منو جتها تقلصات فالشهور الاولى

[فوشيآ]

مسا الخير


تكفون بنات جاوبوني


انا بكمل ال3 شهور بعد كم يوم

ماكان تجيني الالام

المهم من 3 ايام جتني الام فبطني شد مو طبيعي على مغص

بس مستمر حتى نوم ما انام

مافي نزيف ولا شي

بس مرات ما اقدر امشي احس بعوار من تحت





رحت الدكتور قال بالسونار كل شي تمام المشيمه والرحم والبيبي


سويت تحاليل بول مافي التهاب الحمدلله




عاد قال فيك تقلصات ونصيحه تاخذين ابره مثبت عشان مايزيد العوار ويفتح العنق




عاد اخذت ابره مثبت

عاد طول حملي كل شي تمام

الحمدلله عالعافيه




بنات ابي مشورتكم

وحده جتها تقلصات فالشهور الاولى بدون سبب ??

[فوشيآ]

وينكم يا بنات

[حياتي توأمي]

طيب حبيبتي التقلصات ماخفت بعد ابره التثبيت ؟
وبما ان البيبي بخير لاتخافي اهم شيء تطمنتي على اوضاعه في السونار
اتوقع توسع الرحم خصوصاً إذا كان اول حمل لك
انتي ريحي نفسك وان شاء الله ربي يسهل أمورك ويثبت حملك

[سحابة الماضي]

هاد سببه توسعات بالرحم
بتصير معي كتييييررررر بس ما بضل مستمرة

الله يتمم حملك بالسلامة

[فوشيآ]

الدكتور قال اذا مو مستمره طبيعي

واذا مستمره مو زينه

وانا معاي ع طول ياربي لك الحمد


وبخصوص الالام اليوم اخذت الابره وماخفت الالام بنطر لي بكره

[ahlam-f]

حبيبتي تطمني داام ماافيه دم او شي فالحمدلله اموورك تماام اناا كاانت تجيني بحملي الساابق وكانت الدكتوره التقلصات طبيعي تصيب بعض السيدات بس الاهم ماايكون مصااحبه بدم ..

[ام حمادي]

لا تخافي
وان شاء الله خير
اعرف وحده من حملت لحد الحين توجيها انقباضات بالرحم
والحين هيه فالثامن وكل شي زين
انتي ارتاحي ولا توسوسي
والله يتمم علينا وعليك الحمل يااااارب ويسهل علينا

[Orchid109]

أختي وشهي التقلصات هل هي الآلام زي الأم الدورة ؟

[موتي قهر]

انا كل حملي عالمثبتات ودحين لاول مره تجيني بدري واعطتني تحاميل مثبته واتوقع سببها ماترتاحي وكثرة الحركه

[دمـوع]

كيف الدكتورة تقول لك المشيمة وضعها تمام والمشيمة ماتطلع الحين ماتطلع الا بالاسبوع 14؟؟؟ وانتي للحين مادخلتي الثالث

غيري دكتورتك احسن

[عبير اسماعيل]

عادي بسبب تمدد الرحم
بس ديري بالك عحالك لا تتحركي كتير