تجاربكم عن تحليل الحمل المنزلي

[مرايم الجابريه]

حبيباتي
نبي آرائكم عن التحاليل المنزليه
تجاربكم مع جهاز كلير بلو لكشف الحمل والاجهزه الاخرى
يالغاليات كل وحده تخبرنا عن تجربتها مع تحليل الحمل
متى عملت التحليل وكيف بين عدها وشو نوع الجهاز
وألي جربت ومابين معاها المنزلي تخبرنا عن تجربتها
عشان الكل يستفيد

[سُكينة]

هلااااااااا خيتووو ,, صباح الخيرات

أنا سويت تست منزلي بعد غياب الدورة بيوم ... ومابين معاي حمل طلع سالب اسم التحليل Speed check

والى الآن ماشرفت الدورة بس نزلت مني قطرات دم ووقفت مع العلم انه اليوم 5 من تأخرت ,, بس مادري قلت اليوم باحلل وباشوووف

الله يرزق كل مننظرة بحمل سليم معافى .. دعواتكم ليا

[الماسة26]

أنا استخدمت كلير بلو قبل الدوره بكم يوم وطلع خطين واحد خفيييييييييف وكنت حامل بس كان خارج الرحم

[مرايم الجابريه]

الله يرزق كل المنتضرات الحمل السليم
يارب
في نقطه اكتشفتها عن تجربه ان في فحوصات تأخر لين تطلع النتيجه
رغم انهم كاتبين عليه بعد 10 دقايق يبين وبعدها أنسي التحليل
كلير بلو يبين الحمل لو ضعيف بس يتأخر لكشفها أذا كان الهرمون ضعيف
يعني حطيه أكثر من 10 دقايق ولاحظي بعدين
انا جربته الشهر الماضي كم مره وفي كل مره أرجع أطالع ع التحليل من لهفتي
مارضيت أرميه شفته بعد ساعتين ونتيجته ماتغيرت حتى خط طبخر ماشي
يعني مايطلع خط.وهمي أبد
اليوم جربته طلعلي خط واحد بس خليته بعد نصف ساعه أو أكثر
بعدها بين الخط الثاني
يعني كلير بلو مايطلع خط وهمي أبد يعني تقدري تشوفي النتيجه حتى بعد ساعه
وتعتمدي عليها

[سُكينة]

خيتوووو يعني نقولك مبروووك ... حامل !!

[مرايم الجابريه]

يعني جهاز كلير تقدري تعتمدي عليه حتى بعد الوقت المحدد
لانه مايسوي بعد وقت طويل لاخط تبخر ولاخط وهمي ولاشي يظل
مثل ماهو مايتغير أذا مافي حمل
انشاء الله تكونوا حبيباتي فهمتوا علي
ألا مافهمت برجع أوضحها بحاول

[مرايم الجابريه]

الله يبارك فيك سكينه بين بس الخط ضعيف
انشاء الله بروح على المستشفى وبتأكد
بعدها بشركم بالاكيد

[مرايم الجابريه]

حبيباتي وين تفاعلكم في الموضوع
نبي الكل يستفيد

[عاشقة السفر]

طبعا اني خبرة بالتحاليل ههه بس حبيت تستفيدون .
انا بحملي ببنتي الدورة أتأخرت ٦ اسابيع ولا اهتميت لأني كنت صغيرة عمري كان ١٧! وبعدها استخدمت first response وبين خط علطول .
حملي الثاني الدورة أتأخرت أسبوعين استخدمت نفس الفحص وما بين معايه خط!
أما حملي بابني فحصت نفس اليوم استخدمت sure sign وبين خط علطول .
أما حملي هذا فحصت قبل الدورة بخمسة أيام ، وبين خط فاتح ، عدت الفحص بعد يومين استخدمت clear blue الديجيتال ، وبين اني حامل والتلقيح صار قبل أسبوعين
بالنسبة الي انصح كل وحدة تستخدم كلير بلو الديجيتال لا خط خفيف ولا شئ اذا في حمل حتى لو النسبة قليلة جداً راح يبين وراح يقولك كم اسبوع انتي، هو صحيح غالي بس أفضل نوعية.

[ayato]

مبروك حبيبتي يارب تكوني حامل لانو لو مش حامل مافي امل يضهر الخط الثاني

[الماسة26]

مبروك حبيبتي والله فرحتلك كثير مرايم عسى ربي يثبتلك حملك 9 شهور وتشوفي ضناكي بين إيديكي يا رب إنتي كم يوم ليكي من الابره التفجيرية ظهر النتيجة يعني متي عملتي الفحص؟

[مرايم الجابريه]

الله يبارك فيك أختي أيوتوا والله يفرحك بشوفت أبنك وهو سليم
معافى يارب
هو بين الخط أزرق أغمق في مكان ومكان ضعيف عشان كذه شفته
وانشاء الله بروح على المستشفى أحلل وأعمل باقي الفحوصات
وأخذ علاج مناسب لان بالعاده دمي يكون ناقص ومشكلة الثدي
مايكون الحليب أبدا

