ضايق صدري من سرة بنتي ؟!!

[gazell]

السلام عليكم
حبيت أقولكم اني ولدت ولله الحمد ولي 13يووم
بس بنتي شايله همها حيل
سرها ماطاح


هذه اول بنت وأول مره انفس بروحي ولاحولي احد
ولاعرفت اتصرفت
عيالي الوالده اهتمت فيهم وماشفت مشاكل بالسره


سرة بنتي ناقزه برا
مع اني امسح لها بالمسح الطبي بس مايطلع الماي حق المسحه وكنت احط بودره بس
ولاحظت حاجه صفرا ولينه من ثلاث ايام وامس دم خفيف والباقي يابس واسود مع المشبك حقها
وديتها الطبيب اليوم وقالت الدكتوره اتركي البودره
واعصرت المسحه عليها ويطلع منه ماي معقم ونظفته عدل
مسحتها الطبيه مونفس حقتي ناشفه
وقالت ثلاث مرات المسحه واعطتني مرهم وقالت خليه يتهواا




انا خايفه عليها حيييل
يأثر عليها بالمستقبل هالبروز ولا لا؟
هل ممكن يرجع البروز خلال هالايام؟!!!من فيكم صار لها كذا؟!!

[gazell]

طمنوني يااخواتي والله اني أطالع فيها احسها تكسر خاطري
وزوجي يردد السؤال يسوي لها مشاكل بالمستقبل ولا لا؟
قلت الله اعلم بس
ماتكلمت باي أمر علشان مايلومني

[هدية الخالق]

حبيبتي ماتخافين عادي تصير يمكن انك ماترضعينها طبيعي او ترضعي قليل يقولون الطفل اللي مايرضع او رضاعته قليلة تتأخر السرة ماتطيح أو يمكن بللتيها بماي أثناء الاستحمام
عموما اطمني ان شاء الله مايصير لها مضاعفات ولا شي انتم اخدوها عند طبيب ثاني خل يشوفها يمكن يقصها بالكي البارد
اني بنتي كدا طاحت كل سرتها بس قعدت قطعة صغيرة بارزة لبرا ولما رحنا للطبيب شالها بالكي البارد موصعب وماتآخد دقايق
ماعليها شر ان شاء الله

[gazell]

هدية الخالق يعطيك العافيه

انا ولا مره سبحتها بس مره وحده مسحتها بفوطتين مبلله بشوية ماي وصابون
وماقربت صوب السره نهائيا
والرضاعه أعطيها صدري واحيانا صناعي ومرات أشربها ماء ونومها كثييير والرضاعه قليله
غلطتي اني ماخليها تتهوى السره!!!!!!!
ماحدا نبهني عليها اول مره اعتمد على نفسي ونفسيتي تعبانه حيل منها ومن نفسي غيررمسؤليات البيت
طبعا قلت لا بوها أبي اوديها علشان يسووو كي بارد
قال انتظري أربعة أيام
هدية الخالق كيف قطعه صغيره بارزه وبعدها رجعت يعني دخلت داخل
طمنيني الله يطمن بالك ولاتشوفين مكرررروه

[shosho-]

حبيبتي هذا شي طبيعي بترجع شوي شوي بتصير طبيعيه
صح لي الحين ماعندي بيبي بس شفت كثير في العايلة وانا اشرفت عليهم خخخخخ
هذا شي طبيعي

[gazell]

شوشوالله يجزاك خير
كم يبي لها السره ترجع
وهل فيه بروز بسيط وبروز قوي


انا بنتي الله يشفيها لو يطيح المشبك بيظل سرها
مفتوح واللي داخله لحم اصفر ولين راح تكون عرضه للبكتريا
الله يستر عليها


تهقون تنفع لصقات البلا ستر او الحزام ؟!!!

[سوزان الرياض]

اختي تحصلي عند الصيدليه بودره
اسمها بودره الجروح ب ٦ ريال
كل شوي كبي علي سرتها لما تيبس وتطيح من نفسها

[gazell]

سوزان مادمر سر بنتي إلا البودره

امسح مسحً واحط بودره


خلى السره يابسه من برا حيل ومن داخل لين


واللحم طري جاي على اصفر لحد ماطلع منه دم خفيف

وخفت عليها


البودره اتوقع تناسب اللي سرتهم طاحت


يصير داخل وزين وما تكثر البودره


ومشكوره اختي على المداخله وماقصرتي

[gazell]

بنات راح أجرب موية المره

لان اذكر الوالده اللي يحفظها كانت تعقم سرة عيالي بالمسحه الطبيه


وتجيب قطنه وتغمسها بالمره وتعصره عليها وتخليه يتهوااا وثم ينشف لحاله


وتلبسه البامبرز


انا كنت عند الوالده مدلعه ومانتبه لهالامور
بس هالمررره بروحي وحيل توهقت


والله يعين

[هدية الخالق]

