تجربتي مع العقم

[ام الاميره]

السلام عليكم ورحمة الله وبركاته
انامريت بعقم لعدة سنوات مريت خلالها بعدة تجارب ومواقف ودي انقلها لكم للافاده وانه ليس هناك شئ مستحيل على الله لكن احب اشوف مدى رغبتكم وتفاعلكم فهل هناك احد يبغى يسمعني؟؟؟؟؟؟

[روز 3]

ايه غلاتي اكيدكلنابنسمعك قوليلناتجاربك واكيدكل الاخوات حيستفيدو

[سموة الشوق]

وكيف لا يالغاليه
وكلنا لك آذان صاغيه
بإنتظار قادمك الأجمل
والمميز
بإنتظار إفادتك على أحر من الجمر


وتقبلي فائق إحترامي وتقديري

[سكووون]

اكيد كلنا بنسمع اختي

تفضلي كلنا اذان صاغية

بانتظارك

[سولآف]

اكييد نبي نسمع

قولي يالغلا

[امنيه تتحقق]

ايه حبيبتي كلنا اذان صاغيه

[حلمي يايمه الأمومه]

تفضلي نسمعج كلناااااااااا
قوووووووووووووووووووووووووولي

[أم ياسمين]

اي حياتي اكيد كلنا خواتج و بنسمعج قولي

[ام مصعب]

اية اكيد نبي نستفيد الله يجزاك خير

[حلمي يايمه الأمومه]

متى بتقولين القصه ترى قاعده أنطرح على آحر من الجمر

[جنا القمر]

تفضلي اختي نبي نسمع القصه

[ام دنجوان *.*]

ايوة كلنا بدنا نسمعك باذان صاغية

اتحمست بدي اعرف قولي كل اللي عندك

[أمل 777]

أكيد عنا شوق نسمع قصتك000
وربنا يرزق كل محرومة الذرية الصالحة0

[أمومتي حلمي]

وينك نحن في الانتظار عسى ان نستفيد من تجربتك و لا تحزني فكلنا نحس بك ونعرف مرارة العقم .
اللهم ارزقنا من حيث لا نحتسب

[ام الاميره]

السلام عليكم ورحمة الله وبركاته
اشكر لكم تفاعلكم.
واعتذر بشده عن تاخري عنكم لكن والله بسبب وعكه صحيه زكام وحراره لكن الان الحمدلله...
المهم.قبل ابدا بالقصه احب اذكر نقطه
*ان كل مااذكره في القصه حقيقي ولم انسجه من الخيال والله يشهد.
ابدا على بركة الله
طبعا كأي فتاة انخطبت وتزوجت صغيره في السن المهم جلست عشرسنوات لم انجب ماخليت ولابقيت خلال هالسنوات لاطبيب ولااستشاري ولادايه مارحت لها داخل منطقتي ولاخارجها.
سبحان الله شفت العجب!!!
انواع من البشر الطماع والاستغلالي واللي داخل المهنه عرض واللي يحس ان الشفاء بيده واللي يسوي اشياء غريبه المهم غرائب.
يتبع

[ام الاميره]

اكمل
طبعا كل العلل حطوها في بويضات صغيره.هرمون الحليب مرتفع.انابيب مسكره.اخرماتوصلوا له يأس مبكر بسبب الوراثه .ويبقى العلم عند الله وحده اذا اراد شئ يقول له كن فيكن.
اقول احد متابع اكمل!!!!!!!!!؟

[hnen]

كملي والله ودي أستفيد

[أم الاء]

كملي اختي
انا احب اقرأ القصة كاملة
صدقيني الكل بيقرا قصتك وبيتفاءل ويتفاعل معك
بس أسلوبك بهالطريقة راح يكون ممل ويفقد الواحد حماسة للمتابعة
انتي لما تسردي القصة راح يكون هناك سؤال وجواب وأخد وعطا الكل راح يسألك
ماتدرين أش قد هناك محرومات ونفسهم في ضنا
بس اذا استمريتي كذا ماراح يكون في اي تفاعل
ارجوا ان مايكون كلامي زعلك

[سموة الشوق]

...............................

