الغاليات بنات فلسطين @هنا التجمع الجديد@ [الأرشيف]

عطر الربيع

12-11-2013, 08:22 PM

السلام عليكم ورحمة الله تعالى وبركاته

اسعد الله اوقاتكم
وجمعكم في الفردووس الاعلى من الجنة
باذن الله تعالى

غالياتي بنات فلسطين

بسم الله نفتح التجمع الجديد بعد ان صعب التواصل بالتجمع القديم

الله يجعلو تجع الخير عليكم جميعاا

وارجو من الغاليات اعلامنا ان غفلنا عن عدد صفحات التجمع بان لا تفوق ال 20 لكي يسهل عليكم التواصل

مع تحياتي لكن جميعا

الله يعطيكم الف عاافية
وفقكم الله لما يحبه ويرضاه

دموع الليل

12-11-2013, 08:48 PM

شكرا عطر الربيع

بارك الله فيكِ

كبريآء أنثى ـآ

12-12-2013, 01:02 AM

مبروووووك التجمع الجديد بس ليش سكروه
أو شو بصير اذا كانت الصفحات اكتر من 20؟

عطر الربيع

12-12-2013, 02:32 AM

العفو حبيبتي دموع هذا واجبي

عطر الربيع

12-12-2013, 02:39 AM

حبيبتي كبريااء الف مبرووك عليكم التجمع الجديد
بالنسبة لعدد الصفحات لما يكونو كتار يصعب التصفح ويصير اثقل
لهذا السبب تم قفل التجمعات وفتح تجمعات جديدة

~{{ DoDo }}~

12-12-2013, 09:50 AM

صباح الخير صبايا
مبروك التجمع الجديد

شو اخباركم

فوفو89

12-12-2013, 12:25 PM

يسعد صباحكم
مبروك التجمع الجديد

كيفكم وكيف البرد معكم ؟
احنا عنا صقييييييييييييييع وكتييييييييييييييييير برد
بس ما في ثلج :(
والغدا اليوم عدسسسسس

دموع الليل

12-12-2013, 03:51 PM

يسعد مساكم

كيف البرد معكم

دفوا اولادكم

كبريآء أنثى ـآ

12-12-2013, 04:21 PM

مرحباااا صبايا
مممم سمعتو انه صارت الكهربا 4 ساعات جاية و18 قاطعة عنا بغزة
أوووووف والله قرفنا
باقي الصبايا وينكم بطلتوا تفوتوا ؟؟؟
ولا مع البرد ماحدا بين ؟؟

دموع الليل

12-12-2013, 04:36 PM

هلا ام مروان انا سمعت بهذا الجدول

الاول ما كان عجبنا تقطع 6 ساعات

بس هلا ياريت يرجع مثل قبل

ام عبدالله لولو

12-12-2013, 05:30 PM

مساء الخير ياصبايا
مبروك التجمع الجديد
تم مروان ودموع الله يهونها عليكم يارب شو اخباركم مع البرد
حواء اكيد حلو الثلج عندكم جميع الصبايا يسعد مساكم يارب

oumdarda2

12-12-2013, 06:22 PM

مساء الخير بنات فلسطين مبروك عليكم التجمع الجديد انا مغربية بس حبيت اسلم عليكم وبارك ليكم احبكن في الله
السلام عليكم

كبريآء أنثى ـآ

12-12-2013, 06:51 PM

أم أسيد وين هالغيبة ؟؟
وين غاطسة يختي بشوف بطلتي تفوتي ؟؟
الله يعينها حواء بس يارب تكون مدفية حالها ومدفية أولادها
ممممم الله بنزل عندهم ثلج ياريت تصور منطقتها وتفرجينا
مممممم عنجد بحب أشوف صور الثلج وهو بنزل بالشوارع

ام عبدالله لولو

12-12-2013, 09:12 PM

هلا صبايا منورات
ام مروان بس عشان البرد هههههه الواحد مثلج شو ما في حد سهران

كبريآء أنثى ـآ

12-12-2013, 09:44 PM

أنا سهرانة مين هتسهر معي ؟؟

دموع الليل

12-12-2013, 09:58 PM

مساء الخير

ام عبدالله لولو

12-12-2013, 09:59 PM

انا بسهر ههههه بس خليكي

كبريآء أنثى ـآ

12-12-2013, 10:16 PM

انا هوووووووون
هلا دموع وام اسيد
احكولي كيف هالبرد معكم ؟
انا هلأ لبدت وهلأ برضع بمنى

دموع الليل

12-12-2013, 10:19 PM

والله برد كتيررررر

نور مش مبينه الكهرب قاطعه

كبريآء أنثى ـآ

12-12-2013, 10:32 PM

آها مع انه اليوم جابوها 4 ونص
أكلو علينا ساعتين ونص اخصصصص
والله قرفوووونا حالنا من قطع الكهربا
طمنيني كيف أولادك ؟؟
حلوو صوت المطر هع هع

دموع الليل

12-12-2013, 10:37 PM

واحنا قطعت الساعه 4 بس ما بعرف وقتيش بدهم يجيبوها

اولادى الحمدلله بخير

نايمين

وانتى كيف منوشه والبرد

ام عبدالله لولو

12-12-2013, 10:38 PM

هلا دموع وام مروان كنت برضع باسيد اهوالله برد كثير هاتو موضوع نحكي فيه

كبريآء أنثى ـآ

12-12-2013, 10:54 PM

منوشة مدفية وفاتحالها التلفزيون عشان تسكت هع هع
ممممممم بدك موضوع ؟؟
والله مو ببالي اي موضوع ؟
قوليلي لما تروحي ع أهلك زوجك اكم ليلة بسمحلك تنامي ؟؟

كبريآء أنثى ـآ

12-12-2013, 11:03 PM

وييييييييييييييييييييييييييييييين رحتن؟؟

ام عبدالله لولو

12-12-2013, 11:04 PM

مابروح انام عند اهلي بروح زيارات لانو امي متوفية وخواتيب متزوجات واخواني كمان بابا عايش عندو اخوي الكبير واولاده ومرتو ييعني بزورهم كل مابدي بس ع الاغلب بنتجمع انا وخواتي

دموع الليل

12-12-2013, 11:05 PM

انا والله زوجى بتركنى ع راحتى

بس انا ما بحب ابعد كتير عن بيتى وانتى؟

كبريآء أنثى ـآ

12-12-2013, 11:08 PM

أم أسيد يعني لما تتجمعوا إنتي وخواتك ما بتنامو عند أبوكي ؟
مممم والله أنا زوجي مابخليني أنا برا الدار حتى عند أهلي
بتمه يقلي مابستغنى عنك وكتيييير بترجاه لما يتجمعوا خواتي أروح أنام مابرضى
نادر جدا جدا لما يرضى وليلة وحدة بس

ام عبدالله لولو

12-12-2013, 11:09 PM

هلا دموع هههههه ايوة هيك ظلنا كابسات عليهم هههههه كان نفسي اجرب هيك بس يلا عادي الحمدلله كثير سعيدة اصابعي منجمدات من البرد

كبريآء أنثى ـآ

12-12-2013, 11:15 PM

والله أنا لابدة بفراشي وجوزي الليلة بيات بالشغل ياوردي علية الله يعينه في هالبرد
أنا عارفة ربنا يصلح الحال لأحسن حال ياااااااااارب
ممممم الحمد لله منوشتي نامت حبيبة قلبي يختي ما أزكاها

ام عبدالله لولو

12-12-2013, 11:16 PM

لا ما بنام مابكزب عليكي بس ولا مرة حصل وحكيت بدي انام يعني عشان اشوف ردة فعلو هههههههه بس ع الاغلب لا لانو زوجي بالف ولا تا يخليني اطلع واطول مابحب ع قولنك ما بيستغني عني وخاصة انو بيبت لحالنا

دموع الليل

12-12-2013, 11:18 PM

ههههه ام عبدالله لازم نضل كابسين عليهم

ام عبدالله لولو

12-12-2013, 11:19 PM

الله يخليلك اياه وانا اسيد نايم بحضني الي يوميم بخليه باليل بحضني من البرد

حواء مثالية

12-12-2013, 11:30 PM

هاااااااااااااااااااي كيفكم

انا الي يومين قلبت البيت يا بنات حطيت بغرفة لشتويه ونقلت الصالون وانسو يعني الشتا مبين علينا علىالاخر