هدية الخالق يعطيك العافيه

انا ولا مره سبحتها بس مره وحده مسحتها بفوطتين مبلله بشوية ماي وصابون
وماقربت صوب السره نهائيا
والرضاعه أعطيها صدري واحيانا صناعي ومرات أشربها ماء ونومها كثييير والرضاعه قليله
غلطتي اني ماخليها تتهوى السره!!!!!!!
ماحدا نبهني عليها اول مره اعتمد على نفسي ونفسيتي تعبانه حيل منها ومن نفسي غيررمسؤليات البيت
طبعا قلت لا بوها أبي اوديها علشان يسووو كي بارد
قال انتظري أربعة أيام
هدية الخالق كيف قطعه صغيره بارزه وبعدها رجعت يعني دخلت داخل
طمنيني الله يطمن بالك ولاتشوفين مكرررروه

تسلمي عالدعوة الحلوة ولك مثلها ان شاء الله
حبيبتي بالنسبة للقطعة الصغيرة البارزة مادخلت جوا لا أقصد هي اللي شالوها بالكي يعني باقي السرة وقعت لحالها وبقت بس هالقطعة الصغيرة وبعدين شالها الطبيب بالكي
وجربي البودرة اللي نصحول فيها االبنات ممكن تجففها
واحذري من اللصقة لا تستعملينها لانها تحلس الهواء وتسبب رطوبة وتعفن للسرة لانه مايوصلها هواء
طمنينا شو يصير معها

[عيش الحياة]

اختي عادي ترى لا تخافي ولا تشيلي هم

انتي قطري عليها المسحة وامسحي بعدين وخلاص صكري الحفاظ ومع الايام بيروح الصفار ومو شرط التهويه واتأكدي من المسحة حقك احتمال يكون تاريخها منتهي او قديمة

وبالنسبة للصرة انا اقولك تختلف من طفل لاخر في اطفال تخرج من اسبوع وبعضهم ثلاثة ايام وبعضهم تجلس شهر لاتخافي ولا شهي انا ولدي جلست قريب الشهر وكنت مستمره على المسحة وكنت اروشو عادي وبعدين نزلت من وحدها لقيتها بالحفاظة

[دزرت روز]

هلا عزيزتي
انا صارلي شهر من ولدت
والحمدلله عندنا ف عمان نحط زيت زيتون شوي دافي مع ملح ع السره
كذا بيبس ويتعقم الجرح وبعد اسبوع اطيح السره بروحها
حتى ف العيادات والمستشفيات ينصحونا بزيت الزيتون والملح الدافي

[shosho-]

حبيبتي المرة زينة بس انا كنت اسمع انها تنشف الجرح من برا ومايبرا من داخل تاكدي قبل لاتحطينها

[عاشقة السفر]

حبيبتي عادي لا تستخدمي بودرة ، شوفي اذا السرة بيه ريحة فاكيد ملتهبة المنطقة حاولي تعرضي السرة بره وانشالله راح يرجع مكانها انا نفس الشي صار لابني وأخذ تقريبا ثلاث اسابيع واتحسن ومبروك حبيبتي .

[gazell]

شكرا لكل من رد على موضوعي أو دعا لي بظهر الغيب
يارب أجزي خواتي كل خير ولاتريهن اي مكروووه أو هم أو غم
hwaml7
وأبشركم طاحت السره اللي هو الحبل السري
بس باقي سرتها مفتوحه


أنا أعصر عليها مسحتين طبيه ولمن تجف أعصر عليها بقطنة مبلله من موية المره وخليها تتهوى



بس سؤالي

السرة مفتوحه وطالع منها حاجه زي الدبوس يابسة من بقايا الحبل السري
كيف تروووح مابيها تدخل ببطنها ؟؟

[عيش الحياة]

حاولي تمسحيها بالمسحه زي كأنك تنظفي وكرري في اليوم ثلاث مرات وان شاء الله بتنزل

[gazell]

عيش الحياةالله كريم بس انا كل ماأمسح السره كلما لها تصغر الفتحه ويغمق لونها
من اخضر الى بني
والمتبقي من الحبل السري اليابس يدخل جوا
حاولت هي حاجة بسيطه


فماادري تضرها بالمستقبل اولا؟!

[gazell]

حبيت اقول لكم المتبقى من الحبل السري
أصبح لين جدا جدا من موية المره


وبدا يذوب كليا عقمته بالمسحه الطبيه بس شكله اندمج مع اللحمه اللي داخل السره
وكلما لها تصغر تدريجيا ولله الحمد بس يبي لها
وقت والتهويه لها دور كبير في إغلاق السره
والمسحه الطبيه تعمل أيضاً على جفاف السره ونظافتها

[عيش الحياة]

اختي الحمد لله والله يطمنك على بنتك

ترى الجزء المتبقي اللي ذكرتيه انا كنت الاحظو في اطفالي وبعدها يختفي لما تدخل الصرة ومافي أي ضرر ان شاء الله