قصة ولادتي بالتفصيل في مستشفى الاحساء العام

[دانو]

مرحبا بنات حوامل وامهات

كنت اتابعكم طول فترة حملي بس بدون تسجيل , وبعد ماولدت حبيت اكتب قصة ولادتي , وبعد اقتراح من زميلة لي منتدى ثاني "ام الشيخ محمد الصالح " اشتركت في هذا المنتدى الرائع واللي استفدت منه وحابة افيد فيه خواتي الحوامل ..


تابعت حملي في مستوصف النسائي اللي بشارع النجاح د. رجاء هي صدق تختصر وماتعطي اهتمام كثير , بس هي في السونار بتحديد جنس الجنين وموعد الولادة ممتازة .
رحت لها بداية من الاسبوع 20 وسوت لي سونار وحددت لي عليه موعد ولادتي 30 اغسطس وان جنس الجنين ولد .. ووثقت في كلامها وجهزت للبيبي على اساس كلامها ورتبت نفسي على الموعد اللي عطتني اياه ..

تحيرت في حملي للولادة بين مستشفى الموسى ومستشفى الاحساء انا جربت الموسى في ولادتين لي , وكان رووعه من ناحية الخدمات الطبية والمراعاة خبرتهم كانت عاليه , بس هالمره قلت بغير واجرب الاحساء وسألت عنه في المنتديات وماشفت تجارب حقيقية كثير , لان اللي يكتفون ويكتبون روووعه اعرف انهم متمصلحين من الدعاية . ومع هذا رحت يوم للطوارئ على شان اشوف الطبيبه المشرفة على التوليد وسألتها عن كل شيئ وهي د هيام المصريه نفسها اللي ولدتني

بس للاسف طلع كل كلامها كذب وماشفت شيئ من اللي سألتها عنه , اللي اكتشفته بعدين انها طماعه وكان هدفها مادي ومايهمها ابد هالمراجع اللي تتعامل معاه ..

صحيت يوم الثلاثاء بتاريخ 31 اغسطس يعني بعد موعدي بيوم من كثر الماي اللي نزل علي , وكان في الام طلق بارد يعني متباعد بس لاني كنت مكملة التاسع فتوقعت ان الام الطلق بتتسارع وخفت رحت المستشفى الاحساء على طول


يعني دخلت المستشفى الساعه 11 الصباح , جات الطبيبة المصرية هيام وكشفت وقالت مفتوح واحد ونص وركبت علي جهاز التخطيط لمدة ساعة وقالت خلاص تنييم بنخليك 24 ساعة اذا ماجت ولادة طبيعية بنركب تحميلة الطلق الصناعي ونولدك , ودوني غرفة التنييم اللي هي نفسها غرفة التوليد , وركبوا علي جهاز التخطيط
والطلق كل ماله ويروح يعني مافي طلق , وانا مت خوف من الطلق الصناعي , وجلست في الغرفة طول اليوم وانا اسمع صراخ النساء في الغرف المجاورة يطلقون ويولدون وانا مكاني واسمع تبريكات اهاليهم وازواجهم واحاتي نفسي

بصراحة حسيت باهمالهم لي الطبيبة كلش ماتجي ولاتمر , واذا ناديت قالو السسترات انها مشغولة في التوليد , يعني المفروض يعطوني اي شيئ محرض في المغذي على الطلق , عاد جات الساعة 3 الفجر وطقيت من الزهق , وناديتها وقلت للسستر ابي حقنة لتنظيف الامعاء طبعا ماكان عندهم وقامت السستر تكذب وتقول انها خطره وان هم مايعطونها , هنا بديت احس انهم بدائيين , معقولة مايعرفون ان الحامل تحتاج تفريغ الامعاء والمثانه على شان الطلق , طبعا تهربت , مع اني كنت الح عليهم وبعدها جات السستر ركبت في المغذي مضاد يفك الماي , ومن بعدها بدا الطلق يحمى ويتتابع

جات د هيام وكشفت على الساعة 4 وتقول انفتح 4 قلت لها ابي مسكن , فقالت لنيرس عطيها ابرة مسكن في الفخذ , وعطتني ابرة المفروض انها تجيب النوم , بس ابد ماقدرت انام لان الام الطلق بدت تشتد وتتابع
ولما صارت الساعه 6 جات كشفت ومافتح الا 5 سانتي , وقلت ابي كمام بنج لان

الالم صار فضيع ومو قادرة اتحمله , وانصدم من النيرس انهم مايعطونها الا اذا انفتح 8 سانتي , واعصب عليهم ليه يكذبون مع ان اكثر اسئلتي للدكتورة كانت عن البنج وضحكت علي قالت نعطي ابرة مهدئة للالم , وطلع كله دعاية
واللي زيد علي الالم هو احتباس البول وانتم بكرامة انبح صوتي وانا اطلب قسطرة

