تحليل الحمل بعد 11 يوم من ابرة التفجير ؟؟؟

[المزه نوسه]

هلا بنات

بغيت اسال عن تحليل الحمل في اليوم ال11 من الابرة هل هو معتمد عليه ولا تاثير الابرة؟ ماكان فيني صبر و حللت اليوم وكان في خط بس خفيف بس الاكيد في وخايفة افرح و يكون من تاثير الابرة وانا ماخذه قوة 5000
انا ناويه بإذن الله اعيد التحليل يوم الاثنين بس طمنوني واللي عندها تجربة تفيدني

[بسمه الغد]

الله يرزقك ويفرح قلبك
انا اذا اخذت ابره تفجيريه مااحلل نهائي
الا بعد مايعدي ١٤يوم بالضبط
ان شاء الله حمل

[المزه نوسه]

اللهم آمين
مشكورة حبيبتي عندي تحليل ثاني هههه بحلل في يوم ١٣ اذا ماجت الدورة وان شاءالله ماشوفها الا مع النفاس
بس قوة الابرة ماكانت قوية فمعقول تتم بالدم لين ١٤ يوم زيها زي اللي قوتها ١٠٠٠٠؟؟
الله يجبر بخاطري وكل مشتهية الحمل يا رب

[zainaby]

انا سمعت لازم التحليل بعد 14 يوم .. لو حللتي قبل ممكن تعطيك نتيجة خاطئة

[حياتي توأمي]

حبيبتي أنا كنت ماخذه نفس جرعتك بالظبط في حملي هذا

وحللت من سابع يوم من الابره وحتى يوم 10صباحا كان كله خطين

لكن رجعت يوم 11 الصبح عطاني سلبي. وتحطمت قلت كل الايام اللي طافت كان بفعل الابره
لكن فضولي خلاني اعيد التحليل مساء يوم 11 من الابره ورجعوا طلعوا الخطين ا لحمد لله. ورجعت يوم 12 وطلعوا الخطين
وطلعت حامل ألف حمد وشكر
يعني انتي جربي بكره إذا فيه حمل ان شاء الله بيظلوا الخطين. الله يفرح قلبك ان شاء الله
على فكره مفول ابره 5000 يروح بعد 10 ايام.
وفعلا أنا بيوم 11 الصبح كان خلص مفعولها وطلع سلبي
يعني تفاءلي خير

[مادونا سعوديه]

اهلين يامزه انا بعد مثلج اليوم 11 من الابره التفجيريه استقبلت رسالتج على الخاص ورديت بس يمكن انتي مانتبهتي بأذن الله الخط الي طلع لج حمل لاني مجربه من قبل الابره الي قوتها 5000انا حللت سادس يوم راح مغعولها وهالشهر حللت باليوم الرابع راح مغعول الابره
حبيت اعرف انتي متى طلع الخط الثاني على طول ولابعد ساعه وكيف الخط خفيف ولا مبين وان شاء الله انا وانتي نطلع حوامل بهالشهر ويرزق معانا باجي المنتظرات يارب العالمين

[المزه نوسه]

حبايب قلبي والله فرحتوني بصراحة و عطيتوني امل
شكلي مابستنى للاثنين وبعيد بكره ههههه

حبيبتي مادونا والله ماوصلتني رسالة منك و شكلي كنت ملخبطة بتاريخ الابرة انا اخذتها يوم ثلاثاء من ١١ يوم وانا ع بالي الاربعاء جيت حسبتها صح امس واليوم حللت خخخ المهم انا ماقد حللت قبل فما ادري اذا راحت مفعول الابرة او لا و اتمننننى مايكون اثر الابرة و طلع لي خط بس رفييع مو ثخين لكن لونه وردي و طلع باول دقايق و زاد اللون مع مرور الوقت
وياريت تحللين انتي بعد عشان نشوف و يارب انا وانتي نحمل مع بعض هالشهر يا كريم وكل منتظرة يارب

[مادونا سعوديه]

حبايب قلبي والله فرحتوني بصراحة و عطيتوني امل
شكلي مابستنى للاثنين وبعيد بكره ههههه

حبيبتي مادونا والله ماوصلتني رسالة منك و شكلي كنت ملخبطة بتاريخ الابرة انا اخذتها يوم ثلاثاء من 11 يوم وانا ع بالي الاربعاء جيت حسبتها صح امس واليوم حللت خخخ المهم انا ماقد حللت قبل فما ادري اذا راحت مفعول الابرة او لا و اتمننننى مايكون اثر الابرة و طلع لي خط بس رفييع مو ثخين لكن لونه وردي و طلع باول دقايق و زاد اللون مع مرور الوقت
وياريت تحللين انتي بعد عشان نشوف و يارب انا وانتي نحمل مع بعض هالشهر يا كريم وكل منتظرة يارب

ان شاء الله انتي حامل يامزة انا اخذتها يوم الاربعا انا اليوم 11 من الابره وانتي اليوم 12 من الابره التفجيريه وياربي يفرح قلبج وتطلعين حامل وانا بعد ان شاء الله والجميع

[المزه نوسه]

ان شاء الله انتي حامل يامزة انا اخذتها يوم الاربعا انا اليوم 11 من الابره وانتي اليوم 12 من الابره التفجيريه وياربي يفرح قلبج وتطلعين حامل وانا بعد ان شاء الله والجميع