[حلمي يايمه الأمومه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[جنان الورد]

يالله عاد مو تتغلي واجد

قولي يالله

اكسبي فينا ثواب وعلمينا

عشان نتصبر اكثر

[غلا الظبي]

جــــــــآآآري الانتــــــــــــــــــــــظااار ....

[أمومتي حلمي]

وينك احنا منتظرينك افيدينا بتجربتك الله ينولك إلي في بالك

[ام الاميره]

السلام عليكم ورحمة الله وبركاته
اعذروني والله ماهو تغلي لكن جلوسي على النت مده قصيره بسبب انشغالي بأمور اخري...
المهم اكمل رحت لدكاتره كثير كثير سويت تحاليل واخذت ابرمنشطه وماحصلت فايده كان من ضمن اللي رحت لهم استشاريين معروفين في منطقتي لكن كلهم قالوا الحمل عندك شبه مستحيل!!
قلت خليني اجرب الدايات رحت لدايات كثير اللي تقول الرحم عندك مايل يسار واللي تقول الرحم مايل يمين حتى الكوي اللي ماتخيلت اني اوافق عليه سويته ومن غير مصاريف العلاج الرخيصه في علاجها تخلي مقدارالفنجال من علاجها بميه.ومن غير الاقامه كنا نقضي مدة التمريخ في الصحراء يعني بين السباع لان احيانا يكون مكانها في منطقه نائيه
ومن طلبات الدايات المستغلات وحده قالتلي قبل العلاج عندي شرط قلت :ابشري ياخاله طبعا عارفه حاجتي
قالت:شرطي اذا الله رزقك تعطيني عشرة الاف.
فاجأتني لكن قلت ان شاء الله.
وتصدقون من حسن الحظ نعم من حسن الحظ ماحملت .
وحده افغانيه اذكر مدحوها لنا ورحت لها وشوفوا اللي حصل!!
بعد الوصف وصلت بيتها وفتحت لي الباب طبعا مافي لغه بينا لتفاهم الا الاشارات
وكأنها من خبرتها عرفت اني ادور حمال
المهم بعدالكشف وبعدجهدجهيد عرفت اش طلبها قالت:جيبي دجاجه مذبوحه الان .
صراحه انفجعت فجعه احسب بتقول بعد سوداء ومذبوحه على غير القبلهّ!!!؟؟
لكن هدأت من روعي وقالت:اي دجاجه ومذبوحه على الطريقه الاسلاميه.
انت رحمك مافيه روح وحرارة الدجاجه زي الكماده على بطنك .المهم راح زوجي وجابها وفرشتها على بطني وحزمتها برباط وقالت:خليها ثلاثه ايا م على بطنك!!
طلعت من عندها بالحزام الناسف قصدي بالدجاجه صراحه ساعات ورميتها وقلت:لواني متصدقه فيها كان احسن.

[حلمي يايمه الأمومه]

كملي تكفين القصه كلها لآتقطعين يفقدنا الحماس

[زهرة البنفسج]

فضلا لا امرا الله يسعدك اسردي القصة مره وحده كذا احسن لو مافيها كلافه عليك
يعطيك العافيه

[ام الاميره]