طلع هم ماعندهم يحطون هوز وصحن وماينزل شيئ فيضحكون علي ويقولون مافي شيئ وانا احس ان المثانة بتنفجر من الامتلاء والام الطلق تجي متضاعفة من الاحتباس والله انقهرت حييل وصرت اصرخ من الالم لاكمامة بنج ولا قسطرة بول

الالام فضيعه وصرت اتالم واصارخ من قو الالم , وربي حسيت اني بكر حتى اسلاك المغذي تقطعت مو قادرة استحمل الالم وصرت الح عليهم ابي كمام البنج
بعد الالحاح جابوه لي ومايمداني اشم هوا وارتاح اشوي من الالم الا تجي هالهنديه وتقفله وش هالبخل حسبي الله عليهم , وتجي تتحجج الهندية ان نبض الجنين يضعف
وتسحبه مني .....وانا بس ابيها دقايق تريحني على الاقل دقايق وانام اشوي من شدة الالم ..


يتبع

برجع اكمل الموضوع

hwaml10

[طالبة مختبرات]

الحمد لله على السلامه
ومبروك ما جاك .

ننتظر البقية

[راجيه ربها]

مبرووووووووووووووووووووك مااجاك

[رمش القمر]

الحمد لله على السلامه والف مبرووووووووووك
بس انا ولدت في مستشفى الاحساء مرتين والله حلو كثييير وعنايه وهتمام بس ماادري يمكن انتي حظك معاهم ماكان حلو
ختى ايام المراجعه كان منظم ينادونك في نفس وقت الموعد
بس اهم شي ربي يعطيك العافبه

[~~لحن الحياة~~]

الحمدلله على سلامتك يا قلبي

[اميرة بدنيتي]

موغريبه على مستشفى الاحساء

سامعه عنهم كثير في الردائه

الحمد\لله على سلامتك

[احلى من الحب]

الحمدلله على سلامتك يا قلبي في انتظااارك....

[RANA ROSE]

كان الله في العون وحمدالله على سلامتك بس بالأمانة لما شفتي البيبي كل شيء يهون بنظرة وحدة بس للبيبي ، ربنا يرزق كل مشتاق ومايحرم حد ابدًًًًاًاًاًاًاًاً............

[دانو]

الحمد لله على السلامه
ومبروك ما جاك .

ننتظر البقية
الله يسلمك , شكرا حبيبتي .

مبرووووووووووووووووووووك مااجاك
الله يبارك فيك ياقلبي
الحمد لله على السلامه والف مبرووووووووووك
بس انا ولدت في مستشفى الاحساء مرتين والله حلو كثييير وعنايه وهتمام بس ماادري يمكن انتي حظك معاهم ماكان حلو
ختى ايام المراجعه كان منظم ينادونك في نفس وقت الموعد
بس اهم شي ربي يعطيك العافبه

الله يسلمك ويبارك فيك , انا هذي ولادتي الرابعه اول مرة بمستشفى الملك فهد ومرتين بالموسى , واشوف ان الاحساء هو الاسوء فيهم بدائيين والمصرية والسسترات المشرفات على الولادة قاسيات وتعاملها سيئ , يشهد الله على كلامي اني ماكذبت ولاقلت غير اللي صار لي ..


الحمدلله على سلامتك يا قلبي
الله يسلمك ياقمر

موغريبه على مستشفى الاحساء

سامعه عنهم كثير في الردائه

الحمد\لله على سلامتك

للاسف اني ماسألت قبل عنهم بما فيه الكفاية واعتمدت على كلام الدكتورة المصرية المناوبة بالطوارئ

الحمدلله على سلامتك يا قلبي في انتظااارك....





الله يسلمك غاليتي
كان الله في العون وحمدالله على سلامتك بس بالأمانة لما شفتي البيبي كل شيء يهون بنظرة وحدة بس للبيبي ، ربنا يرزق كل مشتاق ومايحرم حد ابدًًًًاًاًاًاًاًاً............


الله يسلمك , اي والله لما شفت طفلي بحضني هون علي القهر والالم ,, مع انهم حجزوه بالعناية اربع ايام وزودوني تعب ..

[دانو]

التكملة

على الساعة 6 الصباح من يوم الاربعاء ابتدت الام الطلق تشتد مثل ماقلت لكم وصرت مو قادرة اسيطر على نفسي قمت اصارخ ومن الحركه انقطع سلك المغذي وانفتح جهاز التخطيط وصرت اصرخ عليهم اني ابي كمام البنج والدكتورة تصارخ علي وتقول بتنادي الاستشاري يسوي لي عملية والسسترات يساعدونها يصرخون علي يقولون ليه ماقلتي انوا ماتتحملي الالم ودخلتي عملية وريحتينا , حسبي الله عليهم بولاداتي السابقه بالموسى ماكنت احس باي الم وكنت انام وقت الطلق ومانتبه الا لحظة خروج الراس وحتى الخياطه مااحس فيها مع مخدر الكمام .

