جنس الجنين

[روح الماآماآ]

كيفكم يا حلوات

انا لما كنت بالرابع صورت سونار وقالتلي الدكتورة ولد
وكان فاتح رجوله وشفت شي زي نتوء بين رجوله قالتلي هذا يعني ولد

وقبل كم يوم لما جا وقت مراجعتي كانت الدكتورة اخدة اجازة فـ رحت عند دكتورة تانية اطمن عليه
وسالتها بالمرة هي ايش شايفة ولد وللا بنت
ولما شافت قالتلي بنت
أنا اتفاجأت وقلتلها انا معي ولد وشفته ولد، فرجعت تتأكد قالتلي لا بنت

واليوم رحت عند دكتورة تانية عشان اعرف ولما صورت كمان قالتلي بنت

الحين ايش اللي قاعد يصير ؟
وايش داك اللي شفته واللي على اساسه قالتلي الدكتورة ولد ؟
دكتورتي لسة باقيلها 3 اسابيع ترجع من اجازتها

ايش رأيكم انتو ؟؟

[ms dior]

غريبه !!!

مدام شفتي العضو مفروض ولد !

ماشفتي العضو في المرتين الي قالولج بنت ؟

[روح الماآماآ]

لا اختي ماشفته في المرتين
دكتورتي لما قالتلي ولد هي قالتلي شوفي هذا العضو
بس الدكتورتين هم من حالهم شافوا وقالولي بنت وما وروني شي

[همي رضى الرحمن]

ان شاء الله يفيدوك البنات
وان شاء الله تقومين بالسلامة وتشيلي ولدك بحظنك

[آم سآرونه]

انا صار معي مثلك مع بنتي قالت لي ولد ودكتورتين قالو بنت
والحمدلله جبت بنوته وعمرها سنه وسته شهور والحين حامل

[يارب والباقي وحدك تعلمه]

الرابع مو اكيد وتكون الاعضاء متشابهه
كل ماكبر وضع الجنس اكثر
وبما انهم شافوك الدكتورتين ف الخامس اتوقع هم الاصح
بالنسبة للوضوح وعمر البيبي
واهم شئ السلامة والخلقة التامة
الله يتمم لك


اكيد تكون

[روح الماآماآ]

مشكورات أخواتي ع الرد

[احسا11س العا11لم]

الله يرزقك اطفل السليم التعافي يارب وتقومين بالسلامه
وباذن الله الله يبشرك باللي تبيه ودامك شفتي العضو معناته ولد \ام الدكتورتين ماوروك شي باستثناء دكتورتك

دمتي بصحه

[حياتي توأمي]

كيفكم يا حلوات

انا لما كنت بالرابع صورت سونار وقالتلي الدكتورة ولد
وكان فاتح رجوله وشفت شي زي نتوء بين رجوله قالتلي هذا يعني ولد

وقبل كم يوم لما جا وقت مراجعتي كانت الدكتورة اخدة اجازة فـ رحت عند دكتورة تانية اطمن عليه
وسالتها بالمرة هي ايش شايفة ولد وللا بنت
ولما شافت قالتلي بنت
أنا اتفاجأت وقلتلها انا معي ولد وشفته ولد، فرجعت تتأكد قالتلي لا بنت

واليوم رحت عند دكتورة تانية عشان اعرف ولما صورت كمان قالتلي بنت

الحين ايش اللي قاعد يصير ؟
وايش داك اللي شفته واللي على اساسه قالتلي الدكتورة ولد ؟
دكتورتي لسة باقيلها 3 اسابيع ترجع من اجازتها

ايش رأيكم انتو ؟؟


تقريباً صارلي مثلك بالظبط
آخر الشهر الثالث يعني بدايه اول اسبوع من الرابع تقريبا
قالولي ولد وراوتني الدكتورة شيء بارز بين رجلين البيبي شفته بعيوني والله
وفي نهايه الرابع قالولي دكتورتين مختلفتين أنها بنوته وماشفت الاعضاء وغلطتي ماطلبت منهم اشوف اعضاءها
وكانوا يقولولي الدكتوتين الأخيريتين ان البيبي مسكر رجوله او الحبل السري بين رجوله
طيب كيف عرفوا انها بنوته .؟؟؟ شيء غريب
والحين انتظر ادخل الاسبوع 20 واعمل رباعي افضل عشان اتأكد ان شاء الله

[سوزان الرياض]

اختي بدايه ظهور الاعضاء التناسليه تكون متشابهه جدا
عادي يغلطو اصلا يبين دقيق ولد او بنت بعد الاسبوع ال٢٠
اما قبل كل العضوين فيهم بروز قوي
الله يرزقك اللي تمنيين

[وردة الاردنية]

اهم شئ السلامة والخلقة التامة
الله يتمم لك على خير

[روح الماآماآ]

تقريباً صارلي مثلك بالظبط
آخر الشهر الثالث يعني بدايه اول اسبوع من الرابع تقريبا
قالولي ولد وراوتني الدكتورة شيء بارز بين رجلين البيبي شفته بعيوني والله
وفي نهايه الرابع قالولي دكتورتين مختلفتين أنها بنوته وماشفت الاعضاء وغلطتي ماطلبت منهم اشوف اعضاءها
وكانوا يقولولي الدكتوتين الأخيريتين ان البيبي مسكر رجوله او الحبل السري بين رجوله
طيب كيف عرفوا انها بنوته .؟؟؟ شيء غريب
والحين انتظر ادخل الاسبوع 20 واعمل رباعي افضل عشان اتأكد ان شاء الله