اكمل.
اعطيكم فكره عن دورتي منتظمه باليوم ويمكن اقول بالساعه بعد لكن مؤلمه مره مره صراحه تعبت انا وزوجي وقررنا نتركها على الله .
وفي سنه من السنوات كانت اختي اللي اصغرمني حامل وعلى وشك ولاده وكان زوجي مسافر قلت:لامي انا ابريحك واروح مع اختي للولاده يعني مرافقه.
وحانت ساعة الولاده ورحت معها طبعا انتظر بغرفة المرافقات لانها دخلت الكشك.
كانت معاي حرمه كبيره في السن تنتظر بنتها مثلي.
دارحوار بيني وبينها قالت:الله يعينك يابنتي مخليه عيالك وجايه!!
قلت:ياخاله الله يرزقني ماعندي.
قالت:ليه وش قالوا لك الاطباء.
قلت:مااجمعوا على شئ.
قالت:كيف الدوره معك؟
قلت:منتظمه لكن مؤلمه والدم قليل.
قالت:انا دايه.اللي معك سدد في الارحام لكن عليك بالشبه البيضاء.
سويها زي التحميله ثلاثه ايام من الدوره وكسره صغيره.
المهم شكرتها وانا كثير اسمع وصفات ومبالي اسويها.
طلعت اختي بالسلامه ورحنا البيت اشيل بنت اختي بين يديني لاتسعني الفرحه بسلامت اختي وبالبنوته الحلوه.
تسمحون لي اكمل بكره؟؟

[حلمي يايمه الأمومه]

لآلآلآلآلآلآلآلآلآلآلآلآلآلآلآلآ
كملي اذا ماعليج أمر
متااااااابعه لج

[ام الاميره]

اكمل شويه عشان خاطركم.
طبعا لقيت امي واخواتي كلهم مجتمعينhwaml60hwaml60
ومابين هات وخذ حكيتهم عن اللي صار قالوا:ايش خسرانه العطار قريب والشبه بريالين!!!
سبحان الله الدوره كانت توها جايتني قلت فرصه.
دقايق والشبه بين يدي. الله اذا اراد شئ!!!
المهم خفت صراحه منها تكون حاره.
شغلت مخي شويه قلت احسن اربطها بشاشه واخلي الخيط برا علشان لوحسيت بشئ اسحب على طووووول.
لكن الحمدلله.مرت الليله بسلام لكن تعالوا شوفوا اللي خرج مني!!!!!!!
قطع غربيه ماتدري هي دم هي جلد هي لحم هي الرحم نزل؟؟؟؟؟
قلت ياويلي قطعت الخلف.
والله كنت من غرابته اجمعه في علبه واوريه امي وخواتي ولولا الحياء كنت ابوريه اخواني بعد شئ عجيب!!!!!

بعدهاعلى طول خليت اخوي يوديني اقرب مستوصف بس ابغى ارتاح ان رحمي موجود؟؟؟
لكن الحمدلله هدأت من روعي وقالت:الرحم سليم.
المهم توالت الدورات الشهريه بعدها لكن من دون الـــــــــــــــــم.

معليش والله غصب عني اكمل بكره.

[ღॐ آية ღॐ]

في انتضارك بس نصيحه اكمليها بكرة

[حلمي يايمه الأمومه]

الله يعيننا نطرج باجر ان شاءالله

[ام صـالـح]

الله معكـ
با نتظارك يالغلا

[سولآف]

بنتظارك والله انا ماحب الانتظار بس الشكوى لله
نبي نستفيد

[~~لحن الحياة~~]

بانتظارك غاليتي

[ام صـالـح]

وينكـ غلاتي
كمليلنا وش صار معكـ

[ام دنجوان *.*]

وانا كمان بانتظارك وانا اقراء صرت اقول لزوجي يالله بدي قلم

بدي اكتب الشبا البيضاء فرحت لقيت شي يشيل الالم لاني دورتي الله يكرمكم تالمني بشي موطبيعي

المهم انا انتظرك ياليت ماتتاخري

[حلمي يايمه الأمومه]

يالله يا أم الأميره ننطرج تكملين قصتج

[ام الاميره]

السلام عليكم ورحمة الله وبركاته
الله يستر عارفه انكم زعلانين علي لكن والله والله اليوم دخلت العصر واكتب واكتب يمكن ساعه كامله لما جيت عند ارسال وهو ينقطع النت ويرتفع ضغطي ويجي موعد خروجي لتحفيظ واخرج وتوني جايه وبكمل لكم القصه خلاص........