وصرت اقول للدكتورة ان مستشفى الموسى افضل منكم , فتواخذت على نفسها وقالت عطوها الكمام , وربي انبسطت عليه وصرت اشم وانسى الالم واحس بخدر خفيف في جسمي يسكن الالام , وماامداها دقايق الا بديت احس بالالم صار اسفل البطن وصرت احس ان البيبي بيطلع والام فضيعه في المثانه ياااااه كل ماتذكرت هالموقف وهالبهدال اموت من القهر , حتى مستشفى الحكومة مايخلون الوحدة تتعذب بالهعذاب وقت الطلق , بس هذا يبين قل خبرتهم واهمالهم للاشياء اللي ممكن تسبب مضاعفات بعد الولادة .

وعند الساعه 9,30 في صباح يوم الاربعاء الحمد لله رب العالمين ولدت طبيعي , ومع خروج الراس تمزعت وصارت شقوق , الغريب انهم ماعندهم اسرة متخصصه للولادة وولدت على نفس سرير الطلق , وصارت تقول يالله ادفعي على شان تطلع المشيمة , بس انا انهكت وماقدرت ادفع وخاصة ان الام المثانة مستمرة , وصارت تضغط بطريقة مؤلمة على البطن وتعصره الى ان طلعت , وقتها التفت على طفلي ابي اشوفه وابتسمت لما شفته كامل الخلقه ويصارخ , بس اللي استلموه هم السسترات وهم اللي نظفوه وقطروا في عينه وقصوا السرة , وبالعادة في كل المستشفيات يستلمه اخصائي اطفال .

بس مو قادرة ارتاح لان جا وقت الخياطه واشيل همها واقول للدكتورة طيب عطوني الكمام الان
وتقول لا حعطيك ابرة بنج , وماسوت شيئ واموت من الم الخياطه وانا اطالع في الخيوط واتالم , بعدها حطت لي تحاميل مسكن للالم , انا اول مرة احس بالم الخياط وحاولت استحمل الى ماخلصت وقالت لي انها استخدمت خيوط تجميلية وانها بتعطيني مرهم جروح يزيل اثر الخياط .

بعد ماخلصت حسيت ببرودة شديده وصرت ارجف وجات السستر غطتني بلحاف وانا انفض واحس بالام مغص في البطن مثل الطلق راحت الدكتورة وقالت ان دوامها خلص , بس انا مازلت اتالم وراحت السستر نادت الدكتور , وجات وصارت تضغط على بطني وتدخل صبعها وانا صرت اتلوى من الالم وطلعت مثل التجلطات من الدم وقالت انها هي اللي تسبب الالم ..

دخلت امي وزوجي وباركوا لي وصرت اشكي لامي وانا خايفه منها تلومني لانها قالت لي قبل لاتروحين للاحساء متخوفة ان ماعندهم خبرة , وعاندت ورحت لهم مثل المسحورة ..

وامي جالسه جنبي ناديت السستر توديني الحمام وانتوا بكرامة لان انحصار البول مسبب لي الام وضيق , ورحت وهم ماقدرت ... بس تنظفت بالحمام ولبست ملابس غير

وجلستني على كرسي وقالت انتظري ربع ساعة ودخلي بعدها الحمام ,, واجلس مع امي وتسولف معاي اشوي وبعدها ادخل الحمام واخيرا ارتحت وكان الاحتباس شيئ خيال وكان الالم فضيع

استغربت ان كل هذا كان متخزن بجسمي والحمد لله ان ماسبب لي مضاعفات وقتها على هالالم اللي سببه لي وقت الطلق .

يتبع

[ياويل حاااالي]

مبروووووووووووك ماجاك ياقلبي...
يتربى بعزك....
وربي كلهم المستشفياات كذا....
ماشاءالله الدكتوره رجاء عالجة بنت عمي تبي تحمل...
على الله ثم عليه شهر واحد تعالجت عندها وحملت...
وربي كلهم يمدحوونها...

[دلوعة بالحيل]

الحمدلله على سلامتك
ومبروووك ما جاكي

[دانو]

مبروووووووووووك ماجاك ياقلبي...
يتربى بعزك....
وربي كلهم المستشفياات كذا....
ماشاءالله الدكتوره رجاء عالجة بنت عمي تبي تحمل...
على الله ثم عليه شهر واحد تعالجت عندها وحملت...
وربي كلهم يمدحوونها...

الله يبارك فيك ياويل حااالي , مو كلهم كذا انا جربت مستشفى الموسى واختي بالحرس ومرة اخوي بالمانع مااحد شاف بدائية وتخبط ومستشفى تجاري مادي مثل مستشفى الاحساء مايميزه غير المبني والغرف الكبيرة .

