صبابا ممكن مساعدة باسم بنوتي ؟؟؟؟؟

[demoshka]

السلام عليكم ورحمة الله وبركاته

كيفكون صبايا ؟؟؟؟

بدي منكون تساعدوني باسم لبنوتي حابة اسم غريب وحلو وناعم ويلفظ بالوطن العربي وبالبلدان الاجنبية صح بدون تكسير .... على فكرة صرلي بالمنتدى سنين واول مرة بطلب طلب مساعدة او استشارة بشي بئى ردولي الجمايل ههههههههههههه



http://forum.hwaml.com/imgcache2/hwaml.com_1391081011_920.gif



انا فكرت

وكنت حابة اسمي ليما معناه بالعربي صفة تطلق على الشخص الكامل من اخلاق وادب وجمال.. فكانو العرب اذا جاء رجل او امرأة بهذه الصفات يقولو عنه شخص ليما يعني كامل الاوصاف

وبالاجنبي عاصمة البيروو بس ماما ماعاجبها الاسم لانه في بالعيلة لمى والمى ولميس قالتلي غيري

وحابة اسم كنزي ومعناه البنت الجميلة بس خايفة بتمسخرو عليها بالمدرسة ويقولولها كنزة


وفكرت باسم يوليا اسم قرية جميلة بسوريا على اسم ملكة حلب وكانت فائقة الجمال وكمان خفت يتمسخرو ويقولولها فاصوليا حاكم شعبنا شعب مسخرة صراحة



والمشكلة بنات العيلة ماخلو اسم حلو الا سمووووه

وانا هلا محتااااااااااااااارة بالاسم وخاصة بعد الصدمة انه قالولي ولد وقبل شهر قالولي بنت ومحتارة وطبعا رح اكنى باسمها يعني ام فلانة



ساعدوني


http://forum.hwaml.com/imgcache2/hwaml.com_1391081011_920.gif

[المتفائله خير]

انا اعجيبني ليما كتير بس اذا امك مابدهاا هالاسم خلص ماتسمي هههه

فيه اسم

اماليا/ ومعناه اللطيفه الحبوبه


ايلين/اجمل نساء العاااالم


تيما/نجوم برج الجوزاء

ميلاء /شجرة كثيرة الفروع


وان شاءالله بيعجبوكي دعوووواتي لك حبيبتي

[demoshka]

شكرا حبيبتي على المساعدة على فكرة اخي رشحلي اسم ايلينا بس بنت اخي اسمها لينا

يعني كتير قريب الاسمين من بعض


اسم تيما حلو بس انا كنت حابة اذا اجاني ولد اسمي تيم لذلك اذا الله رزقني باخ الها ماحابه يكون الاسمين شبه بعض تيم وتيما انا ضد التشابه للاسماء


كتر الله خيرك حبيبتي

[SaraKh]

يوليا مره نااايس
وبعدين فاصوليا بعييده عن يوليا هههههه ماشاءالله مخيلتك واسسسعه ههههه
حبيبتي عندنا الاطفال ما يخلو شي يتريقو عليه صحبتي اسم بنتها زبيده يتمسخرو عليها و ينادوها زبديه
يعني ما حتسلمي ايش ما سميتي فاتكلي ع الله و سميها اللي يعجبك كلو حلوو

[jojo 123456]

لينا بيان ريتاج كثيييييييييييير

[بسمة أمل 111]

عندك
بانة اسم بنوتي وانا هلأ حامل ازا بنوتة بدي اسميها بسمة او سيما
وعندك ديالا هاي بنت اخي
وعندك كمان بيرلا هاي بنت اخي التاني
يا ريت يعجبوكي

[دموع الليل]

فى اسماء كتير حلوه مثل

دينا-لينا -لانا-ليان

رهف -ريماس - ريتاج

فرح - مرح - جنى - لمى

غزل - نغم - الاء

موفقه

[demoshka]

يوليا مره نااايس
وبعدين فاصوليا بعييده عن يوليا هههههه ماشاءالله مخيلتك واسسسعه ههههه
حبيبتي عندنا الاطفال ما يخلو شي يتريقو عليه صحبتي اسم بنتها زبيده يتمسخرو عليها و ينادوها زبديه
يعني ما حتسلمي ايش ما سميتي فاتكلي ع الله و سميها اللي يعجبك كلو حلوو


ههههههههههه مو انا يلي قلت اول ماقلته لاخي قالي يوليلا فاصوليا قمت تعئدت

ومتل ماقلتي المسخرة هاي مالها حل بس البنت بتتعئد وبتصير تكره اسمها

شكرا لمرورك حبيبتي ومشاركتك

[demoshka]

لينا بيان ريتاج كثيييييييييييير


عنا بالعيلة هاي الاسماء


انا رح جن شوي تانية


شكرا لمرورك غاليتي ومشاركتك

[demoshka]

عندك
بانة اسم بنوتي وانا هلأ حامل ازا بنوتة بدي اسميها بسمة او سيما
وعندك ديالا هاي بنت اخي
وعندك كمان بيرلا هاي بنت اخي التاني
يا ريت يعجبوكي



