ماهو أفضل مستشفى لعمل اطفال الانابيب في السعودية "الشرقية"

[ألم الغرام]

ماهو أفضل مستشفى لعمل اطفال الانابيب في السعودية( المنطقة الشرقية ) واسم الدكتور

[رقي]

هلا حبيبتي
اشهر شي مركز بنون ومركز ذرية ومستشفى الحبيب وكلها بالرياض
يارب يرزقك ويرزقني

[رقي]

اما في الشرقية سمير عباس بس مااعرف اسماء الدكاترة
لبنات يفيدوكي ان شاء الله

[رحيق الجنة]

هلا أختي
الله يرزقك ويرزقنا
الأفضل مركز سمير عباس
الدكاترة عادل ندى
وسعد الدين
كلهم ماشاءالله عنهم
طبعا أنا ما اعرف الدكتور سعد بس يمدحونه
أنا دكتوري عادل ندى

[ألم الغرام]

مشكورين حبيباتي

[تـــرف $$]

افضل مركز بالشرقيه سمير عباس لانه الوحيد المتخصص في الانابيب من زماان
انا اراجع عند سعد الدين القيناوي جدااا مريح واسلوبه رائع
يمدحون سهام عاكوم بسعد بس اسعار سعد اغلى بكثير
غير كذا نجاح اطفال الانابيب يعتمد على المختبر بالدرجه الاولى لانه هو اللي يصير فيه التلقيح والمتابعه
مختبر سمير عباس متخصص ومافيه شي غير تخصصه
من زمان كنت اراجع عند عارف الخالدي بسعد طلب تحليل لزوجي والنتيجه كانت بعد ثلاث ايام مع انه المفروض ماياخذ هذا الوقت كله .

طبعا تكلفة العمليه بسمير عباس 18000
وبسعد 30000 تقريبا.
فيه المانع والمواساة يسوون بس مدري عنهم.

[ألم الغرام]

اختي لالوشا انا كنت ناوية اخذ موعد في الشهر الجاي للتحاليل والشهر اللي بعده ابدء العملية بإذن الله وانا مو اول مرة اروح اراجع عندهم سويت قبل تلقيح ولا نجح عند الدكتور عادل لان ابي العملية في الشهر اللي بعد هذا واخاف اروح يسوي لي تحليل واقول لي الشهر اللي بعده العمليه

[تـــرف $$]

الم الغرام لا غير نظامه المستشفى
اول كان على طول يبدا معاك
الحين شهر ياخذ تحاليل والششهر اللي بعده اذا كل شي سليم يبدا معاك
روحي ولا تخافي وتوكلي على ربك وفالك التوفيق يارب ونجاح العمليه.
اخيرا لقيت احد معي بنفس المركز

[ألم الغرام]

انت بعد طمنيني عنك وربي اتمملك على خير وصحة وسلامة

[الجوهرية]

انا اروح عند سمير عباس واعرف انه لهم فرع بالخبر