دكتورة جيهان محمود

[فراولة بالرمان]

السلام عليكم ورحمة الله كروشات
كيفكم جميعا ان شاء الله نسمع عنكم كل خبر جميل يارب
أخواتي في الله عندي استفسار عن دكتورة جيهان محمود في مركز السامرية الطبي بجدة
أنا في حملي الاول كنت عند د سحر مالودي السعودية في مستشفى سليمان فقيه والي زعلني منها انها يوم ولادتي رفضت تجي وكانت ولادتي جداً متعسرة ومن بداية حملي الثاني أنا الان مع دكتورة جيهان بس خايفه منها لانها أخصائية مو استشارية وانا ولادتي الاولى كانت جداً صعبة ياريت الي جربوها يقولولي كيف الولادة معاها والله أني قلقانة و

[Carmella]

كنت اراجع عندها..بس تولد بمستشفى بعيد عن بيتي فغيرت قبل شهر تقريبا
كن للاسف ما اعرف وقت التوليد ونفسي اعرف زيك لانو تعاملها كان جدا رائع وراقي بالمراجعات

[فراولة بالرمان]

دكتورة جيهان محمود حاليا تولد في مستشفى د.سليمان فقيه وهي بنفسها قالتلي انها من كم أسبوع بدأت تولد فيها الحمد لله بس ياريت اعرف معلومات عنها عشان ارتاح أنا حبيت تعاملها لكن وقت الجد يهمني الخبرة وحسن التصرف

[فراولة بالرمان]

يا الله مافي معلومات ولا اي خبر

[سهام الحب@@]

لا لا والله اشكي وانا ابكيلك ميت مره الدكتوره جيهان عبد المومن والثانيه جيهان انا متابعه عندهم انا دحين في نهاية الثامن وعلئ بالي انهم وحده منهم تولدني انصدمت امس يقولو مهم متعاقدين عند فقيه ولا اي مستشفئ ودحين انا محتاره فين اولد مع اني تعودة عليهم

[فراولة بالرمان]

لا لا والله اشكي وانا ابكيلك ميت مره الدكتوره جيهان عبد المومن والثانيه جيهان انا متابعه عندهم انا دحين في نهاية الثامن وعلئ بالي انهم وحده منهم تولدني انصدمت امس يقولو مهم متعاقدين عند فقيه ولا اي مستشفئ ودحين انا محتاره فين اولد مع اني تعودة عليهم

كيف دكتورة جيهان محمود قالتلي احنا خلاص اتعاقدنا مع مستشفى د سليمان فقيه!!!!! يعني معقول كلامها مو صدق

[سهام الحب@@]

والله العظيم ما اكدب عليك اني رحتلهم قبل يوم وقلولي ما تعاقدو لسئ قلتلهم طيب كيف قولو ماندري جيبي لستة مستشفيات واقولك اي افضل انا بس منتضره بس التامين حقي يجي وبروح افتح ملف في سليمان فقيه وبخلي اي دكتوره تولدني لان مافي وقت اننا لسئ نرتاح لاحد من بعد ما انصدمت انهم ماتعاقدو ولا متعاقدين مع اي مستشفئ يعني ماعندهم خبره في الولاده ابد بس متابعه بس الله يسامحهم المفروض قالو من البديه مو انصدم واحتار دحين بس ما اقول انهم مو تمام با العكس في المتابعه مره اوكيه بس زعلت منهم واخدة موقف منهم الله يسامحهم

[فراولة بالرمان]

مادام كدا حروح عند دكتورة فاطمة العتيبي في مستشفى د.سليمان فقيه الله يسهل ،، ضحكوا عليا وقالولي حنولدك في سليمان فقيه طيب الحمد لله أنك قولتيلي جزاك الله كل خير ويسهل أمورك يارب

[Carmella]

دكتوره جيهان محمود تولد ببقشان قالتلي مرا لمن سئلتها
ونفس الكلام قالتلي بتعاقد مع فقيه
بس انا ابا الاطبااء اقرب لبيتي

[فراولة بالرمان]

أنا كان نفسي أولد في الأطباء بس تأمين زوجي ما يغطي الأطباء المتحدون