استفسار ضرووري مستشفى التعليمي الخبر

[سارونة ينبع]

السلام عليكم

ياليت تفيدوني بمعلومات عن مستشفى الملك فهد الجامعي او التعليمي سابقا
كيف غرفة الولاده وبعد الولاده فيه غرف خاصه. وكيف النظافه وعنايتهم

انا اراجع في بروكير بس مضطره اولد في حكومي بسبب وضع البيبي الله يجيبها بالسلامه

ويعطيكم العاافيه مقدما

[سارونة ينبع]

سبحان الله وبحمده

[Orchid109]

ماعندي اي خلفية اختي
الله يسهلك يارب وتولدين بالسلامة

[بحــ العيون ــــــــر]

بالنسبه لمانع الخبر الولاده للطبيعي

4300 ريال مع اقامة بغرفه مشتركه يعني انتي ووحده لمدة يومين

وفحوصات البيبي 500 ريال

واذا تبين غرفه لوحدك زيادة 500 ريال

بس ترى الاسعار حسب الموظف بالرسبشن تحت كلن يعطيك سعر!!

يعني انا قالو 4300 الولاده مع اقامه يومين بغرفه مشتركه +500 فحوصات البيبي+1300 ابرة الظهر = 6100

فقلت ابي زيادة غرفه خاصه

وسعرها 500

المجموع 6600

يوم جيت اطلع وزوجي نزل يحاسب لقى موظفه غير الاول وقال خفضو لنا

وحسبت لنا 6070 ريال فقطططط يعني كني كنت بغرفه مشتركه

وطبعا التخفيض بس للي يدفع كاش يراعونهم

من تدخلين كشك ماقبل الولاده والولاده تلقين تعامل راقي من الممرضات والدكتورات بولاداتي الثنتين كلهم روعه

الا وحده ماحبيتها بولادتي هذي شكلها مارتحت له ولا ماضرتني بشي ابدااا بس ماقبلتها

وبعد ماتولدين الطفل بالحضانه تطلبنه طلب لابغيني مايجيبونه ابد الا بطلبك الا فترة الصباح يجيبونه ويعلمونك كيف ترضعينه طبيعي خمس دقايق وادق الجرس اقول خوذوها .. يعني حسب نفسيتك

والحمام وانتي بكرامه يدخلون معك ويلبسونك وحتى الكريم يحطون لك ع الخياطه

واذا مابغيتي يقولون ان احتجتي تدخلين الحمام وتبيننا دقي الجرس ونجيك

يعني من جد حبيبات

والزياره اي وقت .. زوجي يجلس معي من العصر لين نص الليل ويدخلون يطلعون مايقولون له شي

العيب انه الدكتوره اللي تولدك مو هي اللي تشيك ع الخياطه

لا بيومين اقامتك الدكتوره المناوبه بالصبح هي تمر وتشيك الخياطه

انا كنت بجرب بروكير هالمره بس قلت وشوله دامي ارتحت بولادتي الاولى هنا

مابخاطر ولو انهم يمدحونه ونظيف وجديد

لكن اهم شي عندي الخياطه وممتازين المانع بهالشي

ربنا يكتب لك الخيره

استخيري والله يكتب لك الخيره

[بحــ العيون ــــــــر]

بمستشفى الملك فهد الجامعي اللي هو التعليمي اللي بالخبر
انا والده فيه من خمس سنوات بصراحه كان تعاملهم لاباس فيه والاكسجين كان مايسوي شي مكاني حاطته
والله اختي اللي اعرفه انه انتي وحظك ماتختارين الدكتور

على حسب من مناوب ذاك اليوم


اختي
نصيحة لا تروحين

هم زينين بس ما تدرين يمكن يولدك رجل
وبعدين هو مستشفى تعليمي يعني يجون طلاب وطالبات يشفون حالتك وما تقدرين ترفضين وانتي تعبانه

روحي مستشفى الولادة بالدمام هو ببلاش بس كل الطاقم نسسسسسسسسسائي

انا كل ما روح الطواري عند التعليمي يرفض يدخلني الا رجل لازم يكشف ويدخل يدة ويشوف الرحم فتح ولا لا ولا ما راح تدخلين قسم الولادة

نصيحة لا تروحين

[بحــ العيون ــــــــر]

