** ليبيا زين علي زين ليبيا ورد وياسمين ** تجمع الليبيات [الأرشيف] - الصفحة 5

dr.loly

01-19-2014, 08:08 PM

ألف لابااااس ع الامورة رويتاااا ماتشوف شر ان شاء الله يارب

اوشتي .. سألتي ع صورة اي هذا فروستي يتأمل ف شلال نجه ليا وربي يحفظه عجبه المكان واجد

وهو مصبي ع جسر خشبي ف منطقة تهبل هنا ف نيوكاسل ...

صورتها واجد منطقه هذكي بس تراكمن بجد الصور ومعش عرفت شن ننزل

هدووووووووووووو

كيف حالك توا وحال الحبوبه سوما ان شاء الله افضل من قبل

اثري وام معاد واوشتي صار كلنااااا ان شاء الله ح ننقصوا من شيل حط جيب للسرير ف الليل هههههههه

حلوة فكرتك اوشي حتي نا ف ليبيا دايرتها لفروسي

بس هنا نظام دار نوم سريره صغيرون دوب نا وابوفراس

مش نفس ديارنا سفرتح السرير هههههههه

dr.loly

01-19-2014, 08:16 PM

بالنسبه لصورة الكوشه او مسرح العرس..
هذااااا في عرســـي..

وحزرتها سوسو وانتي اوشتي قتي عيوش بعدها توقعتي صح

لان خواتي فرحهن ان شاء الله ف شهر 9 وححجزا ف الصاله

وقالتلهن ماما ديرن نفس ديكوري .. طبعا لي دوخني واجد بيش لقيت ديكور يعجبني

ويناسب فيلووو متاعي وطلتي ..ف ليلة العمــر .. طبعا مع اكسسوارات الصاله وتلبسيه الكراسي

وا
لاستقبااااااااااااال..

نا بناخد رايكن قبل.. اني عطيت وجهة نظري ان مايككونش نفس الديكور عشان يكون بصمة خاصه ف العرس

وقالو صاح بعد تجي انتي توا ندوروا مع بعضناااا هو والفيلووو لالاني نفهم فيهن واجد خبره ههههههه
من كثر مالفيت ودورت ف فرحي ...

قبل بنستشيركن بس بعد ماشفتش تفااااعل واجد واصلا خلاص تم التفاهم ع ديكور اخر...

أم ورد

01-19-2014, 09:01 PM

السلام عليكم كيف حالكم كلكم

dr.loly

01-19-2014, 09:25 PM

يابنات فكونا من جو متع صفحة جديدة قصدي تجع جديد خلي عألأقل لل200

وفروسة بنسألك خيره القروب معاش يشتغل معاش لقيت مكان الرد السريع..
وبالنسبة لفروسي والله افتكيتو وارتاح منها أنا زمان تفتكرو لما في ألأردن فطمته منها
كان عمره عام و7شور ممكن

وعذبني فيها ياناري كان متعلق بيها بشكل لايوووووصف

تخيلو الحمد لله كان هااااااااادىء من 4 شهور يمصها ويرقد بروحه عاااادي
ولما كبر شوي
حتى النوم يخش سريره ويتغطى والزلباحة وينني

وبعد سيبها لما يرقد لدرجة ان شواربه يتحركو براحهم وكأنه يمص

سخفففني بعد سيبها ,,,,
ولما نطلعوا ويلقى ولد يمص في الزلباحة يقعد يشووووووووووفله
ويقعد يتذكر فيها
بس افتكيت في نفس اليومين لغينا الشيشة والزلباحة..

اهلا سوسو

هو القرار من الادااااره لما توصل 100 ينغلق القروب
عموما توا نشوفوا كان ماغلقش حد نغلقه ع 200 وخلاص..

يستر الله كان مايجي حد يسكره ههههه

بالنسبه لتجمع الفريق الاحمر ابتدت المرحله الثانيه ماشفتيش الاداره ولا كيف

وفيه قروب جديد انفتح ....

وفعلا افتكينا منها لهايه

والحمدلله نساها خلاص...

