فيتامينات ماترنا .. ساعدوني الله يسعدكم

[لحظة شروق]

السلام عليكم
انارحت للدكتوره في نهاية الشهر الثالث و قلتلها اني اعاني من غثيان و استفراغ و كتبتلي هاذي الفيتامينات و انا في بالي بس عشان الاستفراغ و تركتها لي شهر
سؤالي للخبيرات لين متى تستمرو عليهاا ..؟
عشان انا خايفه ان الجنين ينقصه شي !!!

[behtar]

هذي فيتامينات وممكن تزيد اللوعه مفروض تعطيك حبوب لوعه عشان تقدري تاكلين
وغلط قطعتيه لانه جدا مفيد ومفروض تعطيك حديد بعد
وبالسلامه

[sosolibya]

ماعندي علي فكرة ,,بس هي أدرى أكيد مفيدة لحالتك..

وضروري تاخدي الحديد..

حتى بأكلك اليومي..

مهم جدا جدا لتكون نمو أعصاب الجنين..


الله يسعدك يارب..

[لحظة شروق]

اهلين اخواتي نورتو
حبيباتي انا باخذ الحديد و الكالسيوم من بداية الرابع كتبتة لي الدكتوره
بس انا بسال عن الفيتامينات
مشكورات الله يعطيكم العافيه

[البارقة]

الفيتامينات ضروريه
وحبوب ماترنا انا استخدمها وصفتها لي الدكتوره وانا بالشهر الثالث
ومستمره عليها
ان عندي دوخه مو طبيعيه انا شكيت انه ضعف والفيتامين مع اﻻكل يساعد وبعد كم شهر من اﻻستمرار
يتغذى جسمك والجنين وتخف عليك الدوخه والغثيان
بالتوفيق ياعمري
وعلى فكره ﻻتقطعيها هي مجموعة فيتامينات ﻻزم تاخذيها لين توقفها لك الدكتوره

[Orchid109]

لا هي مو حقت لوعة
هي فيتامينات للام وللجنين ومرة مفيدة

المفروض تعطيك دواء ثاني للوعة
وماترنا استخدمها الى الان

[لحظة شروق]

يعطيكم العافيه اخواتي و فعلا سالت الدكتوره عنها امس قالت لازم تاخذيها

[طفلة خذت قلبي]

اهم شي حمض الفوليك تقدرين تاخذينه من قبل الحمل الى نهاية فترة الرضاعة اذا كنتي ترضعين طبيعي
الحديد تاخذينه من الرابع وتستمرين عليه للولادة وفي مستشفيات يقطعونه من قبل بس اذا قطعته من قبل تقدرين تعوضين عنه بالبقدونس لان فيه نسبة حديد كثيرة
الكالسيوم تقطعينه في بداية السابع
بس نصيحة لاتاخذين الكالسيوم والحديد في نفس الوقت لانهم يلغون فوايد بعضها كانج ما اخذتي شي
اذا بتاخذين الكالسيوم في الصباح شربي معاه كاس حليب او لبن
والحديد اخذي معاه عصير برتقال