ساااعدوني ولدي يتعذب ومب قادره اسوي له شي

[نجلاء11]

مرحبا

والله أني اكتب ودموعي بعيني مب عارفه شنو اسوي
ولدي عمره خمس شهور ونص ومن عمره شهرين جاءته اكزيما شديده وبكل جسمه ، راسه ووجهه وبطنه واليدين والرجلين ومن دخل الشهر الرابع وصلت الاكزيما ظهره
طبعا ما خليت دكتور مارحت له واستخدمت له كرتزون وخفت شوي ومن اقطع الكرتزون ترجع بشراسه! وديته أطباء اطفال وجهاز هضمي وقالوا حساسيه من حليب البقر وصار ولدي حقل تجارب كل شوي أغير حليبه! الى ان قال لي طبيب اطفال اعطيه حليب ماعز طازج! انا استغربت وسويت بحث ولقيت انه الاطباء ما ينصحون بحليب الماعز لانه ممكن يسوي مشاكل للرضع! فبحثت عن بديل ولقيت شركه من لندن تبيع حليب ماعز للرضع ومعزز بفيتامينات ومعادن فجبت له الحليب وعطيته يومين! حسيت بطنه تحسن شوي بس وجهه على حاله! بس لاحظت انه نزل وزنه فخفت وقطعت الحليب وبالآخرين وديته للمستشفى وكتبوا لي حليب خاص للأطفال اللي عندهم حساسيات اسمه نيوكيت وصار له الحين 6 ايام يشربه ووضعه صار أسوء! صار يرجع ويبكي ما ينام بالليل والحكه زادت عليه والبراز احيانا مثل الماء واحيانا فيه مخاط ووجهه صار كانه محروق بماي نار ويطلع صديد وماي من جروحه
قبل ما اجرب فيه حليب المستشفى وأنواع الحليب الاتش إيه كان طبيعي بس فيه اكزيما !
سااااااعدوني انا ماعاد صرت أنام ويوميا ابكي على حاله وضايعه مااعرف شنو اسوي احس ولدي يتعذب وانا ما بيدي شي

[umbaha]

ياقلبى علية انا بنى كان عندة كان عمرة شهرين المهم ابعدى عنو لروئح مثل العطور والملابس
الجديدة اغسليها قبل ماتلبسيه ولملابس لازم تكون مية بلمية قطن وان شاءاللة يشفيه

[سيدة العمر]

لا حول ولا قوة الا بالله الله يعينك ويصبرك ويجعلو بميزان حسناتك...في اخت قبل يومين كتبت عن نفس موضوعك وكانت بتشكى وفي اخت ردت عليها بالحل عن تجربتها لو لاقيتو برفقلك الرابط من هنا...
سمعت انو مع الايام ولما يكبر بيخف كتير.... الله يشفيلك اياه ويريح قلبك وبهدي بالك

[سيدة العمر]

http://forum.hwaml.com/t261371.html

[لمياء ماهر]

الله يخفف عنه ويطمن قلبك

[عيش الحياة]

الله يشفيه لك يارب

وان شاء الله يكبر يتحسن

خليكي دايم الدعاء له بالشفاء العاجل

[-قطر الندى-]

الله يشفيه و يعافيه يا رب

[احاسيس*]

سجلت دخول عشانك
الله يشفي ولدك اذا انتي بالرياض فيه دكتور مشهور اسمة رسلان يعالج الاطفال نصييييحه مني روحي له هو اللي بيساعد طفلك على الشفاء بعد الله

[طالبة انتساب]

ربي يشفيه لك والله الحساسية تعب على الكبير اشلون ع الصغير ..
انتي وديه اخصائي جلديه مودكتور اطفال ..
وحطي له نشاء يخفف الحساسية ..ان شاء الله

[عاشقة السفر]

حبيبتي بنتي نفس الشي كانت عندها اكزيما نفس الشي قالولي حليب وما اعرف شو ، آخر دكتور قالي لا تستخدمي اي شامبو خاصة جونسن ابتعدي عنها اغسليه بالماي فقط والحمدلله ال اكزيما راحت وبنتي صارت أحسن..

[امل جديد]

الله يشفيه ويعافيه ان شاء الله مايشوف شر

[farfocha]

الله يشفيه يااارب

[فوحة الطيب]

ربي يشفيه ل ولدي كانت عنده قالو بعح مايكمل تسع شهور تروح والحمدلله راحت بسىباقيى الا الان برجوله ماينام بسبب الحكه وينزل منه دم

[sukar]

إذا كنتي بالمدينة المنورة فيه داية اسمها ام حسن العماري
اخذت من عندها كريم
وماشاءالله تبارك الله ..

