نديم الجرح [فهد المساعد]

[ام ارجواااااان]

نديم الجرح [فهد المساعد]



يانديم الجرح واللي وصتك بأرقامها..!
عارف إنك ما تعرف إلا شذى يشمومها..!
لاتعلمني عن آخر ماحصل في أيامها..!
من رسالتها عرفت اليوم كل علومها..!
أدري إن الوقت شمر عن يديهـ وظامها..!
وإدري إن الحظ الأقشر صار مثل هدومها..!
وأدري إن الهم وقف في طريق أحلامها..!
لين صار الحزن أثرها والشقى مقسومها..!
بس تستاهل هي اللي طاوعت من لامها..!
وباعت اللي كل ذنبهـ ما دخل في سومها..!
خلها تدفع ثمن غلطاتها ما دامها..!
هملت قلبي وراحت وأسرفت في حومها..!
ويبتعد مع كل خطوة صوت وقع أقدامها..!
وتقرب الضيقهـ وتصحى دمعتي من نومها..!
لين غابت عن عيوني وإنجلى هندامها..!
ليلة تغفى على صدر الظلام نجومها..!
كنت أحس بشي والله ما تشيل عضامها..!
لو تحس بشي منهـ يمر وسط حلومها..!
كنت أحس إن الضلوع العوج مثل أيتامها..!
وأشعر إن القلب نبضهـ منتهي من يومها..!
والحياة اللي تدور شهورها وأعوامها..!
وقفت واليوم دور رماحها وسهومها..!
ياكثر ما أغرقت نفسي في بحور أوهامها..!

ويا كثر ما ضعت بين أوهامها وهمومها..!
ماجداي إلا أحلم أني واقفً قدامها..!
وأتخيلها تعاتبني وأروح ألومها..!
يا نديم الجرح خلك من علوم أيامها..!
ما بقى في القلب رغبة يلتفت لعلومها..!
والرسالة ردها للي زمنها ضامها..!
وقلها كلمة وتفهمها حسب مفهومها..!
والله إن أقص كفي قبل أدق أرقامها..!
والله أن أشيل قلبي قبل أشيل همومها..!

[ريحانة الجنة]

يعطيكِ العافية

[ام ارجواااااان]

http://forum.hwaml.com/imgcache2/hwaml.com_1390203447_315.gif

[بحــ العيون ــــــــر]

https://encrypted-tbn0.gstatic.com/images?q=tbn:ANd9GcROCLB2IoBDtiubZerbej19JAv7vC7vK u8DwUhQYq8kyVgBToU5 (http://www.google.com.sa/url?sa=i&rct=j&q=&esrc=s&source=images&cd=&cad=rja&docid=89pmNfJYJIZCMM&tbnid=oyr4hERn5Iz6RM:&ved=0CAUQjRw&url=http%3A%2F%2Fvb.3dlat.com%2Fshowthread.php%3Ft %3D178615&ei=KXjiUpCqAsTD0QWvz4Ew&psig=AFQjCNFG2EauMwJGYJvF69gVyt-p5u1WgQ&ust=1390659211280170)

[ام ارجواااااان]

http://forum.hwaml.com/imgcache2/hwaml.com_1390644632_546.jpg