بنات المغرب عندي لك سؤال بخصوص دكاترة طب النساء الله يرحم بها الوالدين

[marocchina 1988]

سلام عليكم بنات بلادي الغاليات لباس عليكم نتمنى تكونو بكل صحة وعافية يارب حبيت أضع تساؤلي هذا لعلي أجد شي وحدة منكم تجاوبني خصوصا إلي كانت متأخرة وما عندها مشاكل هي ولا زوجها وبعدين حملت الحمد لله بعد متابعتها مع شي دكتور أو دكتورة
سؤالي بخصوص دكاترة طب النساء والتوليد بمدينة مراكش أو الدار البيضاء أنا دارنا كاينة بمراكش وأريد في شهر يناير الذهاب للمغرب فقلت أسئلكم عن أحسن دكتورة ممتازة لتأخر الحمل سواء بمراكش أو الدار البيضاء لأني غانزور أختي بالدار البيضاء فياليت لي عندها شي تجربة أو سمعات شي وحدة من قريباتها تبعات مع شي دكتور(ة) وجاب الله التيسير وربي هو الميسر ولكن للأسف أغلبهم ماديين والمشكل ماغانكلسش في البلاد كثر من شهر
شكون عارفة شي دكتور(ة) تعطيني الإسم وأنا أبحث عن العنوان عن طريق النت وجزاكم الله خير
أسمع وحدة كاينة بمدينة مراكش بالمحاميد فلقواس ولكن الإسم ماعرفتوش كايقولو عليها غزالة وواحد البنت من العايلة ماكانش عندها مشاكل وكانت جلسات من بعد إجهاضها سنة ولما تبعات معاها ماشاء الله من التدويزة لولا عطاتها شي حاجة ودابا ماشاء الله راها وليداتها 3 توام hwaml12 كايجريو تبارك الله الإنسان يدير غير السبب والكمال على الله والدكتورة كايقولو عليها معقولة ماشي كاتلعب بالمريضة كاتقوليها من لول أشنو كاين
سمحو لي طولت عارفاكم ماغاتردونيش

[يآ أرحم الرآحمين]

شوفي ماروكينا كنعرف واحد البنت حتى هي عانات من إجهاضات متكررة و مشات عند طبيبة فكازا و جاب الله التيسير على يديها و دابا راها حملات وولدات في شهر 8 كان سبب إجهاضها الدم ما كيوصلش للمشيمة و عطاتها يمكن اسبيجيك باش يجري ليها الدم و لكن ماعمرني سولتها شكون هاد الطبيبة


انا كنعرف طبيب ممتاز في سطات سميتو مجاهد محمد و مراكش قريبة لسطات
سولي عليه

[chamcham]

وعليكم السلام انا كنعرف واحد طبيب سميتو بنفضيل غير هو عندو زحاااااااااام كاين فكازا فالمدينة واحدة من العائلة عشرين عام و مشات لعندو و جاب الله تيسير كان عندها هرمون لحليب طالع و عطاها دوا و سبحان الله فنفس شهر حملات غير سبب و صافي و حتى انا تبعتو عندو و ماجابش الله، انا نصحك تشوفي هاديك للي فمراكش كتبان ليا حسن ليك و قريبة و تبقاي تمشي ترجعي و نتي ديري للي يناسبك
والى بغيتي لادريس ديالو نعطيه ليك

[marocchina 1988]

مشكورات حبيباتي سلطانة ومشيميشة
سلطانة حبيبتي مشكورة ياريت لو أقدر بما إنك قلتي ممتاز بس بالسطات رح تجيني صعبة شوي أنا قلت مراكش أو الدار البيضاء لأن ضروري رح يقول لي إرجعي هون تبقى المشكل
مشيميشة شكرا حبيبتي أوكي قولي لي عنوانه يمكن يكون إلي قالت لي أختي عنه مبارح لما سألتها قالت لي أروح أتابع مع شي دكتور بالدار البيضاء الكل يمدحه وقالت لي نفس كلامك في ناس كان لهم عشرين سنة وآخرون إثنا عشر سنة وربي جاب التيسير عيد هالدكتور وصراحة حمستني قلت خلاص إذا رحت رح أجلس معها وأتابع معه
ويارب أحمل وأبطل الذهاب حتى أروح وإبني بين حضني يارب
والله يرزقكم يارب وكل منتظرة

[يارب أرزقني طفلااا]

الله يوفقك يا قلبي

[marocchina 1988]

الله يوفقك يا قلبي

تسلمي حبيبتي مشكورة عالدعوة وإلك بالمثل hwaml13