بس الحمدلله اولادي بخير ودفاينين

الليله بلش التلج عندنا يعني بكرا الصبح بصولركم اياه

عند اهلي وصل نص متر نيالهم

كبريآء أنثى ـآ

12-12-2013, 11:32 PM

هلا حواء والله فقدتك
ضروري اتصوريلنا اياه بموووووووووووووووووت بالتلج انا
ياااااااريت ينزل عنا تلج هههههههههههه نفسي والله
المهم كيفك وكيف أولادك ؟

كبريآء أنثى ـآ

12-12-2013, 11:43 PM

سبحـــآآآآآآآآآآن الله
ياااااااااااا الله ما أحلااااه صوت المطر
بجد بجنن
سبحان الله سبحان الله
يااارب ياااااارب ترزقني الذرية الصالحة وتحفظ لي زوجي وابنتي ياااااارب

لولو حمادة

12-13-2013, 12:15 AM

صباح الخير مبروك التجمع
كيف البرد معكم وكيف الزلازل قوي ؟؟

دموع الليل

12-13-2013, 12:23 AM

هلا لولو

كيفك وكيف اولادك

اى زلزال ؟

ام مروان ام اسيد

وينكم

لولو حمادة

12-13-2013, 12:29 AM

انا بخير الحمد الله واولادي بخير

زلزال قبل 10 دقائق ضرب جنوب فلسطين

كبريآء أنثى ـآ

12-13-2013, 12:47 AM

انا اجيييت بس النت فصل عندي
هلا لولو
كيفك ؟
أي زلزال ما سمعنا ولا حسينا .. الله يكفينا الشر يااارب

كبريآء أنثى ـآ

12-13-2013, 12:56 AM

دموع وينك
لولو وينك
حواء وينك
ام اسيد وينك

كبريآء أنثى ـآ

12-13-2013, 01:06 AM

مممممممممممم مافي حدا يعني أطلع خلص ؟؟؟؟؟؟؟؟

كبريآء أنثى ـآ

12-13-2013, 01:31 AM

آل بدهن يسهرن آل
يلا تصبحوا على خير

نور العمر

12-13-2013, 12:01 PM

صباااااح الخيررررررر

جمعه مبااااركه على الجميع ....

كيف البرد معكم ... والله اشتقتلكم كتيررر ... بس الجو برد كتيررر ...

مين هوووووون ...

ومبرووك التجمع الجديد ... ان شاء الله يكون انشط من التجمع يلي قبل خخخخخ ....

ام عبدالله لولو

12-13-2013, 04:32 PM

مساء الخير يا صبايا شو اخباركم الله يعم البركة والخير ع الجميع شو بتعملو يلا تعالو نتسلى

حواء مثالية

12-13-2013, 06:27 PM

هااااااااي الكم

كيفكم
جمعتكم مباركة

عملت اليوم ورق دوالي وخلية نحللللللللللل

كبريآء أنثى ـآ

12-13-2013, 06:41 PM

صحة وعافية حواء
كيفك ؟
صورتي الثلج ؟؟
اليوم الصبح كانت الشوارع مليانة حبوب برد
بجد كانت أرضية الشوارع بيضة كتييير انبسطت والله

كبريآء أنثى ـآ

12-13-2013, 08:56 PM

وييييييييييييين الصبايا أكيد لابدات هع هع

ام عبدالله لولو

12-13-2013, 11:07 PM

مين هون هههههه اكيد ولاحد هههه ع قولة ام مروان لبدات

كبريآء أنثى ـآ

12-14-2013, 08:51 PM

مسساء الخيرات
كيفكن يا صبايا ؟؟
أنا تعبانة كتييير والفلونزا ذبحتني كتيييير ومع ذلك فتت ع التجمع وما لقيت حدا
انا عارفة عنكن كل وحدة بتخلق حجة وكلكن نصابات هع هع مع احترامي إلكن هع هع
المهم انا خايفة أعدي بنتي شو بدي أعمل وبحاول قد ما أقدر ما أتنفس بوجهي ولما أرضعها نفس الشي
بعد بكرة الاثنين عندها تطعيم 6 شهور الله يستر
احكولي شو بصير بالطفل بتطعيم 6 شهور عشان أخد احتياطاتي ؟؟

ام عبدالله لولو

12-14-2013, 10:26 PM

مساء الخير ياصبايا
ام مروان الف سلامة عليكي حاولي تاخدي علاج احسن ما تعديه والله لسه مابعرف ع 6 شو بصير احكيلي انتي ع 4 شهور شو بصير لانو بدي اطعم ابني

كبريآء أنثى ـآ

12-15-2013, 01:13 AM

والله بنتي ع تطعيم الاربع شهور قعدت يومين تسخن وتزن كتييييير
وأنا اعطيها أدول وكمادات وتالت يوم نعنشت أكتر

حواء مثالية

12-15-2013, 01:37 AM

هاااااااااي شلونكم

اعذروني من مبارح بنت حماي عندنا اليوم المسى روحت والله اهلكت من اولادها مع هالشتى الدنيا تلج كثير مو عارفه كيف طلعت بالاولاد

ام مروان طعم الست شهور نفس الاربع شهور يومين سخونه وزنننننننننننن

بشرب بنسكافيه تفضلوووووووو

حواء مثالية

12-15-2013, 01:42 AM

ام مروان تعي نبرم شوي لي سهرانه لهلا

حواء مثالية

12-15-2013, 02:00 AM

وين غاطسه يختي عاد جاي عبالي ابرم معك مشتائلك

~{{ DoDo }}~

12-15-2013, 10:35 AM

صباح الخير يا صبايا
كيفك اليوموكيف برداتكم
احنا عنا الجو لطيف وهوا بجنن

ام اسيد
كيفك وكيفو الاازعر الصغير
ما تقلقي كل بيبي ومناعته بتختلف عن التاني
يعني ممكن اسيد يسخن وينكد وممكن لا
انتي اهم شي خدي احتياطك واول ما ياخد المطعوم اعطيه ادول
وان شاء الله خير ما تقلقي

ام مراون
سلامتك انش اء الله بيروح الشر
انا لما بمرض بحط كمامة وانا برضع ابني صراحة
عشان ما ينعدي ممكن اعمل اي اشي لانه حرام الاطفال يمرضوا
حاولي ما تتنفسي بوجهها او ما تلاعبيها من مسافة قريبة
معلش خصوصا هلا ولما تقربي تطيبي بيكون في مجال تعديها اكتر بدك تديري بالك

حواء
يعطيكي الف عافية يختي
والله الله يكون بعونك ويقويكي
كيف عزو وبرلنت انشالله تمام
طمنيناعنهم

اممممم باقي الصبايا يسعد اوقاتكم
مشتاقة لحيفا كتيييييييييييييير زمان عنها ياريت تفوت نتطمن عليها
ولغموض كمان

شو طابخين اليوم
انا محتارة

فوفو89

12-15-2013, 01:35 PM

مرحباا صبايا كيفكم
زماااااااان عنكم
اكيد ولا وحدة فقدتني :(
عنا الدنيا برررررد موووووووووووووووت
الكهربا كانت قاطعة عنا يومين كاملات وامبارح بالليل اجت
جد الوضع بدون كهربا بيخزي
كيفكم مع هالصفيع احححححححححححححح

كبريآء أنثى ـآ

12-15-2013, 02:28 PM

مرحبااااا صبايا
حواااء حبيبتي والله لو بعرف إنك كنتي موجودة كان تميت فاتحة الصفحة
بس كالعادة كتبت رد وعارفة مافي حدا لهيك طفيت لو بعرف كاااان تميت وبرمنا انا وياكي لأني ما كنت عارفة أنام
يلا خيرها بغيرها
دودو حبيبتي هلا والله .. الله يسلمك يا قلبي
فوفو .. الحمد لله ع سلامتكم .. طبعا الوضع بيخزي كتيييير من دون كهربا
أم أسيد وين غاطسة هع هع
مممم اليوم أنا طبخت فاصوليا بيضة وجنبها رز

كبريآء أنثى ـآ

12-15-2013, 04:23 PM

حجتكن الشمس طلعت ليش ولا وحدة اليوم موجودة
طيب هيني أنا صاحية من الصبح طبخت وعجنت ورتبت البيت وعزلته وشطفت ونشفته وفرشت البيت
وخلصت كل شي واجيت
وانتن شوووو بتعملن لهلأ اه ؟؟؟؟

