وصفة مغربيه للحمل تستحق التجربة بالتمر و السينوج

[أم معاذ إن شاء الله]

السلام عليكم اخواتي

الله يرزقكم الذرية الصالحة غادي نعطيكم واحد الوصفة مجربينها 2 صحاباتي واحدة اربع سنين والثانية 6 سنين ما ولدوش ماخلاو حتى طبيب وبنت خالتي عامين والحمد الله بعد شهر من استعمال الوصفة صار حمل واحدة جابت توام 2وليدات ماتكونوا انتما ان شاء الله والثانية بنت وبنت خالتي ولد

الوصفة هي تاخذي 30 حبة ديال التمر تحيدي ليهم لعظم وتاخذي الحبة السوداء الي كنقولو ليها السانوج وتطحنيها حتى تولي بحال الدقيق وتخلطيها مع العسل الحر وتديرها على شكل كويرات قد لعظم ديال التمر وتعمري بيها التمر بعد ماتغسلي من الدورة الشهرية تبداي كل يوم وكنأكد ليك كل يوم على الريق تاخذي حبة واحدة فقط حتى تجيك الدورة وتوقفيها ويمكن حتى زوجك يتناولها معاك

وشىء اخر المداومة على الاستغفار الله كبير ورحمته واسعة

ودعيو الله ينولني الي في بالي ويحفظ لي وليدي


نتيجة الوصفة كتبان من بعد شهر من الاستعمال

[هبة الرحمن]

شكرا على الوصفة وربي يسهل علينا بالحمل عن قريب

[Oum meryam]

شكرا على الوصفة الله يسر أمورنا جميعا
أسأل الله أن يحفظ لك ولدك وأن يرزقك كل ما تتمنينه

[jojo 123456]

http://forum.hwaml.com/imgcache2/hwaml.com_1387371357_367.gif

[اترج]

شكرا على الوصفة و ربي يحفظلك وليدك ان شاء الله

[basouma26]

شكرا عل الوصفة و ربي يعطيك واش راكي تتمني و يحفظلك وليدك ان شاء الله

[جمانة نور]

حبيبتي ام معاذ معليش تتكرمي وتوضح لي نحن عندنا في الجزاءر الحبة السوداء هي حبة البركة اما السانوج هو اسود نديرو بيه الخبز وهو عبارة عن حبيبات صغار فهل هذا ما تقصدين

[يآ أرحم الرآحمين]

ردو بالكم ألبنات السانوج ماشي هو حبة البركة أو الحبة السوداء

وكنظن حبة البركة هي المقصودة في الوصفة لما فيها من خير و منافع

[Oum meryam]

آخر مرة سمعت من دكتور فايد أخصائي التغدية أن حبة البركة هي سانوج ونصح بأخدها على شكل حبوب خصوصا تعجن مع الخبز وحدر من أخدها على شكل زيوت وقال أن لها فوائد ولكن ماشي بشل مهول كما يكتبون عنها في مواقع نت وغيرها ودكر أن حبوب القرعيات فيها فوائد أكتر من حبة البركة خصوصا أنها تحتوي على مادة سلنيوم وهو معدن مضاد لأكسدة ويساعد على رفع جودة الحيوانات المنوية لمن يعاني من أي نقص

[يآ أرحم الرآحمين]

أم مريم حبيبة
انا عندي دابا السانوج و عندي حبة البركة

اصلا حبة البركة راها غااالية شوية و كتجي من السعودية و حي حبيباتها ملساء و مكركبة شوية اما السانوج مختلف تماما
غير فالمغرب كيقولو ليه حبة البركة حيت ماعارفينش الفرق ديري حبة البركة فكوكل و شوفيها كيف دايرة كاين فرق كبيييير

[يآ أرحم الرآحمين]

هادي حبة البركة

https://encrypted-tbn2.gstatic.com/images?q=tbn:ANd9GcR5zhXxfGcRls-aqJCQXZP1Ak5HaIiM4rKM4KGMKY3dGGBXD_dq

وهذا هو السانوج
http://forum.hwaml.com/imgcache2/hwaml.com_1387386464_148.jpg

http://forum.hwaml.com/imgcache2/hwaml.com_1387386464_392.jpg

[ommohsen]

شكرا علي الوصفة زوينة انا حملت ببتي بيها كنت مناخد سبعة حبات في اليوم والحمد الله وخديت غير الهداك الي عندنا في المغرب وربي كبير ايجيب تيجيب اﻻسباب علي اهون سبب الحمد الله يارب يفرحكم اجماعين مشكورة

[كليوباترة]

شكرا على الوصفة الله يسر أمورنا جميعا
أسأل الله أن يحفظ لك ولدك وأن يرزقك كل ما تتمنينه

امييييييييييييييييييييييييين

[أحمد حبيبي]

الله يجزيج كل خير على الوصفة

الله يبلغج باللي تتمنينه ويحفظلج ولدج يارب

مشكورة