من ولدت بمدينة الملك فهد الطبيه ابي وحدة جديد ولاده

[ليان يوسف]

السلام عليكم حبيت احد يفيدني الولادة في مدينة الملك فهد الطبيه يدخل زوجك معك؟
كم يوم يخلونك جالسه عندهم بعد الولادة ؟
فيه ابرة ظهر ؟
اتمنى الافادة ...................hwaml13hwaml13

[غزالة]

وعليكم السﻻم ورحمة الله وبركاته
حياك الله اختي تعاملهم ممتاز .. والزوج ﻻ مايدخل الا إذا خلصتي
وإبرة الضهر ماأدري لكن مااتوقع عندهم ﻷنهم مااسألوني إذا ابي اﻹبرة أو ﻻ!!
والله يسهل أمرك و يهون عليك

[aljorey]

وعليكم السلام ورحمة الله،
سبق وان ولدت في مدينة الملك فهد تعاملهم رائع ،اما بنسبه لدخول زوجك فنعم زوجي كان معي مندخلت الولاده حتى خرجت لغرفة التنويم ،واما إبرة الضهر فمتوفره لديهم ع حسب طلب المريضه من الدكتور اللي تراجع عنده خلال فترة الحمل ،انا قبل اسبوع كان لدي مراجعه ف طلبتها من الدكتور بادي البقعاوي وذكر لي انها متوفره ونصحني باخذها قبل الولاده ،سهل الله امرك وامر كل حامل
تقبلي ودي ..

[Orchid109]

موفقة يارب

[عطر الربيع]

الله يسهل امورك قلبي

[وردة المحبه]

بنات انا ودي اولد بمدينه ملك فهد واليوم اتصلت عليهم وقالي اذا مو فاتحه ملف وولدت عندهم ادفع 5الاف للطبيعي و6 للقيصريه واذا فتحت مجاني السؤال هو حكومي ولا ؟

[ليان يوسف]

وعليكم السﻻم ورحمة الله وبركاته
حياك الله اختي تعاملهم ممتاز .. والزوج ﻻ مايدخل الا إذا خلصتي
وإبرة الضهر ماأدري لكن مااتوقع عندهم ﻷنهم مااسألوني إذا ابي اﻹبرة أو ﻻ!!
والله يسهل أمرك و يهون عليك

الله يحيك الحمدالله طمنتيني ...وليه مايدخل طيب انا ماعندي احد اهلي موعندي ياربي سهل علي يارب مالي احد غيرك ....................................والابره ليه انشالله ماعندهم ....
امين حبيبتي والله يجزاك الف خير

[ليان يوسف]

بنات انا ودي اولد بمدينه ملك فهد واليوم اتصلت عليهم وقالي اذا مو فاتحه ملف وولدت عندهم ادفع 5الاف للطبيعي و6 للقيصريه واذا فتحت مجاني السؤال هو حكومي ولا ؟

اختي وردة المحبة : نصيحة خذيها مني لوجة الله لا تسوين الحركة هذه نظام اني لاجاني الطلق رحت ولدة عندهم وادفع لهم 5000 لا ماراح يولدونك كم سالفه سمعت جديدة بها الموضوع يعني وحده جت تعبانه وكذا وقالت لهم اني ابي اولد وكذا مارضو قالو لازم ملف طيب هي بتولد قالت لهم قالو لها لسى مفتوح 2 زي ماانتي قدرتي تجين المستشفى تقدرين تروحين مستشفى ثاني ماعندك مشكلة انشالله فلا تتوهقين انشالله انه يمديك جيبي لك واسطة او تحويل من مستوصف قريب للنمستشفى المدينة والله يسهل عليك وعلينا يارب .....المستشفى حكومي بس مايقبلون اي احد الله يوفقك الجميع يارب ويتممم علينا يارب ...hwaml13hwaml13hwaml13

[ليان يوسف]

وعليكم السلام ورحمة الله،
سبق وان ولدت في مدينة الملك فهد تعاملهم رائع ،اما بنسبه لدخول زوجك فنعم زوجي كان معي مندخلت الولاده حتى خرجت لغرفة التنويم ،واما إبرة الضهر فمتوفره لديهم ع حسب طلب المريضه من الدكتور اللي تراجع عنده خلال فترة الحمل ،انا قبل اسبوع كان لدي مراجعه ف طلبتها من الدكتور بادي البقعاوي وذكر لي انها متوفره ونصحني باخذها قبل الولاده ،سهل الله امرك وامر كل حامل
تقبلي ودي ..

ياعمري hwaml13hwaml13hwaml13hwaml13hwaml13hwaml13الله يسعدك وين ماتروحين يارب طمنتيني الحمدالله الحمدالله ياربي سهل علينا وتمم علينا بكل خير يارب

[toome]

ايوا فيه ابرة ظهر انا اتابع عندهم وطلبت الابره وحطوها بملفي بالولاده اخذها ان شاء الله



اما من ناحية الزوج مدري انا بكريه



اما من ناحية حكومي يب هوا حكومي بس مايقبل اي احد الا بواسطه او تحويل او حاله طبيه مستعصيه
انا دخلته بواسطه وخدمته جدا رائعه دعواتكم ربي يسهل لي واولد واكتب لكم قصة ولادتي

[وردة المحبه]

لا انا ودي افتح ملف لكن قالي مواعيدنا بعد 3شهور واخاف اولد قبل (وكيف يعني واسطه يعني مقدر افتح ملف الا اذا اعرف احد )؟؟؟؟؟؟؟؟


ودي اولد بذذا مستشفى لانو اكثر مستشفى حكومي مدحوني ايه وابي اولدبرياض جنب اهلي انا اللحين بلقصيم ومتلعوزه بمستفى خاص فنصحوني الله يسهلكم ولدتكم

[اميرة حبيبها]

بنات ابي افضل طبيبه في المدينه