[ام الاميره]

بسم الله
المهم بعد ثلاث دورات من دون الم في الشهر الرابع من العلاج اتأخرت الدوره اسبوع قالت لي اختي ايش رأيك تسوي تحليل؟
وانا بصراحه معقدتني اجهزة التحليل من كثر ماتكسر بنفسي واقول مستحيل اني اشوف النتيجه ايجابيه!
لكن ارادة الله فوق كل شئ
المهم جبت التحليل على اني اسويه مع بزوغ الفجر.
مادري كيف كانت ذيك الليله طويله كئيبه مخيفه الانتظـــــــارصعب.
hwaml93
وعندما وضعت القطرات الصباحيه الاولى الله يكرمكم.خفت اكثر صرت ماابغى انظر لكن لازم انظر المهم نظرت لا لا ماني مصدقه اللي اشوفه!!!!!!!!
اناحامل اللهم لك الحمدوالشكر.
ومن ذيك اللحظه انقطع عندي الارسال يعني فقدت الاحساس باي شئ
ماادري كيف بشرت زوجي والله اعلم انه فقد الاتصال مثلي.
طبعا ماعلمنا احد حتى نتأكد رحت المستوصف وكانت نفس النتيجه.
بشرت امي وام زوجي واخواتي وكل من يحبني والحمدلله.
مرت التسعه اشهر فاقده الاحساس البطن يكبروالمسه بيدي واحس انه فراغ من هول المفاجئه!!!!!!!!
اعذروني زوجي على راسي يقول بسرعه جهزي العشاء.نتقابل بكره ان شاء الله.

[سموة الشوق]

مبرووووووووووووووووووووك على الحمل خيتو

بانتظارك


كأني أشوف مسلسل من حلقات


الله يسهل أمورك وأمورنا يالغالية ويحفظك ربي من كل سوء

[ام صـالـح]

هههههههههههه صدقتي طيوفه

مبروك حبيبتي والله شي يفرح

[ام دنجوان *.*]

بصراحة خفت من قصتك

قلت ياسلام الحمد الله طلعت حامل بس لما قلتي احس انو هواء

قلت انو حمل وهمي يالله والله اتلعب باعصابي

ياليت تكملي

لان منجد صرت اهوجز ان شاء يكون حمل وسليم يارب

انا بانتظارك على احر من الجمر

[أمومتي حلمي]

سلام حببت الف مبروك على الحمل
بس لي طلب ياريث تفسري لنا طريقة عمل الشب والكمية إلي استخدمتيها و الوقت الي استعملتيه فيه في ايام الدورة أو في ايام الطهر كم يوم بالليل أو بالنهار ....
ياريث تفسري بالتفسير الممل احنى زي الغرقانين ما نصدق نلاقي قشة نتعلق بها اعدريني انت دقت مرارة العقم وما احتاج اشرح لك وضعنا
الف مبروك مجددا و الله يكمل عليكي بالخير

[ام خطاب3]

الف مبروك
بانتظارك

[حَ ـاملة القُرآن]

ارجُوك تفدينـا في الخلطة خاصة الشبة البيضاء
كيفية التعامل معها و كيف نستعملها ومتى نشربها
وفي اي يوم في الدورة

فانا اليوم في اليوم رابع من الدورة
هل ممكن اشربها او اسويها

فدينا ارجوك رزقك الله ذرية الصالحة
وثبت الله حملك

[ام الاميره]

