سؤال مهم جداً

[طيبتي غلطتي]

السلام عليكم بنات أنا أخذت كلوميد هذا الشهر وبعد ماخلصتهم بيومين حصل جماع مرتين والآن أنا زعلانه مع زوجي ولاراح يصير جماع هل تتوقعون يحدث حمل لأني متضايقه منه علما بان مشاكلي كلها بسبب أهله حسبي الله ونعم الوكيل

[حياتي توأمي]

حبيبتي تفاءلي خير
الحيوانات المنويه بتظل عايشه بالرحم حتى إلى يومين
وان شاء الله تتلقح عندك البويضه
بس انتي هل راجعتي تبويضك بعد الكلوميد؟؟
وحاولي انك تلطفي الجو بينك وبين زوجك عشان باقي وقت عالتبويض ان شاء الله يعني وقت الاباضه بتكون عادة مابين الايام 12 ألى 16 يوم من الدورة يعني بين هالأيام كلها بيكون ان شاء الله فيه خصوبه
وبالنسبه للمشاكل ياقلبي اصبري
والله مافي حد فينا خالي منها الحمد لله على كل حال

[طيبتي غلطتي]

تسلمين حبيبتي لا ما راجعت التبويض أخذت جرعه عاليه ٢٠٠ في اليوم وباليوم ٧و٨حدث جماع أتوقع فرصه حملي قليله

[آم سآرونه]

ياقلبي ربي يكتبلك الحمل السليم ياررب
حاولي تصالحي زوجك مهما صار هذا ابو عيالك
ومافي احد بدون مشاكل الصبر حلو ياقلبي
وان شاءالله قريب تبشرينا بالحممل يارررب

[ahlam-f]

اولاً حبيبتي قبل التفكير بالحمل فكري بمصلحتك مع زوجك انك ترجعي المياه لمجاريها .. ابدي بالصلح معه حااولي تكسبينه لمصلحتك لعلى وعسى يرضى ابتعدي عن اي شي يزعله خلي السعاده مايشوفه الا معك انتي لا تزيدي البعد عنكم علشان ماتخسريه .. وايضاء دامك اختي منشطات هذا الشهر يكون هدف مرضاته هدفين بدال هدف واحد .. وياارب يصفي القلووب وتحملين يااارب ..

[طيبتي غلطتي]

والله تعبت يا بنات تخيلو ليش تهاوشت معاه انه اتفقنا ندخر فلوس وقصرت علي نفسي وعيالي وبيتي كان مؤجر وخربان ورضيت اجلس فيه علي أساس نريح كم شهر ونبدي نبني اونشتري اخرشي يصدمني انه بيدفع مع إخوانه ويشترو بيت لإخوانه وأمه اللي كل واحد شهاده ورواتب وعندهم سرب أطفال وأهله مشاكل معاي من أخذته حتي السحر سوو وه لي حسبي الله ونعم الوكيل إخوانه حتي ورثه من أبوه تنازل لهم وبعد الحين يدفع بس خلاص مافيني اتحملهم

[أم.محمد]

والله حاسة بيك
الله يسهل لك اختي يارب ويفرج همك وكربك يارب الله لا يشمت بك عدو ولا صديق

[الأمورة سوس]

الله يساعدك

[ahlam-f]

الله يفرررج كربك ..

[ماء الغمام]

الزواج سكنة والفه قبل اي شي ثاني .. كيف مفكرة بالحمل من هالانسان اللي بتشتكي منه ايش ماكان السبب ؟؟؟

انتي الحين في مشكلة اكبر على حسب كلامك مو مشكله اذا راحت عليكي ايام التبويض او ما حملتي المشكله علاقتك مع زوجك

الله يوفقك ويكتبلك الخير ويألف بينك وبين زوجك وينور حياتكم

[دموع المهاا]

كـان اللـه في. عونك ..
والحمل لو ربي مقدره لك وكاتبه راح تحملي لو صار الجماع بيوم واحد قدرة اللـه سبحانه فوق كل شيء ..
الشي الثاني أجلسي مع زوجك ؤاتكلمي معه ليش عمل هالشئ ..
ؤانتي تقولين بيت لأمه مو لأحد غريب يمكن يبي يكسب فيها أجر ؤربي يعوض عليكم وعليه ويرزقك ببيت قريب أن شاءالله ..

[لمياء ماهر]

اختي خليه يدفع اللي يبي لاهله اهم شي انك ماتقصرين على نفسك وحقوقك اخذيها ترا يعتبر تنازل منك انك تقصرين ع نفسك وعيالك

انتي اهم شي لا عاد تقصرين بحقك وعيالك وماعليك من الظروف الايام تمشي ورزقها معاها واذا يبي يدفع لاهله خليه يدفع
مهما اهله اذووك لا تتمشكلي مع زوجك عشانهم اهم شي فكري ببيتك ونفسك وعيالك وزوجك وبلااااش تنازلات

[طيبتي غلطتي]

الله كريم الحين هجر حتي الغرفة ورايح راد يرمي كلام سم ويضرب عيالي حسبي الله ونعم الوكيل

[المهندسة ام تيم]

الله يهدي سركم حبيبتي والله يفرج عليكي
ان شاءالله تحملي لأن الحيوانت المنوية تعيش 3 ايام
وربي يرزقك ان شاءالله

[طيبتي غلطتي]

الله يسمع منكم اجمعيييين تعبت والله

[حبيبي عمور]

ياقلبي ربي يكتبلك الحمل السليم ياررب
حاولي تصالحي زوجك مهما صار هذا ابو عيالك
ومافي احد بدون مشاكل الصبر حلو ياقلبي
وان شاءالله قريب تبشرينا بالحممل يارررب

[طيبتي غلطتي]

الله كريم أدعو لي لأني بديت اتحطم منه وهو نائم طالع ماهمه وأنا دمعتي علي خدي حتي الأكل ما يجلس عالسفره لحاله يأكل والله مليت