الدكتورة رجاء قديمة وعندها خبرة بس هي ماانشهرت لانها مو راعية صف كلام وكثرة حكي مثل هالطبيبات المصريات , بالنسبة لي بجميع حملاتي تحدد لي جنس الجنين مضبوط وموعد الولادة بالضبط بس هالمرة انا تأخرت يوم عن موعد ولادتي لان الطلق مو جاي يفتح عنق الرحم , تقول الدكتورة لان حجم البيبي كبير

الحمدلله على سلامتك
ومبروووك ما جاكي

الله يسلمك ويبارك بعمرك .

[نبض قلبي]

يلا الحمد الله على سلامتك

انتي والنونو والله يخليه لك

[توفيه الفوشيه]

حمدالله على سلامتك ياربي والله احترت وخفت وين اولد خصوصآ اني بكر وكنت ساكنه بدمام وماعرف احسن مستشفى هنا وانا الحين اراجع عند الدكتوره رجاء بمستوصف النساء

دلووووووووووووووني وين اولد

[دانو]

يلا الحمد الله على سلامتك

انتي والنونو والله يخليه لك


الله يسلمك حبيبتي مشكورة

حمدالله على سلامتك ياربي والله احترت وخفت وين اولد خصوصآ اني بكر وكنت ساكنه بدمام وماعرف احسن مستشفى هنا وانا الحين اراجع عند الدكتوره رجاء بمستوصف النساء

دلووووووووووووووني وين اولد

الله يسلمك ياتوفية
شوفي ياقلبي الولادة توافيق من رب العالمين , يعني ممكن انا تبهدلت بالمستشفى لان كانت ولادتي عسرة , وممكن غيري يعجبهم لان ولادتهم هينة وميسرة من رب العالمين ..

[دانو]

التكملة >> الجزء الاخير

ناديت السستر وطلبت منها تنقلني لغرفة الاستراحه , وقالت لزوجي يروح يوقع على طلب الغرفة الخاصة , وودوني الغرفة الخاصه

الغرفة كانت كبيرة واثاثها حلو والسرير مريح , وكان فيه مشرفة تغذية تجي تسأل عن نوع الوجبة للغداء او الفطور .
ومشرفات النظافة كانوا سعوديات والنظافه كانت توب وماعليها اي كلام , غير انهم مهذبات ..

بس السسترات السريلانكيات كانوا كسولات , قهرتني السستر لما طلبت منها تجيب البيبي انها ماردت علي ولاجابته , وفي المغرب اتصل اخصائي الاطفال وقال ان البيبي تنفسه ضعيف ويحتاج تنويم بالعناية المركزة , اوووف وضيق صدري وابدا ابكي من القهر , زيادة على البهدال اللي شفته البارح بالولادة اشوف طفلي يعاني كمان ..

وفي الليل جاو حمياتي وبعدين زوجي وبنتيني وامي واخواتي وسلوني اشوي , وطلعوا على الساعه 12 وانا مواصلة مو قادرة انام , بس ماامداهم اطلعوا الا وحطيت راسي من التعب ونمت
وصحيت على الساعه 6 الصباح ورجع القلق وصرت احاتي طلعتي من المستشفى بدون جنيني وقلبي ماكلني ,, حاولت اتسلى واشوف التلفزيون بس مازالت الافكار والوساوس تاخذ بي

وعلى الساعه 1 الظهر جا زوجي يبي يطلعني ,, وهنا انصدم من الفاتورة طلعت الدكتورة المصرية مسجلة تحاليل ماتقل عن 17 تحليل ماخلت تحاليل فيروسات ولا تحاليل بول ولامزرعة
ماسجلتها , والي بيشوف الفاتورة بيعرف ان قصدها الاستغلال المادي , ولاقط عمركم شفتوا وحده رايحة تولد يهرونها تحاليل , وهذا غير السونار اللي ضحكت فيه علي وقالت سوي سونار اول مادخلت قلت لها انا مو محتاجه لاني كنت مسويته عندهم قبل يومين بالضبط , وقالت هو ضمن باكج التنويم والولادة , وطلع كذب وشفناه مسجلينه بالفاتورة
يعني الفاتورة طلعت 3000 ريال ولادة طبيعية + 1700 ريال قيمة التحاليل والسونار
وهذا بدون تكلفة عناية البيبي
زوجي احتج عليهم وعلى هالاسلوب , اشلون ياخذون هالتحاليل بدون مايسألون او حتى نطلب منهم , الموظفة قالت انه ماتقدر تعطي خروج غير لما تدفع , ودفع لهم وهو مقهور من هالاسلوب

جا زوجي بيطلعني وقلت له ودني اشوف جنيني , مع اني كنت اطلب من السسترات يجيبون كرسي ويروحون ومايرجعون , حسبي الله عليهم هالهنديات كسولات ..

