الله يسعدكم ويسر اموركم جاوبوني

[sooma1]

السلام عليكم ورحمة الله وبركاته
مساء الخير

طبعا انا حاولت كثير بالتسجيل بالمنتدى بس مرا مو راضي

واخذت عضوية اختي .


عندي سؤال والله يسعدكز ابغى منكم اجابه واطمن .

انا من دخلت الثامن يجيني كسل وخمول وتعب ويروح مع اني ﻻ اشتغل وﻻ اسوي شي

عند أمي يعني راحه تامه .

قبل امس كان موعدي وقال الدكتور عندي ارتفاع بسيط جدا يعني مايخوف وانا اﻻن باﻻسبوع 35

واليوم حسيت بخمول وكسل ونوم وغثيان بس اخذت غفوه وحسيته راح

للعلم ان اكلي مو هذاك اﻻكل يعني يادوبك اكل بس مواضبه ع الفواكه والعصيرات

واكل المطاعم من السادس وقفتها . والنوم مانام الليل اﻻ بالنهار ومقطع كمان

سؤالي انا باقي لي كم يوم وادخل التاسع هل الغده الدرقيه تأثر على البيبي

الله يسعدكم جاوبوني

[rayana]

انا مثلك بالاسبوع 35 وباقي كم يوم ادخل التاسع واحس بخمول وكسل وماقدر اقوم نفسي الا بالقوه وهاليومين احس اني ثقيله مرره وكسلانه مع اني عصلا ههههههه اتوقع عادي اعراض طبيعيه
بس انتي ماوضحتي لنا ارتفاع في ايش ؟؟
والغده الدرقيه ماعرف عنها شي انشالله غيري يفيدك
اما كم باقي لك يوم تدخلين التاسع عطيني تاريخ اخر دوره عشان احسب لك

[الريم الشرقي]

الكسل والخمول وممكن ألم بالبطن والساقين أعراض خمول في الغده لأن معاي خمول وأعالج من قبل الحمل بس بما إنك في أخر حملك إن شاء الله مايأثر على الجنين ...
لازم تتأكدين من الدكتور وتعالجينها بعد الولاده سواء ارتفاع او خمول لا تهملينها نصيحه

[ام ارجواااااان]

ما هو السؤااال ؟؟؟؟ ارتفاع ماذا ؟؟؟؟؟؟؟؟؟؟؟؟؟؟

[sooma1]

سؤالي ارتفاع نسبه بسيطه جدا في الغدة الدرقيه
بس ماحس رجولي تعورني
انا اراجع في مستشفى الامير سلطان العسكري بالمدينه
بس قالي الدكتور ما تأثر دامك باقي لك ايام وتدخلين التاسع
اخر يوم بالدورة كان 20 من شهر 10
وقالولي الوﻻدة المتوقعه في 20 من شهر 7

ويمكن تعب وانا جسمي مليان بس مو لدرجة التخمه
بس حاسه نفسي ماني قادرة اسوي وﻻشي حتى الجلوس يتعبني

[rayana]

الله يسهل عليك يارب بالنسبه للغده ماعرف عنها شي وموعد ولادتك ماعتقد انه 20 من سبعه لانه انا اخر دوره لي يوم 4 /عشره اول يوم دوره مو اخر يوم وعطوني موعد ولادتي 20 من سبعه فاتوقع توقعاتك غلط والله اعلم

[طفلة خذت قلبي]

تدخلين التاسع 35 اسبوع و4 ايام
وبالنسبة للنوم والغثيان شي طبيعي لان يصير استعداد للولادة
انا كلا احس ابي انام وابي اكل وابي اطلع وابي ابكي
يعني اللي تبينه موجود ههههههه طبيعي وبعض الاوقات تحسين انج مليتي من الحمل تبين تولدين
وبعض الاوقات تحسين انج تبين تتمين حامل ههههههههه

[sooma1]

الله يسعدكم يارب والله يسهل علي وعليكم
ويتمم لنا على خير .

[!اميرة الورد!]

سؤالي ارتفاع نسبه بسيطه جدا في الغدة الدرقيه
بس ماحس رجولي تعورني
انا اراجع في مستشفى الامير سلطان العسكري بالمدينه
بس قالي الدكتور ما تأثر دامك باقي لك ايام وتدخلين التاسع
اخر يوم بالدورة كان 20 من شهر 10
وقالولي الوﻻدة المتوقعه في 20 من شهر 7

ويمكن تعب وانا جسمي مليان بس مو لدرجة التخمه
بس حاسه نفسي ماني قادرة اسوي وﻻشي حتى الجلوس يتعبني

تاريخ ولادتك غلط

انا 13 عشرة وتاريخ ولادتي 27 رجب

وقالت يمكن قبله باسبوع او بعدة باسبوع

والخمول عادي من الغدة

[ام لولي ..]

انا مثلك تمام

خاصه بعد الاكل امووت من الخمول

ووقت العصر بعد تجيني حاله كسل مو طبيعيه حتى يدي ماقدر ارفعها

وانا الحين بنهايه التاسع زادت عندي بالشهر الثامن بس الحين اخف

ولما سالت قالت الدكتوره انو طبيعي ويمكن من نقص الدم

الله يعين ويسهل ويهون علي وعليك وكل حامل

دعواتكم :(

[sooma1]

مشكورات اخواتي انا طبعا سويت تحليل للغدة ويطلع اﻻسبوع الجاي
وبوافيكم بالنتيجه