حوامل الشهر السادس بليز تعالو

[تمأإرآا]

الله يبارك فيكن بنات
انا البارح بسهره والبنات يتكلمو عن حركة الجنين وسألوني
قلت اول كانت قويه والحين لها تقريبا اسبوع جدا جدا خفيفه
وشهقو قالو انتي بالسادس اكيد فيه شي المفروض يتحرك
الله يهديهم وسوسو فيني بعد ماراح الوسواس عني من زمان
قلت عادي ومن الكلام

الا يصرن علي اشوفه يقولو يمكن صاير فيه شي

وانا ما ابي اروح ع المستشفى لاني سويت 3 مرات سونار وانا مابي ازيد عليهم

ومن البارح واليوم وانا متضايقه حدي ولا اعرف شنو اسوي
مع اني احس الحركه عادي تخف وتقوى
لان دايم انا كذا وقت تخف واحيانا تسير قويه

ودايم امر بالشي هذا

بس البنات الله يهديهم ضيقو خلقي حيل

سؤالي هل فعلا عادي اللي يحصل معي ولا زي مايقولو البنات انو لازم اروح المستشفى ??


وكيف تكون حركة الجنين بالسادسس بليز جاوبوني
جعل اللي ترد تسجد لربها باكيه من فرحه
ويرزقها الفردوس الاعلى

[حياتي توأمي]

حبيبتي

لاتخافي ولاتوسوسي ولاتسمعي كلام حد هذا اللي يزيد الخوف والتوتر الله يهديهم

شيء طبيعي تخف وتقوى احياناً
الخوف اذا انعدمت الحركه لاسمح الله

فلاااتخافي ابداً
انا تخف بعد لكن وقت مانسدح وق النوووم ترفس البنوووته هههههههههههه الله يهديها

ويارب يتمملي ويتمملك ويتمم على جميع الحوامل بخير يارب

[عاشقة السفر]

الجنين يمكن مغير وضعيته حبيبتي يمكن معطيكي ضهره لهذا السبب ما تحسي بيه لا تشغلي بالك حبيبتي انتي احسبي عدد الحركات لازم يكون عشرة حركات باليوم اذا اقل روحي للمستشفى

[تمأإرآا]

حياتي
عاشقه

لبى قلوبگم والله
انا يتحرك اصلا واحس بشقلباته بس خافه مو مثل اول وانا الشي هذا متعوده عليه واشوفه عادي
بس البنات الله يهديهم خوفوني حيييل

[sukar]

لا تخافي تمارا
هم البنات يهولون الشي .. كذا عوايدهم

ويمكن يتحرك وانتي نايمه او مغير وضعيته ماتحسي بالرفس
واغلب وقت الجنين نايم

لاتروحي تكشفي ولا حاجة .. وكلي امرك لله واستودعيه جنينك

[شذى العنبر]

عادي حبيبتي لاتخافين الا اذا لاسمح الله ماتحسين نهاىي بالحركه اكيد لازم تروحين المستشفى
بالنسبه لي اذا كان شي قريب من بطني شنطه واحيانا يدي او اللاب توب يرفس بقوة
واحيانا مااحس بحركه الا عند النوم
الله يقومك بالسلامه وترفسينه انتي لين تشبعينhwaml23

[نبضة أملـ]

مثل ماحكت لك اختي عاشقة
يمكن غير وضعه واهم شي عدد الحركات لما تحسبيهم
بتكون عشره وطالع
والله يتمم لنا ع خير

[يارب والباقي وحدك تعلمه]

لا ياحبيبتي لاتقلقين
اهم شئ انه يتحرك
يعني انه بخير بإذن الله
والله لو بنستسلم للوسواس بنتعب
لكن اشوف الحمدلله مافي داعي توسوسي
لان الحركة نسبية
اوقات بتكون قوية واوقات خفيفة يادوب تحسيها
وهذا الطبيعي
الخوف لا انعدمت الحركة نهائي غير كذا تطمني ياقلبي
الله يتمم لكل حامل على خير يارب

[حلى البحرين]

ياربي ليش البنات جذي انا معاج تقربيا الفرق بسيط ومافي الا العافية علي وضع الجنين ساعات حركة حيل قوية وساعات يادوب احس وثاتيا قربنا على االسابع الجنين يكبر والمساحة تقل ولا عليج منهن اهم شي تحسي بالحركة والله يسهل علبنا كلتا

[روح الماآماآ]

لا عادي جدا
انا كنت زيك ولما سالت الدكتورة قالتلي طبيعي
لان الجنين يمر بفترات خمول تقل فيها حركته
وقالتلي في اختبار للجنين سويه اللي هو اضغطي على بطنك
اذا استجاب وركل مكان ما ضغطي معناها هو سليم بس خامل حاليا
وفعلا لما ما احس بالحركة اضغط على بطني والاقي استجابة الحمدلله واطمن

[ام مريم ورحمة]

لاتوسوسي ان شاء الله خير انتي كل يوم احسبي للبيبي عشر حركات ولا تقلقي يمكن انتي اكلك قليل والبيبي خامل جربي كلي شيء حلو ينشط البيبي

[لمياء ماهر]

انا صار لي اسبوع فقدت الحركه تماما ماصرت احس بس بعد هالاسبوع اللي مريت فيه صااار يتحررررك احيان كثير واحيان خفيف

الله يثبت حملنا ويطمن قلوبناااا ويرزقنا ذرية صالحه

[ام عيون]

عاااادي حبيبتي اهم شي يتحررًك لاتخوفين نفسج ولا شي

وترى طبيعي يخف او يقوى تطمني ربي يسهل علييج ياررب