ورحت شفته وهو بالحضانه , وقلبي هف عليه كان مفتح ووجهه متورم وفي يده مغذي وعلى جسمه اسلاك تخطيط القلب سحبته لي النيرس وبوسته وطلعت
المهم اني طلعت من عند هالمستشفى وانا مقهورة وشريط الولادة والالام ينعاد قدامي , وطفلي مو بحضني . ودخلت بيت اهلي وانا الفرحة مفارقتني , وبناتي جاو يسألون عن اخوهم الصغير
بقيت على الحالة ثلاث ايام ويوم رابع اتصلوا الظهر وراح زوجي جابه, وصرت مو مصدقه ان جنيني بيجي بحضني ياقلبي عليه .
يقول زوجي ان تخانق معاهم على الفاتورة مرة ثانيه فسوو له خصم وحسبوا مجموع الفاتورة بكل شيئ 7150, الله يعوضه اهم شيئ اني طلعت منهم بدون عمليه وطفلي سالم وقرة عيوني بشوفته .. حكمي على مستشفى الاحساء انه سيئ

انا اليوم لي 13 يوم والده , ومحمد الصغير مجنني من السهر ماينام ومشاكل المغص حبيب قلبي فديته , تعبه وناسة واستمتاع , وصار باقي لي تختينه وشايله همها , ومحتاره وين اوديه؟

[نبض قلبي]

انا والد لي 21يووووووووووم

وتوني من يومين وديت ولدي وختنته

عند جميل خطاااااب

مع ان المفروض من زماااااان مختن بس طلع عنده بوصفار

وقال موزين يمكن ينزف بعدين

فواعدونا يوم رابع العيد والحمد الله

[دانو]

دمعة وله , الحمد لله على سلامة ولدك , حبيت اسئلك اشلون تطهيرهم عيادة جميل خطاب وهل يستخدمون الحلقة ولا اسلوبهم الجراحي القديم والشاش ..

[ام الشيخ محمدالصالح]

ياقلبي عليك ياقلبي ماطحتي الابايدهالزفته
اناالحمدلله اللي ولدتني الهنديه ياربي رهيبه في التعامل هي والطاقم يمكن بعدلانواناكثيرهاديه وقت الولاده وربي بكتب تفاصيل ولادتي راح تضحكون وقت خروج الراس السسترانتهي دوامهاجت تقولي باي مامارديت عليهاباي باي هههههههههه

انتظروالقصه

حبيت اقولك ياالغلاانوانتهي دوام الهنديه وجت ام حواجب المصريه وضغطت علي بطني ضغطه تضايقت منهاقال زوجي حمدي ربك انهاموحاضره ولادتك زي صديقتك عموماالتفاصيل بعدين

الحمدلله ع سلامتك

[دانو]

يقول زوجي ان تخانق معاهم على الفاتورة مرة ثانيه فسوو له خصم وحسبوا مجموع الفاتورة بكل شيئ 5800 , الله يعوضه اهم شيئ اني طلعت منهم بدون عمليه وطفلي سالم وقرة عيوني بشوفته .. حكمي على مستشفى الاحساء انه سيء


حبيت اصحح مبلغ الفاتوره 4650سعر الولادة والتحاليل + 2500 حضانة البيبي لمن يهمه امر الاسعار بصراحة غاليين مقابل خدمات بدائية .. اللي عندهم تأمين موب مشكلة , بس الافراد غاليين ..

[دانو]

ياقلبي عليك ياقلبي ماطحتي الابايدهالزفته
اناالحمدلله اللي ولدتني الهنديه ياربي رهيبه في التعامل هي والطاقم يمكن بعدلانواناكثيرهاديه وقت الولاده وربي بكتب تفاصيل ولادتي راح تضحكون وقت خروج الراس السسترانتهي دوامهاجت تقولي باي مامارديت عليهاباي باي هههههههههه

انتظروالقصه

حبيت اقولك ياالغلاانوانتهي دوام الهنديه وجت ام حواجب المصريه وضغطت علي بطني ضغطه تضايقت منهاقال زوجي حمدي ربك انهاموحاضره ولادتك زي صديقتك عموماالتفاصيل بعدين

الحمدلله ع سلامتك

الحمد لله على سلامتج ياقلبي وسلامة القمورة الصغيره عساك تبلغين فيها وتشوفينها طبيبة اد الدنيا وتبلغين فيها ويا اخوانها , وربي فرحت لج والحمد لله ان توفقتي في ولادتج لاني قاعده احاتيج , بصراحه هالمصرية تجيب الهم قاسية وطماعه وتحسين ان همها مادي درجه اولى ومايهمها ابد ان تساعد المريضة ..

