خايفه من الولاده

[دنيتي غير]

السلام عليكم ورحمة الله وبركاته


كيف حالكم جميعا

الحمدلله ربي من علي بالحمل للمره الثانيه ولادتي الاولى كانت المفروض تكون ولاده طبيعيه بس من خوفي الزايد طلبت عمليه بعد ما كان الرحم مفتوح 6 سانتي

االحين انا افكر اولد قيصري مابي طبيعي مع انه الدكتوره قالتلي فيه احتماليه للطبيعي بس انا رافضه بسبب خوووفي

سؤالي للي جربو القيصريه كيف اطلب منهم يكون التخدير موضعي مو كامل وقت الولاده

اللي تعرف لاتبخل علي

[علووويه]

اختي مافي افضل من الولاده الطبيعيه
وليش الخوف
روحي مستشفى خاص يعطونج تخدير
ما تقعدين الا وانتي والده ولا تحسين بشي

[سوزان الرياض]

اولدي عمليه بنج كامل
والدنيا مو مستاهله كل هالخوف
الله يعينك

[همسات القمر ~]

اذا الولاده الطبيعيه ماتضرج اولدي طبيعي ماكو احسن من الطبيعي
على شو عمليه وانتي مافيج شي !!!
ولا تخافين يااختي اني بكريه ومرات افكر واخاف بس ارجع واقول كل النساء هذا حالهم مو بس اني
الله يسهل علينا

[zainaby]

حرام اللي سويتيه في نفسك يعني صح هالشي يخوف بس الله مايترك عباده !! لازم تؤمنين ان الله فوق و يساعدج !!
يعني 6 سانتي خلاص شوي وتولدين و تره القيصري له اعراض جانبية مع السنوات .. بعدين حته كحه ماتقدرين تكحين وفترة النقاهه اطول ..
يعني انتي توسعتي من تحت وهم شقيتي بطنج .. الله يعينج
اخذي ابرة ظهر مابتحسي بالولادة ..

[sukar]

اولدي طبيعي احسن لك
مافيه شي يستاهل الخوف

راح تنسين اول ماتولدين الم الطبيعي مو مثل القيصري
وإذا بتسويين قيصري ما اقدر افيدك

لأني ماجربتها وعساني يارب ما اجربها

دعواتكم اولد طبيعي

[مآيشبهونك]

حرام والله تولدين قصيري والطبيعي محتمل خذي ابرة ظهر وبتشوفين والله يسهلك يارب

[demoshka]

اذا انتي خايفة من الولادة الطبيعية كيف بدك تطلبي تخدير نصفي وتشوفي الولادة القيصرية ؟؟؟


اذا بدك قيصري اطلبي تخدير كااامل افضل بحالتك

[شوق الياسمين]

حبيبتي حتى الولادة الطبيعية ممكن تصير بالتخدير النصفي وما بتحسي بشي
وفي القصرية عادي انتي مخيرة من التخدير الكامل او النصفي.. بس النصفي أفضل طبعا عشان تشوفي البيبي ومايحتاج تاخذي وقت تصحي منه مثل الكامل

[ام ديووومه]

يووه ليش كل هالخوف انا هذا ثاني حمل وادعي زي الاول طبيعي

صغيره ماعرف ولاحتئ ابررة ضهر وطلق صناعي بس ربي يسرررها واجر


بالعكس الحمد لله اخف وكلها اسبوعين وطيبه الله ييسر امرنااااا

[ام ارجواااااان]

http://forum.hwaml.com/t289775.html#post3686213

[light...]

حبيبتي دام مافيه مشكلة تمنعك تولدي طبيعي فالحمد لله وتوكلي عليه
هذي سنة الحياة للانثى والله مايكلف نفس الا وسعها
في الاصغر اللي اصبحو امهات بعمر مبكر ولو كان الامر مو مستحمل ماكان لنا اشقاء
ادعي والله يكون معك ومع الجميع يارب وعند حسن الظن :)
الله يوفقك ويحفظك ويعينك ويعين الجميع 3>