لولو حمادة

12-15-2013, 04:44 PM

مرحبا

كيفكم مع المنخفض؟
لسى مانزل الحمل اللي 12 يوم بنزف مش راضي ينزل وخايفة من عملية التظيف
وفوق هيك عيني زرقا زرقا بتخوف ابني نطحني براسوبليل والكهربا قاطعة بحس روحي طلعت من الوجع

كبريآء أنثى ـآ

12-15-2013, 05:01 PM

لولو
حرااام هيك .. ما تخافي بس خليهم يبنجوكي أحسن ويعملوا التنظيفات
حرام اتمك تنزفي هيك
والف سلامة ع عينك ياااارب بس ليش قاطعة عندكم ؟ مش انتي بالامارات ؟

كبريآء أنثى ـآ

12-15-2013, 05:50 PM

شووووووووو مافي حدا هووووون
لولو شو كتبتي وطلعتي ع طول انتي ؟

كبريآء أنثى ـآ

12-15-2013, 07:27 PM

برضوووووووووو لهلأ ولا وحدة فاتت ع التجمع ؟؟

حواء مثالية

12-15-2013, 08:24 PM

انا اجييييييت وسعولي

كبريآء أنثى ـآ

12-15-2013, 08:41 PM

ههههههههههههه وسعنالك يختي
بس تعالي ابرمي مش تشردي

كبريآء أنثى ـآ

12-15-2013, 08:42 PM

والله أنا تعبانة كتيييييييييييييير
وحالتي حالة مع الفلونزا مش قادرة بجد
وبشرب دوا ع الفاضي وبعمل زهورات وع الفاضي
كل يوم عن يوم بحس حالي بزيد
واليوم بطني بجعني من الصبح لهلأ مابعرف شكلها الدورة هتيجي أو مابعرف شو هالمغص

دموع الليل

12-15-2013, 10:10 PM

يسعد مساكم

كيفكم وكيف البرد معكم

كبريآء أنثى ـآ

12-16-2013, 12:17 AM

مرحباااااااااااا
حلوة والله هاد كل وحدة بتكتب رد وبتشرد
انا عارفة عنكن ايمتا بدكن تنعدلن اووووف يا
صاااار ممل التجمع كتيييييييير
أم أسيد حبيبة قلبي وينك ما طليتي ؟؟

كبريآء أنثى ـآ

12-16-2013, 01:26 PM

ميييين هون يا كسلانات

حواء مثالية

12-16-2013, 01:48 PM

مرحبا

خلص انا فرغت حالي للتجمع لانشوف

بنات الوكالة فكو الاضراب ولا لا

اذا خلص دوى منع الحمل وما اخذتو باثر شي حد صار معو شي بشبه هلالاشي ههههههه

صبحت نافله البيت وبدي اعمل ملفوف اليوم الي بحبو يحكي اعمل حسابو

كبريآء أنثى ـآ

12-16-2013, 08:32 PM

والله التجمع صار ممل بالمرة موووووووووو نافع
والله انا تعبانة كتيييير ومع ذلك بفوت اطمن وبقول يلا بتسلى بس ما بلاقي حد
يعني بطلت أتشجع افوت
مممممم بككرة احنا غدانا ملفوف
اليوم ماعملت ولا شغلة لأني تعبانة كتييير وعمتي قبل شوي لفت الملفوف لحالها غدا لبكرة
لأنه أنا بجد الفلونزا جابت أجلي وبشرب دوا وبحس الدوا ع الفاضي
اليوم على عينية رحت طعمت بنتي تطعيم الست شهور وع طول أول ماروحت اعطيتها أدول
والحمد لله مافي سخانة بس بتتوجع كتييير من رجلها يا ويلي
ولما أكشف على رجلها بحسها متحجرة والممرضة ماحكتلي اعمل كمادات مية فاترة
اعمل الها كمادات ولا مااعمل ؟؟

كبريآء أنثى ـآ

12-16-2013, 11:11 PM

اووووووووووووف يااااا
من المغرب لهلأ ما حدا فات بعدي دخيل الله
مالكن يا صبايا ؟؟

دموع الليل

12-17-2013, 01:12 AM

يسعد مساكم مين هووووووون

كبريآء أنثى ـآ

12-17-2013, 02:03 AM

ميييييييييييييييييييييين سهرانة؟؟

دموع الليل

12-17-2013, 02:15 AM

هلا ام مروان

كيفك وكيف منوشه

دموع الليل

12-17-2013, 02:19 AM

وينكم

ليش التجمع هيك

ماحددا بيفوت

كبريآء أنثى ـآ

12-17-2013, 02:22 AM

هلا دموووع
انا يعني احسن ان شاء الله
بس بنتي مجننتني ياوردي علية كله من التطعيم
انا عارفة ان شاء الله بتصبح رايقة

كبريآء أنثى ـآ

12-17-2013, 02:23 AM

طمنيني عنك كيفك انتي ؟ وكيف اولادك ؟
وين ابو الشباب عنك ؟

دموع الليل

12-17-2013, 02:29 AM

الف سلامه عليهاا

والله ابو الشباب سهران برا عن اخوووه

وانا بستنى فيه

كبريآء أنثى ـآ

12-17-2013, 02:41 AM

الله يسلمك حبيبتي
ههههههههه شكله هياكل قتلة هع هع
مممممم طيب ماعليه دوام بكرة ؟

كبريآء أنثى ـآ

12-17-2013, 02:58 AM

دموع حبيبتي معلش انا بدي انام
تصبحي على خير

ام عبدالله لولو

12-17-2013, 01:32 PM

مساء الخير يا صبايا
شو اخباركم كيف البرد معكم انا الحمدلله بخير وابني اليوم بخير امبارح اعطيتو طعم 4 شهور ويا ويللي عليه زززن وسخونة قطع قلبي عليه باليل اخدوه ابوه ع دكتور حكالا حل ملاهب واعطاه ابرة بس الحمدللله لهلا مافي حرارة واتحسن
كل الصبايا يسعد مساكم

كبريآء أنثى ـآ

12-17-2013, 03:39 PM

هلا أم أسيد
وينك يا غالية والله قلقت عليكي
الحمد لله ع سلامته أسيد
والله أنا امبارح اعطيت بنتي تطعيم 6 شهور وياوردي علية ما نامت الليل وهية تزن وتنين
بس الحمد لله هلأ أحسن وصارت تلعب وتضحك وان شاء الله اضلها هيك يااااارب
طمنيني عنك كيفك ؟ وكيف أسيد صار هلأ ؟

ام عبدالله لولو

12-17-2013, 08:03 PM

مساء الخير يا صبايا
هلا ام مروان الف سلامة عليه كيفه هلا وكم ميزامة طلع انا ابني اليوم احسن يعني بعطيبه تحميلة بهدى شوية وكمان ع شان حلقو وين الصبايا جد شكلي بدي ابطل افوت ههههه بس مابقدر اقل مافيه بطمن عليكم

كبريآء أنثى ـآ

12-17-2013, 08:27 PM

أنا عارفة عنهن الصبايا ما في أكسل منهن
ممم المهم ميزان بنتي 9 كيلو الحمد لله هية هلأ أحسن بس بتزنزن كتيييير وبدها اتم معي مابدها تروح لحدا غيري
وانتي قديش ميزان أسيد ؟

ام عبدالله لولو

12-17-2013, 08:44 PM

هلا ام مروان منورة ياعسل والله مافي احلا منك ع طول هون شبيك لبيك ههههه الله يسعدك يارب كثير كويس ميزان بنتك انا اسيد تبارك الرحمن 8 وكيلو و400 ماشاء الله
هاتيلك حرافيه ههه كيف حماتك

كبريآء أنثى ـآ

12-17-2013, 09:42 PM

ما شاء الله حبيبتي ديري بالك عليه
ههههههه كلبيزووووو
ممممم حماتي منيحة
عارفة احكيلك شغلة طول وأنا عندهم عمره ما يكون مشاكل هع هع ☺

كبريآء أنثى ـآ

12-17-2013, 09:43 PM

معلش طولت عليكي حبيبتي والله بنتي غلبتني وبتزن وهيني مقعداها جنبي وبتشد بأواعية ههههههه
ما شآء الله عنها صارت تقعد لحالها وما بتغز الحمد لله
ولما رحت اطعمها حكتلي أبلش أطعميها كل شي بس أنا كنت بطعميها خضار مسلوقة وبسكويت بيانسون او بابونج أعمللها اي شي مع البسكوت
بس أنا تعبانة كتييير والله ☻☻☻