وحتي نا فروسي نفس الشئ كان يرقد ومهني ع روحه بروحه

توا علمته المخده هههههه يجيبها ف ليل ويكر كرعيناhwaml02

جوهرة ليبيا

01-19-2014, 09:26 PM

وعليكم السلام ام ورد وكيف حال انتي والنونو ربي يسهل عليك

جوهرة ليبيا

01-19-2014, 09:29 PM

اهلين فروسه

كيف حالك وحال الصغار ربي يحفظهم

اني حتي جمان ماتاخدش في اللهايه وتاخد في الشيشه ورنوده الزوز ماخدتهمش

واحسن افتكيتي منها

أم ورد

01-19-2014, 09:41 PM

الحمد لله تمام نستنى امتى انجيب
كيف حال الأمورات ان شاء الله بخير

ام وسونة

01-19-2014, 10:01 PM

السلام عليكم

كيف حالكم كلكم وخيه ام ورد كيف حالك ومبروك حملك والله فرحتلك ياغالية ربي ينوضك بالسلامة لكن ماحكتيش

عن قصة حملك

وخيه جوهرة ماشاءالله على اكلاتك تسلم ايديك بس عندي شوية تعليق على ديكور المنزل بحكم اني مهندسة فنشوف بعيني

ههههههه سامحيني وخيتي راهو نعطي في رأي كانك اختي

وخيه ام فراس ربي يكمل على وخياتك بالخير يارب

وخيه اثري كيف حالك وتسلمي على سؤالك

وخيه سوسو تسلم ايديك على الاكلات وربي يحفظلك عويلتك

وخيه اوشي لاباس على حبوبتك ربي يشفيها

وخيه ام معاد كيف حالك انتي وكتاكيتك ربي يحفضهوملك

أم ورد

01-19-2014, 10:31 PM

[quote=ام وسونة;3594173]السلام عليكم

كيف حالكم كلكم وخيه ام ورد كيف حالك ومبروك حملك والله فرحتلك ياغالية ربي ينوضك بالسلامة لكن ماحكتيش

عن قصة حملك

وخيه جوهرة ماشاءالله على اكلاتك تسلم ايديك بس عندي شوية تعليق على ديكور المنزل بحكم اني مهندسة فنشوف بعيني

ههههههه سامحيني وخيتي راهو نعطي في رأي كانك اختي

وخيه ام فراس ربي يكمل على وخياتك بالخير يارب

وخيه اثري كيف حالك وتسلمي على سؤالك

وخيه سوسو تسلم ايديك على الاكلات وربي يحفظلك عويلتك

وخيه اوشي لاباس على حبوبتك ربي يشفيها

وخيه ام معاد كيف حالك انتي وكتاكيتك ربي يحفضهوملك[/quot

وعليكم السلام و رحمة الله وبركاته
الحمد لله أم وسونة وربي ايبارك فيك وكيف حالك انتي والبنوتات وبالنسبة للحمل شلته الموضوع من بالي نهائي وخليته على ربي مع الدعاء والاستغفار والحمد لله ربي عوض صبري خير و لله الحمد

ام معاد

01-19-2014, 10:40 PM

السﻻم عليكم اهﻻ ام وسونة اني الحمد لله والكتاكيت بخير والحمد لله

ام معاد

01-19-2014, 10:42 PM

اليوم ابان اخدي تﻻتة رضعات صناعي وتوا لما بيرقد علق في صدري ماهانش عليا قلت ارضعه وخﻻص

ام معاد

01-19-2014, 10:47 PM

ام ورد شن الجو .شن درتوا امس من ورايا .

ام معاد

01-19-2014, 10:48 PM

شكلكم ارقدتوا

أم ورد

01-19-2014, 11:05 PM

وعليكم السلام ام معاذ كيف حال الصغار والدكتور
امس ما درنا شيء تغدينا ويعدين كلينا زردت نسيبة وفي الليل جابو زردت ريونة

dr.loly

01-20-2014, 12:02 AM

اهلين فروسه

كيف حالك وحال الصغار ربي يحفظهم

اني حتي جمان ماتاخدش في اللهايه وتاخد في الشيشه ورنوده الزوز ماخدتهمش

واحسن افتكيتي منها

اهلين جيجي

اي صح اذكرت طنجرة البومردم ولا بورديم لي تحكي عليها
عطك الخير ديما نتخيل فيها طنجرة الضغط الصحي ديجيتال هههههه

لان هذه نحن نقولولها نقصد نا وهلي طبعآ الفرن الصحــــي....

وجيرانا الفرن المتنقل مسمينهاااا

بعد شفت موضوع لي حطيتيه قديش ضحكت ع روحي ههههه

هذه ما اغلاها ع مــــــــــــــامــــــــــــــــــــــــا

الدجاج المحمر ادير فيه ديمااااا فيهاااا

خصيصا ف رمضان ربع دجاجه لكل واحد تقريبا يوم بعد يوم لان هلي من عشاق الدجاج

وادير فيها ف الكيكه حتي ماما

بس الحق استفدت من موضوعك في القسطل والبطاطا الحلوة

لان ديما نديرو فيه القسطل ف الشتاااا عمرها ماخطرت علينااااا...

