقيني بيرجع بعد الرضاعه ولاتنسين الرضاعه ترجع اشياء كثير بجسمك زي اول
ونصيحه شيلي الاوهام من راسك وانسي فكره العمليه
موفقه

[دف القمر]

حبيبتي
انا كنت البس مقاس 34 اتوقع الي اكبر من اصغر مقاس
المهم واول حمل لي يااني انتفخت وصدري وضهري والحاله حالهصار مالقى مقاس للسنتيانه واذا اشتريت تطير من الخلف شويه وتوصل رقبتي ولمن ولدت متيبس ومتحجر وتبهدلت بهدله
واحد اكبر من الثاني
فرضعت بنتي سنه وحملت ونفس الموضوع ونفس الحاله ولحد مافطمت ولدي كل يوم يخف يخف ويخف لحد مارجع بشكل مقبول لكن يرجع لنفس مقاسك قبل الحمل ماتوقع
ادعيلي يالغلا انو ربي يسهلي ويسرلي حملي وطلقي وولادتي

[jojo 123456]

انشاء الله البنات يفيدوكي يااارب وما يبخلو

[المياسه بوظبي]

مشكووورات بنات ماقصرتووووو وربي يوفقكم كفيتوو و وفيتووو الله يعينااا يارب

[دانة العراق]

والله اختي ماعندي علم
ان شاء الله البنات يفديوك اكثر

[طفلة خذت قلبي]

انا صدري كان صغير بس الحين بعد الولادة صار روعة عاجبني كثير

[حياتي توأمي]

ان شاء الله يرجع صدرك مع الرضاعه للمقاس اللي تتمنيه

موفقه

[فجر الحارثي]

ياقلبي أحس الموضوع جدا عادي ما أدري ليه تاعب نفسيتك ؟
أنتي توك والده أصبري فترة و إن شاء الله يرجع لوضعه الطبيعي
و لا تحرمي النونو بكرة بيصير عندها ضعف بالمناعة أهم شيء صحتها

[حنين الوجدان]

مرحبا اختي
انا فكرت انه بس انا اعاني من المشكله بس لنا العكس اليمين اكبر مع انه ارضع من الاثنين بالتساوي بس كبر كثير ةصار يألمني حيل لدرجه ما اقدؤ ألمسه
ورحت الطبيبه وفحصتني وقالت بداية التهاب واعطتني مضاد وعلمتني كيف أدلكه تحت الشاور من فوق لتحت واحاول قد ما اقدر اطلع الحليب
واحسن الحين أحسن من أول