كبريآء أنثى ـآ

12-17-2013, 09:51 PM

ام اسييييييييييييييييييييد
وينك يا حجة هع هع ♥

ام عبدالله لولو

12-17-2013, 09:56 PM

خير مالك الف سلامة عليكي فضفضي .. ماافهمن مافي مشاكل الله يبعد عنك المشاكل يارب
والله هيو ابني هههه بصحى وبنام الله يعافيهم يارب من التطعيمات انا الي اسبوع بلشت اعطيه خضار مسلوقة يعني حبة بطاطا وحبة كوساي وجزرو بغسهم وبقشرهم وبقطعهم وبسلقهم وبعدين بصفيهم وبحطهم بالخلاط بيعملو وجبتيت غدا عن يومين عندي مرتبنات فواكة صغار جبتلو مرة اتنين وما حبه ظلو عندي كل واحد تقريبا وجبة بس ما بكون ملين يعني يادوب لعند الحز

ام عبدالله لولو

12-17-2013, 09:57 PM

هيني يخني ههههه احكي

كبريآء أنثى ـآ

12-17-2013, 10:31 PM

هههههه طيب لما تعمليلو بطاطا ما بصير معه امساك ؟
انا اول مرة هرست لبنتي بطاطا وجزر وتاني يوم صراخ وتعص على حالها هههههه ويييين وييييين لما نزلتها
والله صرت أضحك عليها ...
قصدي ع المشاكل يعني ع مناقرة الحماية للكنة

كبريآء أنثى ـآ

12-17-2013, 10:32 PM

قوليلي أم أسيد إنتي إيمتا اتزوجتي ؟؟
هع هع قديش كان مهرك ؟

ام عبدالله لولو

12-17-2013, 10:44 PM

وين غبتي هههههه الي سنة وثلاثة اشهر منزوجة كان مهري 3 مقدم و5 متاخر ههههههه بس طبعا جوزي جاب قريب 4 دهب وطقم بيت كامل غرفة نوم وطقم كنب بالصالون ومطبخ بخزاينو وطالولان وسجاد وعرفة نوم وعرفة قعدة وشاشة وكل شي وغرفة ضيوف كمان الاحلى انو جوزي هداني دبلة الخطوبة كانت خارج المهمر وماحسبه ممع الدهب هي 3قطع بس بصراحة تفوق الخيال هو الي اختاره والاحلى انو انا وياه لحالنا رحنا اشترينه التلبيسة والبسنا الدبلة بروف وطلب اغنية رومانسية هههههههههه يييي يا ام مروان رجعتي ايام الخطبة هههههه

كبريآء أنثى ـآ

12-17-2013, 11:02 PM

هههههههههههه قديش كان التاريخ زواجك طبعا ؟؟
ممممم يعني 3 مهرك شريتي فيهم لبس بس ؟؟
والعريس بجيبلك الذهب ؟؟
الله يهنيكي حبيبتي ويسسعدك يااااااااااااااااااااااااااااااااارب

كبريآء أنثى ـآ

12-17-2013, 11:10 PM

حبيبتي خليكي عشان ندردش سوا بس بدي أتعشا وأرجع أوووووك
تفضلي

ام عبدالله لولو

12-17-2013, 11:14 PM

تسلمي يارب ويسعدك ويهنيكي ويعطيكي كان ب15\9\2012
طبعا لا كسوة الثياب كانت لحاله ةانتي كيف هاتي احكيلي واسالي عاددي بجاوبك

ام عبدالله لولو

12-17-2013, 11:30 PM

هيني بستناكي صحة هنا شكلو جوزك بالدوام اليوم

ام عبدالله لولو

12-18-2013, 12:06 AM

ام مروان ازا العشا ساعة الغدا كم ساعة ههههههه يلا تعالي
حواء مالك اليوم مو مبينة انتي ونور ودموع

دموع الليل

12-18-2013, 12:42 AM

يسعد مساكم

منورين

كبريآء أنثى ـآ

12-18-2013, 12:53 AM

أم أسيد حبيبة قلبي والله قطعت الكهربا
لسا تو سلفي راح شبكلنا الكهربا من الماتور هع هع
معلش اعزريني طولت عليكي
إي جوزي بالدوام الليلة

كبريآء أنثى ـآ

12-18-2013, 12:56 AM

إحنا عوايدنا غير عن عوايدكم
المهر اللي بسلموه هاد بتشتري فيه ذهب وكسوة
وفي ناس بتطلب شبكة مع المهر ولو مافي شبكة لازم الدبلة يجيبها الخطيب هع هع
ممممم انا كان مهري 5000 دينار وشبكة ( دبلة توينز ـ وسنسال ـ وحلق ـ وخاتم )

دموع الليل

12-18-2013, 01:06 AM

كيفكم ام اسيد وام مروان

كبريآء أنثى ـآ

12-18-2013, 01:27 AM

هلا دموع
انا منيحة وإنتي؟؟
بعدين لما بدك تطلعي بتحكي
هاتي احكيلنا كام سنة صارلك متزوجة وقديش كان مهرك واحكيلنا شوية عن خطبتك هع هع
نعييييد الزكريات

دموع الليل

12-18-2013, 01:40 AM

هلا دموع
انا منيحة وإنتي؟؟
بعدين لما بدك تطلعي بتحكي
هاتي احكيلنا كام سنة صارلك متزوجة وقديش كان مهرك واحكيلنا شوية عن خطبتك هع هع
نعييييد الزكريات

اهاااااا

بس انتى حكيتى بدك تروحى تنامى وبعديكى انا طلعت

كبريآء أنثى ـآ

12-18-2013, 01:42 AM

انا مش قصدي ع امبارح قصدي هلأ بندردش واللي بدها تطلع تحكي أوك مش نستنى ع الفاضي

دموع الليل

12-18-2013, 01:47 AM

شكلك معصبه هع

دموع الليل

12-18-2013, 01:53 AM

ووووووووووووين رحتى

كبريآء أنثى ـآ

12-18-2013, 01:53 AM

لا معصبة ولا شي بس عنجد الطبع هاد فيكن كلكن ههههههههههههههه
ولا وحدة بتحكي انها هيها طالعة خلص ما نستناها
بعدين ما جاوبتي على أسئلتي ؟؟
صارلك قديش متزوجة وقديش كان مهرك وكيف كانت خطوبتك ؟؟

كبريآء أنثى ـآ

12-18-2013, 01:54 AM

هيني هووووووووووووووووووون
مابطلع من دون ما أقلك ما تخاااافي

دموع الليل

12-18-2013, 01:57 AM

صار الى متزوجه 5 سنين

ومهرى 3000 وشبكه

ومؤخر 5000

كانت فتره الخطوبه حلوه كتيرر

دموع الليل

12-18-2013, 02:04 AM

زوجى نايم وانا قاعده بالفراش ومعى الاب توب سهرانه

زوجك بالدوام؟

كبريآء أنثى ـآ

12-18-2013, 02:06 AM

اه زوجي بالدوام الليلة
الله يسهل عليه ياااارب
وانا هلأ زهقانة كتييييييير وهيني نيمت الست منى هع هع

ام عبدالله لولو

12-18-2013, 02:06 AM

ههههههههههههه هيني جيت يختي كلا ولازعلك كيفك دموع منورة

دموع الليل

12-18-2013, 02:07 AM

الله يكون بعونك بتنامى لحالك

عن جد زهق

دموع الليل

12-18-2013, 02:11 AM

هلا ام اسيد كيفك وكيف اسيد؟؟

بدى اروح ارضع ابنى

كبريآء أنثى ـآ

12-18-2013, 02:12 AM

اهلا اهلا أم أسيييييييييييييد
نورت والله
وين أبو الشباب عنك انتي هع هع

...
دمووع .. بعين الله حبيبتي بتفرج ان شاء الله

يلا كملت السهرة خلينا نفتح شي موضوع
أم أسيد عارفة إذا بتطلعي من دون ماتحكي هخلي أسيد ينشف ريقك ههههههههههههههههههه

ام عبدالله لولو

12-18-2013, 02:17 AM

ههههههه ماهو اسيد الي مسهرني مش راضي ينام هيني هون هاكي تاشوف هاتيلك موضوع نحكي فيه

كبريآء أنثى ـآ

12-18-2013, 02:23 AM

مممممممممم
بدي أسألك كل شهر بتنزلي تشتري أواعي إلك ؟
هههههه لما كنتي بتكسي وانتي خاطبة كام قميص نوم جبتي بالكسوة ؟؟