معطيني موعد مراجعه لفتح الخياطه وكاتبين نكست تو وييك , يعني المفروض اليوم الاربعاء واتصل عليهم يقولون ماعندج موعد , ولما قلت لها ان كاتبين لي بعد اسبوعين يعني المفروض اليوم قالت تعالي ان صار فيه مجال يدخلونك عليه وقهرتني وكلمتها بحده اشلون تعطوني كرت مراجعه بدون تاريخ ولاتسجلوني بقائمة المواعيد , جات قالت انتظري اشوي , وبعدين قالت موعدك عند دكتور محمود قلت لها ابي دكتوره قالت لازم مراجعة الوالد دكتور محمود او دكتور هشام , قلت لها كيف الخياطة , قالت فيه سستر تشرف وتفتح الخياطه , عاد انا موب رايحه استحي ادخل على طبيب رجال وانا احتاج كشفيه وسحب خياطة , بروح دكتورة رجاء اللي بالنسائي

كنت مفكرة الخيوط تطيح لحالها , بس يمكن لان هالخياطه على كلامها تجميلي لازم سحب ..


يالله ياقمورة ننتظر مغامرتج في الولادة hwaml16 , نبي تفاصيل واكشنات ..

[™ روحــي فــــدٱٱٱهـ« ||]

الف الف الف مبرووووووووك..

والحمدلله ع سلامتك..

ويتربى بعزك..

[ام شهد ونورة]

الحمد لله على سلامتك وماجوره والحمد لله على سلامه البيبي وكل شي يهون

[احفظ لي زوجي وعيالي]

الف الحمد لله على السلامه
اهم شي الصحه والعافيه

[ايسكريم]

آآآآآآآآآآآآح احس كاني انا في موقفك!
تخيلي تتكلمين عن وقت الطلق و الجراحة و انا قاعده اعصر في عمري و ارتعش من الخوف و عيوني صارو كبر بيضة النعامه هههههههه

الحمد لله ع سلامتك و سلامة النونو و الفآآآل لي بالسلامة دعواتك لي قلبي

[ام الشيخ محمدالصالح]

اسمعووووووووووووووووووووووووني
بعد السلام عليكم
اللي بيروح الاحساء يطلب الهنديه ويوقع انومايبي المصريه حسبي الله عليها
وربي ولادتي رهيبه مره بس مولاقيه وقت اكتبها

واللي بتروح من غيرزوجهاالله يعينها

[سموةالجرح]

لاحول ولاقوة الابالله


لي متا مافي اهتمام حتئ بفلوسك ماعندك احد

[دنيتى غريبه]

الحمدلله على سلامتك وسلامة محمد اهم شي طلع بسلامه والله قصتك عورة قلبي

انا طهرت ولدى عند دكتور مقيداخذته سستر منى ورجعته بصياحه

[يارب عفوك]

اختي ولدت فيه وتمدح

بس السالفه شكلها حظ ونصيب

بس اهم شي سلامتك وسلامة النونو

[دانو]

الف الف الف مبرووووووووك..

والحمدلله ع سلامتك..

ويتربى بعزك..

الله يسلمك قلبي , مشكورة ياذوق

الحمد لله على سلامتك وماجوره والحمد لله على سلامه البيبي وكل شي يهون

الله يسلمك يا ام شهد ونورة , مشكورة قلبي

الف الحمد لله على السلامه
اهم شي الصحه والعافيه

الله يسلمك ياقمر , صادقة اهم شيئ السلامة بس هم الوحدة تنقهر انها تروح مستشفى خاص وتدفع على شان تبي خدمات ودلال وتنفجع بالاستغلال والبدائية في الخدمات الطبية ..

[دانو]

آآآآآآآآآآآآح احس كاني انا في موقفك!
تخيلي تتكلمين عن وقت الطلق و الجراحة و انا قاعده اعصر في عمري و ارتعش من الخوف و عيوني صارو كبر بيضة النعامه هههههههه

الحمد لله ع سلامتك و سلامة النونو و الفآآآل لي بالسلامة دعواتك لي قلبي


الله يسلمك ياقمورة , والله يهون عليك طلقك ويسهل عليك الولادة وويوفقك في دكتورة ممتازة ورحيمة تولدك ..

لاتخافين هو يوم كل حامل لابد تمر فيه والتوافيق من رب العالمين .

اسمعووووووووووووووووووووووووني
بعد السلام عليكم
اللي بيروح الاحساء يطلب الهنديه ويوقع انومايبي المصريه حسبي الله عليها
وربي ولادتي رهيبه مره بس مولاقيه وقت اكتبها

واللي بتروح من غيرزوجهاالله يعينها,

ولكم باك ياقميل ...

يعني انتي اللي طلبتي الهندية ؟
لان مثل ماشفت ان ماعندهم غير هالطبيبتين اللي يولدون وانهم يكونون بالتناوب , يعني انا دخلت وكانت المناوبة عند هالمصرية , تخيلي ان من دخلتي غرفة التنويم الى وقت ولادتي 24 ساعة وهي كانت داومة بدا دوامها على دخلتي وانتهى على ساعة ولادتي , ولدتني وخلصت خياط وتعصر في البطن ومشت

لاحول ولاقوة الابالله


لي متا مافي اهتمام حتئ بفلوسك ماعندك احد

لو اني والد بالحكومي وشفت نفس الاهمال مانقهرت لان بيكون اللوم على نفسي اني سلمت نفسي لهم , بس القهر اني مختارة هالمستشفى على اساس انه غالي وان لابد تكون خدماته على قد سعره , بس للاسف ماتوفقت فيه .

