يا ريت اتساعدوني صبايا جنيني حجمو صغير ..شو اْكل حتى يكبر

[بسمة أمل 111]

السلام عليكم
صبايا انا هلأ في اْخر الشهر السابع الشهر الماضي لما رحت على المراجعة الدكتورة حكتلي انو الجنين اصغر من عمرو اسبوعين يعني كنت على حساب الدورة في الاسبوع 24 بس السونار اعطى عمر 22 اسبوع للجنين فضاعفتلي الدكتورة حبوب الحديد لانو دمي كان ضعيف ووصفتلي مقويات ...وانا كنت كتير مضغوطة الشهر الماضي كان عندي امتحانات ومشروع تخرج ....بس الحمد لله اتخرجت واخدت الادوية كلها بميعادها ....واليوم كانت عندي مراجعة والمشكلة انو الوضع ضل متل ما هو ما اتحسن قالتلي انتي هلأ بالاسبوع 29 بس جنينك عمرو 27 اسبوع ....بنات يا ريت اتساعدوني ويلي ابتعرف وصفة اتكبر حجم جنيني اتساعدني يا ريت ....بس ما تحكولي حليب وبيض والله بشرب حليب وباكل بيض

[بسمة أمل 111]

على فكرة هي الدكتورة الشهر الماضي كتبتلي مقويات عامة وحكتلي ديري بالك على اكلك بس الشهر هادا اعطتني اسبرين اطفال وقالتلي اخدو عشان يكبر حجم الجنين بس انا بدي اشي طبيعي ما بحب الادوية كتير .....يا ريت اتفيدوني ....كتير خايفة ومتوترة والله كنت رايحة اليوم على اساس انو رح تحكيلي كل شي اتحسن بس صدمتني .....بس الحمد لله لعلو خير

[مُترفةه]

سمعت انو في حليب في الصيدليه خاص للحامل بطفل وزنو صغير يكبر حجم الجنين اسألي واتأكدي ولاتخافي الشهور الاخيره يزيد الوزن بسرعه . . كلي تمر كمان

[شذى العنبر]

حبيبتي انا الدكتورة قالت لي اصغر بأسبوع بس تقول طبيعي هذا وانا اكل كل شي ومااحرم نفسي من الحلويات ومعي سكر حمل بس ماجاب نتيجه توكلي على الله واتركي الموضوع لاتفكرين فيه بيزيد مع الايام وحتى لوجاء حجمه صغير الحليب يكبره

[أم شّهد]

والله يا اختي هيك صار معي قالتلي الدكتورة البيبي اصغر من حجمو الطبيعي الي ﻻزم يكون عليه بهالوقت ونصحتني بالنووم المستمر حتى ارتاح والجنين يكبر خليكي نايمة ع طول وكلي منييح

[بسمة أمل 111]

شكرا على ردودكم صبايا

[noureta]

اختي اكلي سمك يعني على الاقل 5وجبات بالاسبوع انا قريت انه يكبر الجنين وهو صحي ومفيد

[الحيـاة أمـل]

الفيتامينات والنوم وعلميا يقول الاخصائيين ان وزن الجنين يزيد خلال الثلث الاخير من الحمل يعني من بداية الشهر السابع ضعف ما كان يزن خلال نهاية الثلث الثاني

[( ام يوسف )]

انا سامعه الموز يكبر الجنين كلي موز ع قد ماتقدري ويارب ينفعك وربي يطمن قلبك وبالك ويكون كولشي طبيعي
ربي يتمم حملنا ع خير ونولد بالسلامه اطفال سالمين متعافين

[الحيـاة أمـل]

الموز اختي جيد ولكن لا ينصح بالاكثار منه لانه يسبب هبوط في الضغط الدموي والاغماء حبة موز واحدة يوميا تكفي

[اسماء24]

عليك بالنومممممممممممم فهو مفيد

[بسمة أمل 111]

تسلمو صبايا والله ما قصرتو

[عاشقة السفر]

حبيبتي اعتقد تبويضك صاير متأخر يعني بعد الدورة بأسبوعين ؟ أنا كل أطفالي كانو أسبوعين متأخرين بسبب هالشي ، بس ولدتهم ما شالله اوزانهم من ٣ونص الي ٤ ونص، فهالشي كثير عادي . يا رب يتمم عليكي أختي .

[بسمة أمل 111]

شكرا كتير صبايا طمنتوني والله كنت كتير خايفة لاني بولد في اول شهري بالعادة

[sukar]

كم قالت لك وزنه ؟!

بعض الطبيبات يشوفو الوزن قليل
ولا هو بالعاده كويس

اشربي حليب طازج اللي هو حليب البقر نادك او المراعي
حطي بالكاسة ثلاثة ارباع الكوب حليب
وربع الكوب عصير مانجا

حاولي باليوم تشربي كاستين او ثلاث
وإستمري عليه

وإذا رحتي مراجعتك إن شاءالله حيكون اكبر