كبريآء أنثى ـآ

12-18-2013, 02:30 AM

شووووووووووووووووووووووووووو وينكن ؟؟؟؟؟

كبريآء أنثى ـآ

12-18-2013, 02:38 AM

ام اسييييييييييييييييييييييد وين رحتي ؟
دمووووووووووووووووع مالك ما رجعتي
سبتوني لحالي يعني ؟؟؟؟؟؟؟؟؟؟؟؟؟؟؟

ام عبدالله لولو

12-18-2013, 02:47 AM

لا ما بشتري كل شهر عادي اما احتاج

ام عبدالله لولو

12-18-2013, 02:50 AM

وينك يا ام مروان شكلك انتي الي رحتي ههههههههههه

كبريآء أنثى ـآ

12-18-2013, 03:01 AM

هيييييييييييييني هووووووووووووووون

كبريآء أنثى ـآ

12-18-2013, 03:01 AM

مممممممممم سقعانة كتييير
برد الدنيا

ام عبدالله لولو

12-18-2013, 03:06 AM

ليكون بدك تنامي ههههه ابني شكلو سهران مش راضي ينام

كبريآء أنثى ـآ

12-18-2013, 03:07 AM

لالالالالا
انا لما يكون زوجي بيات بالشغل بتم قلقانة لحد ما يروح
ممممم شعرك طويل ؟ بتصبغيه ؟

ام عبدالله لولو

12-18-2013, 03:10 AM

اشتريت 3 طقوم مع بجاماتهم وداخليتهم كثير بكون فيهم قطع واشتريت بيجامتين طوال للبيت كمان النتين للبيت بس شغل كشخة يعني هههه وجينز وكتان وقمصان فرديات يعني هيك شغلات وفستان تركي قصير وفسنان طويل جلبابين وعباية واحدية وشطنتة وحدة لانو مليت منهن

كبريآء أنثى ـآ

12-18-2013, 03:16 AM

ههههههههههههههههه منييييح
اللي بتكون ببيت لحالها بتاخد راحتها ع الاخر باللبس
مش زيي بدي افقع
انا عارفة بنا يفرجها والحمد لله ع كل حال

ام عبدالله لولو

12-18-2013, 03:22 AM

كان طويل بس بعد ما اتزوجت قصيتو صرت اتعلب كل منو حمام وسشوار ههههه ريحت حالي بس رجع طول اه سبخنو بالخطبة وع العرس وبعد الولادة زبط الارضية لانو بعملو هايلات

ام عبدالله لولو

12-18-2013, 03:25 AM

بعين الله يا ام مروان شو اخر التطورات عندك ولدتك كم عمرها وكم اخت اليك واليك خوات منزوجات

كبريآء أنثى ـآ

12-18-2013, 03:28 AM

ممممممم شوو يعني هايلات بسمع فيه بس مابعرف شوو هوو ؟
أنا ع الخطبة والعرس زوجي كان معارض اصبغ
بس بعد ما تجوزت زنييييت وعملته ميش
وبعد ماولدت صبغته أرضية وخصل
ممم تقريبا شعري لنص ظهري او اقل شوي ممممم
أنا روحي بتفرفط منه لازم كل فترة اقصه ع السكت من دون ما اقله لأنه ما بحب اقصه بحب الشعر الطويل

كبريآء أنثى ـآ

12-18-2013, 03:30 AM

مممممم إمي عمرها 56 الله يطول بعمرها يااارب
وأبوي عمره 60 الله يطول بعمره ويحفظهم يااااارب
مممم احنا كلنا متزوجات ما عدا وحدة سنة تانية جامعة
وإخواني الأولاد متزوجين ما عدا واحد لسا بالثانوية

ام عبدالله لولو

12-18-2013, 03:37 AM

الله يخليك اياهم يارب الهايلات زي ما انتي عاملة ارضية وفوقة خصل
شو اخر فصوله حماتك بنته وين منزوجة وكم عندها اولاد

كبريآء أنثى ـآ

12-18-2013, 03:40 AM

مممم بنتها متغربة اتزوجت قبلي بسنة وهلأ معها ولد عمره سنة و 4 شهوور
بس شوو حمااااتي طايرة ببنتها عشان جابت ولد

ام عبدالله لولو

12-18-2013, 03:45 AM

ييييي اسم الله عليه حماتك يعني هي الي بتجيب البنت جايبته من دار ابوه والي بتجيب الولد من دارار ابوه الله يعينك عليه .. باي بالد منغربة مبسوطة ولا كيف

ام عبدالله لولو

12-18-2013, 03:51 AM

وين رحتي كنك نمتي هههههه ام مروان

كبريآء أنثى ـآ

12-18-2013, 03:52 AM

مممم بـ ليبيا وحماتها منشفة ريقها
واللي ماخداه وحيد امه وابوه

ام عبدالله لولو

12-18-2013, 04:00 AM

طيب احكي وين بتغطسي ازا بدك تروحي تنامي عادي

كبريآء أنثى ـآ

12-18-2013, 04:08 AM

لا والله بس بتفرج ع فتافيت هههههههههههههههههههههه

ام عبدالله لولو

12-18-2013, 04:10 AM

هاتيلك موضوع ولا هلا لاني معك مو جاية ع بالك الحكي هههههههههه

كبريآء أنثى ـآ

12-18-2013, 04:15 AM

مممممممممممممممممممممم بفكر

كبريآء أنثى ـآ

12-18-2013, 04:17 AM

ممممم زوجك عصبي ؟ اذا عصبي كيف بتتعاملي معاه ؟

ام عبدالله لولو

12-18-2013, 04:23 AM

اه عصبي بس مو كثير بعصب عليا لانو طبعي مرحة هههههه بضل اضحك وامزح حتى لو انو زعلان يعني ما بعطيه ردة فعل عصبية زي ما هو معصب وهيك بهدى لحالو
هلا فيما لو عصب مني بسكت لحد مايهدى وبرولحه هههههه زي الصغار بصالحو وبرضى
بس هاد كان في بداية الزواج طبعا بعد ما اعرفت الاشي الي بتعصبو بطلت اعمله مثاا الصوت العالي مابحبو انك ثرثري حكي مالك فيه كمان مابحبو وهيك كللللللل الرجال عممي ههههه بتجنبه كلها

ام عبدالله لولو

12-18-2013, 04:34 AM

ام مروا مليت بصراحة هههههه انتي ع فتافيت وانا هون خلص بدي اروح

كبريآء أنثى ـآ

12-18-2013, 04:36 AM

مممممممممممممممم لا والله النت بفصل

كبريآء أنثى ـآ

12-18-2013, 04:37 AM

ههههههههههههههههه زوجي متل زوجك لعلمك
وانا متلك مرحة وبضحك ما بعصب متله

ام عبدالله لولو

12-18-2013, 04:38 AM

ههههههههههه طيب ماشي عشان النت ههههه احكي

كبريآء أنثى ـآ

12-18-2013, 04:41 AM

مممممم انا حكيت هاتي احكي انتي
شو ناوية تطبخي بكرة ان شاء الله ؟

ام عبدالله لولو

12-18-2013, 04:44 AM

بدي اعمل ان شاء الله ملوبة لني بليت حمص حب بحبو بالمقلوبة
وانتي شو بدك تطبخي ولا حماتك بتطبخ

كبريآء أنثى ـآ

12-18-2013, 04:48 AM

اه حماتي تطبخ حمااار مين بدو يموت ههههههههههههه
ممممممم مابعرف لسا
انتي بتفكريني انا اللي بطبخ بكيفي يختي هية وعمي بكونوا مقررين وبحكولي

ام عبدالله لولو

12-18-2013, 04:55 AM

مبين من كلامك بتحملي كثير بقلبك بس هيك حرام بعدك صغيرة عيش شبابك بكل مافي هالحياة يعمي ماظلي تحسبي فيه هههههه خلص اعملي وطنشي

كبريآء أنثى ـآ

12-18-2013, 05:00 AM

والله بطنش بس ع الفاااااااااااااااضي والله

ام عبدالله لولو

12-18-2013, 05:04 AM

طيب شو موقف جوزك وحماكي شو بحكي

كبريآء أنثى ـآ

12-18-2013, 05:05 AM

ههههههههه ضحكتيني حماي
مهو حماي متلها ... بس زوجي حرام دايما واقف مع الحق ما بدي احكيلك معي
بس إمه بمية وجه ما شاء الله عليها