انا جربت الموسى قبل في ولادتين وكانت خدماتهم الطبيه ممتازة وفي المراجعه الطبيبة تساعدني في اختيار وسائل منع الحمل وتتابع الخياطة , علاجهم متكامل متحسفه حييل اني مارحت لهم

[دانو]

الحمدلله على سلامتك وسلامة محمد اهم شي طلع بسلامه والله قصتك عورة قلبي

انا طهرت ولدى عند دكتور مقيداخذته سستر منى ورجعته بصياحه

الله يسلمك عمري وسلامة قليبك .

سمعت ان مقيد زحمة عندهم , وبعدين هو عيادة , المستشفيات تكون عندهم تقنيات افضل , انا اتصلت على الموسى وقالت ان الجراح طالع اجازة وبعده اتصلت على المانع وبروح لهم السبت قالت لي الموظفة ان اهم شيئ يكون معدي 15 يوم واجي الساعة 4 افتح الملف , وانا ابي اسوي له الختان بالحلقة تلتئم اسرع وبدون دم ...


اختي ولدت فيه وتمدح

بس السالفه شكلها حظ ونصيب

بس اهم شي سلامتك وسلامة النونو


الله يسلمك , ويسلم اختك .

[دلوعة حبيبها]

الحمد لله على سلامتك حبيبتي واحتسبي الااجر

[ام الشيخ محمدالصالح]

,

ولكم باك ياقميل ...

يعني انتي اللي طلبتي الهندية ؟
لان مثل ماشفت ان ماعندهم غير هالطبيبتين اللي يولدون وانهم يكونون بالتناوب , يعني انا دخلت وكانت المناوبة عند هالمصرية , تخيلي ان من دخلتي غرفة التنويم الى وقت ولادتي 24 ساعة وهي كانت داومة بدا دوامها على دخلتي وانتهى على ساعة ولادتي , ولدتني وخلصت خياط وتعصر في البطن ومشت



لايالغلاانازيك بدا دوامهامعي وخلص معي حظ قوي هههههههه
المهم يلاروحواقروقصه ولادتي بكتبهااليوم هنااهناك مايستاهلوموضوع التبريكات قفلوه حسبي الله ونعم الوكيل

[ام حكوم]

الحمد لله ع السلامه

[ام الشيخ محمدالصالح]

قصه ولادتي

هنااااااااااااا

http://forum.hwaml.com/t28270.html#post354604

[دانو]

الحمد لله على سلامتك حبيبتي واحتسبي الااجر

الله يسلمك دلوعة

,




لايالغلاانازيك بدا دوامهامعي وخلص معي حظ قوي هههههههه
المهم يلاروحواقروقصه ولادتي بكتبهااليوم هنااهناك مايستاهلوموضوع التبريكات قفلوه حسبي الله ونعم الوكيل

رديت عليج بخصوص المنتدى بموضوعج

الحمد لله ع السلامه
الله يسلمج ام حكوم

قصه ولادتي

هنااااااااااااا

http://forum.hwaml.com/t28270.html#post354604

رديت عليج وانحذف ورديت مره ثانيه , ولو كم قمورة احنا عندنا

[ام الشيخ محمدالصالح]

يسلموياقلبي
الله يعطيك العافيه
تصدقين اليوم رحت المركزالصحي للتبليغ
شافتني دكتوره هنديه وشافت الاوراق انو الولاده بالاحساءقالت منودكتوره وقت ولاده موجود
قلت لهاالهنديه رهييييبه
قالت ايوااواجد كويس مصريه مافي كويس تقول هههههه

[بنت مثل القمر]

مبرووووووووووووووووك

الحمد الله على سلامتج وسلامه حمود
يتربه في عزج يااارب
يارب تجيبن تحته 7 اولاد قولي امييييييين

[دانو]

يسلموياقلبي
الله يعطيك العافيه
تصدقين اليوم رحت المركزالصحي للتبليغ
شافتني دكتوره هنديه وشافت الاوراق انو الولاده بالاحساءقالت منودكتوره وقت ولاده موجود
قلت لهاالهنديه رهييييبه
قالت ايوااواجد كويس مصريه مافي كويس تقول هههههه

يعافيك ياقمر , ايوا بجد المصرية ماعندها حرفة توني رحت النسائي تفتح الغرز استغربت الطبيبة من كثر الخيوط وقالت ليه هالكثر الخيوط وقالت انها ملتهبه اشوي
وسحبتها لي ومت من الوجع والالم حتى جاتني دوخة وركبت لي اوكسجين وقالت الطبيبة واضح انو احتمالك للالم ضعيف وهي صادقه لو تعرف اشسويت وقت الطلق hwaml03

بس تقول ان الجراحة ولله الحمد التامت وباقي هالالتهاب وعطتني فيوسيدن

انتبهي ياقمورة للخيوط د . رجاء تقول لها 10 ايام ان ماطاحت لازم سحب مخطورتلتهب وتشد عليك .