وانزيد لعشاق لحم الراااااس زي اخوي الكبير وزوجي ...

نديرولهم فيه ف راس المحمر حاجه من الاخير يطلع..

وطلعتها معايا ف فرحي عشان الدجااااج المحمر

وع فكره ندير فيه بلا كيس ع طريقه ماما .... ويطلع يهبل نفس المطاعم ...
دجاج محمر..

وماما تدير فيها حتي ف البطاطا المبطنه بس تبي صبر خخخخخ

نا القلايه افضل مع ان الفرن الصحي من اسمه اكيد اقل دهون وصحي

ويمشي مع لي مدايرين داااااايت

ف مطعم عندنا يدير فيه محمر روعه

ويطلع زي بورديم او بومردم لي هو نحن عندنا ف الشرق

معناها الحاجه لي تطيب ع الفحم بعد تحفيرلهااا وتغطيها بالفحم والحجر

خصيصا ف زرادي روعه ف لحم...

اوشتي اكيد تعرفي استراحه الحيط او اي حد ف شرق

ديما نطلبو ف كيلو بومردم لحم حلو يديرو فيه....

وهذا الفرن الصحي

http://forum.hwaml.com/imgcache2/hwaml.com_1390165361_959.jpg

وهذا البومردم

http://forum.hwaml.com/imgcache2/hwaml.com_1390165362_149.jpg

او بالطريقه هذه

http://forum.hwaml.com/imgcache2/hwaml.com_1390165361_643.jpg

http://forum.hwaml.com/imgcache2/hwaml.com_1390165361_272.jpg

dr.loly

01-20-2014, 12:04 AM

يا مرحبا بأم ورد وام معاااد

جوهرة ليبيا

01-20-2014, 12:05 AM

اتفضلي ام ورسونه عادي اكتبي شن تبي وقولي رايك

تقدري اتقولي اني عرفت علي شن تعليقك لان حتي اني عندي انتقادات علي بعض الحاجات بس لازم الواحد مايقعدش نادم ويقتنع

ويفكر في التغير بعدييين

ولو تعطيني افكار ياريييت لان مجرد يكتمل مبلغ معين عندنا بنبنوا دور تاني والاول كله بنديره استقبال وجناح نوم

للضيوف ومطبخ تحضيري والحمامين نفسهم

وعلي فكرة حتي راجلي مهندس

dr.loly

01-20-2014, 12:05 AM

أهليـــن أم وســــــــــــــونه..
والله يبارك فيك تسلمي..

شخبار الحلواااات .. ان شاء الله الزغيورة مش امتعبتكـ .. مره حكيتي انك تشرحي ف الفصل بها هههه

ربي يحفظها...

dr.loly

01-20-2014, 12:07 AM

اليوم درت بيتزا اقراص أو ميني بيتزا للعشااا

زوجي مايحبهش مثلتااااات مش عارفه ليش خخخخخ

ودرت معاها شربه عدس بالدجاااج وليم

وخششت شرائح الدجاج قبل بندير اسكالوب معاهن قعدت نحسب قلت واجد سعرات حراريه

خصيصا لنا فترة العشا صحي مانبيش نخربها عاد تعودنا هههه

dr.loly

01-20-2014, 12:08 AM

نستأذنكن تواااا

بنعطي نحطها ف كوشه

ويانا عليا الولي بدت وصلة البكااااا وفراس كذلك يبكي بعد تبكي واشر منهاااااااا بطريقه فضيعه

يابنات من عندها هكي؟؟؟؟؟؟؟؟؟؟؟؟؟؟؟؟؟؟؟؟

جوهرة ليبيا

01-20-2014, 12:10 AM

اهلا فروسه

اني اندير في الدجاج في الكيسه باش يقعد طري علي الشباك ايجي يابس لكن الحوت لا يطلع مشوي يهبل

وتو انجرب فيها لحم الراس عندي امتاع عقيقه جمان نضيف ومقطع وغاسلاته تو انطلعه ان شاء الله

جوهرة ليبيا

01-20-2014, 12:11 AM

ربي يحفظهم الحلوين ام فروسه

ام وسونة

01-20-2014, 12:45 AM

وخيه ام فراس تسلمي ياغالية وصحيحة عشيكم

وخيه جوهرة طبعا تعليقي على صالة الاستقبال متاعك ان الوانها مش متناسقة اولا ومزركشه هلبا الحق المفروض لما الصالون