يسلمو حبيبتي عالاسماء الحلوة بس كلها عنا بالعيلة ماعدا بانة وبيرلا

حبيت اسم بيرلا بس شو معناه ؟؟؟

[demoshka]

فى اسماء كتير حلوه مثل

دينا-لينا -لانا-ليان

رهف -ريماس - ريتاج

فرح - مرح - جنى - لمى

غزل - نغم - الاء

موفقه





ياربي كل الاسماء عنا بالعيلة ومقربين كمان

فكرت باسم غنى بكسر الغين

يسلمو حبيبتي عالمشاركة ماقصرتي

[بسمة أمل 111]

يسلمو حبيبتي عالاسماء الحلوة بس كلها عنا بالعيلة ماعدا بانة وبيرلا

حبيت اسم بيرلا بس شو معناه ؟؟؟


بيرلا معناه اللؤلؤة او الجوهرة

[ام ريتاج و قيس]

لين حلو و ناعم
بالتوفيق

[demoshka]

يسلمو حبيبتي بسمة عالتوضيح حبيت الاسم رح ضيفو ضمن القائمة لانه ناوية اخر شي ساوي قرعة



ام ريتاج اسم بنت اختي لين

ماشاء الله عنا البنات كتار بالعيلة هههههههههههه

[الشاكرة -لله]

مايا
ميرال
نور

[ام ارجواااااان]

ليما

كنزي

حلووووووووووووين

كنزي احلى

[ميمي 17]

مافي احلى من رودينا وتحبي دلعيها رودي
اسم بنوتي هههههه

[أسيرة زوجي]

اسم بناتي

نهى دارين

و ليان

و بكرة أختي بتولد إن شاء الله و ناوية تسمي

سرين

[ام صقر 2]

اسينات اسم غريب وحلوو وهو اسم زوجة يوسف عليه السلام ومعناه جميلة المظهر والعطر الزكي

[demoshka]

مايا
ميرال
نور



يسلمو حبيبتي عالاقتراحات بس موجودين بالعيلة ماقصرتي

[demoshka]

ليما

كنزي

حلووووووووووووين

كنزي احلى



والله يام ارجوان انا نفسي بهالاسمين عاجبيني كتييير ورح ضيفون بالقرعة


يسلمو حبيبتي على ابداء الرأي

[demoshka]

مافي احلى من رودينا وتحبي دلعيها رودي
اسم بنوتي هههههه



حلو اسم رودينا بس شو معناه حبيبتي وبدي اسألك بخبرتك بس حكت بنتك عرفت تلفظ اسمها صح ؟؟

وانا حابة اسم يكون سهل اللفظ وسهل الكتابة خاصة بصف اول تعرف تكتب اسمها البنت

[demoshka]

اسم بناتي

نهى دارين

و ليان

و بكرة أختي بتولد إن شاء الله و ناوية تسمي

سرين



الله يقومها بالسلامة مع البيبي سلمي عليها

اسماء بنات حلوين بس بدي اسم مايكون مشهور كتير يسلمو حبيبتي عالاقتراحات

[demoshka]

اسينات اسم غريب وحلوو وهو اسم زوجة يوسف عليه السلام ومعناه جميلة المظهر والعطر الزكي




بالفعل اسم غريب بس بدي اسألك حبيبتي يلفظ بالالف ولا الالف لاتلفظ ؟؟؟

[ميمي 17]

حلو اسم رودينا بس شو معناه حبيبتي وبدي اسألك بخبرتك بس حكت بنتك عرفت تلفظ اسمها صح ؟؟

وانا حابة اسم يكون سهل اللفظ وسهل الكتابة خاصة بصف اول تعرف تكتب اسمها البنت

بنتي عمرها خمس شهور
ومعنى الاسم
رودينا :هو سيف من سيوف الرسول (صلى) كانت بنت تصنع السيف كانت اسمها رودينا فسموا السيف السيف الرودينى

[* أم النور *]

حلو اسم ليما وناعم ومعناه راقي جدا وحروفه سهلة

[ام صقر 2]

بالفعل اسم غريب بس بدي اسألك حبيبتي يلفظ بالالف ولا الالف لاتلفظ ؟؟؟
يلفظ بالالف ... أًسينات hwaml23

[بنت الذوق]

ممممممممممممممممممممممممم
حلو اسم ليما
وفبالي بعد اسم ألمى.. و تالا ... و أسيل

[dr.loly]

والله اسامي البنات بيحيروا موم مثل الاولاد
صراااحه.. انا من عرفت اني حامل ببنت
كثير احترت ومن قرأت موضوعكـ
تذكرت موضوعــي ..زمااان

بس الفرق انا ماكنت احب الاسماء الاعجميه
لان ادقق ع الاصل يكون عربي
وزوجي كان حاب يكون الاسم من المصحف
ما شرط بس ابدأ رأيه ..

كان عاجبه يقين ..بس لقينا من احدي معانيه
في أيات معينه بالموت..
فشلناااه ..
وكان زمان ايام حملي بفراس ماعرفت جنسه الا بالثامن
فكنت احسبه بنت .. وكنت استمع وقتها لسورة الرحمن
وافكر فقلت بسميها الآء...

