افضل مستشفي لعمل اطفال الانابيب في الرياض

[متفألة]

السلام عليكم
ابغي استفيد من تجأربكم ايش احسن مستشفي والدكتور لاطفال الأنابيب في الرياض اأ

[أم أموول]

بالنسبة إلي جربت مركز بنون وجداً رائع المعاملة الطيبة والاخلاق العالية والدكتور عبد العزيز شاطر ماشالله وقمة بالرقي والانسانية

[حنان معوض]

iهلا اختى
والله انا اعلم ان افضل مركز هو مركز سمير عباس يقولون مرة متميز
وانا تجربتى فى مركز ذريه والصراحه ممتاز ورعايته مرة حلوة وتابعت فيه عند دكتورة ناريمان الطرير وهى متميزه ومريحه وتتحدث معك وتجاوب على كل اسالتك
ولكن عيبه الوحيد انه لا يجمد اجنه اقل من 6 اجنه ما اعرف بس سياسه احس انها ظالمه لان الحرمه مرة تتعب فى التنشيط وممكن ما تتوفق الا ب3 اجنه او خمس وما يتبقى لها الا 3 او 2 للتجميد ويرموهم طبعا حرام الصراحه
وفى كمان مستشفى التخصصى بوسط الرياض والله متميزه فى كل شئ ودكتور سليمان النجاشى هو رئيس وحدة الحقن المجهرى دكتور الصراحه مريح ومتميز
موفقه عزيزتى

[يارب أرزقني طفلااا]

الله يسر أموركم ويرزقكم بحق لا اله الا الله

[رقي]

ذرية وبنون متخصصين في هذا المجال
الله يرزقكم ياااارب من حيث لاتدري ولاتحتسبي

[Ray00m]

ويقولون بعد دكتوره زينب ابوطالب كويسه
بمستشفى سليمان الحبيب

بس انا ما اعرف ولا جربت

انا بس جربت التلقيح الصناعي بمركز بنون عند الدكتور عبدالعزيز

[ام نصاار]

بنات ابغى اسأل منطقة القصيم فيها مستشفيات تسوي اطفال انابيب او حقن مجهري تكفون ردو ضروري

[حكايتي]

دايم اقراعن الدكتور بندر العبدالكريم ماشاءالله جدا ممتاز وعنده حساب في تويترو يشتغل بمركز سليمان الحبيب عندكم برياض وانا مره كان نفسي اروح له لاكن ربي ماكتب الحمدالله على كل حال...

الله يرزقنا بذريه الصالحه يارب عاجلآ غيرآجل

[الأمورة سوس]

زينب ابو طالب
في مستشفى سلمان الحبيب

الصراحة حليوه و فاهمه شغلها معنها قليلة الكلام لكن مريحه
و كل شي توافيق من رب العالمين نجاح او فشل العملية لان هذا شي بإرادة رب العالمين خذيها قاعده
حتى لو فشلة المحاوله و يارب ما تذوق الامر

[أحلـآآآم]

مركز ذريه فيه حمد الصفيان ووليد الشرطان وعبدالعزيز الشهراني هالثلاثه كثيير ناس يمدحونهم
الله يرزقك

[ام ابراهيمم]

الله يوفقك ويعطيكى
انا من فلسطين ما بعرف