رايكم عزيزاتي بإسم المياسه [الأرشيف] - منتديات حوامل النسائية

المساعد الشخصي الرقمي

مشاهدة النسخة كاملة : رايكم عزيزاتي بإسم المياسه

ليلى الحلوه

11-14-2013, 08:01 PM

السلام عليكم...
بغيت رايكم بإسم المياسه يعني بالجواز يكون المياسه وبعدها عادي نزقرها مياسه عطوني آراكم...

دلـــوعــه عـــــبوديـ

11-14-2013, 08:53 PM

احسه صعب وثقيل ع بنوته صغيره
فكري وشوفي اسماء حلوه ناعمه

الأمورة سوس

11-14-2013, 11:44 PM

حلووو الاسم
بس اتمنى يكون معناه حلو لان لو معناه مو حلو بيخرب

!اميرة الورد!

11-15-2013, 12:02 AM

حلوة مره اعجبني

ليلى الحلوه

11-15-2013, 11:08 AM

مشكورات عالردود وبعد بغيت أنبه للي يقولون ثقيل ع النونو ترى والله الطفل يكبر ما يظل طفل والاسم خفيف مب ثقيل وايد حتى دلعها خفيف نقدر نزقرها ميوسه
وبعدي أتريا ردود رايكم يهمني...

بسمة أمل 111

11-15-2013, 07:08 PM

انتي حابة انقول رأينا بصراحة
والله انا ما حبيتو سميها ميس احلى وأنعم ودارج كتير هالايام
والله اسماء البنات دايما بتغلبنا انا كمان حامل في بنوتة ومحتارة شو اسميها

ليلى الحلوه

11-15-2013, 11:53 PM

مشكوره عالرد واسم ميس حلو بس انا طبيعتي أميل للاسماء الخليجيه أكثر والفخمه...

dr.loly

11-18-2013, 01:12 PM

بصراحه الاسم جميل وله رونق وعبق عربي اصيل
عجبني جدآ ...

ليلى الحلوه

11-18-2013, 11:34 PM

بصراحه الاسم جميل وله رونق وعبق عربي اصيل
عجبني جدآ ...
يااااااي فرحتيني كلج ذوق بس بعدي متردده بالاسم...

البارقة

11-22-2013, 01:31 AM

ليلى الحلوه

11-22-2013, 10:34 AM

هههههههههههههههههههه مت ضحك ياصاحبة الموضوع
انتي طالبه الصراحه
وبعدها جيتي تهزأين كل اللي قالولك رايهم
ههههههههههههههه
اذا كنتي طالبه راينا ويهمك تحملي بعد مابيكون كله مدح
النااااااااااس أذوااااااق
وعن نفسي مياسه قديم بس لي صديقه اعرفها ولها معزه عندي
بهالاسم يمكن عشان اسم صديقتي اشوفه حلو
بس مو لدرجة اسمي فيه خخخخ تقبلي رأيي بروح رياضيه
وبالتوفيق

ما هزأت بأحد والله بس في كلمه دومه اسمعها وهي اسم ثقيل على نونو هاي الكلمه احس تتكرر بكل المواضيع لانه بالنهايه الطفل بيكبر وبعد مافي شي اسمه اسم قديم وإسم جديد لانه كل الاسماء قديمه بس في دول تستخدمها ودول لا مثال وايد يكتبون اسم رؤى من الاسماء الجديده بس هالاسم كان موجود بالعصر الجاهلي يعني جديد قديم ها ماله دخل بالاراء والذوق واسم المياسه مووول ما سمعت حد مسمينه في المكان الي اعيش فيه ولا حتى صادفني بالدوله كلها يعني بالنسبه لي جديد حتى لو كان من مليون سنه ها بس للتوضيح وشكرا على مرورج....

ضي الحروف

11-25-2013, 04:51 PM

اسم قوي لوجود ال في بدايه الاسم

ليلى الحلوه

11-25-2013, 05:54 PM

اسم قوي لوجود ال في بدايه الاسم

شكرا على المرور والرد الطيب...

سيدة العمر

12-06-2013, 07:00 PM

حلو بس شو معناه؟؟

ليلى الحلوه

12-09-2013, 04:52 PM

حلو بس شو معناه؟؟

معناه المتبختره والمتمايله في مشيتها...
أنا الحمدالله ربيت بالخميس وسميتها المياسه...