بدأت تخف منه
مدحوها لي كثير وفعلا امها على قد المدح

هذا رقمها
لو ماكنتي بالمدينة شوفي لك احد يجيب لك من عندها
انا من الرياض وصديقتي ارسلته لي

جزاها الله خير


0148485953

[sukar]

لو سمحتو يامشرفات لاتحذفو الرد
تخيلو بيوم احتجتو حاجة ولقيتو مدح بالنت

وبالاخير مو حاطين الرقم
كاتبين اللي يبغى الرقم يتواصل ع الخاص
لأن هذا حالنا لقينا مدح ع الحرمة وتتتتعبت لحد مالقيت الرقم

وابغى اخواتي يستفيدو

مايحس بالنار الا اللي واطيها

[طفلة خذت قلبي]

انا بنتي ماكان فيها يوم ولدتها توها هالفترة طلع فيها
وديتها المستشفى كتبت لها الدكتورة مرهم alfacort مع فازلين اخلطهم مع بعض واحط على مكان الاكزيما والحمد لله الحين خفت كثير بس باقي شوي
طيب ليه ماترضعين ولدج رضاعة طبيعية يمكن يخف

[طفلة خذت قلبي]

وصح قللي الماي عليه لاني سمعت ان الاكزيما تحب الماي لما يجيها ماي تزيد

[جسر الاحزان]

خطيه يا روحي حبيبتي حتى ابن عمتي نفس الشي بس راحت عنه
الله بفرح كلبج يا رب

[معانده]

الله يعينك ويشغيه
كثري وضع الفازلين ع كل جسمه
خليه 24 ساعه يرطب جلده ياعمري
ترا الحساسيه تجنن الكبار فمابالك بالصغير:(

[هتووف]

رضعيه طبيعي وابعدي عنزحليب الابقار ولاتغلسينه بصابون وابعدي عنه الراوئح وبيتحسن وكل ماكبر تخف

[um turki]

ولدي كان كذا وعطيته حليب نان اتش ايه واستخدمت له كريم كتبه له الدكتور ومع الايام راحت عنه

[سفينة الغرام]

حبيبتي الله يشفيه يارب
ابني كان فيه اكزيما من لما ولد وهلأ عمرو خمس شهور
كمان ماخليت كريم وطبيب ومااستفدت كانت تزيد
وكان ماينام الليل من الحكة الي بوجهو
ورقبتو تسلخت كنت ابكي لما شوف هيك حالتو
اخر شي قطعت عنو الصابون المعطر وصرت اغسل ملابسو بصابون ركة \ غار
واحممو بالاسبوع مرة بصابون ركة
واخدتو عالصيدلية وعطتني كريم الماني
تخيلي اول مرة خف وتاني مرة اختفى
الكريم روووعة بنصحك تجيبي منو وان شاء الله بروح
اسمو Advantan M Losyon 50 g

[Askazya]

مو معقولة حبيبتي خذيه عند راقي يقری عليه
ايش الحساسية اللي هبت في ولدك مسكين
بعده صغير ما يتحمل يمكن لا سمح الله جاه
نظرة اعجاب اقري عليه و اقري ع موية و حمميه
فيها ابعدي عن الزالزيوت استعملي له بودرة مو معطرة
مرة حلوة للحساسية فيه شي يشبه الملح اطلبيه من عند
العطارين اسمه شبه مع تشديد الياء مرة حلوة للحساسة
ومامنها ضرر ابد لا علی صغير ولا كبير اخلطيها مع مويه
دافية و غسلي جسمه بأذن لله راح ينفعه اغلي موية وحطي
فيها تمر خليه يشربها جدا مفيد لجسمه و لمناعته حطي كم قطرة
برتقال ع الموية عشان الفتامين c بأذن لله ما يضرة غذية بالأشياء
المفيدة بأذن لله راح يتحسن حصنيه مع الفجر و المغرب و اقري
عليه شغلي سورة البقرة و الفاتحة في بيتك نزلي رقيه شرعية
من اليوتيوب و شغليها اذا بكی زيادة عند تشغيلك لها
او بدا يجيه نوم اعرفي انو فيه شي ربي يحفظه لا تخلينه ينام
واذا بكی حاولي تهدينه عشان صوته مايغطي ع صوت الرقيه
جربي ماراح تخسرين شي ايه صح روح البحر ملح البحر جدا مفيد
للأكزيما الدكتور قال لأخوي روح البحر واسبح فيه ملح البحر فيه علاج
للأكزيما و ان شاءالله اكون افدتك الشبه بعد مرة حلوة انا استعملها من صغري

[أسيرة زوجي]

استفسار قديم

يغلق الموضوع