ام عبدالله لولو

12-18-2013, 05:11 AM

طيب شو بدك اكثر من هيك انو جوزك يكون معك هي كم عمره لام بريس ههه ماتزعلي بس والله مقهورة عليكي

كبريآء أنثى ـآ

12-18-2013, 05:14 AM

مممم فوق الخمسين بس مابعرف قديش بالزبط
يمكن 52 بس لو تشوفيها بتقولي عنها صبية

ام عبدالله لولو

12-18-2013, 05:17 AM

بعين الله بشوفك بعدين حبيبتي بدي اروح هلا بادن الفجر وبصحى جوزي هههه اسيد نام بدي اريحلي شوية سليتك صح هههههه طولي بالك نامي وارتاحي

كبريآء أنثى ـآ

12-18-2013, 05:19 AM

وأنا بدي أنام نعست كتييير
بالنهار بششوووفك
تصبحي على خير
بس هستنى أصلي وأنام

كبريآء أنثى ـآ

12-18-2013, 01:17 PM

صباحووووووووووووووووووووو
وينك يا ام اسيد صحيت قبلك وخلصت شغل كمان هع هع
بس تامم الطبيخ آل متحيرين مهل عليهم هع هع
بس عارفة بنتي صارلها يومين بتصرخ من ولا اشي
وكل فكري من التطعيم بس الحمد لله ما سخنت لأنه ع طول من لما روحت شربتها ادول
واليوم الصبح ع 5 الفجر صارت تصرخ وبالعافية نيمتها وبرضو ع 10 الصبح تصرخ صراخ مش طبيعي
وبالآخر طلعت مملوعة يا وردي علية والله زعلت عليها كتيييير حبيبة قلبي
بس مرجتها حماتي وهيني بنيم فيها الله يهدي بالها ياااارب
ممممم بدي أشوف جوزي اليوم وأروح أنام عند أهلي لأني مشتقالهم كتييير وبدي أغير جو لأني مليت من هالجو
كل يوم نفس الروتين اووووووف يااا شو هالقرف بجد قرفت حالي صرت أحس حالي بسجن مو ببيت
لا بطلع ولا اشي بدي أنخنق والله
ممممم بدي أخلص من الطبيخ وأحط راسي وأنام لأني مش قادرة أفتح عنية والله

كبريآء أنثى ـآ

12-18-2013, 11:18 PM

اووووووف شوو هاد إلي من الساعة 12 الظهر كاتبة وهلأ الساعة 10 وتلت بالليل ومافي حدا كاتب رد بعدي
وانا فايتة بقول هلأ فقدوني عشان مافتت بس ياحسرة خاب ظني
فوفو وحواء وام اسيد ودموع ونور العمر ولكووووووو وينكووووووووووووووو

لولو حمادة

12-18-2013, 11:30 PM

مساء الخير
ام مروان كيفك

كبريآء أنثى ـآ

12-18-2013, 11:36 PM

هلا لولو
مساء الأنوار
ممممم طمنيني شو صار معك ؟؟ ان شاء الله خير

لولو حمادة

12-18-2013, 11:42 PM

امبارح كنت عند الدكتورة بتحكيلي ان الحمل نزل وكيس الحمل مع اني ماحسيت انو نزل

اليوم نزل مني حاجة غريبة شكلها الكيس وتصلت على الدكتور وطمنتني وبكرة بدي اروح مراجعة

بس عندي صداع من 3 ايام بيسير المساء بيوجعني كثر

كبريآء أنثى ـآ

12-18-2013, 11:46 PM

يعني ما عملتي تنظيفات ؟
يلا الحمد لله ع سلامتك حبيبتي
بس لازم تعملي تحاليل لحتى تعرفي السبب

لولو حمادة

12-18-2013, 11:55 PM

لا ماعملت تنظيفات بتحكي ارحم انظيف
بتعرفي شربت حلبة وزنجبيل وكمون وقرفة لمن قرفت حالى واكلت اناناس وعملت كمادات سخنة ومشي كثير كلو ساعد

كبريآء أنثى ـآ

12-19-2013, 12:05 AM

اهااا يلا الحمد لله ع سلامتك

دموع الليل

12-19-2013, 12:05 AM

مساء الخير

كيفكم اليوم ؟

لولو الفلسطينية

12-19-2013, 10:02 AM

مرحباااااا
اشتقتلكم كومياااااات
كيف التلج معكم ؟؟ عندنا اشي بخوف كان هههه
لولو
حبيبتي الخيرة في ما اختاره الله
ربنا يعوضك بالي احسن منه ان شاء الله
مممم عندي السبت امتحان و مش قادرة ادرس هههه الله يستر ... الجامعة قرفتني من كتر ما اجلت هالفاينل ....
سو كمان
اميرتنا صار عمرها6 شهور و خمس ايام ... مجنننيتني و بالنهار ما بتنام الا يمكن ساعة و بااليل مرات بتنام و مرات بتطلع روحي لتنام هههه
و صرت اعطيها اكل س طبعا مش كلشي يعني ممكن سريلاك او خضرة بس هيك يا دوب ملعقتين صغار
و انتو كلكم شو اخباركم . و كيف الاطافيل الحلوين ؟؟
يسعد اوقاتكم جميعا

حواء مثالية

12-19-2013, 02:30 PM

نهاركم فل يا حلوات كيفكم

ام مروان منورة الدردشة الله ما يحرمنا منك لا من سؤالك عنا

ام اسيد ريتها ما تبلا هالطلة

انا كنت عند اهلي لهيك مو فايته واليوم رايحه عندهم بابا تعبان شوي

ام عبدالله لولو

12-19-2013, 03:55 PM

مساء الخير ياصبايا
شو اخباركم ام مروان ابني يا حرام منكد من حلقو لهيك مابفوت لولو دير بالك ع االدراسة وعادي اطعميه بنتك كم وزنه ع 6 شهور ومحيط راسه
حواء الف سلامة عليه الله يططمن ئلبك عليه يارب
لولو حمادة الله يعوضك خير يارب زي ما حكو الصبايا اعملي فحوصات وشوفي السبب
باقي الصبايا يسعد مساكم يارب

حواء مثالية

12-19-2013, 04:06 PM

حبيبتي ام عبدالله تسلمي والله يسلملك حبايبك

ام عبدالله لولو

12-19-2013, 10:03 PM

مساء الخير ياصبايا
حواء الله يسعدك يارب تروحي وترجعي بالسلامة
ام مروان ويتك مابينتي اليوم
نور ودموع وفوفو وينكم هههههه مين بده تسهر ياصبايا

ام عبدالله لولو

12-19-2013, 11:41 PM

صبايا كثير صار مممل التجمع بصراحة يعني صرت افوت اتمنى القى حد بحكي هههههههههه خلص سكرو افضل يعني كنت افوت اتسلى هون هلا فش حد تحكي معو وين غاطسات وين بتروحو فش هههه طيب الي بتطلع ولا ابصر وين بتروح تيجي تحكيلنا وين وشو صار يعني تسلينا هونبطل حد لا بطل حد يعرف حد ههههه

دموع الليل

12-20-2013, 12:49 AM

مسا الخير

ام اسيد منوره كيفك؟

كبريآء أنثى ـآ

12-20-2013, 01:07 AM

مسساء الخييييييييييييييير
كيفكم يا صبايا ؟؟
والله انا متنكدة ومدايقة وما بنام الليل صرت
ياوردي علية بنتي مفلوزة ومش قادرة تتنفس وما بترضى ترضع مني والله تعبانة كتييييير
والله ع هواها بصير اعيط وبتستفرغ بلغم كتيييييير
حاااايسة بجد حاااايسة ومسدود نفسي ع كل شي

لولو حمادة

12-20-2013, 09:46 PM

مساء الخير

وينكم ماحدا مبين
ام مروان سلامة منى ربنا يشفيها

اليوم عملت ديك رومي بالفرن اول مرة اعملوا طلع كثير زاكي

كبريآء أنثى ـآ

12-20-2013, 10:17 PM

مرحبااااااااااا
كيفكن ؟؟
بصراحة التجمع صار ممل كتييير وبطل إلي نفس أفوت
حواء وفوفو وأم أسيد ولولو حمادة ولولو الفلسطينية وكله كله ما بفوتوا مع انه التجمع كان قبل أحلا
وكنت أستنى أخلص شغل البيت عشان أفتح التجمع بس هلأ ما بيجي ع بالي بالمرة
بجد ممل ع الآخر وكل الصبايا كسلانات