يكون مزركش السجادة تكون سادة والعكس فهمتيني وبالنسبة لفرشة الممر بعيدة كل البعد عن سجادة الصالة وورق الحائط حتى هو مزركش

يعني يبي شوية تعديل وحتشوفي الفرق وخاصة ان البار متاعك مخدوم بحجر فالمفروض الحائط يكون زواق عادي او ورق حائط سادة اني هكي مدايرة

في حوشي سامحيني والله بس حبيت نعلقلك وبإذن الله حنزل صور لحوشي في اقرب فرصة

وتسلمي ياغالية

جوهرة ليبيا

01-20-2014, 01:02 AM

بالنسبه لبساط الممر غيرته في امجيبتي لبنوتي والبساط

وتعليقك اسعدني واتفضلي عااااادي جدا

اصلا عرفت الصوره اللي بتعلقي عليها فحدفتها

والصوره الاضاءه مش كلها امشغلتها لان الاضاءه امتاع وسط الحوش قويه فتغطي عالعيوب

وعلي فكره امقايله لراجلي نبي طاوله اكل رخاميه سااااااده اللي تنفتح وبساط دائري فقطططططط بدل الرسبشن

لكن اموصي عليها من شهر 2اللي فات وللاسف ماوصلتش حتي انسيناها توا اتذكرتها

جوهرة ليبيا

01-20-2014, 01:05 AM

تو انزل صوره التغيرات اللي اني درتهم في الحوش وتناسق ذوقي هههههههه مغروره

لان تقدري اتقولي عزوزتي اللي امأتته الحوش بما انه ماعنداش خوات

ام وسونة

01-20-2014, 01:06 AM

شكرا حبيبتي على صدرك الرحب واني حبيت نفيدك بلي نقدره وانتي كنت مذوقة وخديتي بكلامي

تعرفي عندي ليك اقتراح لو تلغي السجادات وديري موكيت وفوقه سجادة صغيرة احلى وبماانك غيرتي سجادة الممر

كويس معناها حوشك حلو توا زيك معناها نستنى في الصور الجدد

ام وسونة

01-20-2014, 01:08 AM

جوهرة ليبيا

01-20-2014, 01:09 AM

تسلمي هذا من ذوقك

بس لو بنلغلي البساط واندير موكيت معناها بنغطي البورسلين كله لان وسط حوشي هذا صغير مش كبير

كيييييف الحل

جوهرة ليبيا

01-20-2014, 01:13 AM

سلمك ياربي وربي يحفظلك بنوتاتك ويرزقك ربي ماتتمني وتملي حوشك بنين وبنات يارب

اني راجلي مش متقبل تنزلي للصور حتي امس قالي عادي وحسيته مش مقتنع وخلاني بس لان لقاني متحمسه وقلتها قبل للبنات مايبيش

فلااازم نلقا الوصله الليله ضروري وانصور ونزل قبل مايرفض نهاااائي وحتي اني ميهونش عليا ومانحبش اندير حاجه شبه مش راضي عليها

ام وسونة

01-20-2014, 01:17 AM

حبيبتي معاش موضة انه البورسلين يقعد عريان اني اختي حوشها على تلاتة دوار وكله رخام واقنعتها تغطيه بموكيت حلو

اني نحس فيه انزك للعلم حوشي كله بورسلين وكله مغطي وحتى المطبخ بورسلين وحنشريله موكيت هههههههه هذا رأيي

لان بورسلين حوشك لونه غير الاثات فلهذا ياتغطيه ياتغيري الاتات عالبيج زيه ويكون سادة والحيوط غيريهم سادة صدقيني

حتحسي بالفرق وحيبدا كييييييييييوت هلبا

ام وسونة

01-20-2014, 01:21 AM

حبيبتي كل شي الا زعل راجلك وتاج راسك صدقيني ماينفعك حد خليك ديمة تسمعي كلمته لان اكيد لمصلحتك

واكيد لرفضه حكمة وهو وافق بس انه مايزعلكش فلهذا ماتكتريش عليه وربي يحفضكم لبعض

جوهرة ليبيا

01-20-2014, 01:21 AM

لا لا ضلمتيه الصالون والله الصورة اللي حطيتها عاكس اللون هو هدي وفيه البيج هلللللبه وحتي درجات القهوي هو والبساط