لاموخاص بفئه معينه
انا ولدت فيه وممتاز بكل شي من ولاده ولاخدمات بعد الولاده
بس حسبي الله على اللي بالطواري لما ترحين تولدين يغثونك الين تدخلين جلسويقولون مافيه سرير ومدري وشو الين صرت مو مركزه ابد من الخوف يقولون روحي ولدي بالدمام ووحده جايه من الدمام قالت واللي من الدمام يقولون روحي ولدي بالخبر وين اولد بالشارع
ماقول غير الله يطعمها اللي اطعمتني اياه ومادخلت الين كلم زوجي واحد يعرفه بالمستشفى
بس وحده سالتها قبل كم شهر قلت هاه كيف استقلوك زين ولاغثوك قالت لاوالله استقلوني عادي بس اصلا هي كانت تراجع هناك من اول بمعرفه ناس

حبيبتي كل ولاداتي فيه روعه بمعنى الكلمه
روحي للدكتوره احلام الغامدي او *** العنزي
مبدعات بمعنى الكلمه والله العظيم


حبيبتي هذي بعض الاراء الي كتبووووووووووووووووووها الناس عن المستشفى

والله يقومك با السلامه

[سارونة ينبع]

تسسسسلمي الله يعطيكي الف عافيه
يالله والله مره محتاره لان وضع البيبي يمكن يحتاج يجلس فتره الحضانه ودكتور في بروكير نصحني بالحكومي لان التامين مايغطي كل الايام والحكومي ادرى بهذي الحالات
الله يسهلي ويسهل للجميييع يارب
ان شاءالله بستخير وبشوف

[{ يا كُل مآملك ,,]

التعليمي ولدو فيه قريباتي حسب استفساري منهم لتجربتهم الصراحه ماحبيت الولاد فيه

بيقولو وقت الولاده الغرفه كبيره و مشتركة معاك كذا وحده تولد بس بينكم ستار

وبعد ماتخلصي الولاد مابيعطوك وجبه حتى تتنشطي
والغرفه الي بترتاحي فيها مشتركة معاك 6 او 3 ع حسب حجم الغرفه


لكن بيقولو احسن حاجه عندهم البيبي بيكون عندهم بالحضانه وعندهم اهتمام بالطفل و بيجيبوه وقت الرضاعه فقط يعني هم امدحو الحضانه و اهتمامهم اكثر حاجه


انتي توكلي على الله و استخيري و من رايي استفسري عن مستشفى الولادة بالدمام هم مختصين بهذا الموضوع وانا ناويه اولد فيه لكن قبل حابه اسمع تجارب اللي ولدو قبل ماقرر

[{ يا كُل مآملك ,,]

حبيت افيدك كمان ان تجربة قريباتي كانت قبل 5 سنوات .. في التعليمي الخبر
لان الان بيقولو رتبو المستشفى وصار للافضل

[لبيه]

آنا ماعندي تجربة شخصية سوى آني رحت لما حصل لي نزيف ب حملي حالياً ,, كان آفضل من المستشفيات الحكومية البقية من حيث النظافة والإستقبال ,, يعني لو رحت غيره بقعد انطر ساعة على ما تشوفني الدكتورة واخر شي الدكتورة تتحرطم عليك ومالها خلق تشتغل ..
بالنسبة لي كان افضل من هالنواحي لاني مجربة اروح مستشفيات حكومية غيره ..

الشي الثاني انا صديقة عمري درست تمريض وطبقت هنااااك ومدحت فيه كثير وفي الدكاترة اللي هناك لكن مثل ماتقول ان عيبه الوحيد في ان المستشفى صغير وماعنده امكانية ان يضم كم كبير من المرضى .. مع ذلك تقول انهم يشتغلون ب ذمة وضمير ..


آتمنى آفدتك والله يقومك بالسلامة ياااااااااارب انتي وبنوتتك ..

[{ يا كُل مآملك ,,]

بعد استفساراتي عن المستشفى الجامعي ،، كانت اغلب الاراء تويد الولادة فيه وفعلا مستوى المستشفى في الولادة تغير عن السنوات اللي قبل لان زرت من يومين صديقة ولدت فيه و كل شي كان متغير وترتيب و نظافه ماشاءالله غرف الولادة مستقلين و اهتمام كبير اثناء الولادة و بيفرو الاكسجين و ابرة الظهر و اهتمام بعد الولادة و غرف التنويم صارت مستقله بكل غرفه مريضتين فقط و الممرضات متعاونات كان هذا رايي اغلب اللي ولدو فيه حاليا قبل اشهر فقط والكل بيشهد ان مستوى الولادة فيه افضل من اي مستشفى خاص وحتى صديقتي لقيتها مرتاحه و قالت لي انتي شفتي بعينك و لك الحكم ،، الحقيقه عن نفسي باذن الله راح انوي الولادة فيه