بنات (الخبر) خبراتكم مع مستشفى سعد!!

[Salma]

السلام عليكم و رحمة الله و بركاته

حبيباتي حابه اسأل عن افضل دكتوره نساء وولاده في مستشفى سعد التخصصي؟

انا تعالجت عند الدكتوره سهام بس المشكله انها ما تتابع الحمل الى نهايته بس اول 3 شهور

لانها تعالج تأخر الحمل وانا كنت اتعالج عندها و حملت الحمد لله

حابه اني اكمل متابعه في سعد التخصصي ان شاءالله

ياليت اللي عندها فكره عن افضل دكتوره تفيدني و اكون لها شاكره ،،

والله يرزقكم من واسع فضله

[Salma]

وينكم يا بنات .. مافي احد من الخبر معقوله !!

[للحب عنوان]

ان شاء الله البنات يفيدونك

ماعندي علم

[Salma]

تسلمين يا قلبي

يا حبيلك ما قصرتي يكفي انك رفعتي الموضوع

[noorah]

اممم
انا توني اتابع عندهم ماخده عرض المتابعه مع الولاده ودفعت له
مدحولي في دكتوره مصريه اسمها يمني ودخلت عليها مره ارتحت نفسيا لها
الله يتمم لنا علي خير

[حره على كف صقار]

والله ياعمري انا بمستشفى الحرس الوطني مااعرف احد بالسعد يراجع حمل
ان شاءالله اقدر افيدك بشي ثاني

[Salma]

يا هلا اختي نوره ..
انا تابعت عند الدكتوره يمنى في حملي الاول بس ما اذكر ليه
غيرتها و رحت لحنان !!

تسلمين يا قلبي على ردك والله بتمم عليك يارب و ينولك اللي في بالك


حره على كف صقار ..

يا حبيلك تسلمين يكفيني مرورك
ما قصرتي يالغلا

[دنيتى غريبه]

مستشفى سعد الله يساعدك على مصاريف شيلى معك شنطه فلوس قبل ماتولدين عندهم




حبيت ارفع موضوع

[Salma]

تسلمين حبيبتي

هههههه والله صادقه بس انا على التأمين ..

والحمد لله الخير من الله كثير

اهم شي مكان نظيف و مريح

مشكوره يالغلا

[دنيتى غريبه]

اذا على تامين اوصيك طلبى الاكل مريح ونظافه ويدلعون انا تنوميت عندهم مرتين واذا بقيت ادق على اهلى عادى اعطيهم رقم ويدقون الاحساء ولما جيت بطلع رحت محاسبه بس دفعت الفرقيه بسيطه 66 ريال وانا جلست 22 يوم

[Salma]

ايه ما عليك نتدلع عليهم اجل وشوله التأمين هههههه

والله انا ما قد تنومت عندهم الحمد لله بس قريباتي ولدوا هناك و شفت كل شي نظيف

صحيح احيانا ما يجونك الممرضات الا بالهواش ،، بس هذي افضل مستشفى في نظري و حابه اولد فيها اذا الله اراد

الله يسهل

[noorah]

هلا اختي
تقصدي دكتوره حنان السبيعي؟ السعوديه هي استشاريه صح
دكتوره يمني اخصائيه
انا مالاقيت مواعيد مع دكتوره حنان مره بعيده زحمه عندها لانها تعالج غير الحمل امراض
غير ان انا مش علي تامين علي حسابي وفي النهايه ماتفرق متابعه الحمل
استشاريه او اخصائيه كلها واحد
انا رحت زياره وحده لحد الان بس الكل مدحها لي ان مره قديمه عندهم
بالتوفيق

[Salma]

هلا حبيبتي

ايه اقصد السعوديه .. صادقه مره زحمه مواعيدها و فيه ناس يمدحونها و ناس يذمونها وانا تجربتي معها كانت جدا سيئه رحت لها مره او مرتين بس و ابدا ما ارتحت لها ..
و ما انصحك تراجعين عندها ..

اهم شي تكون دكتوره فاهمه و حبوبه و اخلاقها حلوه مع الناس و اسلوبها راقي
و ان الدكتوره تدخل قلبك ولا ابدا ما راح تقدرين تكملين معها ،،
هذي وجهة نظري ..

ايه صادقه عن الدكتوره يمنى انا يوم جيت اخذ موعد قالوا لي عنها كويسه و ااحسن دكتور كمال الاتربي
بس انا كنت ابغى دكتوره ويمنى كانت الوحيده اللي فاضيه و عندها مواعيد وانا كنت مستعجله و رحت لها
بس والله ماني متذكره ليه غيرتها ..

عموما يا قلبي الله يتمم لك و لي و جميع الحوامل
ويسهل علينا يارب
وشاكره لك مساعدتك ما قصرتي حبيبتي