[مرايم الجابريه]

الله يبارك فيك حبيبتي أيوتوا
ايه الحمدالله بين خفيف وبالعاده مايبين أبد وتنزلي الدوره
انشاء الله بروح المستشفى وبحلل وبخذ العلاج لان عندي مشكله
ان دمي ناقص شوي

[مرايم الجابريه]

هلا حبيبتي الماسه الله يبارك فيكي
والله يرزق كل منتضره يارب
مشكوره يالغاليه ع مشاعرك النبيله
فديتك ماستخدمت الابره

[مرايم الجابريه]

يالغاليات وينكم نبي تجارب على التحاليل
نبي الكل يستفيد في بنات ماتعرف المناسب منها
أو كيفية استخدامها
أو عدم معرفة اي الفحوصات تبين بأول
ومتى تستخدم
نبي تجاربكم لكي الجميع ياخذ معلومات ويستفيد

[جمانة نور]

حبيبتي اسمحيلي اقولك انو كلير بلو يلي فيه علامة موجب عمل فيا بلاوي زرقا انا استعملتو مرتين مرة من 6 شهور ومرة من شهر في المرة الاولى كانت الدورة متأخرة 12 يوم وبعد نصف ساعة طلعلي الخط الثاني وكان واضح وخبرت زوجي ومات من الفرحة وفرجيتو إياه وشاف علامة موجب واضحة وفي اليوم الثاني نزلت الدورة فكرت انو إجهاض رحت على المستشفى عملولي تحليل رقمي قالولي مافي أي اثر لهرمون الحمل والشهر يلي فات كمان جربتو طلعلي الخط الثاني بعد 20 دقيقة فرحت كثير وكان باقي على الدورة 3ايام ونزلت في موعدها الحمد لله أني ماخبرت زوجي..نصيحة بعد عشر دقائق لا تقرئ النتيجة لانها رح تغلطك ومادام كاتبين في النشرة هيك يعني في خط وهمي رح يطلع لأنو جهاز كلير بلو كثير حساس للهرمون فإذا كان فيه حمل رح يبين في اول خمس دقائق
أسفة طولت عليكم وياااارب يرزقني وإياكم الحمل السليم الثابت المعافى لا زيادة فيه ولا نقصان

[سوزان الرياض]

التحليل الرخيص افضل من الغالي ويكشف الحمل اسرع هذا من تجربه خواتي

[مادونا سعوديه]

اولا مبروك مرايم ان شاء الله تطلعين حامل
بقولج تجربتي توها جديده طازه من يومين سويت التجربه الفرنسيه لفكشف الحمل في الموضوع الي حطته الاخت ميرفي وطلع لون البول لونه مثل الحليب البوني تكرم النعمه والجميع قلت يلا يا بنت انا موخسرانه شي عندي بالبيت تحليلين ابو عشره ريال قلت خليني اسويها امس اول ماقمت من النوم سويتها طلع خط واحد تركت التحليل بالحمام من قهري مارجعت شفته الا بعد اربع ساعات تذكرت جان اروح واشوفه شفت خط ثاني خفيف بس نفس اللون الاصلي وطرت من الفرحه عيشت روحي احلى يوم وتعاملت مع روحي على اساس اني خلاص حامل واحاول اني مااركض ومااصعد الدرج وايد بس ضليت طول الليل افكر قلت خليني اعيد التحليل مره ثانيه وسويته اليوم وماطلع غير خط واحد ورجعت له بعد ساعتين ماطلع حيل زعلت واتفشلت من روحي وبعدها قلت ياربي تفعل ماتشاء ولاتفعل مايشاء غيرك
طبعا انا موعد دورتي بعد اربع ايام

[مرايم الجابريه]

حبيبتي مدونا أنتي سويتي الفحص وايد بكيييير
انتظري في نفس يوم الدوره والصباح حللي ب كلير
وانشاء الله تكوني حامل وتبشرينا
أنا عملته يوم الجمعه باليل ومابين شي ويوم موعدها
عملته وبين خفيف
يعني لاتعتمدي ع الايام ترى الهرمون يكون ضعيف
حللي يوم موعدها وانشاء الله أطلعي حامل وتبشرينا

[مرايم الجابريه]

حبيبتي جمانه عملت الفحوصات الاشهر الماضيه مع كلير وذا الشهر بعد
عملته وكنت أراقب تغيره حتى بعد 10 ساعات كل ساعه تمر أشوفه
الجهاز ومالاحظت فيه اي علامه تبخبر أو خط وهمي أبدا أبدا يطلعلي مو
حامل وماتتغير النتيجه اطلاقا حتى بعد عدة ساعات
يمكن طلعلك مره كذه لانك ماكله شي أثر ع الجهاز لان يصير كذه أحيانا
وأنا أكثر شي خلاني أشك أني حامل وأعمل الفحص ان أمس طول اليوم
كنت استفرغ بشده 4 ساعات متواصله وأنا جالسه في مكاني واتبهدلت حيل
كانت تجيني أعراض وشكيت في نفسي ولا بديت استفرغ ألي أكله ومعدتي
ماتقبل أي شي عرفت أني حامل