واني عكسك انحبه حتي دار النوم بورسلين ساده سكري وديما امصقعه ههههه

جوهرة ليبيا

01-20-2014, 01:23 AM

ويحفظلك راجلك وبنياتك يااااارب وكل احبابك

علي فكرة اني مانعرفكش كويس ياريت اتعرفيني عليك انحب نرسم صورة وافكار في خيالي علي كل وحده في المنتدي بما اني مانعرفكمش في الواقع هههه

جوهرة ليبيا

01-20-2014, 01:25 AM

انوريك اطلعي فيها حاجه ههههههههههههههههه انبصر عليك ياحلوة

جوهرة ليبيا

01-20-2014, 01:29 AM

وينك ام وسونه ؟؟؟

ام وسونة

01-20-2014, 01:31 AM

ههههه تسلمي ياغالية اني ام وسونة مواليد 83 خريجة هندسة عمارة ونشتغل ومتجوزة من 2007 وعندي زوز بنوتات

ومن سكان طرابلس وانتي

dr.loly

01-20-2014, 01:35 AM

سلمها عزوزتك وربي يحفظهالك وبماانك انتي توا سيدة المنزل اكيد في تغيرات لان احني البنوتات وين مانخشوا

مكان نخلوا بصمتنا فأكيد مملكتنا تكون احلى مكان ربي يجعله حوش العمر وتشوفي فيه احلى ايام عمرك وتعبيه هلبا فرخونات

وفراخين هههههههههه

عجبني تغليقك هذا لان مبدري كنت نحكي مع اختي ع فايبر..

ودزتلي صور شقتهاااا بعد دزهم لها زوجهاااا قصدي خطيبها خخخ
هو قاري فاتحه يعني شن بنقول زوجها او خطيبها ههه

عموما تعليقاتها نفس ملاحظتي..

لشقتهااا حتي هو مداير المطبخ من برا حجري ومداير ورق حائط

قتلها ماتجش وبعد تسكني غيري بذووووقكـــ

بس الباقي ماشاء الله جلسه مدايرها ساده تركيه بيج ف قهوي

والبورسلين بيج هادي جداااا .. وفرشه ساده فيه ورده بسيطة فقط ع جنب بفضي

عجبتني بكل الحق...ماشاء الله

فهي الوحده ديما اتحط لمستهاااا ف كل شئ بعد تدخل عش زوجيه

بس ماتقوليش ان البورسلين طاحت موضته خخخخخخخخخ

مازلت ماتهنيت ب بورسلين حوشي سكنت شهر وسافرت بريطانيا ههههههههههههه

حراااام بعدك كله اسباني وحديث..

وشقتي اللي طلعت فيها عروووس كان زوجي مدايرها موكيت كلهااااااااااااا

دافيه وتهبل ..

بس اهووو قلنا للتغير فقط .. ومع ذلك غطيناه كله ماعدا الصاله والممر .. قطع

انحس ف الحاجه المرتبه والمنسقه عمرها ماتطيح موضتها..

عاد قبل مانسافر مقتنعه بنغيرو كل شئ للتركي البسيط زي بوفيهااات

خاصة لون اسود وابيض وثلجي ابداااع عندهم حاجات م الاخيررررررررررر روعه

ام وسونة

01-20-2014, 01:37 AM

ياحلوة اني علقت عالسجادة انها مزركشة هلبا لكن ركزي شوية فيها اللون الموف السجادة مزركشة والصالون مزركش وكذلك الحائط فهمتيني

ههههههه وبالنسبة للصورة الاولى ماطلعتليش واضحة حنشوفها ونقولك بس اكيد حلوة زيك

جوهرة ليبيا

01-20-2014, 01:38 AM

اني وماليد 90متزوجه من 2010 ومن طرابلس

كملت التانوي وتزوجت اقريت سمسترين جامعه مفتوحه ووقفت لاني جبت بنتي الاولي ماترقدش في الليل قعدت سنتين

بس عندي شهاده من وزارة الاوقاف شهادة في حفظ نص القران ونقدر انقري بيها او نشتغل بيها في الاوقاف بس مش مقتنعه

لو بنقري لوجه الله بسسسس اهم شئ ربي يعاوني في مراجعته والعمل بيه ياااااارب وانكمل حفظ الربع الاخير من القران

وشن تاني آآآآآممم

dr.loly

01-20-2014, 01:43 AM

جيجي فكرتكم لحوشكم

تقريبا نفس فكرة فيلآ الاحلام تبعناااا.. لي بنديروها نظام دروج وسط حوش ولي فوق يقدر يشوف من و سطهن تحت

