استخدمت حبوب منع الحمل جينيرا

[Askazya]

بنات انا استخدمت حبوب منع الحمل جينيرا
قبل زواجي عشان عندي كيس وظيفي عند المبيض الأيمن
استخدمتها ثلاث شهور قبل زواجي و شهرين بعد زواجي
وتركتها و اللحين لي 8 اشهور من تركتها وما حملت للحين
ولي10 شهور متزوجة
ابغى اعرف كم تعطي مناعة
ودي احمل عشان زوجي و اهله
هرموناتي الحمد لله كلها سليمة و الدورة و لله الحمد منتظمة
جد بديت اقلق و ابكي اخر الليل و ادعي ربي
تعرفون بعد اللي ماتحمل في البداية ياكلونها بكلامهم
وانا بديت اتعب نفسيا ومادري ايش اسوي
دايما اسوي نفسي مو مهتمة بالموضوع و قلبي من جوا يحترق
لدرجة اني صرت ادخل على اسماء مواليد اقرى و اشوف اللي
محتارات ايش يسمون الله يحفظهم ما ابغى اضر احد الله
لا يضرني ولا يضركم

[Askazya]

ليه ماحد رد ولو بدعوة تجبر الخاطر

[دلـــوعــه عـــــبوديـ]

حبيبتي الله يرزقك يارب ويعطيك الي تمنين
انا استخدمتها سنتين وتركتها لي 4شهور ولا صار حمل

دكتورتي قالت اذا صار لك 6شهور وماحملتي تعالي نسوي فحوصات... انتي روحي راجعي ثاني وسوي فحوصات جديده وطمنيني عنك

[dr.loly]

الله يرزقك الذريه الصالحه اختي
وحبوب منع الحمل تسوي مايعرف
بالعقم المؤقــت بس اذا زاد استخدامها عن سنتــين
من 6 اشهر الي سنة تسوي منع

بس في حالتكـ دام كل شئ تمام ماعليك الا بالصءبر وان شاء الله
مجرد مسأله وقــت

[Orchid109]

ماعندي فكرة حبيبتي

[روح الورد]

السلام عليكم ورحمة الله وبركاته

عادي حبيبتي حبوب منع الحمل تسبب تأخر

وكل شي عندك سليم توكلي على الله وان شاءالله تبشرينا بحملك قريب ...

[عاشقة حموده]

توكلي على الله ياحبيبتي
انا جلست قربة سنه ماحملت ورحت للدكتوره سوت لي بلاوي
بعدين حملت
كشوفات وتحاليل واشعه وسونار

يعني توكلي على ربك لاتستعجلي
صلي اخر الليل وادعي
صلاة الليل مره تريح

[أرياف]

انا استعملت جينرا والحين لي سنه من تركتها وماصار حمل وبديت بالمنشطات وماعندالله خير