اروح للطوارئ ولا اصبر كمان ... مشورتكم ياغاليات

[عيون امها]

كيفكم ياعسولات
ومبروك عليكم عشر ذي الحجه
الله يكتب لنا ولكم الاجر يارب
موضوعي باختصارهوه انو انا ولادتي الاولى كانت قيصري
بسبب انه كان مقعدي .. عرفت انو عندي ولاده بسبب نزول السداده والم مثل الدوره كان خفيف جدا


انا مررررررررررره محتاره اصبر والا اروح لطوارئ اكشف
لان حملي هذا الحمد لله بنتي راسها تحت ونازل شوي .. يارب لك الحمد
من امس والتحجر مستمر مره كل ساعه
مو عارفه والله
تحجر واحيانا معه احسها تدف نفسها لاسفل ولما امشي احس بنغزات بالمهبل وثقل ع المنطقة الحساسه
بس مافي الم في اسفل البطن والظهر مختفي ويجي نادرا ع خفيف ..
هل التحجر يعتبر طلق .. او هذي مجرد بوادر ولاده ومقدمات لها ...؟


جزاكم الله كل خير

[اخت عبدالرحمن]

تقووووومين بالسلامه ي قلبي

روووحي تطمني وشوفي وش يقولون لك اللي اعرفه ان السداده اذا نزلت معناته الولاده قريبه

ربي يسهل لك ان شاء الله طمنينا عنك

[غيمة ومطر]

اختي
التحجر معناته انقباضات بالرحم
واذا هي منتظمة فهي ولادة
روحي للمستشفي الله يسهل امرك وتولدي بالسلامة ياااارب

[عيون امها]

اخت عبد الرحمن
السداده نزلت بحملي الاول ... اما هذا الحمل بس تحجر بانتظام مره كل ساعه
خايفه اروح واتحطم

غيمه ومطر
الله يسمع منك وتكون ولاده يارب

["ام تولين"]

انا أشوف تصبرين عشان ما يلعبون فيك وتكرهين الساعة اللي رحتي فيها...



الله يسهل علينا ما تبقى

[اخت عبدالرحمن]

اهاااا انا فكرت نزلت معك السداده

دام السالفه احجر انتظري لل ترووووحين يقعدون يلعبون فيك

والتحجر قرمي تروشي بماي دافي ويخف وحاولي تتحركين

المستشفى لا تروحين الا اذا صار الالم م يتحمل او نزل عليك شي

[farfocha]

الله ييسر امورك

[عيون امها]

امين يارب
الله يصبرنا ويكتب لنا الاجر

[نقطة ضعفي آنت]

انا نفسك بالظبط بنتي الأولى قيصري ونزلت على موية الراس ومافي كلام قيصري


الحين بنص التاسع وراسها تحت واحس بالتحجر كثيييير بس ماتوقع انو طلق الطلق معروف انو الم مايحتمل او خفيف التحجر ماله دخل بالطلق

استنى لين يجيك طلق متباعد او متواصل حزتها روحي وانا بسوى كذا فاضيه اطق مشوار ويبهذلوني ويلعبون فيني ابد متى ماجا وقته بيطلع

[لمياء ماهر]

الله يسهل ولادتكك ويسر لك ويقر عينك

[طيبتي غلطتي]

لله يسهل عليك

[أم تااالين]

حبيبتي التحجر من علامات قرب الولاده
والطلق معروف المه
امشي واجلسي حلسة القرفصاء
تروشي بموية دافيه مايله للحراره
كلي تمر وحليب مع عسل
استغفري كثيييييير

وربي يقومك بالسلامه

[تناآآهيد العتب]

لا هذا موطلق طبيعي يحصل من ااشهر الثامن والتاسع

[قسطنطينية]

الله يساعدك و ييسر امرك

[نقطة ضعفي آنت]

ربي يسهل لك

[rjawe]

لاتروحين التحجر هذا صار معاي بوادر ولاده مو طلق
الله يسهلك يارب

[أم ح ــنونـہ]

حبيبتي االتحجر علامة لقرب الولاده
انا لما كنت حامل كان يجيني التحجر كل شوي بس مارحت للمستشفى
لان ما كان فيني اي الم
بس بعد اسبوع ولدت بنتي :)
انتي روحي المستشفى لو جاكي الم قوي في ظهرك او نزل عليك دم
وربي يسهل عليك وتقومي بالسلامة

[جنون بيبي]

انتظري لين يجيك الم مستمر
او تنزل عليك مويا ..

الله يسهل عليك وعلي وع كل حامل

[الثغرالباسم]

الله يسهل لك ويقر عينك بشوفته

[ام ميمو وسوسو]

اختي التحجر شي عادي انا من الثامن بيكون معي اذا حسيتي بالالام ونزول موية انتظري لليوم المحدد للولاده وان شاء الله تولدي وتقومي بالسلامه اله يسهلها عليكي