غرام أحباب

[الشوق عطري]

غرام أحباب





على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني



http://forum.hwaml.com/imgcache2/hwaml.com_1285438199_696.jpg


تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي
لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي




http://forum.hwaml.com/imgcache2/hwaml.com_1285438199_553.jpg



صدفتك معجبه فيني وياليت .. الغـرام : اعجـاب
وتراك انتي الهنوف اللـي هقيتـك تستحقينـي




http://forum.hwaml.com/imgcache2/hwaml.com_1285438200_908.jpg



عطيتك عشق من قلبي .. وسلمت لغـلاك رقـاب
وغيـرك يحتـرق قلبـه ولا يقـدر يحاكينـي



أنا قبلك صدفت عيون لكن ويش جاب لجـاب؟
ترى كـل العيـون اللـي لقتنـي مـا تكفينـي








رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي



تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي




تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونينـي




وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي





ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي




أنا ما أمشي ورا غيرك ولو أنه يطـق البـاب
وترى عيبٍ عليّ أطعن .. ولو كثـرت سكاكينـي





http://forum.hwaml.com/imgcache2/hwaml.com_1285438198_214.jpg





زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي





http://forum.hwaml.com/imgcache2/hwaml.com_1285438198_762.jpg




غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي




إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي




http://forum.hwaml.com/imgcache2/hwaml.com_1285438200_806.jpg



أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي








سؤالك لو يزعزع بي كياني مـا قبلـت عتـاب
اجي لك وأسالك نفس السؤال اللـي سألتينـي






عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي




http://forum.hwaml.com/imgcache2/hwaml.com_1285438199_185.jpg




أبي عشق تحسب له كل نظرات العيون حسـاب
وابي قلبٍ علي قلبي ، وابى دينٍ علـى دينـي




وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي




وابي دربٍ على العذال صعبٍ ومتعـبٍ وغـلاب
وابي نفس الطريق الصعـب يبعدهـم ويدنينـي




ترى لو للقلوب عيون ولدموع العيون أهـداب
حشى ما تنزل الدمعـه لغيـرك لـو تركتينـي





أنا أول من عرف قدركوأنا توي صغير وشاب
وابي منـك مـا دام أنـك عرفتينـي تحبينـي





ما دام أني لقيتك في طريق أسمه غرا م أحبـاب


دخيـل الله ، وبعـد الله دخيلـك .. لا تخلينـي





ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي

حامد زيد

[الحبوبه]

تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي