استفسار عن مستشفى اليمامه

[Ameeera3]

السلام عليكم ورحمة الله
كيفكم ياحوامل؟
ابي استفسر منك عن مستشفى اليمامه بالرياض مين جربت الولاده فيه؟
وكيف توليدهم وعنايتهم بالام والبيبي وخياطتهم؟
ومنو افضل دكتورة؟
وكيف الغرف ونظافتها ابي عرف كل شي عن هالمستشفى ..اختي محتاره اذا بتولد فيه اولا وحابه تعرف اول من خلال تجاربكم ..
تكفووون لاتطنشون موضوعي وردوا باللي تعرفون عنهم تاخذون اجر فيها قبل تروح لهم..

وشاكره لكم تفاعلكم مقدما..

[إحساس إمرأة]

هلا حبيبتي
انا ولدت فيها قبل 8 سنوات
ما عليه بس زحححححمه
اهم شي نقووووووم اختك بالسلامه
وبصحه زينه لاختك و المولود و يفرح قلبها
والله يسهل ولادتها لا مستشفئ ولاغيره
والله الولاده تسخير من الله
الله يقومها بالسلامه
ويقوم كل الكرووشات ياااا رب

تقبلي مروري لك مني اجمل ود
الله يسعدك و يوفقك ياغلااا

[إحساس إمرأة]

http://forum.hwaml.com/imgcache2/hwaml.com_1398129304_278.jpg

[Orchid109]

ماعندي فكرة حبيبتي
بس توقعاتي انو مو كويس الكل حولو على مدينة الملك فهد الطبية
او الشميسي

بالنسبة للاجراءات الطبية زيها زي اي مستشفى
بالنسبة للنظافة لا ماتوقع اي مستشفى من المستشفيات الحكومية نظيفة
عدا مستشفى الحرس الوطني ومدينة الملك فهد الطبية


عموماً تولد اختك بالسلامة

موفقة

[Ameeera3]

الله يسعدكم اخواتي
وشاكره ردودكم

[ملكه بعيون زوجي]

هلا حبيبتي
انا ولدت فيها مرتين وبصراحه اهتمام وعنايه ونظافه وتعامل راقي جدا ماتوقعت مستشفى حكومي بمميزات الخاص حتى عاملة النظافه حنونه شافتني ابغا أقوم وبسرعه نزلت مكنستها وجات تساعدني وقومتني
وفي ولادتي الاخيره جاتني وحده من القابلات اعتقد .. طلبتها مويه قالت ياحبيبتي الله يخليك خليني اجيب لك حليب حار المويه بارده عليك قلت طيب وجابت كوب شاي قالت مالقيت حليب بس الحين حار خليه شوي وارجع لك وماتوقعت ترجع وبعد شوي رجعت وشربتني الشاي بيدها الله يجزاها كل خير يارب كل ما ذكرتها دعيت لها


بس عندي ملاحظه وما ادري ايش سببها اخر ولاده قبل سنتين ولدت عندهم ببنت وكانت الولاده الثالثه وماخيطوني تقول ما يحتاج
انا ماعجبني الوضع خفت من التوسع وكذا بس لما سالت قالو احمدي ربك بالعكس هذا الأفضل
بالتوفيق لكل الحوامل يارب