بنات محتاجه لارائكم...تلخبط الدوره بعد المنشطات ؟

[فارسة الاحلام]

السلام عليكم ...

كيفكم بنات ؟

انا من تزوجت صار لي سنه و6 شهور دورتي قبل ماتزوج كانت تجيني كل شهر صحيح مو بنفس التاريخ بس كل شهر تجيني وبشكل طبيعي لكن بعد ماتزوجت وماحملت جربت كم شي امترخت مرتين وهذاني اتعالج سويت تحاليل كل شي سليم ابتديت اخذ الحبوب المنشطه وماصار حمل واخذت ابر جونال اف ويطلع عندي التبويض تمام بس مايطلع في حمل اخذت ابر ثانيه منشطه من بعدها اختربت عندي الدوره احيانا تنزل احيانا لا ورحت الدكتور اللي اتعالج عنده قالي عندك كيس فوق مبيض وسالته وش سببه وكذا قالي انه من الابر المنشطه طيب وصف لي حبوب لمده شهر والحمدلله تخلصت منه بس الدوره مارجعت مثل قبل تنتظم احيانا تنزل لي بغزاره احيانا خفيفه هذا احين تنزل لي بس خفيفه حيل محتاره بأمري والله حيل شسوي ؟؟
الحين كل اللي ودي فيه ترجع الدورة مثل قبل ...
المشكله لمن قلت للدكتور لازم تنظمها لي قبل لان شلون بحمل وهي مو منتظمه معاي يقولي ماراح تستفيدين شي لان بنظمها لك شهر شهرين بس بمجرد تتركين الحبوب ع طوول ترجع تتلخبط معاك انتي الحل لمشكلتك انك تاخذين منشطات هي الي بتساعدك على الحمل..

نسيت لااقولكم انه قبل هذي الدورة لمن نزلت لي الدوره واغتسلت ظليت 8 ايام نزل لي دم انصدممممت رجعت للدكتور ووصف لي حبوب اشكثر لمدة شهرين انا اخذتهم لمدة 15 يوم وتركت نفسيتي تعببببت من الحبوب والعلاجات ودي اترك كل شي ودي ترجع دورتي مثل قبل
شسوي بنات عطوني رايكم شسوي عشان ترجع دورتي مثل اول ؟؟

الله يفرج عن كل وحده ترد علي والله يعطيها مرادها بحق النبي محمد (ص)..

عذروووني ع الاطاله

[غرام الروح]

الله يساعدك غناتي

البنات يقولو السمسم من اول ايام الدوره لفترة كم مدري حقيقه بس تقريبا 12 يوم

تاخذينا على الريق ملقتين

مره الصباح ومره المسا

وكمان يقولو المرامية والبرقدوش

تاخذي ماء مغلي من اول يام الدروه مرتين باليوم

وتحطي ملعقه هذا والثاني وتغطيه بالقصدير عشان الزيوت الطياره الفايده فيها وكمان هم زين للتب حمل

سامحيني اذا نقلت معلومة غلط لك واتمنى البنات يساعدوك

موفقه

[الماسة26]

عزيزتي ممكن سؤال لما عملتي التحليل وطلعتي سليمه زوجك عمل فحص راجع الدكتور او لا لان ممكن يكون المشكله منه مو منك هذا والله اعلم وان شاء الله البنات بيفيدوكي اكثر انا كنت استخدم حبوب جلوكوفاج علشان تكيس وكان ينظم دورتي

[حياتي توأمي]

اختي بما انك كنتي سليمه وماكنتي تعاني من اي شيء لماذا لجأتي للمنشطات
المنشط مايعطونه ألا للي عندها مشاكل بالتبويض واللي فهمته من كلامك انك ماتعاني من شيء وانك كشفتي قبل اللجوء للمنشطات وكان كل شيء سليم عندك ورحتي اخذتي منشطات بالرغم من ذلك طلعلك كيس بسبب المنشط المهم كل هذا راح وانتهى
لكن اعتقد بما ان الدكتور قالك عشان تحملي استمري عالمنشط اعتقد صار عند ضعف تبويض
بس الأفضل من كل هذا وقل ماتلجأي للمنشط مره اخرى لازم زوجك يفحص إذا مافحص للحين
لأن يمكن التأخير بالحمل مايكون منك فليش تتعبي نفسك إذا هو لسه مافحص
اما إذا كان زوجك سليم وانه سبق وفحص معناه توكلي على الله وخليكي مع دكتورة شاطره وثقه وربي يكتبلك الخير ان شاء الله

[الحياه حلوة#]

الله يرزقك يارب
مشكله التنشيط يسبب التكيس
الله يريح قلوبنا

[فارسة الاحلام]

اختي بما انك كنتي سليمه وماكنتي تعاني من اي شيء لماذا لجأتي للمنشطات
المنشط مايعطونه ألا للي عندها مشاكل بالتبويض واللي فهمته من كلامك انك ماتعاني من شيء وانك كشفتي قبل اللجوء للمنشطات وكان كل شيء سليم عندك ورحتي اخذتي منشطات بالرغم من ذلك طلعلك كيس بسبب المنشط المهم كل هذا راح وانتهى
لكن اعتقد بما ان الدكتور قالك عشان تحملي استمري عالمنشط اعتقد صار عند ضعف تبويض
بس الأفضل من كل هذا وقل ماتلجأي للمنشط مره اخرى لازم زوجك يفحص إذا مافحص للحين
لأن يمكن التأخير بالحمل مايكون منك فليش تتعبي نفسك إذا هو لسه مافحص
اما إذا كان زوجك سليم وانه سبق وفحص معناه توكلي على الله وخليكي مع دكتورة شاطره وثقه وربي يكتبلك الخير ان شاء الله

