حامل والدورة نزلت

[ريتال 2012]

انا حللت دم هرموني بعد الدورة بيومين طلع عندي 7.5 طبعا بدون علاجات ولا منشطات وسالت الدكتورة قالت حامل بس تقول النسبه ضعيفه
وفي نفس اليوم نزلت الدورة بس غزيرة ورجعت للدكتورة سوت لي اشعه مهبليه قالت مو باين شي بس قالت تعالي بعد يومين نعيد التحليل وتقول النسبه هذي ضعيفة ممكن انه نزل او بينزل واليوم ثاني يوم بس اقل من امس لاكن اعراض الحمل باقي معي دوخه وصداع
والان حللت منزلي وطالع لي خط خفيف
هل في امل يكون الحمل باقي ؟

[يآ أرحم الرآحمين]

حبيبتي مافي غير حل واحد عشان تطمئني ان الحمل سليم
يعني عيدي التحليل بعد 48 ساعة اذا تضاعف فحملك سليم
أعتقد النسبة ضعيفة جدا يمكن كان حمل كيميائي الله أعلم .. ربي يثبت حملك يارب

[ملكة شرق شمال اسيا]

حبيبتي عادي ينزل دم وانتي حامل انا يوم كامل ف حملي الاول دم وافرازات بنيه وبعدها توقف والحمدلله جبت احلا بنوته وحاولي ترتاحي قد م تقدري وتابعي اول باول

وعسى رَبّــيٌ يثبت حملك ياااارب

[ريتال 2012]

انا المشكله مو دم خفيف
اول يوم دم كثير واليوم كانه اقل
وانا الحمد لله عندي اطفال وهذا اول شهر فكيت اللولب والحمد لله
وانا امس لما كان الدم كثير خلاص شلت من راسي ان الحمل باقي
بس اليوم رجع الصداع والدوخه
قلت خليني احلل بول
يوم شفت الخط الثاني شكيت ان الحمل مستمر

[مسك أبيض]

لازم ترجعي تحللي هرموني تشوفين النسبه والله يطمن قلبك ويرزقك بالذرية الصالحة

[الجوهرية]

الله يطمن قلبك

ربي لا تذرني فرداً وانت خير الوارثين

[رمانة6]

لازم تحللي هرموني ويارب حمل

[هدوء انثى]

مثل ماقالوا البنات لازم تحللي هرموني ولو تضاعفت يعني تمام

[ريتال 2012]

سويت تحليل هرموني
النتيجه الساعه 9
الله يكتب الي فيه الخير

[ريتال 2012]

سبحان الله اول نحلل يطلع خطين خلاص حامل حتى لو خفيف
والحمد لله اروح للولاد فقط
الحين طلع شي سالب وشي موجب وشي ضعيف وكيميائي
اللهم لك الحمد على كل حال

[أسيرة زوجي]

الله يعوضك خير يا رب

حبيبتي ان شاء الله نسمع خبر حملك قريبا يا رب

[ريتال 2012]

نزل الهرمون عن اول والحمد لله على كل حال
مع انها تقول لازم يسير صفر لازم اجي احلل الاسبوع الجاي

[هدوء انثى]

ايوا حبيبتي لازم يكون صفر
يمكن بسبب نزول الدم نزل
ربي يرزقك الذريه الصالحه ..والله كريم
لاتزعلي

[ريتال 2012]

بنات احس بالم في ارحامي
هل هذا طبيعي ؟

[ريتال 2012]

اليوم جانب الم في الايمن يشبة الم التبويض بس اقوى وينزل لاسفل البطن

رحت المستشفى سوت اشعه قالت الان واضح كيس الجنينhwaml9hwaml9

قلت يعني انا ماسقطت قالو لا

وطلبو مني اعيد تحليل الهرمون وطلع 146 بس تقول ضعيف

قلت انا توني بكمل شهر من يوم التبويض قالت المفروض 1000

والدم ماتوقف من 10 ايام صح انه خف كثير لاكن مازال والمغص مازال

طبعا بعيد التحليل بعد 48 ساعه


ايش رايكم

[اام ياراااا]

هذا الصح يقلبي

الله يثبت حملك ويحفظه

واذا لك نصيب ربي قادر يثبته

والله يعطيك الصحة والعافية

[الحنين للأهل]

الله يحقق لك مرادك

[ريتال 2012]

اخواتي

بعد يومين سويت تحليل وطلع الهرمون 46 وقالت الدكتورة في الاشعه شكلة كيس دموي

وبينزل بس اصبري

قلت لها انا اصلا مانظفت الى الان

طبعا انا نزل منى دم من يوم 19 يومين غزير و4 ايام كانه دورة وبعده قل واخذ يتقطع لدرجه اني ماشوفه الا لما ادخل الحمام الله يكرمكم

بعدين بداء الم في صدري استغربت قلت هذا مو وقت دورة

بعد 12 يوم وانا على بالي خلاص باطهر واتفاجأ بالم شديد في صدري ونزول دم كثير كانه دورة
وانا الان لي 4 ايام ومازال ينزل

وانا محتارة هل هذي دورة ؟
ام بقايا الاجهاض ؟

[ندى الوردة]

لازم ترجعي تستشيري ممكن يعطوك منظفات وربي يعوضك ويرزقك الحمل السليم التام في التجربة القادمة يااارب

[بنت الذوق]

الله يعينج اختي
روحي فحصي مره 2 وعسى ربي يكتبلج الي فيه الخير