مثلك انا الدكتورة الاولى اللي قالتلي بنت كان البيبي مسكر رجوله ما اعرف كيف قررت بنت
والدكتورة الثانية ما ورتني شي واصلا مافهمت ايش اللي كانت قاعدة تشوفه ع الشاشة ما كان واضح بس قاتلي بنت

على العموم رح استنى 3 اسابيع وارجع لدكتورتي واشوف ايش تقولي

[روح الماآماآ]

وشكرا للاخوات اللي ردوا :)

[أموره1234]

نفس الشي صار معي قالت لي ولد وهو قافل رجوله وشالت الصورة على طول
طيب انا ماشفت شي قالت لا واضح ولا راوتني ثاني

[shemooo]

حبيبتى فى الوقت المبكر مثل الرابع الاعضاء بتكون شبة بعض شوى ولاكن مع تقدم عمر البيبى بيبان اكتر .. ممكن تتوجهى لقسم الصور وتشوفى موضوع ازاى الدكاترة بيغلطو فى جس المولود الصور هاتوضحلك.

[البريد الملكي]

يارب تصير لي مثل اللي صار لك لساتني متأملة على بنوتة
شوفي حبيبتي انا سويت سونار الاسبوع ال 16 يعني منتصف الرابع وقالت لي ولد و شوفي اعضاءه ومش عارفة ايش
شوي تحطمت لان كان عندي احساس قوي ان بنت مع ان الولد يبين بسرعة اسرع من البنت
لكن يوم بحثت بالموضوع
طلع ان أكثر خطأ بتحديد الجنس يكون في هذي الفترة لان الأعضاء تكون متشابهة كثيييير وكثير ناس يقولون لهم ان الجنس ولد وتطلع بنت وان هذا النتوء اللي يفكرونه العضو التناسلي للذكر يكون هو البظر وهو جزء من الاعضاء التناسلية للأنثى يكون لسى بارز بس على نهاية الاسبوع السادس عشر تقريبا يصير يدخل لداخل
واذا كان الشي اللي شافته الدكتورة عبارة عن الخصيتين فأقولك مية بالمية غلطانة لأن الخصيتين ما ينزلون بالكيس الا بعد الاسبوع ال20وما فوق يعني اقل شي المفروض تكونين بالشهر الخامس عشان تشوف هذي الشغلة
في هذي الحالة افضل حل
بما انك بالشهر الخامس فما فوق اعملي تصوير ثلاثي او رباعي وهذا راح يكون دقيق وخل الدكتورة توريك شكل العضو عشان ترتاحين
او اعملي تحليل الكروموسومات وطبعا هذا دقيق جدا جدا وبصراحة انا عملت هذا التحليل وبنتظر النتيجة لاني ما احب اجلس عالتخمينات اللي ممكن تصيب وممكن تخيب
طبعا هذا التحليل بالأصل مو عشان تحديد الجنس هذا التحليل يعملونه عشان يشيكون على بعض الامراض الجينية اللي ممكن تحصل بسب خلل جيني مثل متلازمة داون ( الطفل المنغولي ) وووو وطبعا بما انهم راح يسون صورة للكروموسومات راح يبين اذا كرموسوم الجنس xy فهذا ولد واذا xx فهذا بنت
و ربي يكتب اللي فيه الخير و يرزقك باللي تحبين
اعتذر عالاطالة
تحياتي لك

[sukar]

ممكن البروز اللي شافته كان الحبل السري
وفي الشهر الرابع الأعضاء متشابهه

ممكن لو شفتي الخصية هذا اكيد ولد
لكن شي طويل ممكن الحبل السري بين رجوله

كثير يغلطو من الحبل السري وربي يرزقك ماتتمني

[روح الماآماآ]

مشكورات على الرد اخواتي

اختي البريد الملكي انا اول مرة اسمع بهذا التحليل
متى ينعمل ؟ وانا اطلبه من الدكتورة وللا هي اللي تطلبه اذا لزم ؟
وكم يستغرق وقت ؟
اسفة اسئلتي كتيرة بس عجبتني فكرته وبفكر اسويه

[البريد الملكي]

مشكورات على الرد اخواتي

اختي البريد الملكي انا اول مرة اسمع بهذا التحليل
متى ينعمل ؟ وانا اطلبه من الدكتورة وللا هي اللي تطلبه اذا لزم ؟
وكم يستغرق وقت ؟
اسفة اسئلتي كتيرة بس عجبتني فكرته وبفكر اسويه
شوفي حبيبتي هذا الاختبار جديد فما اعرف اذا يسونه الدول العربية
او لا بس ممكن تلقينه بالمستشفيات الخاصة ممكن يعملونه ويرسلونه لامريكا وهناك يحللونه ويرسلون النتايج ثانية للمستشفى
اسم الاختبار او التحليل Harmony Test
طبعا مدري بالنسبة اذا انتي تطلبين او لا بس احنا عندنا القابلة او الدكتورة تقولج عنه وانتي براحتج اذا تبين تسوينه او لا
انتي اطلبيه اذا موجود عادي المفروض يسونه لج من باب الاطمئنان وبنفس الوقت يشوفون لج الجنس واتوقع حتى شركات التأمين تغطي هذا النوع من الاختبارات
اتمنى اكون افدتج وربي يسهل عليج حبيبتي
وهذا الاختبار ممكن ينعمل مبكر من الاسبوع العاشر تقريبا
و المدة اللي ياخذها حتى تطلع النتايج اسبوعين تقريبا او ممكن اقل شوي

[روح الماآماآ]

مشكورة عزيزتي على الرد
في زيارتي الجاي للدكتورة بسالها عنه ان شاء الله