تعبت من التفكير

[ام azoz]

هلا أخواتي

انا متأخره عندي الدوره 10 ايام وكنت أظن اني حامل
جميع اعراض الحمل من غثيان ودوار وخمول بالجسم

ويوم شكيت سويت تحليل دم وطلعت النتيجه سلبيه

حجزت عند الدكتوره يوم الأثنين علشان اسوي فحوصات

تعتقدون فيه شك بالتحليل او انقطاع الطمث بس وبتنزل الدوره وايش سبب الإنقطاع

والله جالسه الحين اكتب الموضوع وحاسه كبدي تحووم الله يعين

ساعدوني لو سمحتوا

[غيمة بيضـاء]

انا اذا تاخرت عى الدورة يجي معي مثلك غثيان

لكن تحليل الدم نادراً ما يطلع غلط

الله يوفقك ويرزقك الذرية الصالحة

[أمل 777]

كل شيء محتمل 00 إصبري بعد ما تروحي للطبيبة وتتأكدي
الله يرزقك بالحمل السليم والولد الصالح 000 أمين

[عابره وللعمر وقفه]

وعليكم السسسلام
هلا والله اختي ، انا هذي الاعراض صارت لي قبل حملي بششهرين وتوقعت اني حامل ورحت سويت تحاليل وطلعت مثلك مو حامل قلت الحمدالله والله ماقصر بعد ششهرين حملت .
الله يرزقك اختي وان شاء الله تكوني حامل
وإن شاء الله يفيدونك البنات ..

[ام azoz]

هلا وغلا
مشكورين أخواتي على تجاوبكم معي

والله يسعدكم ياارب

صدقوني بحس بقلق لين موعد الدكتوره تسوي السونار وبتقولي يوم الأثنين موعدي

تسلمون يالغوالي

[rose]

اعتقد تحليل الدم نادرا يخطئ
ولكن مايمنع ان ارادة ربي فوق كل شي
يمكن اتخلبطت عندك الدورة ترى احيانا مع التفكير والنفسية ترى تتاخر الدورة

[ام azoz]

روز

تسلمين يالغلا

صحيح تحليل الدم دقيق

لكن اول مره يحصل معي هذا التأخير

عادة يومين او ثلاثه

وهذا الي مخليني اقلق

الله يسعدك على مرورك

[محرقية]

عادي اختي انا مابي احبطك بس عشان انتي سويتي تحليل دم وشفتي النتيجة

انا بعد دورتي من عرفتها واهي منتظمة واذا تاخرت يوم او يومين مش اكثر

المرة اللي فاتت تأخرت 10 ايام وبعدين نزلت الحمدلله

والله يرزقنا واياج بالذرية الصالحة العاجلة وليس الاجلة

[~~لحن الحياة~~]

حبيبتي كتير اوقات بتخربط الدورة
والدم ما بيغلط بالتحليل
ان شاء الله على خير يا عمري

[ام azoz]

محرقيه

توأم كوكي

الله يسعد قلبكم على ردكم الرائع وتجاوبكم معاي

[سموة الشوق]

يالغلا انا صارت لي مرة كذا

طمني بالك لاتهوجسين يالغلا

يمكن لان النظام الغذائي اختلف بين رمضان والعيد

انا صار لي كذا بعد رمضان اللي فات

بس مارحت لدكتورة ولاشئ ونزلت بالشهر اللي بعده

بس كثير قالولي تغير النظام الغذائي له دور

خير يارب
وطمنينا عنك يالغلا

[ام azoz]

طيف الله يسعد قلبك على ردك الحلو

وان شاء الله بكره موعدي الصباح

وان شاء بخبر كم ايش صار معي

[ام azoz]

اليوم رحت للدكتوره

وقالت طبعا تحليل الدم مايخطي ويبان حتى لو كان التأخير 3 اياام

وسوت لي سونار مهبلي طبعا وقالت بطانة الرحم سميكه يعني فيها دم وغريب بتنزل الدوره

وهذا تأخير بس بالدوره وله اسباب كثيره

الحمدالله على كل حال

حبيت اطمنكم بس ومشكورين خواتي على تجاوبكم معي

[somia]

أختي..
اصبري واحتسبي وباذن الله تكون اخر دورة لمدة 9 شهور
رزقك الله واياي الذرية الصالحة عاجلا غير أجل

[ام azoz]

تسلمين اختي

والله يرزقني واياك وكل محرومه ياارب

[صعب تنساني]

ان شاء الله اخر مره اتشوفينها وما تشوفينها الا بعد 9 اشهر يارب