طلبتكم موضوعي اتعب نفسيتي مررررره ساعدوني

[دقات قلبي تحرسك]

السلام عليكم كيفكم جميعا
أنا عندي مشكله ولسى ماانحلت
متزوجه من4 سنوات وعندي بنت ومن بعد ولادتي بكذا شهر وأنا مو عاجبني وضعي حاسه بتتغير في نفسي والمنطقه هذيك احسها رايحه فيها مدري ليش ورحت لدكتوره وقالت معاك التهاب وعطتني علاج وبعدها رجعت لنفس المشكله افرازات ورطوبه دايما مع إني اهتم فيها وانظف وغسولات

وترى كنت مهتمه بنفسي فالنفاس
عطوني حل تكفون للرطوبه ولتوسع احس اني متوسعه او من الرطوبه والله مادري


تفشلت من زوجي وماعاد ابيه يقرب مني وتعبت نفسيتي


تكفون تكفون وطلبتكم والله يخلي لكل وحده غاليها ابيكم تساعدوني ومحد يكون عنده مساعده ومايساعدني والله محتاجه وبدعيلكم والله يفرج لكم جميعا

[كلـي أمل]

والله م اعرف يالغلا ..اعتذر
ان شاء الله البنات يفيدونك..

[بحــ العيون ــــــــر]

ماااااااااااااعندي أي معلووومه ان شااااء الله غيري يفيدك

[دقات قلبي تحرسك]

يعطيكم العافيه وشكرا ع مروركم
معقوله محد يعرررررررررررف

[دقات قلبي تحرسك]

ارفعو موضوعي

[الأمورة سوس]

الله يساعدك حبيبتي
لو تنقلي موضوعك لقسم ثاني أتوقع بيكون في جواب
زي قسم النفاس اتوقع بيساعدوك لان هذا اثر مابعد الولادة
و يبقي لك رعاية
فأكيد الي ولدو لهم خبرة

[سوزان الرياض]

سوي تجميل واذا ماتقدرين
جربي تحاميل جانيو دكتارين واستخدمي المره مثل الغسول
الله يشفيك

[Orchid109]

انا سمعت عن المرة انها كويسه للتضييق
بس مو متاكدة منها

شوفي حبيبتي بالنسبة فيه اشياء ممكن تغفل عنها الحرمة وماتحس باهميتها
اولاً الغسولات هي الدمااااااااااار الموت الحمر

يعني اول شي انها تقتل الحيوانات المنوية فما بالك باضرارها الثانية ؟!

الشي الثاني بالنسبة للالتهابات جففي المنطقة وخليها تتهوى شوي والبسي شورت قطني لفترة

ابعدي عن خلطات المنطقة
اذا لبستي كلوت عليك بالفوط اليومية تجفف المنطقة وكويسة ان شاء الله

هذا اللي عندي

<<<<< إسمحيلي يالغلا راح انقل موضوعك لمنتدى النفاس حتى تلاقي اكبر قدر من الاجابات

["ام تولين"]

حبيبتي
تبخري بالمره وقشر البصصل والكمون تضيق المنطقه

[نانا22]

حبيبتي بعض حبوب منع الحمل تسبب الرطوبه واكل الفواكه والزبادي واللبن والخيار وقت الدوره تسبب الرطوبه وانتي استخدمي تحاميل المره مع الملح الخشن مع المحلب وقشور الرمان تعجن بالعسل وبعدين استخدميه راح تنزل كل الرطوبه الي فيكي وعند استخدام التحاميل حطي فوطه ولا تتفاجئين من الي راح ينزل منك وتحاميل المره تعالج التهاب واهم شي تكون ملابسك الداخليه قطن لانه تسمح للمنطقه التهويه وتكون ناشفه اتمنى اني اكون افتك بشيء وطمنينى عليكي

[كآبتشينو]

ماتشوفين شر حبيبتي .. ايام الدوره اشربي كوب حليب حار معه ملعقة زنجبيل وملعقه فلفل ابيض .. طبعا ملعقه صغيره

صح الطعم حار بس مفييد جدا وراح تحسين بفرق .. واشربيه كل يوم لين تخليصين دوره

ولاتشربين غازيات ودفي نفسك وان شاء الله مافيك الا الخير

[دقات قلبي تحرسك]

الله يجزاكم الف خير جميعا

والله انبسطت بردودكم واحس بحماس للعلاج وراحه



ويعطيك العافيهorchedع نقل الموضوع ماقصررتي


واللي قلتي لي عن التحاميل ودي اسويها وخايفه
وانا الحمد لله اتدفا بوقت الدوره واشرب حار
بس الكلوتات القطنيه كيف اعرفها إنها قطنيه وأصليه