لولو حبيبتي الله يسلمك ... صحة وعافية ع الديك الرومي

لولو حمادة

12-20-2013, 11:20 PM

ام مروان عندك فيس بك ؟؟

كبريآء أنثى ـآ

12-21-2013, 02:27 AM

إي عندي حبيبتي ليه بتسألي ؟؟
إلنا 3 أيام على نفس الصفحة

لولو حمادة

12-21-2013, 02:36 PM

صباح الخير

ام مروان سالتك علشان ادا حابة ضيفيني عندك

حواء مثالية

12-21-2013, 03:35 PM

سلام عليكم كيفكم

انا مبارح ارجعت من عند اهلي بعد نص الليل

الحمدلله بابا احسن كثير هلا

يمكن مرت اخي حاااااااااامل

ام عبدالله لولو

12-21-2013, 09:58 PM

مساء الخير ياصبايا
حواء حمدلله ع سلامتو ومبروك لمرت اخوكي الله يتممله ع خير
لولو حمادة حمدلله ع سلامتك الله يسعد مساكي
ام مروان سلامتك وسلامته للحلوة الله يسامحك انا مابفوت انا كل يوم بفوت وازا بدي اغيب بغيب بس يوم بس الصراحة انا بطلت احب افوت يعني بفوت وبطلع والصفحة هي هي بكون فاتحة من الصبح وكل شوية بعمل تحديث للصفحة بس مابلقى حد حتى شكلي بدي ابطل افوت بس بعز عليه العشرلاة معكم بحسكم خوات اصلا مابقدر ابطل افوت ههههههه يسعد مساكم ياصبايا حتى لو ترجعي للصفحات رح تلقي اني والله بقعد بالساغات كاتبة رد ومايلقى حد يرد عليه بزهق وبطلع

لولو حمادة

12-21-2013, 10:43 PM

مساء الخير

ام عبد الله يسعد مساكي

حواء الحمد الله على سلامة الوالد

ام عبدالله لولو

12-21-2013, 11:05 PM

ومساكي يارب شو اخبارك كيف صحتك اليوم حاولي تريحي حالك شهرين او ثلاثة بعد ماتعملي الفحوصات وان شاء الله ربنا بيرقك توم صبيان بحمل ثابت وسليم

لولو حمادة

12-21-2013, 11:18 PM

بدي اعمل تحاليل ان شاء الله خير
بدي تؤام ولد وبنت هههههههههههه ادعيلي

ام عبدالله لولو

12-21-2013, 11:25 PM

ان شاء الله الله يعطيكي يارب وتكون مشكلتك بسيطة بازن الله
شايفة هالمنتدى كيف صار ههههه بدو اغنية يا طير الطاير بلكي اجو واتجمعو

دموع الليل

12-21-2013, 11:34 PM

يسعد مساكم

كيفكم

وين الصبايا \

لولو حمادة

12-22-2013, 11:25 AM

صباح الخير
وينكم ؟

لولو الفلسطينية

12-22-2013, 12:30 PM

هااااااي
كيفهم الحلوين ؟
اشتقتلكم يا ضرسانات .. ههه وبنك يا ام خليل ؟
ممم امبارح قدمت اول امتحان و امتحاني الجاي الخميس . الله يعديهم ع خير
سلفي بدو يخطب ... عروسته من طولكرم ... عقبال عند ولادكم و بناتكم يا رب
حواء
سلامته ابوكي .. الله يشفيه و يخليلكم ياه .. و مبروك سلف لمرت اخوكي
باقي الحلوين شو اخباركم طمنوني عنكم و عن زغاركم ؟؟

حواء مثالية

12-22-2013, 01:17 PM

هايات بالكوميااااااااات

حواء مثالية

12-22-2013, 02:59 PM

اخ يا بنات والله اشي بفقع من اول النهار

حاسه راسي بدو يطير من النكد والصداع

الله يهونها يا رب

ياريت حد منكم هون نبرم شوي

كبريآء أنثى ـآ

12-22-2013, 04:03 PM

أنا إجيييييييييييييييييييييييييييييت

كبريآء أنثى ـآ

12-22-2013, 04:40 PM

شووووووووووووووووووو مافي حدا هووووووووووون ؟

لولو حمادة

12-22-2013, 05:00 PM

مساء الخيرات
راسي بوجعني من الزهق

دموع الليل

12-22-2013, 05:05 PM

السلام عليكم

التجمع صار ممل

ماحدا بيفوت

كبريآء أنثى ـآ

12-22-2013, 05:14 PM

صبايا ساعدوني
جوزي صارله فترة بطلب مني أعمل تشيز كيك وبصراحة انا عمري ما عملته
مين عمرها جربته وطلع زاكي معها ؟؟؟؟؟؟؟؟؟؟؟؟

كبريآء أنثى ـآ

12-22-2013, 05:16 PM

دورت كتيييير بالنت بس بدي أشوف مين جربته
مممم بصراحة أغلب الوصفات اللي بالنت مكلفة كتيييييييير ولو ع قد جوزي بعمله بس انتو عارفين انا مع العيلة

كبريآء أنثى ـآ

12-22-2013, 05:21 PM

ويييييييييييييييييييييييينكم يا صبايا ؟

لولو حمادة

12-22-2013, 05:26 PM

ام مروان انا عملتو من يومين هو كثير مكلف بس بيسيح معى غلبني
في معي طريقة مابتكلف كثير بس ماجربتها

دموع الليل

12-22-2013, 05:27 PM

هلا كبرياء

انا ماعملته قبل هيك

اليوم زوجى طلب عوامه كمان شوى رح اعملها

لولو حمادة

12-22-2013, 05:31 PM

طريقة خفيفة
** المقادير **

علبة بسكوت شاي مطحون250جم + 100جم زبدة

اول طبقة بعد ما رصينا البسكوت في صينية التشيز كييك

الطبقة الثانية

في الخلاط

كاس صغير سكر

كاس صغير حليب بودرة

8 حبات جبن كيري

علبة زبادي يعنى اللبن

م ك جيلاتين بدون نكهة تذوب في 1/4 كوب ماء مغلي ... ( نذوبها الاول ثم نبدا باعداد الوصفة علشان تفتر وما تكون ساخنة كتير )

الطبقة التالتة

صلصة الكرز الجاهزة او جلى او جناش

ه

لولو حمادة

12-22-2013, 05:38 PM

دموع صحتين على العوامة
وينك ام مروان

دموع الليل

12-22-2013, 05:53 PM

لولو ام مروان وين رحتوو

كبريآء أنثى ـآ

12-22-2013, 06:13 PM

لولو
ميرسي حبيبتي بس أنا رنيت ع بنت عمتي ولقيتها بتعمله التشيز كيك
وأعطتني مقادير وطريقة ممممم كلفتني تقريبا 17 شيكل وهيني بعتت سلفي يشتريهم
مممممم بدي أجربها إذا عجبتني طريقة بنت عمتي راح اعتمدها

كبريآء أنثى ـآ

12-22-2013, 06:21 PM

ممممممممممم بدي أروح أعمل التشيز كيك وبرجع بس أخلص

لولو حمادة

12-22-2013, 06:32 PM

ام مروان اكتبي طريقة بنت عمك خلينا نجربها

دموع الليل

12-22-2013, 07:08 PM

صحتين ام مروان

اذا زبطت معك رح اجربها

كبريآء أنثى ـآ

12-22-2013, 07:36 PM

ممممممممممم انا خلصت وهلأ بالثلاجة ممممم يعني بنحلي فيها بعد العشا
بس ارضع بنتي بكتبلكم الطريقة وان شاء الله راح اصورلكم قطعة

كبريآء أنثى ـآ

12-22-2013, 08:22 PM

صحيح صبايا اذا عجبتني وطلعت تمام بكتب الطريقة ماش يا حلوات
وانا بخبركن ان شاء الله
شووو مافي حدا هووون ؟

دموع الليل

12-22-2013, 09:33 PM

وووووووينكم صبايا

حواء مثالية

12-22-2013, 11:27 PM

يسعد مساكم

وصحتين على الشغلات الزاكية

حواء مثالية

12-23-2013, 01:35 PM

ولوووووووووووووووووووووووووووووووووووووووووو ام مروان والشلة وينكم

ام عبدالله لولو

12-23-2013, 02:35 PM

مساء الخير يا صبايا
كيفكم سشو اخباركم صحو وهنــــــــــــــــــــــا ع الاكلات الطيبة كل الصبايا منورات وســـــــــــلام خاص لااحلا ام عز الدين الي منواجدة مع انو مخصوم منك يومين عياب بدي اكمل طبيخ هههههه ابمي عاملي فيه افندي مش مخليني اطبيخ بعمل لبن اتفضلو واعملت بلوزة جاية ببالي بصوره

نور العمر

12-23-2013, 05:04 PM

مساااء الخيررر

صباياااا كيفكم وشو اخباركم

اشتقتلكم كتيررررر كتيررررررر

بس النت كان فاصل بعد المنخفض وكان بدو تصليح ....