[مادونا سعوديه]

حبيبتي مدونا أنتي سويتي الفحص وايد بكيييير
انتظري في نفس يوم الدوره والصباح حللي ب كلير
وانشاء الله تكوني حامل وتبشرينا
أنا عملته يوم الجمعه باليل ومابين شي ويوم موعدها
عملته وبين خفيف
يعني لاتعتمدي ع الايام ترى الهرمون يكون ضعيف
حللي يوم موعدها وانشاء الله أطلعي حامل وتبشرينا

الله يسمع منج يارب واطلع حامل بس انا اليوم حسيت انه خلاص مافي حمل وخصوصا لاني كل يوم اقيس درجة حرارتي والحمد لله الايام الي قبل كانت حرارتي ثابته بس اليوم قست الحراره انزلت شرطه واليوم على طول بردانه وريولي حسها وايد بارده وهذا الي مخوفني ان الدوره راح تنزل علي

[مرايم الجابريه]

في بنات يبين معاهم في جهاز معين
ومايبين معاهم في جهاز أخر
وفي بنات مايبين معاهم عن طريق تحليل البول
يبين معاهم في تحليل الدم فقط
كل هذي الامور لها علاقه بنسبة الهرمون
بوجوده أو ضعف وجوده أو عدم وجوده
ويعتمد ع الفتره ألي عملتي فيها التحليل
احيانا لو يكون متأخره الدوره بعده مايبين معاها
لان يكون صار الحمل متأخر معاها
الله يرزق كل المنتضرات الحمل السليم يارب

[مريومتو؛]

بناات وش رايكم لو سويت تحليل قبل الدوره ب6 ايام يبين معاي ؟؟
وياليت لو وحده مرت بهالتجربه وبين معاها تقولي

[مرايم الجابريه]

حبيبتي مريومتوا صبري شوي كم يوم
يوم موعدها تقريبا حللي وانشاء الله أطلعي حامل
وتبشرينا صبري بس 6 أيام وبتمر الايام بسرعه
الله يرزقك يارب

[أميرة دنيتي]

مريوم اني استخدمت الشهر اللي راح لأنا تأخرت علي يووم بس واستخدمت من اللي قيمتهم بعشرة ريال بس نسيت اسمة بس استعماله سهل ومريح والحمك لله بين معاي بس خط واحد ونزات الدورة في اليوم اللي بعدها يعني نتيجته صح والحمد لله على كل حال


وان شاء الله تحللي وتبشرينا يارب

[مريومتو؛]

يسلمووو مرايم واميره على ردكم بس مادري وش فيها الايام نايمه وماهي راضيه تمشي خخخ

[( ام يوسف )]

انا استعملت فقط تحليل الحمل كلير بلو اللي يكتب حامل او مش حامل مرتين
مره بعد زواجي ب 3 شهور بعد مااتاخرت الدوره 5 ايام وطلع مو حامل ونزلت الدوره ورا ساعه
وبعد 9 شهور من زواجي ايضا اتاخرت الدوره 6 ايام وجبت تحليل الحمل كلير بلو وطلعت حامل الحمد لله
الله يرزقكم الحمل السلييييييم يااااارب انتي وكل المنتظراااات
ويثبت حملييييي

[مرايم الجابريه]

تسلمي عيونه دنيتي والله يثبت لك حملك
ويثبت حمل كل وحده حامل وتفرح بشوفته في حضنها
وترزق كل وحده تنتضر الحمل ياقادر ياكريم

[Om Sheikha 2014]

انا استعملت فقط تحليل الحمل كلير بلو اللي يكتب حامل او مش حامل مرتين
مره بعد زواجي ب 3 شهور بعد مااتاخرت الدوره 5 ايام وطلع مو حامل ونزلت الدوره ورا ساعه
وبعد 9 شهور من زواجي ايضا اتاخرت الدوره 6 ايام وجبت تحليل الحمل كلير بلو وطلعت حامل الحمد لله
الله يرزقكم الحمل السلييييييم يااااارب انتي وكل المنتظراااات
ويثبت حملييييي


السلام عليكم ممكن اسأل من وين شريتيه انا بالرياض وحابه اشتريه

[مرايم الجابريه]

أخباركم بنات
وين ألي منورات المنتدى

[( ام يوسف )]

كارا حبيبتي انا عايشه بالنروج وموجود بالصيدلياات ولو هو غالي شويه بس ايريح ويختصرها
بس مااعرف اذا موجود عندكم او لا

[لولو قعد]

لو سمحتي هاد الفحص ئديش غالي يعني

[فاتن مهندس]

الموضوع اكثر من رائع