أبي أنحف قبل الشهر الخامس

[Graam]

مرحباً بنات أبي أنحف في الثالثه الشهور الأولى وزني زايد شوياقدر أولاأولا

[miss punk]

انتي لاتكتري دهون وخلي وجباتك كثيره بس الكميات قليله المشكله جسمك محتاج غذاء دحين كويس بس اهم شي تعرفي ايش تاكلي مثلا لو جعتي عندك كورن فلكس حق الرجيم مع حليب قليل الدسم عندك شابورة الرشاقه مع حليب قليل الدسم عندك سلطة فواكه سلطة خضار تفاحه بطاطس مسلوقه بياض البيض عصيرات سيزر و الربيع بسكويت دايحستف انا فطوري كلو زي كده والعشا كمان وبين الوجبات أما الغدا اتغدا عادي بس برضو كميات قليله سلطه و نص زبدية شوربه و ربع رغيف خبز اسمر مع اي نوع من الغدا او 5 ملاعق رز بسسس طبعا وزني مازاد ابدا بس عشان انا من اول محافظه لو انتظمتي على كده وزنك ماراح يزيد ولو ما اكلتي زياده وأكل دسم وشبسات وحلويات راح تنحفي لو تركتيها وحلولي تتمشي مو تمشي ورياضه لا لسه بس حركي جسمك شويه

[بحر النهى]

انا كمان ابغى احافظ على وزني
كنت من الرشيقات واﻵن اصبحت من البدينات
و خايفة ما يرجع و زني بعد الوﻻدة
ربي يسهل اﻷمور

[miss punk]

أنتو احسن شي نزلو الجدول حق المعدل الطبيعي لزيادة وزن الحامل يعني لاتنسو مع تقدم الحمل لو وزنتي حيكون في وزن موية الرحم وكيس الجنين و الجنين و الدم الي في الجسم يزيد دي كلها زيادات طبيعيه و بمعدل محدد اهم شي ماتتراكم الدهون و برضو مو معناته تحرمي نفسك منها نهائي عشان جسمك والحمل يحتاج دهون ونشويات وكترتها تمتنك كلي بالحد المعقول يعني او زدتي مع الحمل حيزيد حجم البطن و الورك والأرداف محل عظمة الحوض دا كلام الاخصائيه حقتي حقت التغذيه انا من زمان ارحلها