تعب الشهر الثامن

[سنه اولى امومه]

الحمدلله الحمدلله الله يكتب لنا الاجر في كل الم نحس فيه ياربي والله تعبانه لي الحين ف بداية الثامن حبيباتي والله نفسيتي تعبانه وغير الام الحمال وغير الدوام وغير بنتي وزوجي والله مسؤولين لا نوم سنع ولا اكل عدل مثل الناس والحاله حاله صار تفكيري كله متى اولد واخلص ابي ارجع لحياتي اه اه اه hwaml15والله تعبت وبالليل مافي نوم كله اراقب حركة الجنين بنات احس حركته جدا جدا خفيفه عن اول قلت الحركه يالله احس فيها وهذا الشي زايد عصبيتي صايره عصبيه وايد واصارخ على بنتي مسكينه مااتحمل منها حركه ما انه ياهل وطبيعي حركات وشقاوة اليهال شو اشوي يارب رحمتك وعفوك

[طفلة خذت قلبي]

الله يعينج
لازم تروحين المستشفى تشوفين الحركة
علشان تتطمنين على الجنين
اكثر والله يسهل عليج
انا نفسج ويمكن اكثير اول مادخلت الثامن
كلا مابي اطلع ولا اروح بيت اهلي ولا اكلم احد
حتى زوجي صار نفسي يطلع من الشقة
اقوله روح لاصدقائك ولا شوف لك مكان
بس الحمد لله بعدها تعدلت النفسية وصارت احسن
وبالنسبة للانتظار
انا من السابع وانا جالسة انتظر الولادة
بس يالله هانت كلها شهر او اقل وان شاء الله يعدي على خير

[sosolibya]

الله يسها عليك عزيزتي ,, لاتظني أنك إذا ولدتي حترتاحي أو ,,,

بالعكس المسؤلية تزيد لأن في بيبي جديد ورعاية ووو

وحتشتاقي لأيام الحمل ,, واللعب مع بنتك والنوم والراحة ,, لأن بعدين سهر وعناية ,,,

المهم عزيزتي أول شىء ضروووووووووووووري تاخدي راحة وتريحي نفسم ضروري تغيري جوك تطلعي تتمشي خودي حمام دافىء روحي لأعز صديقة روحي لأهلك..

لازمنفسيتك تتغير وترتاحي..

وكله يهون بإذن الله

وبالنسبة للحركة لا تتهاوني ,, ركزي وعدي ضروري 10 حركات في 12 ساعة

يعني عدي من 10 الصبح للعشرة بالليل 10 حركات وخليك مع متابعة مع الدكتورة ,,

الله يسعدكم.. وخلي بالك من بنتك وحاولي تخليها تساعد في شراء ملابس المولود.

[لارين فهد]

الله يهؤؤؤؤؤؤن عليك وعلى كل حامل يارب باقي ايام وادخل الثامن والاشهر الاخيره احسه ثقل وتعب انا بالسابع احس بتعب فكيف ال8-9الله يييير لنا يارب تمام الحمل ويسر الؤلاده وبر وصلاح الاؤلاد يارب

[Om Dnoo]

الله يعينك
هونيها وتهون
ومثل ماقالولك بعد الولاده المسؤليه اكبر وتعب اكثر واكثر
والحركه اتوقع طبيعي تقل لانك البيبي صار اكبر

[المياسه بوظبي]

والله نفس حالتي تعب وثقل واحس اني انقطعت عن العالم لا طلعات ولا شي كله تعب في تعب بالعكس انا ودي اولد وارتااح على الاقل بكون خفيفه وعن حركه البيبي انا نفس الشي وايد قليله بس قالو طبيعي لانه الجنين كبر فالرحم وحركته صعبه من ضيق المكان

[منتهى الشوق]

الله يهون علينا ويقومنا بالسﻻمه وﻻيضيع لنا تعب يارب

[عوالي]

وانا نفس الشي ايام وادخل الثامن والالام الحوض مررره متعبتني وماعاد اقدر انام جاييني ارق

[مآيشبهونك]

وانا بعد نهاية السابع واقول يارب لطفك وش بيصير بالتاسع خصوصا اني حامل بتوأم ﻻ اكل ﻻ نوم ﻻ حركه بس الحمد ع كل حال

والله يسهل لنا جميع