المساعد الشخصي الرقمي

مشاهدة النسخة كاملة : استفسار بخصوص اكل بنتي بعمر 3 شهور ونص

الغاليه ~
10-02-2013, 08:46 PM
السلام عليكم بنات

حبيت استفسر بنتي عمرها 3شهور ونص وبديت شوي اطعمها تفاح مهروس واليوم جربت موز مهروس مع شويه حليب منفس النوع اللي تشربه .. سؤالي الحين هل عادي ابتدي اعطيها من هالعمر للعلم ماعطيتها كميات كبيره مجرد كم ملعقه عشان تتعود ع الاكل !!
إيـمـان
10-02-2013, 08:53 PM
اظن مافي مشكلة بس ما تكتري و راقبي رد فعلها بعد كل نوع اكل تعطيه اياها
هل تتقيأ ولا لا ، شكل البراز .. الخ

بس اظن الموز لسة شوي مو وقته.. استني شهر كمان

و الله يحفظلك اياها يارب
الغاليه ~
10-02-2013, 08:56 PM
مشكووورة اختي ايمان والحمدلله ماتقيأت بعد الاكل والبراز عادي
عيش الحياة
10-02-2013, 10:39 PM
الله يحفظها لك

ان شاء الله عادي بس لا تزيدي عن مرتين بالاسبوع لما تكمل الاربع اشهر

عن نفسي ابدأ بالفواكه لما يكمل الطفل الاربع اشهر وبالخضار لما يكمل الخمس اشهر
ام ريتان
10-02-2013, 10:47 PM
انتبهي لاتعطيها سيرلاك او بسكوت
عشان ماتجيها حساسية القمح ..
بعد ستة شهور افضل ...
الله يحفظها ويخليها لك...
dr.loly
10-03-2013, 12:14 AM
اختي يجب ان تستفيد من الحليب بقدر الامكان وماتستبدله بوجبات اخري
وحسب منظمة الصحة العالميه ابتداء افضل يكون من عمر 6 اشهر انا اشوف ان 3 اشهر ونص بعدها صغيره على الاكل ..
يمكن تبتدي تذويقها الاكل تذويق بس كخضروات مهروسه او فواكه او ارز مخصص لعمرها من نهاية الشهر الرابع ,, وهكدا
نور العمر
10-05-2013, 12:32 AM
انا نفس كلام اختي ام فراس ...

انا بنتي اذوقها الاكل من نهاية الرابع بس عشان تتعود على الطعم واشوف من شو تتحس وشو يلي بتقبلو ..وبالشهر السادس ابدا اعطيها وجبه باليوم وماتكون كثير وشوي شوي ازود الوجبات وتكون عباره عن خضار مسلوق وفواكه مهروسه ومهلبيه وسيريلاك انا اعطيت بنتي سيريلاك نهايه الرابع بس على خفيف يعني معلقتين تلاته اول اسبوع وبعدين اعطيتها وجبه باليوم ...

اتمنى تكوني استفدتي من الاجابات والتجارب ...
ام منايا
10-05-2013, 10:37 PM
انا بنتي عمرها اربع شهور لمن سالت الدكتور قالي لاتاكليها الين نص الخامس او بداية السادس
الغاليه ~
10-10-2013, 06:58 PM
يعطيكم العافية بنات وربي يخلي لكم عيالكم
cup cake
10-11-2013, 12:55 AM
ربي يحفظ لج بنوتجج يارب عادي اختي حاولى تعطينها و ماعليج من كلام الناس الى يقولج كلام الدكتور يقول من 6 شهور والله انا و اهلي و امهاتنا كلهم يطعمونا من 3 شهور و الحمد الله مافينا الا كل خير حاولى تعطينها با التدريج انا عني من 3 شهور بديت اعطي بنتي كمثري وتفاح مهروسين و موز و عقب بديت اعطيها بسكوت ميلوبا وفارليز و عقب شهر بديت اعطيها شوفان مع خضروات مهروسه و الحمد الله كلشي تمام
الغاليه ~
10-14-2013, 07:51 PM
مشكورة اختي كب كيك ويالفعل انا بديت اعطيها تاكل شوي عشان تتعود والحمدلله بس بديت بالتفاح المهروس وعقب جريت الكوسه المهرووسه والحمدلله ربي يحفظ لنا عيالنا