انا بعد4شهور من زواجي امترخت قالت لي الممرخه روحي تاكدي كشفي اذا معاك شي ورحت مستوصف خاص وسوت لي تحاليل الهرمونات وهرمون الحليب وست لي سونار قالت لي كل شي تمام وصفت حبوب كبار بالموت اقدر ابلعهم وقفت لي الدوره شهرين مانزلت بعدها صديقتي وصفت لي دكتور شاطر حيل ورحت له ووريته الحبوب قالي هذا مو للتنشيط هذا للعظام انصدمممممت حيييل ..بعدها سوى لزوجي تحليل وطلع سليم بس بعدها بدات كلا حبوب تالي ابر.... الابر هي اللي دمرتي
انا اللي خلاني اروح من بدايه زواجنا لان ام زوجي ع طول تسال ماحملتي تعالجي سوي لك شي لان مرة حماي اللي تزوجت معاي حملت ومن تسمع انه جات لي الدوره تقولي جات لك وتتضايق وزوجي بعد يبقي حيل متحمس عشان يصير ابو .. شسوي بدات اتعالج امري لله .... بس الحين تعبت حيل والله بس اللي ابقيه ترجع دورتي مثل اول ..

[فارسة الاحلام]

الله يرزقنا ويرزق كل محروووم امين يا رب

[العليا]

مرحبا اختي

ممم انا من ناحية الممرخات ما احب اروح لهن ابدن ممم ربيعتي راحت للمرخه اللي هيه بالغتنا الدايه و مسحت لها الرحم للاسف ربيعتي اكتشفت عقب رحمها مجلوب من ذاك اليوم ما تخلي حد يلعب فيها

اختي نصيحه لا تعتمدين ع المنشطات دامج سليمه اعتمدي ع المنشطات الطبيعيه مثل الاناناس و عصير العنب الاحمر و السمسم
انا هالشهر جربت خلطه العسل مع ملكات النحل و زيت حبة البركه الاصلي و حبوب اللقاح و طلع النخل قفشه ع الريج و قفشه بلليل قبل الرقاد و عين الجمل ما اوصيج فيه لني كلت يوم 14 و رحت للدكتوره يوم ال15 لني حسيت بعوار و الحمد لله كشفت عليه وقالت العوار لن مشاء الله بويضاتي صارن من 15 لين كل وحده 20 وحده21 وحده18 و الحين يالسه اتريا الفرج من رب العالمين انه يرزقني و يرزق كل منتظره طفل

ملاحظه انا استخدمت كلوميد وابره تنشيطيه و ابرة تفجير لن عندي تكيس مبايض لو كنت عارفه عين الجمل يساعد لهالدرجه و تنشط المبايض و تكبر البويضه بيوم و ليله ما لجأت للمنشطرات و الكلوميد

اختي خلي ريلج يسوي التحليل يمكن لا قدر الله العوق منه لني كنت اتعالج قبل و ما كان يصير حمل و اخر شي اكتشفنا العوق من ريلي و الحين تقريبا على نهاية العلاج

الله يرزقج و يرزق كل منتظره الحمل السليم التام

[فارسة الاحلام]

مشكووره حبيبتي العليا الله يرزقج ويرزق كل وحده محرومه من الذريه

[يارب أرزقني طفلااا]

حسبي الله الله يفرج همك وترجع تنتظم دورتك

حبيبتي لتنتظم خدي سمسم متل ما قالتلك اختي مسك ابيض

وتوكلي ع الله وتلخبط دورتك ممكن يكون اتلخبطت هرموناتك عدليها بشرب الميرميه والبردقوش وبأذن الله تنتظم وتحملي

[يارب أرزقني طفلااا]

الله يرزقك يارب
مشكله التنشيط يسبب التكيس
الله يريح قلوبنا

صحيح اختي بيعمل المنشط كارثه
بس تعي لحالتي انا بعمري ما أخذت لا منظم دوره ولا اي نوم منشط وطلع عندي تكيس كتير كبير :( يارب شفائك

[فارسة الاحلام]

(يارب ارزقني طفلا) مشكوره حبيبتي الله يرزقنا ويااك طفلا تقر اعيننا ...
امين يارب العالمين

[أمنيه]

حبيبتي تأكدتي من انابيبك ؟
سويتي اشعة الصبغه او منظار
لان انا نفسك كنت مع المنشطات تبويضي ممتاز وكل هرموناتي ممتازه والدوره منتظمه وزوجي سلبم
بس سويت اشعة الصبغه طلع عندي إلتصاق بالأنابيب ولحميه
وهالشغلات مابينو معاي بالسونار الداخلي العادي

[يآ أرحم الرآحمين]

الله يرزقك حبيبتي
حماتك الله يهديها و تخليك بحالك قوليلها هذا رزق من عند الله متى ما آذن له ربي بيجي لحالوو

[يآ أرحم الرآحمين]

بس سؤال هل استعملتي الكلوميد و هل هو السبب المشاكل اللي عندك؟