رأيكم بطابا و مرجان

[Moony_]

مرحبا للجميع
انا بكرية و أتمنى تساعدوني
انا من الخبر حبيت اسأل عن رأيكم بمحل طابا و محل مرجان بالنسبة لتجهيزات المولود كيف جودتهم و هل في تنوع حلو عندهم
جهزت كم شغلة من سنتر بوينت و استغليت وقت التخفيض بس في أشياء ناقصتني باقي

و سؤالي الثاني ان شاء الله ولادتي راح تكون بأول مارس آخذ تجهيز شتوي و الا صيفي ؟؟؟

ساعدوني الله يجزاكم خير بخبرتكم

[Moony_]

يعني معقول محد عنده فكرة

[farfocha]

مرجان يعني marjane holding ?

[Moony_]

مرجان السعودية محل ملابس

[منى العين]

شوفي حبيبتي ما انصحك ابد فييييهم
اولا مقاساتهم مو مضبوطه
ثانيا ما حسيتهم تمام بالذات الداخليه
لبس ولدي بربتوز داخلي سبب له فطريات
في جلده
اذا بتشترين اشتري لين يكبر شوي واهم شي مو داخلي
وانتبهي للمقاس نسوان اخواني اولادهم اعمارهم واحد 5 والثاني 3 شهور
اخذو لهم مقاس سنه وزييين جا على مقاسه


تبين نصحتي كوحده مجربه من قبل
سنتربوت جربته لا بأس بس احيانا يجيك البربتوز قصير وعريض
ويسبح فيه الطفل


انصحك انصحك انصحك

بمحلات مذركير غالي شوي بس جوده عاليه ومقاسات ممتازه وحتى البربتوز
ما يتغير ومرتب على الطفل مرررره واذا بتاخذين خذي نيو بيبي لانا مقاسته صحيحه


وانصحك تروحي في التخفيضات اسعاره عاديه وجوده ممتازه جربيه وما بتندمي
تقدري تاخذي رزمه 3 قطه بدون تخفيض 150 ومع التخفيض 95 وبعضهم يجيك 50 ريال

[منى العين]

ولادتك بتكون نهاية الشتا
احتمال الجو يكون كويس او صيفي
العام ولدت شهر ابريل كان الجو حار

[Moony_]

عزيزتي منى العين
مشكوووورة الله يعطيك العافية
انا أخذت الداخليات كلها من سنتر بوينت عجبتني جودتها كثير و أخذت كذا طقم
كنت اسأل عن طابا و مرجان في ملابس الخروج و المهادات و ملابس البيت

ما قصرتي حبيبتي تسلمين

[الجوهرية]

حتكون وﻻدتك نهاية الشتاء بس انتي للايان الاولى اشتري كم طويل لك وللبيبي عشان ماتبردو

اما بالنسبة للمحلات ماعرف بس شفت مواضيع كثيرة في القسم يشترو من الهرم واشياء مررة حلوة

[Moony_]

الجوهرية مشكوووورة حبيبتي على ردك يعطيك العافية

[fony]

حبيبتي إذآ ميزآنيتكك م تسمح تشترين من مذر كير أو نكست أو سنتر بوينت ..

تقدرين تشترين ملآبس الخروج من الهرم أسعآرهم حلوة وجودتهم مقبولة ،

وبرضو عندكك سيتي مآكس ومآكس أسعآرهم حلوة وجودتهم حلوة برضو ،

ولآ تنسين رد تآغ أكيد بتلآقين عندهم أشيآء حلوة وأسعآرهم منآسبة ..

طآبا ومرجان م جربتهم ..

الله يتمم لكك على خير ..

[روح الماآماآ]

بالنسبة لي مرجان وطابا ماجربت بضاعتهم فما اقدر افيدك فيهم
لكن انصحك بسنتربوينت والهرم
بالنسبة للهرم في تلات انواع للملابس عندهم في صيني وفي هندي وفي تايلندي
نصيحتي ابعدي عن الصيني مررررة خامته مو حلوة وينكمش في الغسيل
خذي التايلندي حلو مرة
اما السنتر بوينت بضاعته حلوة بس حسيت مقاساته شوي كبيرة
يعني في اشياء جبتها من السنتر بوينت مقاس newborn وطلعت بحجم 0-3 من اللي بالهرم ويمكن اكبر شوي كمان