على وشك ولاده وتعبت من التفكير !!!

[ام لولي ..]

السلام عليكم


أخباركم ؟! جيت هنا وكلي امل اللقى احد يطمني لو بدعوه

انا داخله على الاسبوع الثالث من التاسع وهذا حملي الثاني

امس موعدي وقالت لي الدكتوره ان الرحم مسكر ومانزل للحوض وطلعت منها اصيح ماعرف ليه

بس حاسه مشاعري متلخبطه من حملي كنت شايله هم الولاده وكيف ومتى بتكون بس صرت اصلي وادعي وبديت اتقبل الموضوع

لكن هذي الايام يوم اقوم متحمسه وابي اولد ويوم احس بضيق وودي اصيح وخايفه تعبت من التفكير

خاصه اني بعيده عن اهلي حتى بنتي ششايله همها وخايفه وين بتكون وقت ولادتي

خايفه ماعرف كلامي ملخبط بس. تكفون طمنوني بتجاربكم

ولو كان الرحم مسكر هل اذا جا الطلق تكون الولاده صعبه !!

وبعد خايفه اكمل التاسع ماولدت ياربي احسني متلخبطه تعبني التفكير :(

ادعو لي الله يفرج همي وهمكم

[ام لولي ..]

وفيه نقطه بسال عنها امس بالموعد السونار يعطي اني بالاسبوع ال ٣٥

بس حساب الدوره اني بنص التاسع

الي يعرف يحسب اخر دوره ومو متاكده من التاريخ بس تقريبا جتني ب ٨ / ٨ وللعلم دورتي ملخبطه يعني عادي تتاخر شهرين عشان كذا ماكتشفت حملي الا متاخر وكنت ناسيه يوم اخر دوره بالضبط :/

[غصن مايل]

خليك على حساب سونار دام دورتك مو منتظمه والله متى ماكتب الله لك انك بتولدي بتولدي على خير ان شاء الله
الله يقومك بسلامه يارب وتفرحي بمولدك جديد

[حجابي عفافي]

ياحبيبتي
تعوذي من ابليس
وكلي امرك لربك
كثري قراءة قران خاصة سورة مريم ويس
وكلي تمر كثيررر وامشييي كثييييير وخلي خطوتك كبيره مررررره يعني الخطوة الوحده عن خطوتين
واجلسي جلسة القرفصاء اتسبحي بماي دافي ودهني بطنك بزيت زيتون
واشربي حليب زنجبيل ومرمريه ونعناع وحلبه
الدارسين لاتشربينه يقوي الرحم
واذا رحتي لدكتوره مره ثانيه خليها تسووي لك تحريض
وتعطيك مغذيات عشان يلين الرحم
انا اذا وصلت التاسع ابي اسوي هالحركه
والله يسهل لك

[جُمان]

الله يطمن قلبك اختي ....

[ورد القلوب]

اختي مو شرط الرحم يفتح قبل اذا كان مسكر

فيه ناس مايفتح الرحم عندهم الا قبل ساعات من الولادة


ووكلي امرك لله

[تركوآز]

حبيبتي انا رحت الدكتورة يوم الاربعاء قالتلي انتي لسة مطولة وحتدخلي العاشر والرحم مقفل والبيبي لسة بس نازل ربعه

سرت امشي كل يوم تقريبا واكل تمر واسوي رياضة الكرسي ما جا يوم الاحد الا انا والدة ماشالله تبارك الله

وولادتي كانت سهلة مع اني بكرية

والان ليا ٥ ايام ماشالله تبارك الله

فلا تشيلي هم ربنا ييسر كل شي

العبد في التفكير والرب في التدبير

بس اهممم شي المشي صدقيني ورياضة الكرسي

:)

[أم شّهد]

يا اختي كلشي بامر الله سبحانه انا باقيلي 4 ايام واخلص شهري وهيني الحمد لله تاركة كلشي بيد الله رغم اني بكرية والخوف شايلني شيل ومليت من الوضع والثقل بس بالاخير نقول الحمد لله رح نولد نولد صبري ووكلي امرك لله ﻻ تتضايقين

[وردة ابريل]

توكلي ع الله والله مايضيع من توكل عليه

صدقيني بعض الدكتورات ماعندهم اسلوب حتى للكلام مع المرضى

انتي لسى معك وقت كثير وصح انها ايام ثقيله بس بعد ماتولدي راح يروح التعب

امشي ع كلام البنات وكثري مشي سريع واحبي مثل الاطفال وكثري سجود

واقراي سورة مريم والزلازله بنية تسهيل الولاده

وجهزي اغراضك وشنطتك وكلها كم ساعه او ايام بيشرف اخ او اخت لبنتك

ودعواتك لي بتسهيل ولادتي ( الله يسهل ولادتي و ولادة كل حامل )

[ام لولي ..]

الله يفرج هم وكربه كل وحده ردت علي

كلامكم ريحني كثير الله يجزاكم الجنه ويرزقكم من حيث لاتحتسبون

والله يرزق كل راغبه بالحمل ويتمم ويهون على كل حامل

وجعل الله يحرمكم ووالديكم وحبايبكم عن النار

ولاتنسوني من دعواتكم الله يسهل علي وعلى كل حامل ويجعلها ولاده سهله سريعه هينه ويسخر لنا عباده :)

[light...]

السلام عليكم ورحمة الله وبركاته
اللهم امين حبيبتي ربي يتولاك ويسهل عليك وييسرلك ايما تيسير يارب ويحفظك وصغارك من كل مكروه وتولدي قريب بالسلامة :'>
وجزا الله الاخوات كل خير كلامهم عذب ونصائحهم جميلة مثل ارواحهم الله يسعدهم ^^
وكلنا مابين خوف وشوق والأهم دعواتنا وثقتنا بالرحمن ماتهتز
بورك فيكم

[ام لولي ..]

طيب اخواتي بسالكم من صحيت اليوم معاي اللم في مفصل الفخذ اليسار

يخليني اعرج وانا امشي اول مره يجي مثل هالشد فيه احد حصل له مثلي

[ام ارجواااااان]

تريدين تجنب الخوف عند الولاده....تفضلي (http://forum.hwaml.com/t289775.html#post3686213)

[ام ارجواااااان]

http://forum.hwaml.com/t289772.html

[ام لولي ..]

الحمدالله انا ولدت يارب لك الحممممد

كلها كم ساعه وشفت بنتي ونسيت كل التعب والهم وتعب ال9 شهور

وودي كل حامل ماتسبق الاحداث وتشيل هم

وتتذكر ان ربي ارحم من الام على طفلها

ف ماراح يحملنا فوق طاقتنا بس نتوككل على الله وماننسى الدعاء

والله يسها ويهون على كل حامل

[ورد جوري82]

الف الحمدلله ع سلامتك وسلامة البيبي
وربي يجعلها من الذريه الصالحه

[semmo]

الله يسهل علينا وعليك

[ام سهم]

الف مبروك والحمدلله ع سلامتك

دعواتك لنا ياحلوه