اللي حكيت عليهااااا من ايام بس ماشفتش تعليقات عليهااا

ربي يتممها لنا ع خير وان شاء الله تطلع كيف مانتمنوا

واكثر واحسن شئ ان يبنيها زوجي ع مهل بم ان مانقدرش نسكنو توا العيال صغار وهو يخدم بعيد اسبوعين باسبوعين

والمطبخ التحضيري يندااار في الدور الثاني .. لان متاع فطووور وجو حاجه خفيفه

نفس هكي

http://forum.hwaml.com/imgcache2/hwaml.com_1390171439_944.jpg

http://forum.hwaml.com/imgcache2/hwaml.com_1390171439_737.jpg

لوطت يندار الكبير متاع طبخ...
ونفس جو غرف الضيوف ومربوعه وحمامات ودار مقعد واستقبااال

جوهرة ليبيا

01-20-2014, 01:44 AM

فروسه تعليقاتك ياحلوة

وان شاء الله ترجعوا بالسلامه وتتهني في حوشك وديري فيه كل ماتتمني

dr.loly

01-20-2014, 01:48 AM

جيجي سهفتيني انصور حوشي حتى نا هههههههه

بس كوخي البريطاني مش كيف كوخي الليبي هههههه

هنا بسطاء كل هم ف كل شئ لدرجة تأقلمت حتى المطبخ الزغيرون

اهم حاجه عندهم الشرف كبااااااااار روشن تلقيه من نص الساس لعند السقف وعريض... كبار وشرحاااااااااااات بكل

بس ماينفعن ف جونا خصيصا مع العجاج والغباااااار

ام وسونة

01-20-2014, 01:53 AM

ربي يعينك على حفظ كتابه وتحفيظه وان شاءالله في ميزان حسناتك

حلوة جلستك اللي الموف ماشاءالله عليها تبيديها بالهني حتى كانت عندي جلسة عالموف دايرتها في دار المعيشة

وبالنسبة للستارة احسن شي انك غيرتيها لانها مضيعه جمال الصالون

جوهرة ليبيا

01-20-2014, 01:53 AM

ههههههه عادي صوري ونزلينا ولما ترجعي اكيد حنشوفوا الذوق الحلو

dr.loly

01-20-2014, 01:55 AM

فروسه تعليقاتك ياحلوة

وان شاء الله ترجعوا بالسلامه وتتهني في حوشك وديري فيه كل ماتتمني

ماشاء الله ..
والاذواق يختلفن

انا نميل للديكور الكلاسيكي الشرقي ف نفس الوقت مع المودرن شوية لمساااات

للاسف مش ف ليبيا لو هذا نزلت وصورت

واااااااااخ ع نقالي قصدي المتحف متاعي نوكيا ان 95

مصورة فيها شقتي لي طلعت فيهااا عروسه قبل مانبيوعهااا

للذكري قلت ......... لو هذا نزلتهن

خصيصا تنسيقة دار نومنا روعه كانت وللاسف زوجي معش يبيهااااااا

حتي ديكووور الدار داره ثلجي ولمسات كريستال فضي..

قبل كانت بيج ف قهوي وذهبي والالوان هذيناااا روعه مع الاثاااات الخشبـــي

زي صندوق القمامه حشااك والمناديل وكنا داريرين فيها طاوله وكرسين طاوله خشبيه

نحس فيها كانت تحفه

وتوا بعد غيرها قتله يا بيضا ياسودا ف كرستاااال تكون

وتميل للبساطه الكلاسيكيه مش الفخامه نفس الاولي

لذلك الاستايل هذا ذهبي ف خشبي ع بيج وقهوي حيندار ف مربوعه بعد نروحوا ان شاء الله...

استايل حوش هلي دائما وابدا هههه ماما ماتحبش الالوان الفاتحه
هذا استايلهااا من يومها حتى بعد تجدد نفس الالوان اختلاف درجات بس

جوهرة ليبيا

01-20-2014, 01:56 AM

واااااااااااو المهندسه وسونه عجبها ذوقي ربي يحفظك

قلتلك من الاول متعلقيش عالستار

والجلسه الموف باذن الله جاري التغير خلاص قريب شهر 9اربعه سنين لكن احني الليبيات اغلبيه تغيرننا لما نحملوا ههههه

ام وسونة

01-20-2014, 01:59 AM

تسلمي ياغالية وتبيدي وتجددي بالهني يارب ويعيش راجلك ويشريلك اللي في خاطرك

جوهرة ليبيا

01-20-2014, 02:01 AM

دار نومي ساااده والاكسسوارت عالكرستال الاحمر تو انصور السهارات والاكسسوارت بس الدار خاااص ممممنووووووووع ههههههه