اميين الله يسمع منك يا رب

[مادونا سعوديه]

حمسيتني يامزه اني احلل بكره اوبعد بكره

[يآ أرحم الرآحمين]

حامل بإذن الله
عيدي الصبح اذا ظهرلك خطين حتى لو الثاني باهت بغنتي حامل إن شاء الله

[ندى الوردة]

ربي يفرح قلوبكم مزه ومادونا سعوديه وتطلعو حواااامل آاااااامين

[مادونا سعوديه]

ربي يفرح قلوبكم مزه ومادونا سعوديه وتطلعو حواااامل آاااااامين

الله يسمع منج يارب ياندى ويفرح قلبج انتي بعد وكل البنات امين رب العالمين

[المزه نوسه]

يا بناااات الخط زااااد باركووولي بسسس خاااااايفة عندي الم دووورة يروح و يجي وكنه بينزل وانا مرعووووبه تتوقعون دورة و الاجهزة خربانه؟؟؟������

[ندى الوردة]

ألف مليوووووون مبروووووك ولا توسوسي نفسك الم الدورة عادي في الحمل وأهم شيء ديري بالك على حالك وعقبال لما تشوفيه بين ايديك سليم معافى آااااااامين

[مادونا سعوديه]

مبروك يامزه ولا توسوسين ولاشي دام الخط لونه زاد معناته الحمل ان شاء الله طبيعي وبالنسبه لالم الدوره عادي كل البنات يقولون انهم يحسون بالالم وكأن الدوره بتنزل ويتم الحمل على خير
بالنسبه لي تشجعت اليوم وحللت بس للاسف ماطلع غير خط واااااااحد زعلت بس بعدي مافقدت الامل لان الله موجود

[المزه نوسه]

الله يبارك فيكم بنات لبى قلوبكم
بس الاجهاض عقدني وبحملاتي ماكان عندي مغص دورة الا و الحمل ينزل وانا ماكانت تجيني اعراض الدورة قبلها :(

واختي مادونا لا تيأسي و لسى في امل و ماعديتي ال١٤ يوم حللي بعد يومين و ان شاءالله يطلع حمل و نكون بنفس التجمع للحمل يا رب


يارب أجبر قلوبنا وامسح عليها بطمأنينة منك وصبر، وأبدل حالنا حالا أفضل بمنّـك وجودك اللهم آمين

[مريومتو؛]

يا بناااات الخط زااااد باركووولي بسسس خاااااايفة عندي الم دووورة يروح و يجي وكنه بينزل وانا مرعووووبه تتوقعون دورة و الاجهزة خربانه؟؟؟������

لاتخافي خيتوو ألم الدوره صحي وطبيعي انا بواحد من عيالي كان الالم شديد حتى انه اشد من الم الدورة المعتاد وكنت خايفه بس لما سألت الدكتوره قالت انه شي طبيعي لان الدوره بتنزل والحمل يمنعها فيتسبب بهذاالالم فتره بسيطه بس حتى يعدي موعد الدوره وان شاءالله يتم حملك على خير اسأل الله ان يبشرك بحمل سليم معافى تام الخلق

[حياتي توأمي]

الحمد لله حبيبتي وألف مليون مبروك
والمغص جدا جدا طبيعي كلنا حسينا فيه وهذا لازنغراس البويضه اكثر واكثر بالرحم وبداية تكوين الجنين فمن الطبيعي حدوث هالمغص المشابه للدورة لاتخافي حبيبتي

الله يتمملك على خير ان شاء الله
وعقبال مادونا السعوديه وباقي البنات المنتظرات ياررب

[مادونا سعوديه]

بنات اليوم المغرب رحت سويت تحليل رقمي وطلعت النتيجه بعد ساعه للاسف مافي حمل والله تأملت من كثر اني اتمنى اكون حامل بصراحه قلت يمكن المختبر غلطانين استعجلو على النتيجه مع ان كان عندهم زحمممممه وايد لان كل مره ماتطلع النتيجه الابعد حوالي الساعتين يابنات انا للحين متعلقه انه تصير معجزه ويرتفع هرمون الحمل واطلع حامل ادعو لي يابنات

[ندى الوردة]

الله يرزقك يا أختي مادونا ويفرح قلبك وكلشي من ربي خير وحتى لو مفيش فجربي من جديد وخلي أملك بالله كبييييير ورح يفرحك أكييييد
الله يرزقك ويرزقنا جميعاااااا

[مادونا سعوديه]

الله يرزقك يا أختي مادونا ويفرح قلبك وكلشي من ربي خير وحتى لو مفيش فجربي من جديد وخلي أملك بالله كبييييير ورح يفرحك أكييييد
الله يرزقك ويرزقنا جميعاااااا

تسلمين حبيبتي ندى الحمد لله على كل شي رضيت بقضاء الله والله يصبرني ويجازيني بس تعبت كلوميد وابر تفجيريه ومنشطات وحتى راسي بينفجر من كثر التفكير بالحمل عجزانه اني اشيل فكرة الحمل من راسي واحيانا اقول شكله خلاص ربي مو رايد لي احمل خلاص وارجع استغفر الله واحمده واشكره

[تلميذةالايام]

ررررررررفع

[شمس❤]

شصار عليها حملت؟ اتوقع انها حملت عشان كذا ماكتبت ياكثر اللي مثلها يحملون ويسكتون واذا مافيه حمل نشرت الخبر بكل مكان