الغثيان والوحام ساعدووووني

[رقي]

يابنات انا الحمدلله حامل في الاسبوع السابع ومن بداية الاسبوع الخامس بدا معايه الوحام وغثياااااان شديد 24 ساعه مايوقف ومااقدر اكل شي ابدا واحس طعم الاكل متغير ومررره ضايق صدري متى يروح الغثيان هادا وبس ابكي لاني ماني قادرة ارتاح بس احاول انام عشان انسى
طمنوني متى يخلص وكيف ممكن اتغلب على الغثيان
يقوولوا يستمر للاسبوع 13 او 14 يعني باقي كثير
hwaml93

الدكتورة وصفت لي نافيدوكسين وسبب لي غثيان اكثر واكتئاب وضيق في التنفس ووقفته
ادعولي ربي يخفف عني ويثبت حملي ومايضيع تعبي
hwaml93hwaml93hwaml93

[الشاكرة -لله]

اختي حبيبتي الوحم ماله دواء اتحملي و الله يعينك بعدين شوفة ضناكي تنسيكي كل شي
الله يوفقك يا الغلا

[ام شهـد]

ياحياتي حاسه فييك

جربي الليمون
انا يريحني من الغثيان واللوعه

تلقيني امشي بليمون في يدي في البيت اعصر والحس فيها هههههههههه
حتى بناتي صارو مثلي ههههههههههههه

والله يعدي هالاسابيع على خير
ويتمم حملنا ونفرح بجيتهم ع الدنيا

[سوزان الرياض]

الله يشفيك ويتمم لك
جربي الزنجبيل يقولون كويس

[Super mom]

ماتشوفي شر يارب
جربي اكلي بسكوت جاف اول ماتقعدي من النوم
والزنجبيل بعد تمام

[أرآهن آنك آكسجيني]

وانا مثلك حبيبتي
24 ساعه ماسكني لوعه نفس ومن كل شي صايرة بقرف
واكلي خف حتى صرت اقرف من ريحه زوجي ههههههه .. يارب هونها علينا وتتمم حملنا على خير
انا لما رحت لدكتورة قالت لي في دواء للواحم بس قلتلها لا بتحمل هالشهرين

[أم زياد و أميرة]

اختي خلف الصبر اشياء جميلة تنتظر
ربنا يتبث حملك ويسهل ولادتك

[كلي جروح]

جربي البسكوت المالح اول ماتصحين الصباح علي الريق

[Orchid109]

والله على حسب الوحام فيه حريم محضوضات
مايعانون من الوحام وفيه بعضهم نهاية الثالث ينتهي وفيه بعضهم مستمر معهم تماماً مثلي
انا في بداية السابع والى الان اعاني من

الغثيان والاستفراغ بشكل يومي

بس بقولك شي ممكن يساعدك
من ناحية الاستفراغ جربي تمشي على حمية غذائية واكل خفيف مرة
الاشياء اللي فيها ملوحة وقفيها هي اللي تجيبلك حموضة
وكمان الاشياء السكرية هي اللي بتستفرغي بعدها على طول ! بعض انواع التشوكليت تسبب حموضة
واستفراغ الله يعينك

الحليب جربي حليب السعودية وعصير سنتوب اخف على المعدة
لاتشربي السوائل دفعة وحدة حاولي تشربي شوي شوي هالنوعية من السوائل

الشوربة كثري منها ترى هي احن صديق عليك وقت الوحام

انا بصراحة كل ماافطرت استفرغت
شربت عصير شاي عصير فرش حليب كله مافاد
اروح للدوام واعاني من الغثيان واستفرغ بعد معاناة !

فصرت ابدى بالافطار على ٧ تمرات الساعة ٦ ونصف
وبعد الساعة ٨ ابدى افطر شي خفيف فطيرة وعصير سنتوب لانو زي ماقلتلك خفيف على المعدة

وعندك بعد مشاوير السيارة تاثر عليك وتجيبلك الاستفراغ
شوارعنا مكسرة ورايحة فيها ومطبات واكيد مع حركت السيارة بتنخضين زي البيبسي اذا انخض !

وبتستفرغين واحتمال تستفرغي بالسيارة بسبب حركة السيارة

وبعد الساعة ١٢ لاتكثري شرب سوائل
الا شوربة وشوية ماء وحاولي تشربيه شوي شوي !

الله يكون بعونك والله
انا عانيت مافيه شي يخفف الوحام اخذت الليمون ! اخذت الزنجبيل اكلت بسكوت جاف شابورة بقسماط
ابد مافاد زاد علي الغثيان

ابعدي عن روائح العطور والشاور جيل هي اللي تجيبلك الاستفراغ
ان كان لابد بخور عود وخفيف وبس

الله يعينك الوحام بتعانين منه اذا انتي محضوضة بتخلصين بالاسبوع ١٣ !


موفقة حبيبتي

[Ray00m]

الله يعينك رقي وانا اقوووول وينك مختفيه !!
اثرك ملتهيه بالوحام الله يعينك ..
انصحك تحاولي تلهي نفسك بالقراءه او اي هوايه تحبيها ولا تقومي علطول من السرير ولا تدخلي المطبخ ..

حاولي تاكلي فاكهه عشان تقوي جسمك لانك قاعده تفقدي كل شي تاكليه ..

[الابذكر الله تطمئن القلوب]

الوحام وماادراك ماالوحام مالك الا الصبر وادعي انه يروح مايستمر معك انا ظليت اتوحم لين ولدت غثيان ولوعه ومافيه شي ماجربته ولانفع شي معي الصراحة بس ميخالف كل شي بأجره واول ماتشوفين البيبي بتنسين كل التعب الله يتمم عليك بخير ومايضيع تعبك

[الهنوف،،]

يارب يكون في عوننا
ويكتبلنا الاجر
اه من الوحم دخلت حاله نفسيه واكتئاب
كرهت الاكل والروائح وزوجي وبيتي
لي اسبوعين في بيت اهلي وكل مااتذكر بيتي اقرف ويجيني غثيان
حتي بناتي صرت عصبيه عليهم وماتحملهم
والله الم الولاده ارحم من الوحام اقلها يوم وتخلصي

يارب تصبرنا

[ام ارجواااااان]

http://forum.hwaml.com/t289769.html

[ام ارجواااااان]

الله يتمم لك على خير ياااااااااااارب

[الماسة26]

ربي يهون عليكي ويتمملك على خير يا رب تحملي فتره وتعدي إن شاء الله

[fadwa..]

الله يصبرك وتعدي عليكي الفتره بلمح البصر
انا بديت الوحام لي 3 ايام تقريباً وانا في البيت عادي بتحمل ويمديني انام
بس المشكله ان اداوم واتعب الصباح من الدوخه والغثيان مقدر اجلس حتى
ياليت اذا في شي بس يخفف من الدوخه لانها تفقدني توازني
والله يعيننا وتعدي ذي الفتره ع خير

[سوزان الرياض]

الزنجبيل يقولو يخففه كثير

[Sweet Meme]

انا مازبط معي ولا شي غير ايسكريم ثلج بنكهة التوت او الفراوله جربي يمكن تفيدك زي مافادني

[طفلة خذت قلبي]

انا لما صار معاي كذا في بداية شهوري
عطتني الدكتورة حبوب لوعة استخدمتهم تقريبا 3 ايام وخفت كثير
واخذي بعد بسكويت ناشف قبل ماتقومين من السرير