حوامل الشهر التاسع أحس حركة الجنين تحت مع الإحساس بألم؟؟

[الأمل الساطع]

خواتي ان شاء الله يومين وبدخل التاسع بإذن الله ..

وامس شيكت والحمدلله الراس تحت وكل شي طبيعي .. بس قبلها بفتره كان الراس فووق ..

ويوميا امشي .. لكن السؤال .. اني احس بحركه البيبي تحت مرررررره جنه بيطلع والحركه اتعور نوعا ماااا ..

فماادري انا خاايفه انه رجع لفوق مره ثانيه .. ؟؟ قلت يمكن تكون ريل البيبي تحت ..

ولا مب شرط الحركه تحت يعني ريله تحت ؟؟

يعني يمكن يكوون الراس او ايد البيبي .. ولا شو رايكم ..؟؟


خبروووني منو ف التااسع وتحس بالحركاات تحت ووضع الجنين طبيعي

[نوادر]

ياعمري انا مثلك والله بس مااعرف بس انا قالوالي البيبي تحت راسه
واتوقع عادي الله يهون على وعليك وعلى كل الحوامل

[حبيبي]

طبيعي لا تخافي بيكون يلعب بدينه وراسه ههههههههههه

[الأمل الساطع]

مشكوورين خوااتي ..

ويين الباجييييين ,.,.؟

[hanaaa27]

موجودين الباقين حبيبتي انا بالتاسع ادعيلي الله يهون ويسهل علي وعليج ياقلبي والحركه عااادي يا قلبي من تحت هذا الراس سبحان الله وابي اعرف انتي باي اسبوع حبيبتي وتييج تقلصات بروكستون على قولهم هذه بعد عاديه لتهيئة الرحم للتوسع باذن الله

[حبي زوجي]

انا بعد في التاسع وقالو لي الراس تحت وانا خايفه اقول هل يتغير ويرجع ثاني فوق ولا خلاص طمنونا الله يطمنكم

[نبع المحبة]

الله يوفقج خيتوو وتولدين بالسلامة ..

[ام لموره]

علمي علمك ماعندي فكره يالغاليه
الله يسهل علينا

[الفتاة الذهبية]

الله يهون علينا وعليكم يارب

[يارب عفوك]

انا كذ1 يصير لي وعشت في وسواس وشك

وسئلت الدكتوره وقالت لاتخافي حتى البيبي براسه يضرب ويتحرك

والحمدالله ولدت طبيعي

[يارب ترزقني بطفل أضمه]

ياقلبي لا تخافين شي طبيعي لان الجنين يتحرك في الحوض وانشالله تولدين بالسلامة يااااااارب

[كدوشه]

حتى انا مثلك يجيني الم تحت من الحركه واحس كأني ابي الحمام
واحس بشوي تقلصات وصار لي اسبوع في التااسع

[القمر مغرور]

وانا مثلك الحركة قويه تحت حتى احينا اتفاجئ فيها وارتاع والي جنبي يفكروني جاني طلق وبولد هههههههههههههه
بس كملت التاسع وللحين ماولدة

[حلاااااا]

طبيعي هذا الوضع والالم هذا الاربطه حقت الرحم تتوسع من راس البيبي وحركته

انا نهاية التاسع واحس انه تحت مره الحركه
لا تقلقين الوضع عادي جدا

[بنت الجامعي]

الله يهون علينا وعليكم يارب

[العمر لحظه]

الله يهون عليك ويقومك بالسلامة

[فراشةمحتاسة]

اي ياقلبي عادي هذا راس البيبي والحركه تكون تحت وتعور بعد طبيعي يا عيوني

[مجنونة حنونة]

بنات تجيني زيكم بس باقي توي دخلت الثامن
عادي؟؟؟؟

[بنوته شي]

أنا على ما أظن ان الجنين من ينقلب ويصير راسه تحت يكون صعب عليه يرجع لوضعه القبلي ويصير راسه فوق لانه بيكون حجمه كبير والبطن بيصير صغير عليه وبالتالي تكون حركته صعبه وغير عن لما يكون حجمه صغير

وأظن هذي حركات راسه او يده

لأني يوم كنت بالشهر السادس قالت لي الدكتورة ان راس الجنين تحت وكنت احس بنفس الي تقولين عنه
حركات تضرب تحت وأحسه يالمني وكانه بيطلع وبعدين يوم رجع لوضعه الطبيعي راح عني هذا الاحساس

[*ام هيمن*]

عيني سوي سونار حتى تعرفين وضع الطفل شنو

[الحان الصبا]

الله يقومك بالسلامه انا قالت لي الدكتوره ادا الضربات قويه اعلى البطن فهدا يعني ان الراس تحت وادا الضربات القويه تحت فكده يعني الراس فوق
والله يطمن قلبك

[ام امجد2]

انا مثلك وكل حركته لتحت كنها رجله او يده مدري

[مرايم الجابريه]

هلا أختي
بصراحه من دخلت الشهر الثامن وأحس بثقل فوق المثانيه
وأحيانا لما يتحرك يضرب لتحت أحس بألم
واليوم كان عندي موعد للمتابعه والسستر كشفت علي
وقالتلي أنه قالب يعني راسه لتحت
قلتلها أن أحس بدورانه وأنه يتحرك يعني مايكون وضعيته
دايما كذه راسه تحت
قالت عادي لان بعده مانزل في الحوض هو يحاول يدفع نفسه
للحوض مع الوقت وقبل الولاده يبدأ يدخل الحوض
وأنا الحين باقي لي 9 أيام وبدخل الشهر التاسع
الله يسهل علي وعليكم يارب
في هذا الشهر الفضيل ويرزقنا أبناء أصحاء بأذن الله