وفي حملي الثاني بعد عرفت من الرابع
انها بنوته والله اني حرت كثير حتي بعد
ولدت ومن بعدها بيومين رجعنا ل الاء





فأنا أعطيتك الاساسيات
مو ضروري يكون الاسم نادر او جديد
لان الاسم بيعيش معها وفي اسماء قديمه
ولكن للابد رائعه تظــل ..
بدل من اسماء العجم والفرس
اللي أصلآ ماتهمهم اسامينا العربيه..





وعندك حق بسهولة اللفظ
وكذلك يجب ان يكون المعني جميل..
وعن قناعه شخصيه احب ان يكون الاسم عربي الاصل..


بالنسبه للاسماء لي طرحتيهاا
عجبني اكثر شئ كنــزي.. او كنزا أفضل
لان كنزي يميل للذكوري شوي

بالنسبه لبقيه الاسماء ماعجبتني
خصيصا ليما كأنه بطلة مسلسل مكسيكي
ونحن ليمونه ب ليبي نقولها ليمة..



ذكرتيني بخوفك من استهزاء ع اسامي البنات\
بزوجي بعد قتله شو رأيك باسم سيرين
وهو اسم ملكة كسري والروم وعربي الاصل
قالي اه رح يقولولها سريرين خخخخ
ف شلت الاسم عن بالي مع اني حابته للان
معليش طولت عليكـ


بس حبيت اعطيك بعض من افكاري
بخصوص موضوع تسمية البنااات

موفقه يــارب

[الجنة مطلبي]

أختي سمي من الاسماء الي مرتبطة بالقران والصحابيات مثل سجى و ضحى (والضحى والليل إذا سجى )

وفية زوجات الرسول سودة ..عائشة ...فاطمة ..

وفيه رغد اسم حلوو ...حاولي اختي تبتعدي عن الاسماء الغريبة مره خليه إسم مو موجود بعائلتكم ونفس شي حلوو والله يقومك بالسلامة والله يا اختي اكبر نعمة لمن تشوفينها بحضنك والإسم يهون ...

انا حابة اسم سجى ...إن شاء الله ربي يرزقني بنت أنا عندي ولد عمره اربع شهوور ...

[7 ام عبدالرحمن 7]

عنددك اسم لوليا معناه الدانة او اللولو حلوو
وعندك ريناد معناه تراب الجنه كمان روعه
توكلي على الله وسميها اللي بخاطرك

[demoshka]

تسلمولي يارب المشكلة انه الاسماء عنا بالعيلة

كل بنات العيلة مختارين اسماء جميلة واغلبها من القران

ومعانيها حلوة بس حابة اغير

وبعدين تغيير الزمن وكمان طالعت فتوى انه عادي تسمي اسم اعجمي اذا عارفة معناه واصله ومابخالف شرائعنا الدينية

[أمنيتي طفل]

عندِك اسم برآءة حلوه و آسم تغريد بعد و اسم فدآء

[demoshka]

اهلين حبيبتي

الاسماء يلي اقترحتيها موجودة بالعيلة بنات خالتي وبنت خالي


يسلمو على الاقتراح

ويااارب يرزقك الحمل عن قريب ونفرح فيك

[نور العمر]

بالاول ربنا يقومك بالسلامه انتي والبيبي

اسماء البنات بحيرو كتيرر

انا نفس مشكلتك كنت حامل في بنوته ومحتاره بالاسماء لانه العيله ماخلو اسم

وبالاخر سميتها ( سيلا ) معناه الحنين للوطن .... وعجب الكل

[dr.loly]

عزيزتي ديموو
انا اقول انا رح يجي اسمها معها ههههه

مثل ماصارلي اللي صايرلك والله

او انك ترجعي لاول اسم خطر ببالك برضه مثل ماصارلي هههه

بالتوفيق والله يسهلك وييسرلك ولادتك يااارب

[نور العمر]

معك حق ام فراس

انا ماما كانت تحكيلي يابنتي لاتحيري حالك والبنت اسمها رح يجي معها ...

وهيك صار سميتها بعد ماولدت غير عن الاسماء يلي كنت حاطتهم بالقائمه ...

ربنا يحفظهم ويحميهم

[dr.loly]

هههه نور تعرفي انو ماما كانت تقولي نفس الكلآم
وكنت في حيره كبيره ..
والمشكله الاسماء اللي كانت عاجبتني قبل زواج سموها بالعيله ..

وايامات حملي بفراس كنت احسبه بنت وكنت استمع لسورة الرحمن
وبقى يتردد في ذهني الاسم لحين حملت ثاني مره وتردد الاسم برضه
بس مع ذلك حرت ولفيت ورجعت ل الاء بعد ولادتها


وهذا كان موضوعي وقتها

http://forum.hwaml.com/t212474.html

[سوزان الرياض]

سارا
ساندي

[zainaby]

نبأ
اسم سورة في القران وخفيف وحلو ومافي منه كثير

[mama roqayah]

اسم الجود كثير حلو ونادر

وعندك كمان ألماس

و سندس