جوهرة ليبيا

01-20-2014, 02:08 AM

آآآآآمين ام وسونه ويحفظلك راجلك وبنوتاتك يااااارب

والله الحق مش مقصر عليا حاجه حتي توا اللي غيرتهم لو انقوله بنصدقهم ونغيرهم عااااادي

ديما ايقولي اهم شئ راحتك زي مامريحتيني <<ربي يحفظه الغالي

جوهرة ليبيا

01-20-2014, 02:20 AM

او وسونه بالله ديما طلي علينا وهدرزي وحاولي تفضيلنا شوي ديما تسلمي وتطلعي

ام وسونة

01-20-2014, 02:27 AM

صحيتي ياحبيبه ربي يخليلك راجلك العمر كله يارب

وبإذن الله راح نحاول نخش مرة مرة لان والله ماعندي وقت

جوهرة ليبيا

01-20-2014, 02:29 AM

ماتضغطيش علي روحك ياغاليه اهم شئ رااااحتك وربي يحفظك

جوهرة ليبيا

01-20-2014, 02:31 AM

آآآآآآآآآآآسفه جدا لباقي البنات اللي ماشافوش الصور لاني حذفتهم متاع الصبح وتوا

بصراحه اهم شئ راحت راجلي ومشكوره ام وسونه عالنصيحه سلمك ليا وخيه

سوسو سامحيييييييييني بالله انتي اللي طلبتي الصور

حنزل الاكل بس زي مايحب راجلي

جوهرة ليبيا

01-20-2014, 02:34 AM

تصبحوا علي الف خير

sosolibya

01-20-2014, 09:21 AM

صباااااااااااااااااح الخير والنوضان بكري...

كيف حالكم ,, لا فروسة والله ماسفته القروب الجديد

جيجي الصور حلوووووووة والسفرة عجيتني بشكل كبييييييييييييير لايوصف تهبل شهتني..
تسمحيلي انزلها في صفحتى عالفيس ونقول انها مشاركة منك انت

ونتمنى انك تزوريني في صفحة الطبخ الجديدة

sosolibya

01-20-2014, 10:16 AM

جيجي عيب عليك وينهم الصور يللي مسحتيهم خااااااااااااااااطري نشوفهم اهىىىىىىىىىىىىىىىىءءءءءءءء

كله منك وسونة هههههههههههههههههه نبصر ره

انا يللي شفتهم بس البوفيه والأكلات والترية فقط فقط

dr.loly

01-20-2014, 12:36 PM

صباحوووووو

dr.loly

01-20-2014, 12:40 PM

http://forum.hwaml.com/t284478-4.html

ه

dr.loly

01-20-2014, 12:40 PM

هذا القروب الجديد سوسو

http://forum.hwaml.com/t284478-4.html

dr.loly

01-20-2014, 12:42 PM

http://forum.hwaml.com/imgcache2/hwaml.com_1390210949_667.jpg

dr.loly

01-20-2014, 12:51 PM

من ايام ثاني شهر زواااج

ابداعات السمك المشوي والكاليماري (سيليا) اصابع مقليه مش حلقات درتها

http://forum.hwaml.com/imgcache2/hwaml.com_1390211491_630.jpg

جوهرة ليبيا

01-20-2014, 02:37 PM

ام فروسه القروب الجديد ماباش ينفتح

ومالقيتاش في الملتقي

سوسو سامحيني ياحلوة بالله وشن اسمها صفحتك عالفيس او ابعتيلي الرباط

ام وسونة

01-20-2014, 03:19 PM

السلام عليكم

جوهرة ليبيا

01-20-2014, 03:49 PM

وعليكم السلام ام وسونه كيف حالك اليوم وحال الامورات

جوهرة ليبيا

01-20-2014, 05:59 PM

وين التجمع الجديييييييييييييييييييييد

ام وسونة

01-20-2014, 06:25 PM

الحمدلله في خير ونعمة من رب العالمين

اي قروب تتكلموا عليه قولولي

جوهرة ليبيا

01-20-2014, 07:49 PM

ام وسونه لما نوصلوا 100 صفحه نفتحوا تجمع جديد

dr.loly

01-20-2014, 08:57 PM

السلام عليكم ورحمة الله وبركاته

جيجي لا القرووب في الاداره المشرفات يفتحلهم بس

هذا قروب خاص بالفريق الاحمر من المشرفااات

وسوسو معانا كانت تسأل عليه لان اسكر قروبنا الاول الخاااص

في الاداره..

dr.loly

01-20-2014, 08:59 PM

اليوم الولي قلبتها بكاا ف الحضانه..

