كيف أميز ماء الجنين ؟

[روح الماآماآ]

مرحبا كروشات اخباركم ان شاء الله تمام

كلنا تعبنا وثقلنا من الحمل الله يهون علينا ونولد على خير

المهم انا بكرية وحابة اسالكم سؤال

انا في الاسبوع 39 على نهايته
واليوم كنت قاعدة ع النت زي العادة وفجأة احس بموية خرجت مني
قمت ولقيتها مبللة ملابسي ومبللة مكان ما كنت قاعدة
كميتها تجي شي قد فنجان قهوة او اقل شوية
رحت غسلت ومسحت بمنديل والاقي افرازات بيضا
بعدها صارت الافرازات صفرا وكثيرة وبعدين وقفت وبعد ساعتين تقريبا جاني زي مغصات او نخزات اسفل بطني (طلق بارد) استمرت فترة ووقفت

ماعرفت ايش اللي صار
هل هذي افرازات طبيعية وللا هذا ماء الجنين

يعني في داعي اروح المستشفى وللا مافي داعي

وياريت توصفولي شكل ماء الجنين عشان لو نزل علي اعرف

[حياتي توأمي]

حبيبتي وصفك هذا يدل علي انه طلق
واحتمال كبير يكون الرحم عندك فتح

وضروري طبعا تروحي تكشفي. عشان تطمئني
واﻻافرازات الصفراء هذي قرب ولادة

وبخصوص ماء الجنين ماعندي خلفيه عنه
بس اللي اعرفه عنه يكون دافي جداً وسائل طبعاً
شكلها ولادتك قريب. الله يقر عينك. بشوفتها يارب

[sukar]

شكله مثل ماقالت حياتي توأمي
عندك طلق والرحم فتح ..

وبالنسبة للموية .. من خلال تجربتي
موية الجنين نزلت عندي مثل انفجار بالون فيه ماء

والماء كان كثير مثل الطشت

ربي يسهل لك ولادتك حبيبتي

[سكينة1]

ماعندي خبرة .. حبيت ادعيلكك وربي يفومك بالسلامه .. بس ع حسب اللي قرات وسمعت مويه الجنين تكون دافيه .

افضل انك تراجعي عشان تتطمني . الله يكتب لك ساعه يعيده ويقر عينك بطفلتك

[شقـ بدلع ـاوة]

روحي ددكتورتك احسن وتطمني ..
الماء من علامات قرب الولاده وقد سمعت انو لو نزل ماء الجنين الطلق مايكون حار نفس العادي
الله لايخسر تعبنا

[ام مريم ورحمة]

شوفي هي تقريبا ماي الجنين والافرازات ممكن تكون سدادة عنق الرحم ومادام كمية الماء قليلة لا تقلقي كثير يعني ممكن تشربي زعتر او يانسون يقوي الطلق قبل ما تروحي عشان لا تنتظري كثير بغرفة التوليد والله ييسر عليكي وعلينا يااااارب

[جنو القمر]

اذا الافرازات لزجه هذا معاتو ولادتك قربت اشربي اشياء حاره عشان يحمى الطلق وامشي واذا زاد الالم روحي الله يسهل عليك ويقومك بالسلامه

[روح الماآماآ]

الله يجزاكم الخير على الردود
ويقومني واياكم بالسلامة ويسهل ولادتنا يارب

اليوم ماقدرت اروح للدكتورة بسبب ظروف بس قبل شوي دخلت الحمام الله يكرمكم لقيت في شوية افرازات لونها بني او احمر شي زي كذا
وكانت قليلة يعني مسحتها بالمنديل وراحت وعندي شوية مغص والم في الحوض
بس طلق حامي مافي

[ام تميم*]

الله يسهل عليك بائن انو ولادتك قربت جعلها الله ساعة سهلة
بس بلييييييز لا تعملي نفسك رووووحي ع المستشفئ في اقرب وقت ممكن وطمننينا

[joory23]

شكل ولادتك قربت الله يسهل لك ويكتب لك ساعه ولاده ميسره باذن الله

[ورد القلوب]

باين ان هذي سدادة الرحم نزلت
الله يسهل ولادتك