طمنوني عنكم شو اخباركم ..

ومين هون..

كبريآء أنثى ـآ

12-23-2013, 07:42 PM

أنا اجيييييييييييييييييت
كيفكن يا صبايا ؟؟
مين هوووووووووون ؟

نور العمر أهلا أهلا وين هالغيبة يا حلوة ؟؟ اشتقنالك كتييير

نور العمر

12-23-2013, 08:00 PM

كيفك كبرياء وكيف منوشه...؟؟

والله اشتقتلكم بس النت كان فاصل

كبريآء أنثى ـآ

12-23-2013, 08:22 PM

يلا بسيطة يا عسل
انا منيحة وبنوتي منيحة الحمد لله
طمنيتي عنك انتي ؟؟

ام عبدالله لولو

12-23-2013, 08:26 PM

مساء الخير يا صبايا
منورات دموع ونور وحواء وام مروان وكل الصبايا شو اخباركم كيفكم

نور العمر

12-23-2013, 08:33 PM

الحمد لله بخيررر

بس ليه التجمع هيك بطلو يفوتو البنات زي قبل

ام اسيد كيفك وكيف اسيد ..؟

كبريآء أنثى ـآ

12-23-2013, 08:36 PM

هلآ أم أسيد منورة

كبريآء أنثى ـآ

12-23-2013, 08:47 PM

شوووووووووووووو وين رحتووووو

كبريآء أنثى ـآ

12-23-2013, 08:49 PM

هل من آحد هنآآآآآآآآآآآآآآآ
إحنا قلنا هي نور وأنا وأم أسيد خلص كملت وبنتسلا بشوف رحتن طفشتن

كبريآء أنثى ـآ

12-23-2013, 08:54 PM

والله زهقاااانة كتييييييييييير قلت هووون بتسلى وينكن يا صبايا ؟؟
خلص أطلع يعني ؟

ام عبدالله لولو

12-23-2013, 08:58 PM

لا خليكي كنت بنيم بابني منكد مش عارفة مالو

كبريآء أنثى ـآ

12-23-2013, 09:07 PM

والله كنت هكتب رد وأطفي خلص زهقت وانا استنا

ام عبدالله لولو

12-23-2013, 09:13 PM

كيف بنتك وانتي ان شاء الله بخير
بي اسالك عندك طريقة للعوامة وتتطلع بترش قرش ههههههههه

نور العمر

12-23-2013, 09:13 PM

كنت بنيم في سيلا

انا كل يوم واحد بنام عطول وتاني بغلبني بالنوم اليوم دور بنتي غلبتني لحتى نامت اخوها عطول نام على عكس امبارح خخخخخخ

ام عبدالله لولو

12-23-2013, 09:19 PM

هلا نور منورة شو اخبارك واخبار الصغار ان شاء الله بخير
بتعرفي للعوامة اليوم اعملت لوزة كثير زاكية وماسكة

نور العمر

12-23-2013, 09:19 PM

وينكم...............

نور العمر

12-23-2013, 09:22 PM

انا مابعرف للمقادير

ماما بتعملها الي وانا بقلي ع النار يعني ب اخد منها العجينه بس تطلع زاكيه وطريه انا بحبها تكون طريه ...

نور العمر

12-23-2013, 09:35 PM

وين رحتوووووو

؟؟؟

ام عبدالله لولو

12-23-2013, 09:44 PM

انا هيني شو في شي جديد عندك هاتي احكيلنا

دموع الليل

12-23-2013, 09:50 PM

يسعد مساكم

نور العمر كيفك؟ اش اخبارك

ام اسيد منوره ياعسل

ام عبدالله لولو

12-23-2013, 09:55 PM

هلا دموع انتي العسل يا عسل شو اخبارك كيف ابنك صرت تطعمي ولا كيف
شايفين ياصبايا والله بطل احب افوت كل وحدة بتنط شوية بتزهق وبتطلع والـــــــــــــــــــــــــــحل يعني انا بحكي خلونا نعمل اضراب زي الوكالة هههههههه

ام عبدالله لولو

12-23-2013, 09:58 PM

دموع احكيلي كيف بقدر احط صورة ومعه اغنية بالتوقيع
وكمان ليه اسمك دموع خليكي متفائلة

كبريآء أنثى ـآ

12-23-2013, 10:00 PM

مممممممممم أم أسيد لازم تعمليها الصورة ع السويتش ماكس وبتحطي أغنية معها كمان
مممم اسألي دموع عن العوامة امبارح عملت عوامة
أنا امبارح عملت تشيز كيك طلع زاكي بس طبقة الجيلي ماعجبتني
بس هعاود أجربه مرة تانية وأضيف لمساتي عليه بس الكل هون شكر فيه

ام عبدالله لولو

12-23-2013, 10:07 PM

ههههههه صحة وهنا بما انو الكل شكر منن غير مايشوف ولايدوق فانا كمان بشكر فيه هههه معدلة بعرف دموع احكيلي كيف العوامة

نور العمر

12-23-2013, 10:08 PM

البرد بنعس هههههههه

وكمان بنتي كل اشوي بتصحى بالليل

كمان اسبوع بتخلص ال 8 شهور ولهلء بتصحى بالليل كتير مابعرف ليه

ابني ماكان هيك بس كان برضع صناعي ماكان برضع طبيعي

نور العمر

12-23-2013, 10:24 PM

صبايا تصبحو على خيررر

انا نعست وبدي روح نام

بشوفكم بكره ان شاء الله...

سلاااااااام

كبريآء أنثى ـآ

12-23-2013, 10:32 PM

أنا بنتي الحمد لله ما بتصحالي بالمرة بالليل غير بترضع وبتنام بس إلها يومين بتصحالي ع 3 بدها تلعب وحدا يلاعبها وبتنام ع 5
والله جننتني

كبريآء أنثى ـآ

12-23-2013, 10:32 PM

نوووووووووووور بدري وين رايحة ؟؟
ولا عشان عدها قطعت الكهربا بدك تنامي قبل ماتقطع ؟؟؟

دموع الليل

12-23-2013, 10:36 PM

ام اسيد بجيب لابنى سيريلاك من عمر 4 شهور وانتى بتطعمى اسيد ؟؟؟

هلا بكتب طريقه العوامه

دموع الليل

12-23-2013, 10:40 PM

بالنسبه للتوقيع مش انا الى عملته

طريقه العوامه هاى زبطت معى كتير

- 1 ملعقة صغيرة خميرة.
1 ملعقه نشا
- 1 ملعقة صغيرة سكر.

- 1/2 2 كوب ماء دافئ.

- 1/2 3 كوب دقيق.

- 1/4 ملعقة صغيرة ملح.

- زيت غزير للقلي.

- قطر (شربات).

طريقة التحضير:

- تُذاب الخميرة مع السكر في الماء الدافئ، تًُترك لمدة 5 دقائق حتى تتفاعل.

- يُخلط الدقيق والملح في وعاء عميق، يُضاف خليط الخميرة مع التقليب حتى تتجانس المكونات ويتكون عجين ليّن، شبه سائل.

- يُغطى الخليط ويوضع في مكان دافئ، ويُترك لحوالي 45 دقيقة حتى يختمر ويتضاعف حجمه.

- يُسخن الزيت في إناء على نار متوسطة، يوضع وعاء صغير به قليل من الزيت بجانب وعاء خليط العوامات (لغمس ملعقة التشكيل أثناء القلي).

- يُوضع قليل من العجين في قبضة اليد، مع الضغط الخفيف بداية من الإصبع الصغير تدريجياً إلى أن يرتفع العجين إلى السبابة، وتؤخذ كُرات العجين بملعقة صغيرة مغموسة في قليل من الزيت وتُحمر في الزيت الساخن، وتُقلّب حتى يُصبح لونها ذهبياً.

- تُرفع الكرات من الزيت، وتوضع في القطر وهي ساخنة، ثم تُصفى وتُرص في طبق التقديم.