مبرووووووووووووووووك

الحمد الله على سلامتج وسلامه حمود
يتربه في عزج يااارب
يارب تجيبن تحته 7 اولاد قولي امييييييين

الله يبارك فيك ياحلوة ,ياحليل دعوتك سبع اولاد ههههههههههه ذكرتيني بدعوة الخالة الله يرحمها تموت على دعوة الاولاد ..
الحمد لله رب العالمين صار عندي ولدين وبنتين نعمة, الحمد لله والشكر لك يارب الواحد صار يخاف هالايام من الامراض والابتلائات و الحمل مخاطرة .

الله يرزقك بالذرية الصالحة والاولاد المتعافين الباريين

[بنت مثل القمر]

ههههههههههههههههههه كل اسمع الحريم يقولونهااا

الله يخليهم لج يااارب ويجليج لهم

الله يسمممممممممع منج يااارب

[ام الشيخ محمدالصالح]

هلاياقلبي لاانابس غرزتين مومأثرين فيني والدكتوره بالرضاقالت يوم الاحدتعالي موعدللضغط واشيلك الخيوط لوماطاحو



طلع عندي ضغط بعدالولاده مرتفع وراقبته بالبيت اليوم قالت الدكتوره اللي بالرضالازم اخذاحبوب دعواتك لي وربي تعبانه الم براسي وبصدري من الضغط

[دانو]

اسم الله عليج ام محمد ماتشوفين شر , على اجر قلبي

اهتمي بنفسج وبالتغذية النفاس يحتاج اهتمام وعناية ماتقل عن الاهتمام بمرحلة الحمل .

[ام جووريـ حيااتيـ]

الحمد لله على سلامتك

[غيوووض الشرقيه]

الف مبروك ماجاك والحمد لله على سلامتك صراحه انا زيك احس الأحساء اهتمام مادي راجعة عندهم وانا حامل مافيه عناية ولدت بمستشفى الملك عبدالعزيز قمة في العناية بس السهالة من ربنا ولدتي كانت صعبة وتعبت رغماني اخذت ابرة الفخذ وعطوني كمام بس لبد من التعب في الولادة
انا والدة لي 18 يوم ولاحد الآن بعض الخيوط ماطاحت لزم اروح افكها وش افضل دكتورة خاصة عشان تشوف خياطتي وبالنسبة للتطهيرولدي صغير بالحيل بس نصحوني بالمقيد

[سموة المشاعر]

مبروووووووووك خيتوو والحمدلله ع سلامتــج وع سلامة محمد
يتربى بعزكــم ان شاء الله
واهم شي قمتي بالسلامـــه ياقلبي

[جنون بيبي]

الف الف الف مبروووووووووووووووووووك..

عقبالي يااااااااااااااااااااارب افرجها علي :)

[بنت الجامعي]

الحمد لله على سلامتك
وتتربى بعزكِم

[غلاي امي]

الف الحمد لله على سلامتك

وباالنسبه للختان مشاء الله عيادات الدكتور جميل خطاب مره ممتاز

[أم ولاء]

الحمدلله على سلآمتج وسلآمة البيبي ..
والله يجاازيهم على اسآآئتهم لج ..
الله يحفظ لج زوجج وبنااتج والصغنوونـ ..

[لمعة الماسة]

الحمد لله على سلامتك

[7aneenk]

آلف الحممدلله على سلآمتك اختي ويتربى الحلو بعزك ي رب
انتي خرعتيني بقوة الحين , انا كنت مرتبه وضعي على انه الاحساء بولد فيه
وبالتأمين طبعآ !
بس خفت تلخبطت الامور عندي !! :(
انا ابي الاهتمام والنظافه والراحه والهدوء ومدري الحين خوفتيني من ناحية الاهتمام عندهم
في ناس تمدحه لي وفي ناس تذمه !
الحل الحين :(

[الغيد]

الحمدالله بسلامتك

[ليلى الجميلة]

الحمد لله على سلامتك
والله يطرح لك البركه

[فووفو]

احب اقول لالاخت الي كتبت كده عن الدكتوره اتقي الله لان انا وعائلتي جميعا كنا تحت عنايتها في الولاده وهي دكتوره ممتازه وليست ماديه كما تدعين واتقي الله في نفسك

[أم جنى فديتها]

هﻵ فيك
ماشاء الله كل هالردود وﻵ أحد عطاكي تقييم
لك 5 نجوم تستاهلين
وأهم شي كله بأجره الله مايضيع تعبك
الحمدلله على سﻵمتكم أنتي والمولود
ووووااالللللف مبرووووووك

[أم جنى فديتها]

انا مستغربه انه للحين مانغلق موضوعك
من عام 2010!!!!؟