تجربتي ومعاناتي مع الحمل خارج الرحم

[مشاعر خجولة]

مساء الخير بنات
اخباركم

حبيت اني انقل لكم تجربتي المؤلمه ومعاناتي الله لايراكم سوء بحق محمد وال محمد
اني صار لي متزوجه سنتين ونص كانت تجيني التهابات واعالجها بتحاميل ومضادات وماكانت عندي مشاكل غير التهابات
اما زوجي عنده بطئ متوسطة بالحركة الحيوانات طبعا اكتشفناه بعدين
جتني الدورة مثل العاده وبعدها بخمس ايام حسيت بالم فضييييعع جنبي الايمن وكان ينزل مني دم خفيف ورحت مستشفى الصادق دخلت عند الدكتورة هندية وكشفت وقالت التهاب معاي وعطتني تحاميل
بس اني ماطمنت !!! ولاخفيت رحت مستشفى التداوي كشفو علي وقالو عندي حمل خارج الرحم جتني صاعقة وقمت ابكي وقالت الدكتورة لازم الحين نسوي لك عملية ونشيل الانبوبه
اني مارضيت ولازوجي قال بنروح مستشفى ثاني ورحت مستشفى النساء والولادة بالدمام وكشف علي اخصائي وقالو انه حجمه 3 بنعطيك ابرة كيماوي
وعطوني ابرة بس مانزل الهرمون زاااد واني منهارة وحالتي حالة وعطوني ابرة ثاني وبعدين نزل اشوي اشوي شفت الموت بعيوني الم ماشفت مثله

شهرين واني اتابع الهرمون ينزل مع الالام ودم ينزل مني شهرين حتى حطو فيني دم لأنه جاني فقر دم حاد
الحمد لله على كل حال والحين سويت مانع 8 اشهر ورحت الحين مستشفى الروضة عند الدكتورة اشجان يمدحونها
سويت عندها اشعة الصبغة وتعبت منها بس الحمد لله طلع كل شي سليم
الحين انتظر فرج الله ويقرعيني

طولت عليكم اسمحو لي بس حبيت انقل تجربتي وتدعولي لأني تعبانه. .

الله يرزقني ويرزق كل وحده بالذرية الصالحة والسليمة يااااربي

[ward22]

اجر وعافية ياارب المهم سلامتك الحمدلله عالسلاامة ..
ويارب يقر عينك بالحمل السهل الميسر ويتتمه لك ع خير ..
واحد من اسباب الحمل خارج الرحم الالتهابات ..
حاولي تعالجيهااا كووويس كووويس قبل الحمل ..
والله ييسرلك ياارب ويفرج همك ويفرحك ♥

[جنون الحب]

على اجر اختي

الحمدلله على سلامتك

ربي يعوض تعبك وألمك خير ياربي ويقر عيني وعيني بالحمل السهل اليسير وبالبيبي السليم ياكريم

كثري من الصاة على النبي و الاستغفار بغرض احمل السهل :)

[نور الهداية"]

السلام عليكم و رحمة الله تعالى و بركاته
ربنا يرزقك بالحمل السليم داخل الرحم
انا ايضا حملت في مارس الماضي حمل خارج الرحم
ربنا يعوضنا و يرزقنا الذرية الصالحة

[حياتي قمراتي]

الحمد لله على سلامتك اختي
انشاء الله ربي يعوضك عاجلا غير اجل بحمل داخل الرحم انت و كل منتظرة يا رب

[مشاعر خجولة]

ياربي
الله يرزقنا بالحمل السليم والذرية الصالحة

تسلموووو بنات على طلتكم منورين بتواجدكم ..

[حياتي قمراتي]

بنورك يا غالية
امين الله يرزقكم كلكم

[3nood]

الحمدلله على كل حال ♡

[الأمورة سوس]

الحمد لله على سلامتك اختي
انشاء الله ربي يعوضك عاجلا غير اجل بحمل داخل الرحم انت و كل منتظرة يا رب
يارب قادر ياكريم

[الشموع المضيئة]

الله يعوضك يارب ويكتب لك الاجر

اختي انا صار لي نفس الشي حملت حمل خارج الرحم وكان عندي نزيف اسبوعين وبعدها الم فظيع ويوم دخلت الطواري كشفو علي قالو حمل خارج الرحم واعطوني ابره ونزل الحمدلله وسويت اشعه الصبغه والحمدلله كل شي سليم وسوينا مانع سنه لانه الابره مو كويسه انك تحملين بعدها اقل شي ٦ شهور وتاخذين في الست شهور حبوب فوليك اسيد عشان تنظف الجسم مهم جدا وبعد سنه ونصف حملت وجبت بنوته وبعد سنه ونصف حملت ايضا حمل خارج الرحم بس نزل من نفسه الحمدلله وبعدها علي طول حملت بولدي قدر الله اني احمل بعد ولدي بتوان بنات الله يحفظهم جميعا ويخليهم

الشاهد لا تشيلين هم واذا عندك التهابات عالجيها انا ما كان عندي التهابات وصار مرتين حمل خارج الرحم لانه الدكتوره قالتلي لو صار مره وحده خارج الرحم تزيد نسبته للي سبق وحملت خارج الرحم بزياده يعني ممكن يكون متكرر