السلام عليكم ورحمة الله وبركاته السلام عليكم ورحمة الله وبركاته
اخواتي الاسئله خلوها اخر شئ
المهم الحمل سليم ولله الحمد .قلت لزوجي ليش مانروح للحرمه نشكرها.
قالي ليش نستبق الاحداث خلي لين تقومي بالسلامه وناخذ هدايا ونروح لها.
مرت التسعه اشهر خوف يمكن وهم يمكن مشوهه يمكن ميت؟؟؟؟؟؟؟؟
وحانت ساعة الولاده ورحت المستشفى ولاني طبعا في حاله من فقدان الاحساس حتى الطلوق ماحسيت فيها يعني بس مياه تنزل قعدت من العصر الى فجر اليوم الثاني ساعتها قرروا عمليه قيصريه لان الجنين بدأيضعف عنده النبض
دخلت العمليات وطلعت بطفل جميل سليم ولله الحمد.
وبعدماتعافيت اخذت طفلي كان له شهر واخذت مايسره الله من الهديا ورحنا للحرمه.
وتدرون اني مااعرف وين مكانها!!!!!!!!
لكن حاولت اني اجمع المعلومات اللي دارت بينا خلال الجلسه يعني كانت الممرضه تجي وتسال عن المرافقه وتقول اسمها كانت تقول فين المرافق ام فارس
هنا عرفت اسمها واثناء حديثها معي كانت تقول انا ساكنه فيذيك المنطقه يعني عرفت الحاره.
وانامعتمده على اني اعرف شكلها لواشوفها.
وصلنا الحاره وسألنا عن ام فارس الدايه ودلونا على البيت ونزلت ادق الباب طبعا معي ولدي الصغير وكيس الهدايا.
فتحتلي بنت كبيره باين متزوجه قالت:مين؟
قلت :ام فارس فيه؟
قالت: اتفضلي اجلسي لحد ماتجي.المهم
جلست وانا خافيه انها ماتكون هي ايش اسوي بعدين؟؟!!
يمكن تظن في ظن السوء.
دخلت علي وانا اتفحصها من الخوف ان الذاكره ماتساعدني.
هي هي هي
قالت: انتي مين وايش تبغين؟؟
قلت:اكيد ياخاله نستيني لكن انا اللي قابلتك قبل سنه ووصفتي لي العلاج وهذا ولدي بين يديك وجزاك الله خير وهذي الهدايا من ولدي لك.
تهللت اساريرها بالفرحه وقالت: الرزاق هو الله وقبلت راسها وغادرت من عندها.
الى الان مصدقين القصه ولالا
اكمل في الليل اذا جيت من مشواري

[سولآف]

باقي كم حلقه ؟؟

خخخخخ والله من التقطيع صرت انسى القصه وارجع اعيد من جديد
بنتظارك يالغلا

[ام الاميره]

السلام عليكم ورحمة الله وبركاته
المهم عشت اسعد ايامي وماتصدقون لو اقول نسيت سنوات الحرمان كأني انجبت من اول زواجي يعني العشرالسنوات اللي مرت من دون اطفال كأنها لم تكن طبعا هذا طبع الانسان!!!!!!!!
كنت اقبل انجب اقول يارب بس واحد طفل واكن لك من الشاكرين.
لكن بعدان بلغ ابني ست سنوات.ومن خلال مكالمه مع صديقه مقربه تعمل في احدالمستشفيات الحكوميه.رات رغبتي في ان انجب طفل اخرى مبينه اناولدي وحيد ولوكان لدي اثنان لكان افضل وووووو....
الطمع والرغبه في المزيد.
قالت:لدينا استشاريه في النساء والولاده تعالي واحاول ادخلك عليها يعني واســــــــــطه......
المهم شديت العزم ورحت لها بعدالكشوفات والتحاليل.قالت:لي الاتي
البويضات عندك منعدمه يعني شوفي فيه حريم يوقفوا بدري.ممكن انت منهم
يمكن وراثه من امك اوعماتك فالحمل مستحيل.
صراحه حسيت بالغصه يعني انا وقفت عن الانجاب؟!! كيف زوجي لو عرف بالموضوع يعني انتهت حياتي؟
قلت:طيب يادكتورلوسويت تنشيط هل ممكن يكون فيه لوشويت بويضات؟
قالت:والله حتى التنشيط ماراح يجيب نتيجه.
قلت :خلينا نحاول قالت :على كيفك.خلاص متى موعد الدوره معك علشان نحددالموعد؟
قلت لها الموعد وكتبت لي بالورقه كل شئ قالت:تجي اول ماتجيك الدوره علشان نبدأ بالعلاج قلت :خلاص
وماتصدقون اللي صاراستنيت الدوره وبرضه ماتجي ليثبت الله عزوجل ان العلم والقدره له وحده.
واطلع حامـــــــــــــــــــــــــــــل!!!!!!!!!
اكمل