الله يسعدكم يارب وغن شاء الله بسوي اللي قلتوه وبنتبه لنفسي لكم كل تحياتي

[دقات قلبي تحرسك]

والتجميل المفروض مسويته وبنتي صغيره بس الحين كلها سنتين وبحمل إن شاء الله ومابي عمليات يكفي الولاده موت الخياطه اللي يجزانا الجنه إن شاء الله

[Orchid109]

الكلوتات القطنية تلاقينه مكتوب عليها قطن ١٠٠٪

بس انا لاحضت شي انو اللي عندنا ماتكون قطنية مئة بالمئة

شوفي بنصحك نصيحة لاتضحكين علي بس لمصلحتك
تعرفين سراويل الرجال البيضاء القطنية حقت دروش هي قطن مية بالمية لاتقولين هااااااااااااااه
ايه انا استخدمها ومرتاحة جداً عليها
بس انا دوامي طويل البسها ومرتاحه ونظافة وربي

حاولي تشتريها والبسيها وقت زوجك مايكون موجود اذا دوامه طويل او ماهو موجود ووقت الحر عرفتي ~

واذا جا زوجك ممكن تستبدليها

انا بالنسبة لي لجئت لها ليش لاني مالقيت شورتات القطن الاصلية

[دقات قلبي تحرسك]

ياحبي لك هههههههههههه
والله فكره صراحه إذا بتنفع
لإن من جد صادقه كل ماشتري شي يقولون 100 ب100 ونصابين

الله يجزاك خير



ويا نانا أبشرك ماشيه ع نظام وبطمنك إن شاء الله عسى ينفع

[اغآني الشتآء]

انا استخدمت المره كغسول فتره النفاس وحسيت انها تشد وفعلا هي تضيق المنطقه واذا حابه هالطريقه استخدميها بنهايه كل دوره وبتشوفين النتيجه و ع فكره ترﯼ المره تعتبر مضاد

[نانا22]

الله كريم وان شاء الله نسمع العلوم الطيبه وبلنسبه للكوتات حقت سنتر بونت ممتازه

[دقات قلبي تحرسك]

مشكوررره نانا واغاني الشتا
بسألك عن المره احطها في موية صحه واشربها يقولون ممتازه مره للتضويق والافرازاتت مدري احد جرب والا لا؟

[دقات قلبي تحرسك]

ررررررررررررررررررررررررررررررررررررررررررفععععععع عععععع

[منة الله *]

سلام اختي هلا دخلت وشفت موضوع وانشاء الله افيدك
أول شيء ابعدي عن المنظفات حصلتلي تقريبا نفس حالتك ورحت كم دكتور وسافرت وعالجت في كم دولة وكانو بيشخصولي على انها التهابات مزمنه واتسببتلي فرحه المهم إلى يوم كنت عند الكوافير وتعرفت على مغربيه هناك وكان على يدها شفايا بعد الله بالنسبه للتوسع أنتي تشعري بهالشيء من كثر الرطوبه ..المهم البسي ملابس داخليه من القطن واحرصي على التجفيف وبدل ماتغسلي بالغسول هاتي عشبة (اكليل الجبل ) شاغليها شويا من ثمانقعيها وتلافي بيها 3 مرات فاليوم وتروحي *للعطاره وتشتري عشبه تسمى ( الخزامه ) تأخذني منها كميه قليله وإليها في ماء اشربي المنقوع كأسه الصبح وكأس قبل النوم والعشبه هاتي شاش واعمليه مثل حجم المدس وضعيه في الوسط واحرصي ان تكون العشبه ساخنة واجعلي قطعة الشاش خفيفه حتى تصل السخونة إلي المهبل وتنامي بيه كرري العملية لمدة الشهر باذن الله ستشعرين بالتحسن تدريجيا ﻷن عشبة الخزامة تمتص الرطوبة وتشكيل الالتهابات صدقيني اختي أنا كنت في حاله سيئة ألين ربي فتحها عليا وتقابلت مع هذي اﻷخت والمعروف عن المغربيات امتيازهن في طب الاعشاب أنشاء الله أكون افدتك بشي تمنياتي لكي بالتوفيق

[ريتاال]

الغسوﻻت والمطهرات ابتعدي عنها . استبدليها بمويه مع ملح خشن ومره

[فرآشه]

كل 3 ايام توضي بالمره مره ممتازه

[دقات قلبي تحرسك]

ريتال وفراشه شكرا لكم




منة الله يعطيك الف عافيه ع الطريقه بس مافهمت عليك حبيبتي
والله يسعدك أبي شرح اكثرررر