بس مش واجد رقدت وناضت يمكن انفجعت ياروحي

مع اني نبهتهن يتصلن ع الفصـل ننزلهم لكن قالو لا نقدروا عليها عادي

جوهرة ليبيا

01-21-2014, 12:44 AM

فروسه كيف حالك وحال الصغار

توقعت سوسو تبي تفتح قروب جديد لينا وانتي فتحتيه

باهي التجمع الجديد ماصارش منه بنقعدوا في هذا ,,,,

اني نتمني نفتحوا جديد احلي

جوهرة ليبيا

01-21-2014, 12:46 AM

وييييييييييينكم غياب هلبه اليوم

ام نوزه ياريت اطمنينا عليك

شمووووووووسه والله ليك وحشه كبيييييييرة

جوهرة ليبيا

01-21-2014, 01:43 AM

كسكسي حوت في الحوازة من سنه واكثر

http://forum.hwaml.com/imgcache2/hwaml.com_1390257804_974.jpg (http://arabsh.com)

جوهرة ليبيا

01-21-2014, 02:04 AM

تذكروا مرة قلتلكم في رمضان انوع اكثر من نوع والكميه بسيطه ,,القيت صورة مرة درتها فطرنا في الحوازة من سنتين

بيتزا خبزة كسكاس وفركسي مقلي وبوريك اصابع واللي في الجنب سويسرول دجاج بالخضراء

http://forum.hwaml.com/imgcache2/hwaml.com_1390259082_897.jpg (http://arabsh.com)

جوهرة ليبيا

01-21-2014, 02:24 AM

قداش نتمني نتلاقوا مع بعض علي احلي لمه وهدرزا العشيه عالعاله

اهل الشرق شن تقولولهاhttp://forum.hwaml.com/imgcache2/hwaml.com_1390260275_616.jpg (http://arabsh.com)

جوهرة ليبيا

01-21-2014, 02:41 AM

تصبحوا علي الف خير

هدية الخالق

01-21-2014, 04:20 AM

السلام عليكم ورحمة الله وبركاته
كيف حالكم كلكم

هدية الخالق

01-21-2014, 04:23 AM

سوسو درت كيكتك توا كيف طابت تهبللل كليت منها طرفين وشاده روحي عالتالت
لكن حسيتها صامتة شوية شكلي منزينها بشويه شكلاته لان راجلي يحب الكيكه تكون حلوه هلبه وقويه

هدية الخالق

01-21-2014, 04:27 AM

ماشاء الله هدرزة رابخه وصور ونصائح نين دهشت واني نقراء في الصفاحي
اعذروني منقدرش نعلق لأني نكتب بيد واليد الثانيه شادة سوما وحاصلة فيها سلام توا

sosolibya

01-21-2014, 09:16 AM

صباااااااااااااااااااح الخير ,, فطرت أتا وزوجي ومشي لعمله ربي يحفظه..

والصغار قاعدين راقدين..

sosolibya

01-21-2014, 09:20 AM

كيف حالك هدية وشن جوها سوما خيرها عليك,,

جيجي ررجلي راجلك مش زي ماتوقعتهم ههههههه غير اصبري أفهمي قصدي

قصدي انت لما تحكي عليه كنت رسمته في بالي لباس العربيه وهكي بس ..
مش قصدي حاجة ره.

sosolibya

01-21-2014, 11:06 AM

فروسة كيف حالك..

أوشي وأثري غياب ,,

هلا بيك أم ورد ربي ييسرلك إن شاء الله

أم معاد ربي يعاونك صعب فطامه مادام ماياخدش في الشيشة زي حالتي مع ريم بس توا الحمد لله ليها شهرين مفطومة..

dr.loly

01-21-2014, 05:40 PM

قداش نتمني نتلاقوا مع بعض علي احلي لمه وهدرزا العشيه عالعاله

اهل الشرق شن تقولولهاhttp://forum.hwaml.com/imgcache2/hwaml.com_1390260275_616.jpg (http://forum.hwaml.com/redirector.php?url=%68%74%74%70%3a%2f%2f%61%72%61% 62%73%68%2e%63%6f%6d)

انقولولها عالة الشاهي حتى نحن

الله عليك جو ما احلاه خطرتي عليا احلى ايااااااااااااااااااااااااام

ماتحلى الهدرزه الا بها

خصيصا ايامات حوش جدي

ودور اول ودور ثاني هههههههه

غالي عليا الدور الثاني ف الشاهي فايح بالنعنااااع