[ام الاميره]

انا اشوف اني اكمل بكره لاني والله تعبت من كثر الهذر وبعدين هذي مشاعر يعني متعبه ويبغالها تركيز يالله حبايبي نتقابل بكره

[حلمي يايمه الأمومه]

لآلآلآلآلآلآلآلآلآلآلآلآلآلآلآلآ
كملي اللحين تكفين
قصتج مشوقه مررررررررره
طلبتج لو جزء بسيط

[ام صـالـح]

ياليت تكملين حبيبتي والله بديت انسى اللي بالاول
اسرديها اذا ما عليك كلافه

[salsabeel]

اسلوبك ليس باسلوب لطيف حرام عليكي تلعبي باعصاب ومشاعر البنات اتزكري نفسك قبل ما تحملي باولادك ربي يحفظهم كيف كنتي متل الغريق يتعلق بقشة وكمان البنات هنا نفس الشي وما تبخلي بمعلوماتك ازا عندك معلومات تفيدهم لانو كل شي باجرو عند الله ما يضيع شي ومشكورة بس موضوعك فقد قيمتة بسبب التقطيع الدائم واللعب بمشاعر البنات ربي يرزقهم من عالي سماه ويفرح قلوبهم باجمل ذرية

[متى اكون ام]

قوليها اختي ورجعي الامل فينا

[ام الاميره]

السلام عليكم ورحمة الله وبركاته
اولا اشكر الجميع وبعدين اللي تقول لعبتي باعصاب البنات انا قلت هذي قصتي وابغى اسردها لكم ثانيا انا قلت ان دخولي للمنتدى في اوقات محدده لان النت ليس متوفر عندي دايما بسبب انه عند حماي فاستغل فترة خروجه.ارجوا ان الجميع يعذرني.
اكمل.
المهم سبحان الله ذوالجلال والاكرام على واسع فضله كان حملي هذا افضل من الاول لاني استوعبت الخبر وفرحت به فمرت شهور الحمل خفيفه ولذيذه.
كانت الولاده ايضا قيصريه.خوفا ان يحدث للجنين كما حدث في الولاده الاولى
انجبت ولله الحمد بنوته حلوه hwaml42
وبعدمرورخمس سنوات من عمرها قبل ثلاثة اشهر من الان تتأخر الدوره للمره الثالثه وتظهر النتيجه ايجابيه.وانا الان في الشهرالثالث.

[ام الاميره]

في نهاية قصتي حبيت اوضح بعض الاشياء
بخصوص الشبه اولا قالت حطي كسره صغيره منها يعني اصغرمن حب البن تعمليها زي التحميله في اليوم الاول والثاني والثالث من الدوره وانصح اللي معها التهابات ماتحطها يمكن تضر

ان تحري اوقات اجابة الدعاء والدعاء بها والاكثارمن الصدقه وقيام الليل هي السبب الاول والاخير في انجابي فالله هوالقادر وليس البشر وهذا كله رايته من الاطباء
اللذين رحت لهم. كلهم كان تشخيصهم ان الحمل مستحيل
فاي سؤال انا حاضره

[الحب الأبدي]

يعطيج العافية يا رب
وربي يرزقني وكل محرومة يا رب